2009年9月決定讀禮賢, 不如過黎相認下先啦

喧嘩

好似有三班, 係呢, 你係咪禮幼上?
同埋有冇媽咪知道洗唔洗攞番津校果張註冊証?
事緣我果陣諗住叩門, 所以要去所派間學校註左冊先, 並且好快話佢知我唔讀, 佢果陣又冇講乜, 琴日打黎話我冇去考偏班試, (留口訊), 跟住我今日覆佢, 我話我之前講左唔讀, 佢話要我LEE兩日過黎攞番張証, 我話我唔得閒, 佢話都要我寄信過去話唔讀, 點知我亞媽今日又收到佢地電話, 叫佢番學校攞嘢, 我亞媽同佢講唔讀, 佢話都要返, 咁佢就返左, 點知佢又冇睇, 返到屋企原來係通告同手冊, 我媽已講明唔讀, 都唔知佢地攪乜, 打黎留口訊我已經印象好差, 因為佢喺電話度讀左兩次我亞女個名都讀錯, 佢仲自稱X老師, 我亞女個名個字好簡單, 佢都讀錯, 好似唔係咁好,好在冇讀佢, 我媽要我好黎好去喎, 叫我去過, 我覺得佢地好煩囉

原帖由 carcar 於 09-8-18 17:18 發表
一年級有幾多班呢?

carcar

hi 喧嘩:
我仔仔唔係禮幼的, 好開心係bk識到人同亞仔同班.
係呢, 你地22號會唔會著校服呀?? 24號又帶唔帶書包呢?

[ 本帖最後由 carcar 於 09-8-18 20:41 編輯 ]

喧嘩

我都好開心AR, 起碼開頭有個照應先啦, 唔洗盲中中, 希望有多D人同我地同班啦, 22號冇叫著校服喎, 只係要帶D書, 而24號就會著校服, 帶個細背包, 因為佢個書包牛龜咁大

原帖由 carcar 於 09-8-18 20:39 發表
hi 喧嘩:
我仔仔唔係禮幼的, 好開心係bk識到人同亞仔同班.
係呢, 你地22號會唔會著校服呀?? 24號又帶唔帶書包呢?

sg2601

Hi all,

我個仔都是勇班啊!

原帖由 hinhinmami 於 09-8-18 02:41 PM 發表
收到電話啦,勇班呀,有冇同班朋友仔/女??

fi-fi

琴日下午4點多,我都收到老師電話喇
我囝被分配到"望"班,班主任姓郭...聲音好甜美呀!

我囝好好笑,佢一路都認為自己會被分班到"信班",佢話因為佢K1-K3都係信班喎!!!我就笑佢,唔知開學初期會唔會排錯隊入錯課室呢!?

dns828

我個女讀一信班(1F)
班主任係 （簡老師）Miss Kan

喧嘩

hi, 你好ar, 以後多d關照關照

原帖由 dns828 於 09-8-20 11:53 發表
我個女讀一信班(1F)
班主任係 （簡老師）Miss Kan

carcar

原帖由 喧嘩 於 09-8-18 17:44 發表
好似有三班, 係呢, 你係咪禮幼上?
同埋有冇媽咪知道洗唔洗攞番津校果張註冊証?
事緣我果陣諗住叩門, 所以要去所派間學校註左冊先, 並且好快話佢知我唔讀, 佢果陣又冇講乜, 琴日打黎話我冇去考偏班試, (留口訊), 跟 ...

註冊証, 我唔知仲有無用, 但由於我決定一定唔讀派到的學校 (因為我派得極差), 所以一早攞番, 以防萬一

童童媽咪03

原帖由 dns828 於 09-8-20 11:53 發表
我個女讀一信班(1F)
班主任係 （簡老師）Miss Kan

我的女兒都係讀一信班, 日後希望可多多交流.

喧嘩

lee度已經有三個小朋友同亞女同班 , 最衰唔知你地係邊個啦, 亞女話佢已經識左三個朋友仔, 不過就未問叫乜名喎,, 我會提佢聽日問下d朋友仔叫乜名, 佢話小息原來好開心喎, 不過太短, 佢話想快d上堂, 我聽日會親自接送佢, 期待佢開心表情, 仲要幫佢留倩影

喧嘩

啱啱送完個女返學, 又遲到, 遲左一分鐘, 不過原來唔係我地最遲, 後面仲有成十個小朋友, 佢地趕唔切上班房, 好在我地都趕得切, 不過亞女今朝就有d 扭計, 第日都唔知點算, 坐校車七點前已經要上車, 仲唔可以喺車食早餐, 平時返下午班, 訓到十一二點, 都唔知點同佢較番個生理時鐘

喧嘩

點解冇晒人???亞女話今日好開心喎, 開心過幼稚園, d 嘢都唔難喎, 普通話同英文老師都係講我地d話喎, (以前幼稚園, 普通話老師係唔識講廣東話, 教英文係鬼婆), 跟住我同佢解釋正式返學都有LEE種老師, 不過佢話課室冇冷氣喎, 仲閂晒門, 唔知係咪開得唔大, 所以佢感覺唔到, 我諗唔會冇冷氣卦, 不過廁所就冇廁紙, 佢話佢唔記得帶, 問朋友借左, 咁我話你咪冇嘢抺手囉, 佢話佢分開左張紙巾一半用黎抺手喎, (反而幼稚園紙巾同抺手紙都有喎), 廁所冇廁紙, 好似唔係好方便喎, 佢話佢坐最後, 睇唔到黒板, 前面同學仔個頭遮住佢喎, 佢隔離位係個女仔, 叫李xx, 唔知係咪你地呢?佢分左做波蘿包組, 佢話想做叉燒包組, 因為d朋友喺晒叉燒包喎, 佢仲話得一個小息, 點解唔可以有九個小息喎, 今日上三樣嘢(中英數)咁起碼都俾三個小息啦, 真係俾佢激死, 希望佢一直都鐘意lee間學校啦, 你地又點ar?

藍妹媽媽

Hi fifi,
你好, 我個女在禮賢準備升小二了, 知道你小朋友曾經讀禮幼, 想向你請教一下 :

1. 禮幼有何特色,優點 ? 學術程度如何 ?
2. 姐姐讀小學部, 細佬入到的機會有幾多成 ?

因為正考慮替細佬找幼稚園, 很希望你可以指點迷津...
thanks~

fi-fi

藍妹媽媽,

你大女升小二?你意思是讀緊禮小定你想佢插入禮小二年級呀?
1)禮幼特色...哈,全校上上下下老師工友都超級有愛心,著重德育心靈培育,學術程度方面就....淺淺淺,但小朋友個個都好乖,好鍾意返學!

2)姐姐讀賢禮小,都有幾會唔收細佬嫁....我仔同班同學就是這樣了!

原帖由 藍妹媽媽 於 09-8-26 03:47 發表
Hi fifi,
你好, 我個女在禮賢準備升小二了, 知道你小朋友曾經讀禮幼, 想向你請教一下 :

1. 禮幼有何特色,優點 ? 學術程度如何 ?
2. 姐姐讀小學部, 細佬入到的機會有幾多成 ?

因為正考慮替細佬找幼稚園, 很希望你 ...

fi-fi

hi各位,

你哋收到校車司機電話未呀?我要七點上車呀,雖然一早知要咁早,但.....都有少少擔心,如果miss咗班校車就要飛的嫁喇!!!

carcar

喧嘩:

PLS CHECK PM

我個仔係义燒包組, 佢都係話課室無開冷氣, 只係開風扇.
佢話男TOILET有TISSUE, 但女TOILET就無 (唔知點解佢會知)

22同24號我出左TRIP, 只係蝦子餅去聽家長會, 今晚再同佢傾下家長會講左咩先. 係呢, 我想問食飯洗唔洗帶餐具呀?? 枱墊呢?? 仲有係唔係要比個袋佢地裝食物盒呀(小息用)?? 又要唔要帶濕毛巾盒呢?? 係唔係要自己買通告袋定係學校有指定呢??

喧嘩

我6:55上車, 4:15落車, 果日小一體驗日成八點三先出門口, 亞女都已經發晒脾氣咁濟, 仲要我車佢返放, 喺車度食早餐 , 佢都頂唔順, 第日仲要預早D時間食埋早餐先出門口, 都唔知佢之後點 ,鬼咩, 三年幼稚園都係下午班, 我返工就SHIFT DUTY, 間唔中都可以車埋佢, 唔洗咁早, 睇下到時點啦, 因為佢亞媽都係 一個懶訓豬

原帖由 fi-fi 於 09-8-26 08:31 發表
hi各位,

你哋收到校車司機電話未呀?我要七點上車呀,雖然一早知要咁早,但.....都有少少擔心,如果miss咗班校車就要飛的嫁喇!!!

喧嘩

唔係掛, 果日超級熱都唔開冷氣, 咁要點先開AR? 我亞媽話可能暑假唔放住, 放咁耐冇人用你都驚喎, 佢話就算有都唔好用, 好自己果D好D, 不過小朋友有時唔記得袋都有得用MA, 可能你個仔攞男廁D廁紙俾D女仔, 所以佢知囉, , 餐具要帶AR, 開頭唔會提供, 枱墊就唔洗, 亞女話老師話小息要攞個袋裝晒D嘢食, 濕毛巾我就有預備, 因為亞女慣左帶

原帖由 carcar 於 09-8-26 17:46 發表
喧嘩:

PLS CHECK PM

我個仔係义燒包組, 佢都係話課室無開冷氣, 只係開風扇.
佢話男TOILET有TISSUE, 但女TOILET就無 (唔知點解佢會知)

22同24號我出左TRIP, 只係蝦子餅去聽家長會, 今晚再同佢傾下家長會講左咩先.  ...

藍妹媽媽

hi fi-fi,
阿女係由小一升上小二, 本身唔係讀禮幼, 我只係知道有兄弟姊妹讀係會加分, 不過太淺我都有d擔心... anyway唔該晒你..

carcar

你地訂唔訂報紙呀?