轉讀保良局林文燦英文小學好嗎?

快的好返

tulipyk,

你仔仔有冇同你講有個 3 年級女同學一齊補習呀 ? 我就係呢個 3 年級同學家長啦, 我囡囡話你仔仔今日講, 佢去左另間補習社, 可以講我知邊間嗎 ? 我地昨日才交了十月份補習費, 昨晚呀女就話我知, 日日補習呀sir 都比答案抄, 係一開始就抄, 真係太差了 ~~:evil:

hugomum

實在太好,居然可以係到相認番~

快d好番:你有無參加東亞接力呀??
我大女以前係香港讀書時,比人地補習成績無乜進步,因為我當時要番工只係當有人教佢做功課同佢檢查手冊,但e家我做咗全職主婦之後,先發覺自己教仔女真係會用心好多,雖然.....好多時都會發忟 憎!

tulipyk

嘩!真開心居然在這裡見到你!我地在補習社都有一臉之緣，當時我只是問程況而你已經比錢。

我對這間補習社真係好失望!我巳經同佢地講仔仔做野好慢，叫佢地留意，過咗一個星期去到接佢，佢先剛做完功課，但你知他們每日只有3樣功課，有時還要我等他一陣先做完。但仔仔是每日在那裡逗留3小時。有時連功課都未做完要我返屋企再同佢做。之前我巳經在導師面前鬧仔仔何以用3小時做3樣功課。我又見到仔仔功課的答案同佢D一模一樣，連作句都係。所以我決定自己睇返。

而家仔仔係我自己睇，冇去第二間補習社。

[ 本帖最後由 tulipyk 於 09-10-7 15:29 編輯 ]

berthalai

原帖由 tulipyk 於 09-10-4 17:26 發表
我個仔讀P2b，原來你都係插班生，等我仲意為你是原校生，你比我知好多嘢!
我地抽中咗，有得傳送東亞聖火，傳唔到奧運都傳下亞運 ，你地有冇抽呀? ...

Hi Tulipyk Ma Ma,
我仔仔都係讀P.2B, 因我是要上班家長, 所以無參加傳送東亞聖火,  我仔仔叫BYRON FUNG  (馮梓博), 不知你仔仔同BYRON 熟唔熟,  可以交換電話嗎?? 很高興認識你們, 有時也想問下D同學仔D功課, 因為有時問BYRON 佢有些都不很清楚, 而且我真係認識好少家長, 對學校的動向都係知道很少呢!!

tulipyk

好高興認識你，我仔仔叫 Jeanus Shum, 等我返去問下仔仔同BYRON 熟唔熟先，我只知道佢最熟的同學仔叫Justin 及Angie.

我在開學時都識到個同學仔Jacky's媽咪，好彩有佢如果唔係，頭兩日的功課就交唔到，因仔仔完全冇寫手冊及冇underline的字做功課，因佢唔明咩叫underline 。我都係在職媽媽，所以我都好明白你。 你check pm，我會給你我電話，你有任何問題可以打比我，交流心得都ok嫁，但我怕我幫唔到你。

快的好返

tulipyk,

如果我地再見到, 妳會唔會認得我呀 ^.^
我對呢間補習社都好失望, 不過暫時都仲要幫襯佢
有一日同呀囡講起你個仔, 佢問我知唔知呀xx 做一版工課要幾耐呀 ?  我講要半個鐘呀, 佢話要一個鐘呀

關於評估, 跟據去年上學期經驗, 係評估前一兩個星期已經冇敎新野, 每日係重温評估內容,而考卷形式, 我都唔知, 因為冇派回家

有接返學既媽咪, 你地覺唔覺學校o個招"叮噹叮噹"好洗得 ? 我第一次見o個時真係嘆為觀此, 好佔呀

tulipyk

快的好返,

我認人好差嫁，你唔好考我啦!

我都覺得o個招"叮噹叮噹"好洗得，當我第一次聽到"叮噹叮噹"的時候，我以為校鐘壞咗，要老師扮， 之後見到d同學仔的返應同佢地即刻醒神晒，就知我自己唔會咗，哈哈!

多謝你的意見，我依家知道大約點同小朋友温書。你知啦，我仔仔好慢嫁，要同佢開始温書啦!

hugomum

各位媽咪:

你地係咪全部都係奏小朋友返學或放學ka??

因為我都係自己奏,其實好小見到香港人家長,所以都好希望認識你地呀!

可否交流多d呀?

hugomum

原帖由 berthalai 於 09-10-7 22:23 發表


Hi Tulipyk Ma Ma,
我仔仔都係讀P.2B, 因我是要上班家長, 所以無參加傳送東亞聖火,  我仔仔叫BYRON FUNG  (馮梓博), 不知你仔仔同BYRON 熟唔熟,  可以交換電話嗎?? 很高興認識你們, 有時也想問下D同學仔D功課, 因 ...

哈哈....原來我個仔都認識你個仔ka~

hugomum

我無辦法sd 段影片比你地呀?
因為太長唔可以用e-mail,有無咩方法或者提議可以sd比你地呢??

快的好返

可唔可以放上 youtube ? 我都想睇

berthalai

原帖由 hugomum 於 09-10-8 21:34 發表
各位媽咪:

你地係咪全部都係奏小朋友返學或放學ka??

因為我都係自己奏,其實好小見到香港人家長,所以都好希望認識你地呀!

可否交流多d呀?

Hi Hugomum,
我都係要返工, 所以認識同學仔的mama 真係好小, 仔仔讀2B叫馮梓博, 不知HUGO 讀那一班, 如果是同班就可以交換下電話呀!

berthalai

原帖由 berthalai 於 09-10-7 22:23 發表


Hi Tulipyk Ma Ma,
我仔仔都係讀P.2B, 因我是要上班家長, 所以無參加傳送東亞聖火,  我仔仔叫BYRON FUNG  (馮梓博), 不知你仔仔同BYRON 熟唔熟,  可以交換電話嗎?? 很高興認識你們, 有時也想問下D同學仔D功課, 因 ...

Hi Tulipyk Ma Ma,
我PM 了電話給你,  不知你有無收到,  因PM完我也不肯定, 我仔仔原來有提你仔仔個名呀!!

berthalai

原帖由 hugomum 於 09-10-9 19:58 發表
我無辦法sd 段影片比你地呀?
因為太長唔可以用e-mail,有無咩方法或者提議可以sd比你地呢??

HI hugomum,
好呀!! 請都PM 給我呀!!

maxims

原帖由 快的好返 於 09-10-9 22:53 發表
可唔可以放上 youtube ? 我都想睇

YOUTUBE 好辦法

hugomum

已經全部pm比你地,你地可以click去睇下,見唔見你地d小朋友,不過可能拍得唔好wor,唔好見怪

tulipyk

berthelai

我收到你的pm啦!仔仔話識Byron，我一講佢就就話我知我知。

hugomum
唔該晒你，等我去睇睇先!

myrchan

本來我都幾喜歡這所小學,不過,我老公聽完簡介會就話好大部分同學屬南亞衮,好担心佢地係土生土長香港人,都係講中文,又好担心佢地唔知記律好唔好,是否注重學業,驚住好既唔學,壞既就學齊。(唔好意思,唔係岐視,純粹想了解真實情況會否是這樣)

請問各位lmc家長,以你地所見所聞,是否有我老公憂慮的情況?

另派位問題,你們有沒有担心,始終係新校,計banding唔著數。

tulipyk

我今日終於相認了 "快的好返"媽咪，仲一齊搭小巴返工。

myrchan,

雖然學校有好多係南亞裔人，但他們都很乖。他們都是講英文，有時仔仔返屋企後會問我一些句子點用英文講。因我仔仔是弟一年讀依間學校。今日小二有默書，我就見到南亞裔的男學生自已攞書讀。每日早上返學校，我地會見到南亞裔的學生幫生我地量體温，好乖嫁!

loklok0104

原帖由 tulipyk 於 09-10-7 15:21 發表
嘩!真開心居然在這裡見到你!我地在補習社都有一臉之緣，當時我只是問程況而你已經比錢。

我對這間補習社真係好失望!我巳經同佢地講仔仔做野好慢，叫佢地留意，過咗一個星期去到接佢，佢先剛做完功課，但你知他們每日只有3樣功 ...

請問你可否PM我係邊間補習社呀? 因為我最近係九龍城果頭搵緊補習社, thanks!