12網小一選校

燕尾蝶

1).呢個校網有咩好學校可以選擇呢?
2).大抽獎應該怎樣填寫志願.
pls help.

臻媽

大部份人熱門之選:

男校 -- Wah Yan & St Joseph

女校 -- Marymount, St Paul Catholic Primary & St Francis

男女校 -- 軒尼詩官小 (上午比較上多人選D)

你心目中想選邊間??

原帖由 燕尾蝶 於 09-7-30 12:51 發表
1).呢個校網有咩好學校可以選擇呢?
2).大抽獎應該怎樣填寫志願.
pls help.

ggoo

我女出年都會報讀小一,我本身住TKO,我諗住出年響灣仔租樓住報小一.聖方濟各是我首選,軒上是第二選.唔知好唔好呢?
我女性格好動活潑,鍾意同男仔玩多過同女仔玩.聖方濟各是女校,我怕我女唔鍾意,軒上好多男仔,好少女仔,我又怕個女更加好動,好矛盾.唔知出年幾時開始要租定樓呢?
基灣小學(愛蝶灣)都是我既心水之選,可惜第一志願好難入.反而灣仔個D放第一志願易入D,所以我就諗住搬去灣仔住,再跨區揀基灣小學,唔知我咁諗啱唔啱呢.

臻媽

但9月你要交表, 要有地址證明, 你仲未轉嗎? 到大抽獎(約1月交表)時再轉好麻煩吧!!

NET 12已經好好, 仲乜仲有跨區選基灣??? 我個人覺我他朝升中網NET 12的小學好過NET 14&NET 16的小學, 既然有NET 12地址, 唔好跨區, 一心一意選NET 12的小學吧!!! 但提一提, NET 12的 Marymount, St Paul Catholic Primary & St Francis都比較傳統吧!!!! 而NET 16的基灣(愛蝶灣)都好傳統, 壓力好大, 既然係要承受相同壓力, 我會選升中校網較佳的NET 12小學吧!!!

原帖由 ggoo 於 09-7-30 13:51 發表
我女出年都會報讀小一,我本身住TKO,我諗住出年響灣仔租樓住報小一.聖方濟各是我首選,軒上是第二選.唔知好唔好呢?
我女性格好動活潑,鍾意同男仔玩多過同女仔玩.聖方濟各是女校,我怕我女唔鍾意,軒上好多男仔 ...

Charlotte_mom

如果你想搏基灣, 就應該搬去16網, 因為你住將軍澳誇區揀基灣, 同住灣仔揀基灣, 機會係一樣的(都係誇網)
如果你住12網, 揀st frances/軒上做第一應該都穩陣呀

原帖由 ggoo 於 09-7-30 01:51 PM 發表
所以我就諗住搬去灣仔住,再跨區揀基灣小學,唔知我咁諗啱唔啱呢.

燕尾蝶

原帖由 臻媽 於 09-7-30 13:40 發表
大部份人熱門之選:

男校 -- Wah Yan & St Joseph

女校 -- Marymount, St Paul Catholic Primary & St Francis

男女校 -- 軒尼詩官小 (上午比較上多人選D)

你心目中想選邊間??



...

其實我想個仔讀軒官.因為重有個妹3年後要讀小學.到時競爭就更加大.希望個仔今年搞掂.咁個女到時就可以讀哥哥的學校.
但是又怕派唔知到.所以好想請教各位.應該怎樣填寫選校表才可以有更大的勝算

燕尾蝶

原帖由 Charlotte_mom 於 09-7-30 14:38 發表
如果你想搏基灣, 就應該搬去16網, 因為你住將軍澳誇區揀基灣, 同住灣仔揀基灣, 機會係一樣的(都係誇網)
如果你住12網, 揀st frances/軒上做第一應該都穩陣呀
...

Charlotte_mom:
SORRY.你係咪改0左個頭像呀??因為我唔太肯定你是否就是媽媽住西環那位媽咪.SORRY

臻媽

如你心目中target係軒小, 軒上放1ST(自行分配都係遞呢間), 軒下放2ND, 應該OK....再保守D, 捍轉嚟, 軒下放1ST就應該10拿9穩, 聽講舊年1ST ROUND 15分都有人抽中, 咁唔駛大抽獎添!!!

原帖由 燕尾蝶 於 09-7-30 18:10 發表

其實我想個仔讀軒官.因為重有個妹3年後要讀小學.到時競爭就更加大.希望個仔今年搞掂.咁個女到時就可以讀哥哥的學校.
但是又怕派唔知到.所以好想請教各位.應該怎樣填寫選校表才可以有更大的勝算 ...

[ 本帖最後由 臻媽 於 09-7-31 09:01 編輯 ]

Charlotte_mom

哈, 你夠改左個頭像啦
我係果個charlotte_mom, 不過唔係我住西環, 係我媽咪住呀
你係12網嗎?

原帖由 燕尾蝶 於 09-7-30 06:13 PM 發表
Charlotte_mom:
SORRY.你係咪改0左個頭像呀??因為我唔太肯定你是否就是媽媽住西環那位媽咪.SORRY

燕尾蝶

原帖由 Charlotte_mom 於 09-7-31 10:05 發表
哈, 你夠改左個頭像啦
我係果個charlotte_mom, 不過唔係我住西環, 係我媽咪住呀
你係12網嗎?

哈哈,我知道是你媽咪住西環.你是住銅鑼灣呀
上次多謝你介紹個裝修師傅俾我呀.
我不是住12網.不過我媽咪是.所以......哈
或者考慮搬到灣仔住一年.不過重未決定.我細細個係灣仔長大.我無所謂.不過老公又覺的灣仔太雜.所以......
現在就是煩個仔讀小學問題.真係唔知點.其實灣仔除了軒官,還有什麼學校可以選擇呢?

Charlotte_mom

12網仲有好多地方呀
大坑大眾化得黎會靜d, 仲有跑馬地渣甸山果d高級地皮 , 銅鑼灣舊樓多, 有d治安ok有d就雜d(業權散管理又唔好, 就會有私房菜, 樓上舖, 旅館, 房中房 or even時租酒店一樓一 )
留意返天后就14網喇

12網名校多, st jo華仁, 女既就marymount st paul st francis, 男女除左軒官, 多人揀仲有st james, 由於太多好學校, 有d無咁多人爭既如寶血, 唔擺第一都入到了

原帖由 燕尾蝶 於 09-7-31 11:31 AM 發表
哈哈,我知道是你媽咪住西環.你是住銅鑼灣呀
上次多謝你介紹個裝修師傅俾我呀.
我不是住12網.不過我媽咪是.所以......哈
或者考慮搬到灣仔住一年.不過重未決定.我細細個係灣仔長大.我無所謂.不過老公 ...

燕尾蝶

如果好似我個情況.一仔一女.你有什麼好建議呀.其實灣仔的小學我真係唔熟呀,
好怕選擇錯誤.累0左個仔.
填選校表應該要怎樣填好呢?

ggoo

臻媽:
我女出年先報小一,我依家是提早問定資料.
我點解會鍾意基灣又搬去灣仔住要跨區咁奇怪呢?因為就算我搬去16校網住,抽中基灣既可能性都好低,咁其他學校我又冇物心水,但灣仔我揀軒小既話,抽中機會大好多,就算軒小唔得,仲有其他好多啱心水既.所以我就諗住咁做.基灣我鍾意佢學校有管弦樂團,學校好重視音樂,呢兩樣是我揀佢既主要原因.軒小就男仔多女仔小,我怕阿女到時更加男仔頭,因為我女好鍾意同男仔玩,好好動,聖方濟各我都鍾意,但又唔是太近地鐵站,交通冇咁方便.真是諗到頭都痛.
請問一般來講灣仔同銅鑼灣比,邊度D租金會平D呢?我想租得平D,環境個D唔是好大問題,因為我唔會長住.

[ 本帖最後由 ggoo 於 09-7-31 13:58 編輯 ]

joey_lee14

原帖由 ggoo 於 09-7-31 12:21 發表
臻媽:
我女出年先報小一,我依家是提早問定資料.:bashful: :wahaha:
我點解會鍾意基灣又搬去灣仔住要跨區咁奇怪呢?因為就算我搬去16校網住,抽中基灣既可能性都好低,咁其他學校我又冇物心水,但灣仔我揀軒小既話,抽中 ...

既然中基灣的機會都今低, 就更加沒理由選基灣. 如果你真是想入基灣, 就更加應該搬去東區博果面D好學校, 而不是搬去灣仔博跨區基灣, 浪費左個機會.

mow-mow

If you want to play safe, put Hennessy Road as your first choice (am 1st choice & pm 2nd choice should be safe enough but pm 1st choice would be ultra-safe!).
If you want to gamble, then put Wah Yan or St Jo as 1st choice & then Hennessy Road pm as 2nd choice.
I honestly don't think you need to worry for your daughter as there are even more choice for girls in Net 12 - as long as you are willing to forfeit trying for Marymount, anything else for girls in that net as 1st choice should be reasonably safe!

原帖由 燕尾蝶 於 09-7-31 12:11 發表
如果好似我個情況.一仔一女.你有什麼好建議呀.其實灣仔的小學我真係唔熟呀,
好怕選擇錯誤.累0左個仔.
填選校表應該要怎樣填好呢?

lamlauanita

Dear all

I have a son and he will be join the lucky draw next year.  If I put Wah Yan as a first choice, Hennessy (a.m.) as second choice and St. James as three choice.  It is safety?

Would anyone give some comment?

ggoo

joey_lee:
我是諗住甲一揀基灣,乙一揀軒上,諗住乙一軒上既機會都大,就甲一摶下揀基灣,但搬去16區雖然機會大d,但都是冇把握,乙一軒上既把握大d.
不過出年會多著人報讀小一,我諗乙一軒上都唔是100%得,可能到時都是甲一乙一都揀軒上先隱陣.(我是個緊張媽咪,提早一年諗定咁多野.)

julihui

Charlotte_mom,

我覺得您對 net 12 選校很有心得, 請問您意見, 老公家往cayseway bay, 但我們住在沙田,  如小朋友由沙田到
灣仔返學會很辛苦嗎,  我不知道有沒有保母車走這條線, 不知道值不值得, 不過我覺得灣仔區小學平均都很好, 心大心細中 !

臻媽

基灣今年(09/10), 囝囝個師姐NET16, 1ST ROUND & 2ND ROUND 都選佢, 大抽獎時甲部選NET 14嘉諾撒,乙部選佢做第一, 都唔中, 叩門都失敗....所以跨區真係微乎其微, 仲加埋好多人都會因佢升BAND 1中學曾試過90%而選佢, 而且下年度即11/12小一的競爭真係比舊年同今年大, 所以要慎重考慮一下吧!!!

既然心水喺NET 12, 而且中學又以灣仔區好, 仲何必去爭取一個小之又小的機會呢? 單看基灣升BAND 1中學成績係的確好高, 但曾聽聞唔同區的BAND 1生水準都有別, 就好似曾於早前有BK MAMA 分享過天水圍的BAND 1優才生出到嚟市區的BAND 1中學, 都跟得好辛苦吧!!! 至於基灣有管弦樂團+好重視音樂, 其實而家有好多學校都有,而且它的管弦樂團成績咁卓越=即參加的學生要花好多時間練習,小朋友如學業應付自如當然沒問題, 否則......再者都唔係個個學生都可入隊的!!!另其實佢都唔係太近地鐵站咁!!!

說真, 我都係一個好緊張的mama, NET 12, NET 14 & NET 16都留意有, 由囝囝 N2 開始已開始搜集資料 , 留意BK, N3 開始向心水目標再作進一步了解, 基灣(愛蝶灣)係我第一間心儀之選, 當時係NET 14, 同你一樣想跨區選佢, 同你一樣睇中他重視音樂, 但由於佢沒OPEN DAY, 未能親身探究, 但曾聽聞不少過來人話此校好"騫"張, 點之當我致電問一些資料時, 如有否OPEN DAY, 宗教分點計....等選小一要知的資料時, 職員的態度給我覺得較為公式化, 好似唔憂無人揀咁....另仲有今年聽到身邊有幾位去叩門的家長都不約而同話學校感覺真係唔夠親切吧, 尤其校長吧...我個人比較注重小朋友品行, 總覺得即使成績好叻, 但無品絕對唔會成功!!! 而學校係小朋友長時間留於此的地方, 師長身教好重要, 如小朋友他朝因為自己成績好而不可一世的話, 我會寧願他學懂謙虛平實一點吧!!! 就因這種種, 我放棄了呢個目標吧!!!

其實由於我&老公都要上班, 又無請工人, 所以最理想選全日制小學, 而NET 12的熱門小學大部份都係半日制, 加上我兩個都係囝囝, 而佢地在讀的幼兒園比較輕鬆, 所以怕難適應一些成績比較催谷的學校, 因此可選為首選的學校唔太多, 而且想選擇保守D, 因哥哥入到好學校, 細3年的細佬我就唔駛擔心吧, 我心目中偏向選聖雅各小學, 因為我喜歡他們主張愉快學習, 係"真正"的愉快學習, 學校會用好多方法鼓勵學生, 令佢地有成功感, 從而有自信, 有自信的學生學習都會易於投入, 成績自然會有進步!!! 另它亦鼓勵學生服務他人, 同我理念一樣, 唔希望小孩子成為現今社會普遍的小公主小王子吧!! 我接觸過校長及教職員, 非常親善, 對我呢個未係佢地學生的"問題"家長, 都不厭其煩解答, 另老師亦好肯去氹小朋友, 即使資歷比較深年紀比較長的老師都對較為內歛的小朋友好好心機氹佢!! 佢地亦好老實說, 時勢所催, 為成績關係, 佢地只係一年班開學初會較為輕鬆, 讓小朋友易於適應, 從序漸進地至較高年班時都會摧谷, 為的係要有理想的成績, 迎合家長所想吧!!! 另聽聞佢地的升中派位很不錯呀, 過往幾年都有50%以上派英中(津官中), 係英中, 中中BAND 1都未計, 已有50%以上, 所以很不錯吧!! 唯一美中不足係佢地因重建校舍, 而家要暫用銅鑼灣一間空置的中學舊校舍至少3年吧!!! 其實寶血也不錯, 只不過因有寶血中學(女校), 所以女生較多吧, 唔太啱我!!! 如果唔受全日制的局限, 我或會選華小,因兩個都係囝囝, 有望入港華吧!!!

軒小真係很不錯, 活動教學, 升中派位理想, 一心一意揀佢, 成數高過揀基灣好多吧!!!

原帖由 ggoo 於 09-7-31 15:57 發表
joey_lee:
我是諗住甲一揀基灣,乙一揀軒上,諗住乙一軒上既機會都大,就甲一摶下揀基灣,但搬去16區雖然機會大d,但都是冇把握,乙一軒上既把握大d.
不過出年會多著人報讀小一,我諗乙一軒上都唔是100%得,可能到時都是甲一 ...

[ 本帖最後由 臻媽 於 09-8-1 00:12 編輯 ]

臻媽

聖雅各 因已轉全日制+小班教學, 受歡迎程度高咗好多, 放第3會浪費咗個機會吧!!

睇落你的選擇唔夠保守, 好似有點進取吧....因華小同軒上都係NET 12好多人的首選, 所以要2選其1放第1位, 若真係好喜歡軒小的話, 第2位放軒下會好d, 而聖雅各都係要放第2位先穩陣D!!

原帖由 lamlauanita 於 09-7-31 15:43 發表
Dear all

I have a son and he will be join the lucky draw next year.  If I put Wah Yan as a first choice, Hennessy (a.m.) as second choice and St. James as three choice.  It is safety?

Would anyone g ...

[ 本帖最後由 臻媽 於 09-8-1 02:38 編輯 ]