好辛苦呀, 個女好難教....

Mime

唔知係寵壞還是天生. 由小到大都自己想做就做, 唔想做誰也叫唔到, 又軟工硬工咩都無符.
初時細過, 6299成日投訢我話我被太大壓力佢, 自問不是要求高的媽媽. 只是個女每事都睇心情狀態, 明明可以做到都唔做, 有時唔做有時好差有時又非常好. 已經小二啦, 連老師叫的功課都可以不理, 堂上的功課都時時帶回家做. 因為有時99接放學老師向佢投訢, 現在6299終於明白.
頁頁都大?紅筆寫住請補做, TEST唔合格. 老師都講佢唔係唔識係唔專心. 但佢又非常鍾意返學WO, 日日講唔停今日邊個好好笑邊個又點點點.
試過因為老師叫佢做堂上練習同老師對鬧, 結果俾老師訓, 發皮氣大哭, 其他家長紛紛打電話來問我家發生咩時掍到佢情緒咁唔好. 其實外在因素無變.
有同佢談過好多好多次, 都無結果. 家人對我說算啦大D會好D, 但都唔可以不理架,連補習老師都就快頂唔住啦.

Charlotte_mom

有無同學校社工傾過呀?
會唔會有其他原因(例如資優), 令佢覺得學校上課既野好悶, 所以無心機? 我真係聽過個case係咁架, 個小朋友係讀超級名校, 次次test淨係做晒最深果2條, 跟住唔做wor! 攪到次次唔合要見家長.........好彩學校都肯配合

原帖由 Mime 於 09-4-29 09:44 AM 發表
唔知係寵壞還是天生. 由小到大都自己想做就做, 唔想做誰也叫唔到, 又軟工硬工咩都無符.
初時細過, 6299成日投訢我話我被太大壓力佢, 自問不是要求高的媽媽. 只是個女每事都睇心情狀態, 明明可以做到都唔做, 有時唔 ...

markmum

試下尋找家庭輔導服務，可能有幫助，最少可給自己出出氣，而且社工有時可提供有效管教意見。

粉紅虎

我估樓主你有返工, 有無諗過唔做野, 放多d 時間教返好個囡囡的學習態度.

MoMo208

我個女都有類似情況 (鍾意做就做, 唔鍾意就唔想做) , 但就冇咁嚴重, 可能我較惡的關係, 都可迫到佢做D佢唔鍾意做嘅野 (如練琴同計數), 不過我都會多D同佢傾同解釋, 我發現佢唔鍾意做係因為佢覺得自己已經識同覺得果D野悶, 所以唔想練習同做, 佢係一個有D小聰明既小朋友, 唯有多D道理同多D愛心LOR

Elona

小小見解希望幫到你, 首先find out問題關鍵在那裡, 可以同女女傾下, 了解以下問題:

女女同老師之間既關係
女女對老師既睇法
是否所有科目都欠交功課
女女對欠交功課後果既睇法 (如她覺得好小事, 引道她想一想欠交功課對老師做成什麼負面影響)

itbaby

我小朋友K3,其實同你個囡囡一樣,乜都講心情先肯做,亦都試過係學校大喊同扭計.我現時都好擔心佢升上小一後會如何,怕佢跟唔上功課之餘,亦怕佢情緒唔好,影響咗學習,所以我都好煩.如你所講,有d人都話大d會好些,但我怕佢到時經已成為習慣了!

你試吓搵d教小朋友情緒的課程比佢讀吓,可能有改進,兼且這類課程的導師,多數係讀心理學,或者能夠評估到小朋友的情況的.其實,我都waiting緊上述課程,不過暫時小朋友返緊其它興趣班,所以未有時間返到這個課程,希望稍後我可以幫佢join到,能夠得以改善啦.

黃巴士

原帖由 Mime 於 09-4-29 09:44 發表
唔知係寵壞還是天生. 由小到大都自己想做就做, 唔想做誰也叫唔到, 又軟工硬工咩都無符.
初時細過, 6299成日投訢我話我被太大壓力佢, 自問不是要求高的媽媽. 只是個女每事都睇心情狀態, 明明可以做到都唔做, 有時唔 ...

你囡囡幾歲??
看上去好似不是寵壞, 因為好多小朋友在家如何嬌寵, 返到學校都會收歛.
她不是不喜歡返學, 而是用情緒去對抗??
她在家都是這樣嗎??
我想首先你要分析, 當她情緒發時, 是否控制不到, 抑或是她"以此要脅"其他人??
發洩級數多少, 時間長短, 對象?? 如發狂大喊, 狂打玩具/物件, 亂掉物件.....  - 這都是不尋常的發洩方法.

我想如果你同佢傾完沒有用, 真是要尋求外在幫助, 老師&社工如何講?? 是否須作評估??

早些發現問題, 可早些改善.   努力!!!

Mime

都唔知從那裡說起好. 在幼稚園時問題已存在, 可能功課不太多, 幼稚園的老師又太忍讓, 當時鬧吓都會做, 但唔會做得好law.
可能是家中第一個孫, 每事爺爺mama都順從她的 . 需然不是一齊住但住得好近, 所以常常都見面.
到了小一, 見的野多了/做的野多了/常以為自己長大了, 所有事都不聽, 引導/道理都說盡, 總是我想點點點... 我唔想...
在小一之前已經放棄事業, 回家專心教女. 在小一整年都非常辛苦, 所有學科都好像要從新教過, 每當無mood就說唔明唔識, 可以坐足3~4小時. 其他學校有導修堂, 其他同學都可以在學校完成功課, 回家只是溫書.
在學校同在家都是一樣 , 佢試過test/exam就是唔想做交白卷, 老師話俾多d時間佢, 佢都可以拒絕的.
由小一開始我已經接觸學校的社工, 社工說佢無有情緒問題/也不是資優生. 只是思想幼稚, 大d會好d. 等吓又一年, 唔知佢幾年先覺得要做好些.
上年個個(老公/62/99)都話我好找間咁深咁多功課的學校, 叫我不要迫佢. 我同佢地講, 這間學校不算太深屬中等水平, 但最重要的是阿女可以做到90~100分, 係佢自己唔做. 我成日同佢講我收6~70分, 你是一定做得到. 佢拿100分又唔會好high 10+分又唔覺得好衰. 即使同佢講拿到幾多分, 我們可以帶佢去邊到玩(任佢選), 每天做晒功課回來, 獎佢sticker/stamp/etc... 但都無用, 有時好會做小小. 好多時連堂課都無做.
到了今年表弟也升了小一, 讀的同她大致差不多. 表弟從前見到英文想死, 同佢媽媽講唔想讀書的. 一上了小一可以第一學期考第七兼做班長. 其怪的是, 阿女好開心咁四圍同人講佢表弟好勁, 我們無將佢兩作比較. 我只是同全家人講所有小學所教的野都差不多, 除了名校啦. 事實証明的是一個會聽人教, 一個唔聽教.
之後我的家人開始發覺問題的所在, 個個都捉住我個女哦, 老公/mama都陪讀書啦. 但皇帝女連爸爸mama都敢鬧. 已往, 因為是我主力教導方面, 阿女只會同我頂撞.

原帖由 黃巴士 於 09-4-29 18:12 發表


你囡囡幾歲??
看上去好似不是寵壞, 因為好多小朋友在家如何嬌寵, 返到學校都會收歛.
她不是不喜歡返學, 而是用情緒去對抗??
她在家都是這樣嗎??
我想首先你要分析, 當她情緒發時, 是否控制不到, 抑或是她"以此要 ...

Mime

學琴的老師成日都話佢, 好聰明好有天份. 只要佢每天可以練10~15分鐘就已經好好了. 可是佢懶散的.
有同佢講不如唔好學琴啦, 佢又話唔好. 有時佢又彈得好鬼好. 有時彈到唔知似咩. 上堂都係咁, 有時超水準有時勁無水準, 無的時間較多.
好似校際音樂節咁, 之前老師都預測唔到可以拿多分, 只是說你去啦. 回來可以彈到80+, 評審的評語都不差. 佢平時練琴都唔會練好耐, 亦不是每次都好. 即使去比賽佢都有彈錯, 但又唔知點解錯得來都不會扣太多分.

kyliema2006

看來真是個寵壞了的皇帝女，若要教好女兒，應該是全家，連同爺爺等等一起與社工學習教導孩子之道。

教仔女要一條心呢，家庭中若意見分岐，孩子就會懂得take advantage和難教。

黃巴士

原帖由 Mime 於 09-4-30 09:15 發表
都唔知從那裡說起好. 在幼稚園時問題已存在, 可能功課不太多, 幼稚園的老師又太忍讓, 當時鬧吓都會做, 但唔會做得好law.
可能是家中第一個孫, 每事爺爺mama都順從她的 . 需然不是一齊住但住得好近,  ...

你的情況, 與我以前有些相似??
1) 62/99住得近, 日日經常見面.  囝囝覺得他是可CONTROL & ORDER 62/99 做任何事情.
2) 小一後期, 我轉了在家工作+教導他
3) 小一,二時, 3催4請至做功課. 但不會不做, 但十分"求其"些.
4) 小一初時, 補課心情好, 便串吓字, 心情不好, 便不出聲, 走來走去, 攪玩具.. 總之務求HEA灑些補習時間.
5) 只要肯用心溫書, 溫很短時間都可以識灑.

我唸首先須了解你囡在想什麼?? 在品德上先著手, 其次才學業等.
1) 為何囡囡沒聽老師/任何大人勸告?? 她心態是什麼?? 為何不尊重老師??  老師是否做了些事情令她不服/不認同老師某些行為?? 你覺得囡囡駁咀有道理嗎??  
2) 學校駁咀事件 - 身邊的小朋友如何看她, 她的睇法??

你先須要知道她的答案, 此答案是從她而發的(不是你灌溉給她的).
小朋友是很聰明, 好可以講一些你想聽的說話, 而不是真心的, 所以你須吐她講真心話. 但此時, 不要予她任何COMMENT及糾正.

Mime

佢有2主科都是班主任教的, 班主任對佢的評語不太差, 上堂都算守紀律, 有時topic喜歡的好熱烈參與發表, topic唔喜歡咪發吓夢law. 平時與同學相處有時好, 有時被人戲弄會發皮氣, 但又喜歡與戲弄佢的人一齊玩, 鬧完又好快無事. 老師說只是不太喜歡做功課, 叫我們多d同佢講吓. 成績飄忽老師又無野講, 成日同我女講要努力.

佢駁咀多數是對家人, 當然佢當正自己好有道理. 不過, 次次都講唔道我們. 好好笑架, 佢見到表弟鬧媽媽佢又識話人不對, 咁我即時打蛇隨棍上, point out佢同樣的問題, 佢咪講另一d野law. 其實道理是明的, 不過睇吓發生在誰人身上.
佢有時都好主動做野, 我們都即刻表揚佢, 叫佢要keep住努力. 但永遠都是好一天, 就當完事.

黃巴士:
咁你仔仔現在表現好些有無?

原帖由 黃巴士 於 09-4-30 09:59 發表


你的情況, 與我以前有些相似??
1) 62/99住得近, 日日經常見面.  囝囝覺得他是可CONTROL & ORDER 62/99 做任何事情.
2) 小一後期, 我轉了在家工作+教導他
3) 小一,二時, 3催4請至做功課. 但不會不做, 但十分"求其" ...

黃巴士

原帖由 Mime 於 09-4-30 10:46 發表
佢有2主科都是班主任教的, 班主任對佢的評語不太差, 上堂都算守紀律, 有時topic喜歡的好熱烈參與發表, topic唔喜歡咪發吓夢law. 平時與同學相處有時好, 有時被人戲弄會發皮氣, 但又喜歡與戲弄佢的人一齊玩, 鬧完又好 ...

本來打了一大段, 但按錯鍵DELETE咗. 激死!!

我囝囝現情況好多了.  
囝囝都是第1個孫, 62&99當然寵啦!! 都要共識教小朋友由你們教, 他們不要INVOLVE入內.  當然是私下C6講, 婉轉些仍要RESPECT長輩啦!!

以下是我長氣的SHARE:－
1) 平時多予他分享事情. 聽吓小朋友心底話.

囝囝現小三了, 小一時經常勞氣叫他做功課. 後來汲取吓朋友&老師意見, 去用適合他的方法去引導他.
囝囝多數在校大部份完成功課, 餘下做剩的多是不明白/要花多上時間/勞作(沒興趣的)等未做的功課, 留待回家才做.

2) 同儕亙動~
小朋友大大吓, 會有自己朋友團子, 同儕間會亙相影響, 感染.  小朋友多數喜歡認"NET", 同學間每天互通電話, 問吓功課-識唔識做, 要唔要做, 我做完未??, 麥你咁耐都未攪掂??, 好易做遮等等.   小朋友可自然間提升對功課/學業的投入感, 有了融合, 自然加強了完成功課的責任感.

你先了解囡囡是哪類型?? 再找她信服的方法引導她.

3) 駁咀- 囝囝以前都經常駁咀, 他當然是有自己的POINT, 起初我以為是駁到他心服, 他便不會再駁.  原來不是這樣的, 你駁了他, 未必等同他信服. 只會加強了他的EXCITED&戰鬥感, 樣樣ARGUE.
你可以從週邊發現, 為何她喜歡駁咀?? 是否有身邊人經常是這樣? 她又照樣學了以此得到利益?? 好像, 說服了你, 便可以有利益, 說服了老師便不用做好些.  
當是RULE的時候, 去減少他辯駁的機會, ORDER她-這是責任.
沒責任, 沒FREE LUNCH.  
不可任性, 如她任性, 你學她一樣任性, 要她身同感受.
要她AFFORD任性的後果.  有些事要堅持, 不可心軟.

4) 我曾試用反話去激發他"唔做功課,咪唔好做囉, 唔溫書, 我約咗朋友出街食飯啦,  唔得閒理你, 唔合格/留堂/留班係你, , 醜果個係你, 唔係我."唔好指意我呀.  
將責任俾返佢, 要小朋友AFFORD返.
到留堂, 我唔得閒接你架, 我唔會咁核突去接你架!!
因為小兒是有些怕嚇, 所以我會"兇"佢.
>> 當然個個小朋友唔同, 唔係個個受嚇, 所以你要分析用什麼方法去"治"她??
有些小朋友好聰明, 父母唔好俾佢估到你會點, 要不時變陣.

Mime

謝謝你用這那多時間同我分享.

62&99(其實我細姑仔對我99都好無禮貌, 當工人咁洗.但都唔覺得有咩問題 ). 現在已經明白及暫時同一陣線.因為我嚇佢地, 話阿女再是這樣落去一定無得求. 現在面臨留班的險境(我誇大了小小)對62&99講. 99現在非常擔心. 對阿女都不太順從,由其是我在場.

好聲好氣相量/激辯/ 反話, 什麼都出齊, 現在我都無再同佢激辯or鬥咀. 只是輕輕說, 我已經提點過你, 要是不聽後果是自己受晒.
最近我成日同佢講, 欠人野是要還的. 欠功課老師追到天腳底也會追, 上星期老師仍在追佢抄回上學期的抄書功課. 數學改正 - 這2晚連續改到11點. 因為上堂時唔願做亂填些答案, 佢可以 25+48+92=1. 好明顯是諗都唔想諗. 我咪同佢亂填e+咪又係要還law.
我都有同佢分析, 如果留班就以後都不能再同這班同學一齊, 佢仲駁話小息去佢地班房找咪得. 我只好說ok, 如果真的留了班請不要講俾多次機會, 因為我不能改變學校的決定.

原帖由 黃巴士 於 09-4-30 13:42 發表


本來打了一大段, 但按錯鍵DELETE咗. 激死!!

我囝囝現情況好多了.  
囝囝都是第1個孫, 62&99當然寵啦!! 都要共識教小朋友由你們教, 他們不要INVOLVE入內.  當然是私下C6講, 婉轉些仍要RESPECT長輩啦!!

...

黃巴士

原帖由 Mime 於 09-4-30 15:32 發表
謝謝你用這那多時間同我分享.

62&99(其實我細姑仔對我99都好無禮貌, 當工人咁洗.但都唔覺得有咩問題 ). 現在已經明白及暫時同一陣線.因為我嚇佢地, 話阿女再是這樣落去一定無得求. 現在面臨留班的險境(我 ...

你囡囡現在玩"AIR"&爛, 她是否覺得沒相干/ 不關心??
你再與她說你想小息同以前或新同學仔玩, 她們都未必會理睬你, 因為其他同學父母都鍾意小朋友同你玩, 因為你馬虎對事, 求求其其囉.  
咁你點同其他小朋友或長輩交待你留班?? 唔係唔出聲就得.
以前我嚇囝囝, 他會話"你講遮"!! 我有時會由得佢碰釘.
小朋友有時會愈"林"佢, 佢愈得戚.

你有沒試嚴厲對自己, 如她不做功課, 你不食飯(飯照煮), 不做家務, 不為她簽手冊, 不為對功課(但有關學校的, 要與班主任共識, 父母在管教中).... 是她的錯, 但不是罰她, 是罰你自己.
或者同佢講媽媽唔開心, 跟著喊, 又唔出聲, 不是嬲她, 只是怨自己, 終日愁眉苦臉.... 看她是否有反應??

你的囡囡十分聰明, 懂得以為進. 恃寵而驕!!
不要洩氣, 努力去教她!!

黃巴士

原帖由 Mime 於 09-4-30 15:32 發表
謝謝你用這那多時間同我分享.

62&99(其實我細姑仔對我99都好無禮貌, 當工人咁洗.但都唔覺得有咩問題 ). 現在已經明白及暫時同一陣線.因為我嚇佢地, 話阿女再是這樣落去一定無得求. 現在面臨留班的險境(我 ...

MIME,

我都感同身受, 俾灑些時間他, 都仲係咁激氣!! 可唔可以乖些少呢??　我細個都唔洗父母咁操心,好乖個喎. 點解依家些小朋友咁"棘手"&勞心???