3-4YRS 小朋友學緊乜課程

Minniechung

各位媽咪依家俾緊乜野課程小朋友讀,  FOR 佢地見小學时有用,  聽有D媽咪講,  如要考入名校.  要有兩個音樂和一個運動的證書.  係咪真的.  我都唔知俾乜個女讀好

Minniechung

SHARE 大家小朋支讀乜課程,  真係甘難.  唔通有D家長唔想俾人知.

Rainky

音樂方面,可以考慮學樂器
普遍黎講小提琴,鋼琴呢D
又或者其他有音樂試都已經不錯啦
起碼有試考,有証書
最緊要有興趣,學得好,成績考得好
睇小朋友興趣去揀啦
因為學樂器唔係一年半年o既事
冇興趣都可能幾辛苦

又或者參加一d合唱團
有d地區合唱團都好幾ga
上網搵下都有唔少

其實學一d長期課程
小朋友亦可能有機會參加比賽或考試
如果只係短期課程
未必會有比賽或者考試
可能只係得出席證書,又或者課程畢業證書

又或學跳芭蕾舞/中國舞/jazz
呢類舞都會有考試,合格就有證書啦

Rainky

體操總會o既課程都有證書,不過當然要考試合格啦
http://www.gahk.org.hk/right01.htm

不如你睇下囡囡鍾意咩體育活動,先幫佢搵下啦
有d體育機構(總會)o既課程都有證書ga,可以上網搵下

Minniechung

RAINKY 真係多謝你既回覆.
我女女依家只係學緊柏斯音樂,  我諗住同佢報BALLET,  DRAWING,  MATH, PHONICS, 普通話等.  但係樣樣都報真係好金.  所以要集中甘報.  邊D幫到小學先報.

Radiomama

3-4歲的小朋友, 可以學好多課程or活動, 不過也可以集中火力, 不是指金錢而是精神!

我最近幫仔仔做portfolio, 就不停思考, 要放什麼在當中? 如果樣樣活動都放入去, 會否令人覺得小朋友的生活好辛苦?  再細想, 咁我咪曾經令阿仔好辛苦呢?

柏斯的音樂課程是一個好的開始, 那就不如集中音樂去發展吧!

體育方面, 女女有何需要或興趣呢?  我仔氣管敏感, 所以我們聽醫生吩咐去游水, 由3.5歲開始游, 不經不覺已一年, 今個暑假一星期游三日.  不是為考小學, 而是為健康.

畫畫, drama也曾參加, 過後發現其實不會用果d證書, 因他只屬起步階段, 不提也罷!

k2這一年, 不少同學集中火力參加朗誦班, 朗誦比賽, 時間和金錢的投入都不少, 這視乎孩子的能力和興趣, 一試無妨, 但坊間太多呃錢比賽, 有些是參加了也不想放入portfolio的!

英文數學等"補充"班, 要看你打算考哪一類小學, 有些學校不喜歡小朋友咁細個就去補底, 也有些家長幫孩子補了又會選擇不透露, 所以可以三思, 不要人報你報!

不要只想著報小學, 也要想一想你希望女女怎樣呢?  升小學之後仍會學音樂, 芭蕾舞, 畫畫嗎?  會否有些留待上小學才學呢?

有感而發, 請恕我多口.

sunflowersg

很赞同你的意见。
不知道你是否熟悉黄埔附近的音乐和绘画中心？ 哪间比较好？ 好像有“刘诗昆钢琴中心”，不知道老师如何？
谢谢！

原帖由 Radiomama 於 09-8-3 22:35 發表
3-4歲的小朋友, 可以學好多課程or活動, 不過也可以集中火力, 不是指金錢而是精神!

我最近幫仔仔做portfolio, 就不停思考, 要放什麼在當中? 如果樣樣活動都放入去, 會否令人覺得小朋友的生活好辛苦?  再細想, 咁我咪 ...

Minniechung

[quote]原帖由 Radiomama 於 09-8-3 22:35 發表
3-4歲的小朋友, 可以學好多課程or活動, 不過也可以集中火力, 不是指金錢而是精神!

我最近幫仔仔做portfolio, 就不停思考, 要放什麼在當中? 如果樣樣活動都放入去, 會否令人覺O

多謝你Radiomama,  我唔會覺得人地俾意見你係多口.  我反而好多謝你的分享.   你講得,  真係唔好為左報小學而報,  但哩樣又係好現實既野,  你無的,  人地就唔收.  所以個個課程我都要聽左TALK和理解左先決定俾個女去報,  有D課程我都唔知岩唔岩佢的,  所以我會俾幾個月時間佢試,  一唔得或佢唔鐘意我就會stop.

Radiomama

I have no idea at all!

不過"朗誦"、上台的經驗也許可以幫小孩大膽一點，對面試有好處吧!

原帖由 wootaitai 於 09-8-4 02:11 發表
其實拿好多朗誦獎是否對小一有用？
幾多才夠？

Rainky

若果你真係唔知揀咩活動好
不如睇下你心儀o既小學有咩校隊
不妨從中參考一下揀咩課外活動!
因為將來係小學可以入返校隊,代表學校比賽ma!
亦有機會成為間小學想搵o既"人才"

最緊要的都係小朋友o既興趣!
小朋友有興趣,肯成日練習,又有心機上堂
無論對小朋友,老師,家長都係好事
不但唔使晒學費,勤練習又會進步得快d

其實除左聽talk了解課程
有d機構仲設有試堂(有d免費有d收費)
報名參加活動時不妨先行查詢!
而且報課外活動唔一定要揀d機構名氣大
有d機構雖然冇咩名氣,
但一樣亦都質素好,師資好,老師仲好有心機教!
而且學費平一截呢!

Minniechung

原帖由 Rainky 於 09-8-4 20:47 發表
若果你真係唔知揀咩活動好
不如睇下你心儀o既小學有咩校隊
不妨從中參考一下揀咩課外活動!
因為將來係小學可以入返校隊,代表學校比賽ma!
亦有機會成為間小學想搵o既"人才"

最緊要的都係小朋友o既興趣!
小朋友有興趣 ...

你真係一個最足功課既媽咪,  勁.   真係無諗到從校隊著手.
真多謝你提點, 感激.