請問有無融合教育做得好嘅小學（港島區）介紹？

gho

我個仔有發展遲緩及ADHD, 今年升讀小三。 功課一路都追得好辛苦 （我這個做媽咪就更辛苦 ）。 佢間學校雖然話有調適，但極之有限，而且反映了好多需要都話唔改得。例如阿仔唔能夠看一大堆密密麻麻嘅字，我問學校可否將張卷嘅字放大啲，又或者加多啲空間都話唔得。 最傷心嘅係學校年年升佢班，原因係話留班幫唔到我個仔，唔好「浪費佢啲時間」喎。今年派成績表時，學校還建議我們考慮幫阿仔轉讀特殊學校， 話對阿仔嘅學習可能好啲。

其實我覺得阿仔唔係咁差，平時都幾精靈，同人嘅對答有時還叻過我。 只是一去到讀書便好似有啲嘢'Kick' 住咁。 由於個仔發展遲緩， 屬有限智能， 所以唔可以界定佢喺學習障礙 （但佢有齊學障嘅特徵和困難）。我仍然希望阿仔可以繼續讀主流學校，但我唔知轉讀特殊學校喺唔喺對佢好啲。我內心都好矛盾，希望大家可以俾啲意見我， 或者介紹一些學校俾我參考。

patpat234

你想搵邊區?
以我所知,筲箕灣祟真同小西灣培僑做融合教育做得都唔錯.

我大仔9月會升讀培僑小一.

原帖由 gho 於 09-8-19 23:09 發表
我個仔有發展遲緩及ADHD, 今年升讀小三。 功課一路都追得好辛苦 （我這個做媽咪就更辛苦 ）。 佢間學校雖然話有調適，但極之有限，而且反映了好多需要都話唔改得。例如阿仔唔能夠看一大堆密密麻麻嘅字，我問學校可否將張卷嘅 ...

gho

多謝妳的回覆， 其實我都是住東區的。  我聽說崇真因為升上了Band 1, 所以現在的程度深了。 而培僑有很多有特別需要的仔入讀， 現在有點兒 overload。  不知事實是否這樣。  唔知有無這兩間學校的家長可以分享一吓呢？

patpat234

2個都是事實.

融合教育官立學校資源最足夠

我仔仔只是自閉症傾向,及需要情緒輔導,我估計可以得到o既服務唔會好多.

你介唔介意講下你小朋友咩事?

因為就我知道我識的,今年小一有特別需要已經有4個.

原帖由 gho 於 09-8-21 22:14 發表
多謝妳的回覆， 其實我都是住東區的。  我聽說崇真因為升上了Band 1, 所以現在的程度深了。 而培僑有很多有特別需要的仔入讀， 現在有點兒 overload。  不知事實是否這樣。  唔知有無這兩間學校的家長可以分享一吓呢？ ...

kikiboy

原帖由 gho 於 09-8-21 22:14 發表
多謝妳的回覆， 其實我都是住東區的。  我聽說崇真因為升上了Band 1, 所以現在的程度深了。 而培僑有很多有特別需要的仔入讀， 現在有點兒 overload。  不知事實是否這樣。  唔知有無這兩間學校的家長可以分享一吓呢？ ...

我都係住東區, 我仔仔言語delay學嘢冇問題, 今年揀小學, 聽你咁講崇真都係幾好嘅選擇喎, 既升上band 1, 融合教育資源又足够. 咁請問培僑係屬於band幾呀? 培僑近我屋企多d.

hinhinmummy

原帖由 gho 於 09-8-21 22:14 發表
多謝妳的回覆， 其實我都是住東區的。  我聽說崇真因為升上了Band 1, 所以現在的程度深了。 而培僑有很多有特別需要的仔入讀， 現在有點兒 overload。  不知事實是否這樣。  唔知有無這兩間學校的家長可以分享一吓呢？ ...

你個仔依家已經升小三, 你不如看下邊間做溶合好既肯收你個仔好過啦

我識一個媽咪, 佢由西區搵到落東區, 得一間肯收佢仔, 還要有一d 係出名收我們d仔, 話晒有愛心的學校都吾肯收

普通小朋友, 係小三已經難轉校, 還要係special 仔, 更加難

有無試過問教育心理學家可以點做?

gho

請問你認識的那個媽咪轉讀了邊間？ 有朋友向我提及過中西區的新會商會學校， 無知好不好呢？

原帖由 hinhinmummy 於 09-8-26 15:03 發表


你個仔依家已經升小三, 你不如看下邊間做溶合好既肯收你個仔好過啦

我識一個媽咪, 佢由西區搵到落東區, 得一間肯收佢仔, 還要有一d 係出名收我們d仔, 話晒有愛心的學校都吾肯收

普通小朋友, 係小三已經難轉校,  ...