我仔被同學仔欺負,本來只有幾個,依家就擴展到班班都有.

sanlocama

我仔被同學仔欺負,本來只有幾個,依家就擴展到班班都有.
日日上學都好唔開心,
情緒好差,上學期講過想死,
有時又問媽咪:如果我死左,你會唔會好傷心?
佢返到學校,日日都有人整下佢,不同人整,依個整完,第二個見到幾好玩,又有第三個或幾個一齊整佢,笑佢,打佢.
個個整完佢即閃,
我個仔話:我就來要爆炸

[ 本帖最後由 sanlocama 於 09-5-5 14:53 編輯 ]

siuming99

原帖由 sanlocama 於 09-5-5 12:48 發表
我仔被同學仔欺負,本來只有幾個,依家就擴展到班班都有.
日日上學都好唔開心,
情緒好差,上學期講過想死,
有時又問媽咪:如果我死左,你會唔會好傷心?
佢返到學校,日日都有人整下佢,不同人整,依個整完,第二個見到幾好玩, ...

你有冇搵校長傾過? 咁落去唔得ga wor.

sanlocama

昨天,同校長傾過,佢仲都埋我個仔應該要點做.
我就同校長講,我成日都同個仔講,有人整你,你應該同老師講,呀仔就同我講,同老師講左,老師話左,D同學會係老師見唔到時整佢,同埋成日話佢係XXX,XXX,XXX,又成班人笑佢,搞到我個仔好唔開心,好嬲,成日就好爆咁,打架(好多時係D同學仔突然走埋佢,打佢幾下,之後即閃),或佢一比人講佢,佢就會失控打人,
我同校長講,我都有教佢,佢都有做過,但係一個8歲小朋友,日日比唔同人及一個整完,條氣都未順,又有另一個人走埋佢整佢,咁細個人仔,一下子未必可以做到咁理性.

原帖由 siuming99 於 09-5-5 12:54 發表


你有冇搵校長傾過? 咁落去唔得ga wor.

grace_xian

將心比心, 如果係我仔咁, 我都會好傷心

請將起頭欺負他的同學認到, 且寫下他們的名字, 告知校長, 校長唔得閒, 可以告訴輔導主任, 學校應有駐校的社工會幫仔仔解決心理方面的問題, 叫他盡量不要去老師同风紀睇唔到的地方, 請老師安排二個好的同學同他一起活動, 分享小食, 讓他感受同學的溫暖, 這方面駐校社工會有辦法, 請加油, 不要放棄, 希望不久可以聽到好消息

且利用這個機會告訴仔仔, 遇強越強的道理, 正義會戰勝邪惡, 令他每天扮演超人, 去打敗壞人~

原帖由 sanlocama 於 09-5-5 13:12 發表
昨天,同校長傾過,佢仲都埋我個仔應該要點做.
我就同校長講,我成日都同個仔講,有人整你,你應該同老師講,呀仔就同我講,同老師講左,老師話左,D同學會係老師見唔到時整佢,同埋成日話佢係XXX,XXX,XXX,又成班人笑 ...

janetlam74

原帖由 grace_xian 於 09-5-5 13:21 發表
將心比心, 如果係我仔咁, 我都會好傷心

請將起頭欺負他的同學認到, 且寫下他們的名字, 告知校長, 校長唔得閒, 可以告訴輔導主任, 學校應有駐校的社工會幫仔仔解決心理方面的問題, 叫他盡量不要去老師同风紀睇唔到的 ...

grace_xian,
很認同你講法!而且很正面,令小朋友堅強面對!
我小朋友幼稚園時因同班有個比較大的同學常烚細的,
佢會同pencil吉人,打人個頭,同很兇悍的說話對其他同學,
我會叫仔仔一有事要話他(因仔仔不會還手)這要保護自
己,不要容忍,再告訴老師或主任,返屋企話比大人知!
我小朋友到上小學,遇同樣事他會知點做,個d惡死小
朋友不再欺負人了,我也會在家教會/學校意見書上寫
多些要老師多關心校園欺凌,希望我地家長合力幫小朋友
令他們在健康環境成長!

sanlocama

因我仔仔有手眼腳協調障礙,人肥肥地,自理能力差D,(倫盡),所以班主任已經安排左一位同學仔幫佢,但我唔知個位同學是熱心定壞心,日日係我仔手冊內寫欠文功課,
早兩星期,我仔日日都欠交,做家長都會留意到,叫小朋友自己搵返出來,自己要檢查及我都同佢一齊執書包,返到來又寫欠交,話英文默書薄欠交,後來有一天,老師終於寫手冊,話英文默書薄欠交8日,如果明天交唔到罰留堂.
我在手冊上寫,是否有同學取錯了,因在家找不到和W.B.昨天已交了.
但第二日,同學仔又在我小朋友手冊上寫(是格式錯誤).
到第3日我用紅筆寫,我是說是否有同學取了回家,因我在家裹找了很多遍都找不到,為什麼不見了,我都不知道及W.B.昨天已交了為何又再寫欠交?
到了星期一,我在學校做午膳義工,見我仔食飯時係到哭,我便問其他同學仔,連續兩個都話英文老師罵.
如果你仲搵唔到本英文默書薄,你就唔好讀依間學校

原帖由 grace_xian 於 09-5-5 13:21 發表
將心比心, 如果係我仔咁, 我都會好傷心

請將起頭欺負他的同學認到, 且寫下他們的名字, 告知校長, 校長唔得閒, 可以告訴輔導主任, 學校應有駐校的社工會幫仔仔解決心理方面的問題, 叫他盡量不要去老師同风紀睇唔到的 ...

[ 本帖最後由 sanlocama 於 09-5-5 14:27 編輯 ]

黃巴士

原帖由 sanlocama 於 09-5-5 14:05 發表
因我仔仔有手眼腳協調障礙,人肥肥地,自理能力差D,(倫盡),所以班主任已經安排左一位同學仔幫佢,但我唔知個位同學是熱心定壞心,日日係我仔手冊內寫欠文功課,
早兩星期,我仔日日都欠交,做家長都會留意到,叫小朋友自己搵 ...

去找校方了解.

sanlocama

我個仔已經被人罵到痳木了,問佢點解又比人寫手冊欠交,佢話個XXX同學係唔係都寫,
咁我問老師知唔架,有沒有檢查到
打電話問班主任,佢話係英文科老師搵左個同學仔幫佢手,係英文科的事,叫我最好打電話同英文老師傾下,
後來我同英文老師傾,問點解有交D功課成日寫欠交,點解手冊會由同學寫,點解老師無檢查清楚,又要成日罰抄,之前我比左信你,佢抄野好慢,根本連做功課的時間都唔夠,如果要抄,不如我叫佢默比你睇仲好,
老師係咁話佢知道你仔仔係寫字慢,已經叫同學仔唔好再逼佢,你(同學仔)逼佢都無用,佢(仔)都做唔到,我會叫同學仔係小息時罰佢抄,
我話D同學仔成日都(下佢)...............我本來想問老師搵唔到本英文默書薄就唔好讀依家學校
但我就已經 再講唔到說話了................

[ 本帖最後由 sanlocama 於 09-5-5 18:33 編輯 ]

siuming99

原帖由 sanlocama 於 09-5-5 14:29 發表
我個仔已經被人罵到痳林了,問佢點解又比人寫手冊欠交,佢話個XXX同學係唔係都寫,
咁我問老師知唔架,有沒有檢查到

Sanlocama, 唔係呀, 你打番學搵老師講啦. 你唔好話個8歲o既細路啦,一個大人日日番工比人整,做野又比老闆gut,咁你都想唔do la. 我覺得有時老師未必睇到咁全面, 一班幾十人. 所以suggest你搵老師傾. 你係家長,佢一定要同你溝通.

有冇唸過同個仔換吓環境讀書.新環境可能好D

safarimama

睇嚟...間學校的老師都有問題, 那個英文老師都冇用心去了解和幫個小朋友! 而個班主任亦有責去看顧能力冇咁好的同學. 可能有些同學知老師都係咁樣, 自然覺得可以欺負佢! 你應向校長講,要他正視問題!

原帖由 sanlocama 於 09-5-5 14:29 發表
我個仔已經被人罵到痳木了,問佢點解又比人寫手冊欠交,佢話個XXX同學係唔係都寫,
咁我問老師知唔架,有沒有檢查到
打電話問班主任,佢話係英文科老師搵左個同學仔幫佢手,係英文科的事,叫我最好打電話同英文老師傾下,
後 ...

黃巴士

原帖由 sanlocama 於 09-5-5 14:29 發表
我個仔已經被人罵到痳木了,問佢點解又比人寫手冊欠交,佢話個XXX同學係唔係都寫,
咁我問老師知唔架,有沒有檢查到
打電話問班主任,佢話係英文科老師搵左個同學仔幫佢手,係英文科的事,叫我最好打電話同英文老師傾下,
後 ...

搵校長介入此事.

sanlocama

校長已知,英文老師打左電話比我,話無講過,佢話我知道咩野講得,咩野唔講得.
佢仲話我唔應該唔打電話比我,我從來都唔知你有在手冊上寫野比我,亦都唔知位小老師(同學仔)成日寫你個仔本手冊,但班主任同我講,話有同英文老師講左,老師知道的.
我話我問左幾位小朋友,大家都異口同聲話老師咁講,

原帖由 黃巴士 於 09-5-5 15:57 發表


搵校長介入此事.

[ 本帖最後由 sanlocama 於 09-5-5 18:36 編輯 ]

lingchuling

對不起，可否告知你小朋友是那一區的學校，因為我都覺得現在的老師．．．．．

我真怕選錯學校予小朋友，尤其是我們的小朋友如有少少特殊需要的話，對其他小朋友來說，真是一個好哈的對象

Charlotte_mom

其實你小朋友有特別需要, 有無同社工傾過, 係咪應該搵間有融合教育既學校? 或者8下邊間學校包容性大d?
我仔比較細時, 有語言障礙, 老師話佢唔講野, d同學仔唔同佢玩, 我聽完都好心up, 所以之後k1我就決定俾佢讀秉收位, 唔止係有治療師跟進, 更重要係老師有經驗同耐性去照顧小朋友成長

原帖由 sanlocama 於 09-5-5 02:05 PM 發表
因我仔仔有手眼腳協調障礙,人肥肥地,自理能力差D,(倫盡),所以班主任已經安排左一位同學仔幫佢,但我唔知個位同學是熱心定壞心,日日係我仔手冊內寫欠文功課,
早兩星期,我仔日日都欠交,做家長都會留意到,叫小朋友自己搵 ...

donzoe

我個小朋友曾經都遇過類似事件, 最終我地都幫佢轉左校。  我覺得小朋友的感受係最重要, 如果佢返學唔開心, 唔想返學。 就真係影響佢將來喇, 所以唔好再猶豫, 考慮幫佢搵過一間適合佢的學校啦。

evatsoihk

假如是我的話，與其跟學校這樣拉鋸，倒不如抓緊時間去找適合的學校，讓孩子在9月開課后開始新的生活。

sanlocama

各位家長:
我都好想幫仔仔轉校,問題係d學校多數收好的學生或能令學校爭光的學生,而我仔仔咁樣,(倫倫盡盡)手腳又慢,成績又差,邊間學校會肯收,同埋就算有,又唔可以太遠,主要原因係我仔仔做功課好耐,平時都成十一,二點先做完功課(四點開始做,中間沖涼,食飯,食水果用左2小時,平均做功課用成5小時左右,書都無時間去溫)所以........,不過,如果有間功課無咁多,學校d老師又有愛心,都可以考慮一下,因依家都好無助.

原帖由 evatsoihk 於 09-5-5 20:46 發表
假如是我的話，與其跟學校這樣拉鋸，倒不如抓緊時間去找適合的學校，讓孩子在9月開課后開始新的生活。

大頭蝦

原帖由 sanlocama 於 09-5-5 22:26 發表
各位家長:
我都好想幫仔仔轉校,問題係d學校多數收好的學生或能令學校爭光的學生,而我仔仔咁樣,(倫倫盡盡)手腳又慢,成績又差,邊間學校會肯收,同埋就算有,又唔可以太遠,主要原因係我仔仔做功課好耐,平時都成十一,二點 ...

聽你咁講, 其實大家都唔係太適合對方, means, 呢間學校唔太適合你仔仔 & 你仔仔亦唔適合呢間學校, 似乎仔仔配合唔到呢間學校的節奏 & 學校有小朋友聯群蝦佢, 老師亦視而不見, 而老師亦完全無關心你仔仔的特別需要, 有咩理由本手冊成日比另一位小朋友寫 "欠", 老師都可以一句話唔知就完全唔駛跟進 ? 你仔仔出左問題, 老師好應該善用小息呢 d 時間去幫忙佢, 而唔係要佢小息罰抄 !!!!   

8yrs, 即係約 3 年班, 做功課都要做五個鐘, 再高班 d 點算 ? 完全無時間溫習, 休息, 玩, 看課外書係唔得架, 咪話小朋友啦, 大人都爆啦 ......  

雖則你仔仔讀緊果間學校在果區黎講都有好多人想入, 但係, 佢都入左去三年喇, 岩唔岩, 我估你亦心裡有數 迫仔仔繼續係度, 只係佢受苦 (恕我直言)

你仔仔已經返全日學, 咁多個鐘唔係比人蝦就比老師罵, 罰, 你認為咁樣的學習環境佢學到野嗎 ? 若果佢已經講到 "就黎爆炸" & "死", 表示事情已經去到重要關頭喇, 你再浪費時間同學校呢個講果個投訴, 倒不如善用 d 時間搵間無咁多功課 & 活動教學的學校比仔仔啦, 時間過左就補救唔番架喇 ....

況且, 小朋友情緒出現問題影響學習及日常生活係可以好大件架, 你既然已經知道源頭, 應及時為仔仔解決, 佢條人生路仲有好長, 小時候的情緒屈結對將來長大後的人生觀及處事係好有直接關係架 !

衷心祝福你早日替仔仔搵到一間有愛心及包容的學校, 令仔仔從過新生活, 開開心心的過埋佢所剩無幾的童年生活

[ 本帖最後由 大頭蝦 於 09-5-6 18:40 編輯 ]

siuming99

原帖由 sanlocama 於 09-5-5 22:26 發表
各位家長:
我都好想幫仔仔轉校,問題係d學校多數收好的學生或能令學校爭光的學生,而我仔仔咁樣,(倫倫盡盡)手腳又慢,成績又差,邊間學校會肯收,同埋就算有,又唔可以太遠,主要原因係我仔仔做功課好耐,平時都成十一,二點 ...

十分同意大頭蝦的講法. 你有冇諗過搵輔導幫吓手?  佢地會唔會比到的advice你, 例如邊的學校適合你小朋友. 我個仔用過一間輔導中心的service.幾有效ga. 佢地專做小朋友case.   當時都有搵我同我老公傾吓.  因為其實家長都有壓力.  不過就要等好耐. 因為有太多case la.  但一的都唔貴.

你唔好灰心...努力呀!  如果你想打去中心問吓, 我可以pm個電話比你.

Yau_Cheung

絕對同意!   

我睇完樓主個case都覺得好心痛。樓主可以試下找一些有愛心的教會學校, 活動教學, 離家不遠, 可能academic 程度無咁高, 但最緊要小朋友返學開心, 鐘意返學佢先會有心機學習及學到嘢。Cheer up!

原帖由 大頭蝦 於 09-5-6 08:31 發表


聽你咁講, 其實大家都唔係太適合對方, means, 呢間學校唔太適合你仔仔 & 你仔仔亦唔適合呢間學校, 似乎仔仔配合唔到呢間學校的節奏 & 學校有小朋友聯群蝦佢, 老師亦視而不見, 而老師亦完全無關心你仔仔的特別需要, ...