deleted

魚子媽媽

Deleted

[ 本帖最後由 魚子媽媽 於 09-3-10 02:23 編輯 ]

Namson

魚子媽媽:

我唔清楚妳小朋友係咪發生左一些不愉快經歷,所以有感而發,或者大家交流下意見呀! 從我第一天報名開始,我已經知道聖心係一間傳統學校,唔係一間活動學校,我亦相信大部份家長報名之前一定會去打探清楚呢間是什麼類型學校才幫小朋友報名. 當初我都有諗究竟我應該比一個開心愉快既童年我小朋友,定係比一間好嚴好刻板好多功課做的幼稚園裡讀書呢?最終我決定比聖心佢讀,原因係我小朋友本身好百厭,屋企人攪唔點,如果我比活動教學,我驚佢第時上小學會習慣唔到,所以寧願佢早小小習慣下.但出乎意料佢每天放學回家都很自動自覺做功課,雖然每天有2-4樣功課,但佢又冇話覺得好多唔肯做.況且早d比佢打好個基礎咪仲好(純熟個人想法),所以要睇父母自己究竟想點先.咁當然我都有上網見到有些家長話呢間學校d老師唔好,所以我間唔中就會問下我個囝,學校d老師好唔好,有冇小朋友比老師話或者罰佢地,咁佢又話老師好啺佢對佢好好,我相信小朋友應該唔會講大話,如果有人對佢唔好,我估佢實唔肯返學啦.當然咁大間學校有老師唔好我信,但係唔係大部分呢? 同時我亦覺得其他幼稚園都會有這個情形出現.唔係得呢間有.

原帖由 魚子媽媽 於 09-3-10 02:06 發表
家長參與學校活動的機會很少
學生的背誦能力會好好
但創意低，因缺少訓練
大部分老師對家長態度冷淡，有很多甚至認為自己高高在上
不願開放校園
管理層、老師都不明白”主愛世人”的道理，雖然她們每天都誦經、祈禱
以上說 ...

tszwaima

我好希望現在讀緊k1-k3既家長出黎發表吓你地小朋友既情況, 因為我個女今年會讀k1, 其實都知聖心係一間傳統學校, 不過都想聽多d學校既事呀!

大貓媽媽

我十分認同NAMSON媽媽的說話。
我也是因為孩子太好動而希望用傳統學習來「平衡」一下。
人人都有一套對自己子女的教育理念，
不會個個合用；
可是，由你選這所學校的一刻開始，
你應該好清楚她是一所那種類型的學校，
不會在就讀以後才發現「貨不對辦」吧﹗

[ 本帖最後由 大貓媽媽 於 10-1-23 01:15 編輯 ]

myhoneys

! 距距半年時間聖幼發生咗今多事？我大仔久年畢業都唔洗默書及有3-4樣功課。細仔而加K1 都讀得很開心。不過我聽過大仔講多數老師都好好，但都有幾個比夠惡，間間學校都係感架啦。其實我都有approach 過d老師，我覺得佢地都 ok 及 friendly 呀.

Karen08

原帖由 魚子媽媽 於 09-3-10 02:06 發表
家長參與學校活動的機會很少
學生的背誦能力會好好
但創意低，因缺少訓練
大部分老師對家長態度冷淡，有很多甚至認為自己高高在上
不願開放校園
管理層、老師都不明白”主愛世人”的道理，雖然她們每天都誦經、祈禱
以上說 ...

我個人覺得K3開始有功課做沒有什麼問題. 其實有一些經大抽獎而入讀聖小的小朋友,他們在別的幼稚園就讀時,因為沒有功課及默書,反而追不上聖小的程度而轉校.如想子女在沒有壓力的情況下渡過幼稚園的階段,咁就不如找一間活動教學的學校來讀, 不過入讀小學階段時就唔好找一間程度深的來讀,如果唔係,到時你仲煩.

ahmaymay

魚子媽媽
你小朋友係讀完聖幼之後覺得唔好嗎?可否講下你的經歷?謝謝!
我是今年入讀K1的準小朋友的媽媽...已經知道呢所是一所傳統的學校,也知道不是一條龍入小學中學的.正面負面的消息我都聽聞過.但我都決定俾小朋友讀的原因是和NAMSON媽媽一樣.小朋友比較百厭,係學校嚴一點.番到屋企我可以用比較寬鬆來對待.因本人不太識教.

INTERVIEW時老師都說過..不會寫在手冊入面今天學了什麼.而是要小朋友自己告知父母今天學了什麼.
我覺得總比起咩都唔洗問小朋友,父母只要上學校網CHECK就咩都知道來得好.

我暫時不能評好壞..因我小朋友未返學.不過都好期待. ^.^

minimon

我見樓主個msg講到k.3要做3,4樣功課, 又要默書各樣就好似已經好不滿咁.  如果你知道讀根德既小朋友, k.2上學期已經過緊呢d學習模式, 咁咪仲覺得佢地變態?!

我個女而家讀緊k.1下學期, 上學期基本上一樣功課都無, 係差不多到聖誕前先有小小連線+填色既功課.  聖誕假期就有一本假期功課, 但都係好簡單.  而下學期開始, 就每日都要做一版功課, 就已經係寫簡單中文字/英文字母+填色.  聽我個女講番, 在學校都會有d堂課, 寫另一d字 (因為佢返黎做功課寫果d同佢話佢識寫邊d又唔同, 問佢先知原來在校會寫下另一d).  而上次觀課日時, 又見到學校有d類似role play既茶點時間 (扮茶餐廳), 我又覺得幾interesting.  同埋d christmas party同黎緊會有d親子運動日, 都可以有家長參與, 我都覺得唔錯噃...

呢個就係我對呢間學校呢大半年既感想啦!

PYNGMa

我囡囡依家讀緊k1, 每天都好鍾意,好開心返學! 我亦都睇到囡囡自從返左呢間幼稚園後各方面都進步左, 我個人覺得呢間幼稚園同我expect無乜差距, 老師都好好呀!

mickeywinnie3

其實學校一直都無唔承認是一所傳統教學的幼稚園, 所以我們要在入讀前清楚學校模式才可!

小的

我個小朋友讀緊聖心K1.現下學期開始有功課做
我見佢好開心仲好主動做功課.其實打好個基礎好緊要
我個姪佢細個時讀活動教學當佢升小學時我見佢好辛苦
所以有功課做唔係一件壞事.起碼佢唔會抗拒.

YY（芝芝媽咪）

我路過的，有感而發。

我囡囡在聖幼畢業，現在唸小二囉（並非聖小）。無可否認聖幼的小朋友中文和數學基礎打得唔錯，我是全盤放手讓囡囡自己做功課，默書、測驗、考試也只是幫她覆核，但英文始終較弱。

恩林

我有個在沙田區幼稚園工作的朋友說....
佢話聖心的老師人工很少, 所以佢哋常常轉工, 而且冇乜愛心教小朋友,
咁都正常o既~ 我小朋友係學費比較貴的幼稚園番學, 老師都笑容多D啦..........
哈哈哈~!!

Namson

如果照妳咁講,我亦唔見得妳小朋友學校的老師好有愛心呀!佢地衹不過見錢閞眼,都唔係發自內心.唔好以為人工小就沒有好的老師.妳咁樣講抺殺左有抱負的老師.當年八仙嶺個班老師賺十萬九仟七咩!點解佢地可以連自己條命都唔要救班學生,妳話點解呀?

原帖由 恩林 於 09-4-24 21:57 發表
我有個在沙田區幼稚園工作的朋友說....
佢話聖心的老師人工很少, 所以佢哋常常轉工, 而且冇乜愛心教小朋友,
咁都正常o既~ 我小朋友係學費比較貴的幼稚園番學, 老師都笑容多D啦..........
哈哈哈~!! ...

[ 本帖最後由 Namson 於 09-4-26 09:51 編輯 ]

恩林

唔洗咁激動, 我都係將我見到的事實講出黎姐~!

上年我因細仔的K1入學而IN聖心, 學校俾我的印象唔太好, 因為有好幾個老師大叫小朋友唔好玩, 又同D家長講, D小朋友會整爛D玩具, 一個兩歲又未讀過書的小朋友, 有乜可能會唔玩及懂得聽話呢?! 識就唔洗入黎讀書啦~

interview時, 的確個兩位老師都好nice, 不過先入為主, 所以.....

再者聖心同民生都收左我小朋友, 所以我四方打聽, 又上BK作比較, 結果就打聽到上文的結論,

因為我朋友係吳多泰教的, 佢眼見好多聖心的小朋友轉去佢個度讀, 佢問家長點解, 咁當然聖心有佢不足的地方至轉校啦~

最常聽到的就係, 有個主任要老師跟佢個套, 如果唔係老師好難做, 所以有心做的老師都消晒氣啦..........

所以我至話人工少係其中一個問題, 有心教學的老師都有佢哋的選擇權, 佢哋可以選擇資源較多的學校, 發揮佢哋的愛心同教學理念,
人工較高的幼稚園比較多人in老師個post, 自然學校選高質數的老師都多左, 同名校收生的道理一樣~!! 唔係因為人工高至有愛心, 而係人工高吸引多左老師去見工, 由學校選擇有愛心, 有理念的老師出黎!!

另外, 八仙嶺事件的學校係中學黎, 而且係津校, 所以人工以大學生計算, 係ok的...

我講的人工少, 係得幾千蚊個隻, 有時都真係好冇心機, 如果要我做10個鐘, 又要用心用力咁教白紙一張的小朋友, 又有上司的冇理要求, 又要人工少, 我都會想轉工啦~係咪??

所以你都唔洗咁激動~ 我只係其中一個說法, 上黎BK的家長都想聽到唔同的意見, 好壞都有的意見........ 我都係常上黎BK的其中一個聆聽者姐~~~~~!!!mouth:" />mouth:" />

[ 本帖最後由 恩林 於 09-4-25 11:55 編輯 ]

Namson

妳誤會啦!我唔係激動,我至不過想講比多D錢唔等於間學校所有老師都有愛心,比小D錢亦唔等於間學校所有老師都冇愛心咁解啫.

原帖由 恩林 於 09-4-25 11:42 發表
唔洗咁激動, 我都係將我見到的事實講出黎姐~!

上年我因細仔的K1入學而IN聖心, 學校俾我的印象唔太好, 因為有好幾個老師大叫小朋友唔好玩, 又同D家長講, D小朋友會整爛D玩具, 一個兩歲又未讀過書的小朋友, 有乜可能 ...

kwan_kwan3

我仔仔在未上幼稚園時在某些活動教學之學校上playgroup, 某校課室之玩具種類繁多十分吸引,小兒未能全神貫注聽故事,專注力十分差勁…再加上本人與丈夫要上班,未能參與太多的學校活動,看到聖心課室沒有放置玩具又加上很少親子活動,和過往的口碑中文比較涵接小一,老師嚴格和學費…機於以上的原因而選了此校!
小兒上k1前有一個星期前有家長陪同之適應班,這星期可以看到仔仔好快就適應了,專注力有很大的改善(雖然聖心學生人數比playgroup人數多了很多,可能課室沒有放置玩具)果一刻話比自己知是冇選錯的!唯一最大的問題是學校唔會話比家長知每天教什麼?是要孩子主動去話比你知他學了什麼!未有美思英語教材,英文比較一般學校是很少(對於一些上學期k1的孩子未能講得出學了些什麼) 然後順利地上K2,中文開始要造句,有難度,從來的功課都不用思考,佢連(我,是,的)字都未學,好難作句.小兒用了一個月的家長指引才可以自己作句,原來仔仔又可以自己做到!至於主愛世人,我仔仔果班如果有所教的老師或者同班同學因病入院,都會集全班上課時間為她/他們祈禱,所以仔仔也開始留意祈禱的重要,認定祈禱可以幫助到她/他們,這點我好欣賞! 經阿仔口中,他們是分組學習的,老師大約是1:10-12 ,每星期他隨意喜愛學什麼就去什麼地點上課,當然每星期都有限制(每星期有一定的次數上中文,英文,數學)但其他術科佔課堂數是少例如美術.. 所以阿仔最喜愛每天上課,從功課可以比較跟一般同事的幼稚園學的字差不多,至於英文因為學校可能留意到學生的不足,所以新加了一套美思英語教材(果年k1-k3開始用)英文又可以追到k2 standard ,順利地阿仔升上K3 , 已要求孩子用數學 簿，寫橫式和用間尺間線，中英文已要默書，每天有３－４樣功課，其中最少有２／３是抄寫,我自覺是沒有問題,例如數學間線,只是一個模式,好讓學生接觸使用間尺,遲一年都會學懂!至於默書,k2時我問阿仔你地有冇默書,佢每次反問我什麼叫做默書?我地上堂只有玩遊戲,老師讀生字,我地寫得到最多為之最好,不可以偷看同學,如果錯了,回家自動自覺要溫返唔識果D,所以到現在亞仔從沒因為默書而溫習(有些名校K2已有默書,60-70分都要見家長話在家溫習不足夠,要向家長施壓)! 每天都有中英數功課,都去了3樣!!星期五因2天假期,有時加埋聖經填色(親子功課), 數學好快就做完,中英文是要花點時間才寫得好!至於抄寫,本人認為佢地的年紀是最好抄寫,不用抄寫好容易會忘記!適量是好的!暫時來看,仔仔喜愛返學,喜愛做功課, that’s ok!當然我都很同意(老師)她們是不會改變的，亦不太理會教育局的外評,家校聯繫是不足夠!我上次自己去見家長果日,我見其中一個班主任(每班有3個班主任),言談下我發覺她不太了解我仔仔上堂的情況,回家仔仔才知道阿仔果班分3組,每組跟一位老師,而仔仔並不是見家長果位老師果組,所以老師對他不太了解!這樣的安排不太好!但老師的嚴厲令學生知道自己須要有改善的空間,所以在家都有規有矩,幾好!我知道好多現今的幼稚園老師不嚴厲對待學生,而學生不知道自己有問題的存在,百般千就,上到小一才發覺問題是最終一定要改,已經遲了!所以,每間學校都有好有唔好!

mickeywinnie3

THANK YOU kwan_kwan3 的詳細分享, 感激, 我想妳也花了不少時間才完成, 讓我們知道學校的不足與優點, !

kwan_kwan3

學校教得多,家長就苦了跟小朋友溫習,上小一時會輕鬆點,學校教得少,家長以為好舒服,但上小一時家長就會好忙!但回頭看,小朋友始終都要識,都要懂,只是遲和早去懂的分別!有時眼見d家長都十分矛盾,又要小朋友寫少d字,但又要小朋友唔好忘記,付出要最少,收穫又要多!小朋友上課half day,上課室,去下toilet 洗下手,食茶點,上校車,餘下的時間不多,可以用來教書的時間唔多,仲要處理埋訓導問題,所以老師嚴厲本人認為是有須要的!