１６個月大ＢＢ不會講話又缺乏模倣能力，會是甚麼問題？

June04

兒子剛１６個月大，只發單音，極少模倣他人動作亦沒有一般ＢＢ的手指指動作。但喜歡跟人玩亦有眼神接觸，初步健康院評估應不是自閉兒童。但總怕會唔會係有某方面既發展遲緩。唔知有無家長有相同個案可以分享吓。謝謝

pollybell

16個月只發單音都算正常,其實太細好難評估,例如你比指令佢明唔明白???你指住某些東西叫佢望,佢會唔會望???如果理解應該問題不大,好似我個仔而家22個月,歲半都未有單音,模仿都好少,但所有指令都理解,健康院既醫生都話比小小時間,太細唔需要太心急,每個小朋友既發展都唔同,事實又真係到19個月開始好大進步,會模仿DVD人物做動作,講野叻左好多,前幾日無啦啦自已講1-10英文,真係間中就有驚喜,我都比佢嚇親.所以唔洗太擔心.

June04

Thanks Pollybell,

多謝您既分享.
其實一般既簡單指令都會明, 有時俾啲新鮮物件佢都會跟住望. 係剛十五個月既時侯到健康院做觀察, 姑娘就話應該唔會係自閉症(我地自己觀察都覺得佢唔會係, 因為佢好鍾意同人玩, 就算係陌生人都係, 頗多眼神交流), 不過就太細, 好難太早去斷定他是發展遲緩, 要到18個月再睇再下定論. 其實我都上網睇咗好多參考資料都覺得而家未係時侯去做定論, 但有時見有啲case又話一歲已知等等, 早啲知好啲, 攪到個心唔知點好.

講野快慢其實反而唔係太擔心, 只係您教佢嘢既時侯(例如擺形狀), 他總是不跟您做, 只會攞舊野嚟研究, 跟住就係拋落地. 同埋好似唔係好識玩玩具, 反而鍾意返轉個底攪"鑼絲". 仲有就係鍾意將件野轉嚟轉去同埋拋落地.

矛盾既地方就係您會覺得佢絕對係一個好開心好活潑同都幾乖既bb,但就係覺得佢硬係有啲野唔同(起碼同大仔都差好遠, 不過生活環境亦唔同咗, 好難講), 最主要係佢真係唔係太模倣大人做既野, 不過又唔知係咩事令到佢唔同, 我地可以點幫佢.

原帖由 pollybell 於 09-4-7 00:16 發表
16個月只發單音都算正常,其實太細好難評估,例如你比指令佢明唔明白???你指住某些東西叫佢望,佢會唔會望???如果理解應該問題不大,好似我個仔而家22個月,歲半都未有單音,模仿都好少,但所有指令都理解,健康院既醫生都話 ...

[ 本帖最後由 June04 於 09-4-7 11:35 編輯 ]

jor_mankiu

june04,

我喺你另外個thread post reply, 睇完你呢個post, 就覺得我個仔真喺好似你個仔！佢又喺好鍾意反轉個玩具睇個底，　然後就拍打個底．　leg 住玩具鍾意轉轉去研究，　然後又喺dump咗佢！

姑娘都話佢一定唔喺自閉症，　因為眼神接觸好，至於有無speech delay, 或developmental delay就要一路觀察住.

原帖由 June04 於 09-4-7 11:32 發表
Thanks Pollybell,

多謝您既分享.
其實一般既簡單指令都會明, 有時俾啲新鮮物件佢都會跟住望. 係剛十五個月既時侯到健康院做觀察, 姑娘就話應該唔會係自閉症(我地自己觀察都覺得佢唔會係, 因為佢好鍾意同人玩, 就算 ...