家長學歷唔得見小1會否影響收生????

sec-hk

>>> 學野多與少有時真係要睇小朋友本身興趣及能力

對, 但不是 K2 那年,  尤其是K2時其中3~9月, 這6個月密集訓練能換來12年一條龍的幸福,  博唔博 ?  見仁見智

現實歸現實 d st paul 仔, db仔 讀完大學... 做5~6年o野就去到20萬個月, 普通大學生重要做多10幾年可能都未上到位, 無他 '朋黨' 也 !

如果在 interview 時說: 淨係一齊整野食、一齊唱歌 ...    就險左d .   過了 K2那年, 9月後 點唱點整都得


>>> 迫得太緊 令佢地反感

對, 不可迫 !  need to give strong 'reason' and strong 'incentive'


>>> 一切順其自然, 有時太勉強亦都唔係一件好事

sorry,  對於一個5歲K2小朋友,  '順其自然' 是做唔到 60秒游50米.  要入名校, 係要強求

[ 本帖最後由 sec-hk 於 09-3-11 03:55 編輯 ]

Lilo

原帖由 sec-hk 於 09-3-8 01:42 發表
>>> 學野多與少有時真係要睇小朋友本身興趣及能力

對, 但不是 K2 那年,  尤其是K2時其中3~9月, 這6個月變態式訓練能換來12年一條龍的幸福,  博唔博 ?  見仁見智

現實歸現實 d st paul 仔, db仔 讀完大學... 做5~6 ...

未能認同你的講法,講真入唔入到名校唔係靠k2時特訓6個月就得.我家族中的小朋友全部讀名校,我小朋友今年亦入到名校,但對唔住我地無為小朋友提供特訓,我什至被有些好似你咁諗法的媽咪稱為"唔長進的媽咪",但結果我小朋友考直資同私校唔比佢地差,有d仲好過添.

從其他topic知道sec-hk你未有小朋友,你唔係過來人,只係幫老板個仔做過portfolio,唔知道真實/事實係點玩法,一切都係想當然.你可否解釋點解interview時話平時一齊唱歌同整野食會死梗?!你問十個名小學校校長,十個都會話比你聽佢地會收一個係interview時答平日同家人一齊唱歌/整野食的小朋友都唔收一個答平日只係去學7000技能的小朋友!

你係bk到找生意係你的事,始終有d媽咪真係唔識做portfolio(which I don't think is so important)，但你危言聳聽就唔咁好，唔好講到無份portfolio 就會死咁，我就識人唔做portfolio但係個仔就比男拔,英華,聖保羅男校同聖保羅男女校收左！

[ 本帖最後由 Lilo 於 09-3-8 02:06 編輯 ]

sec-hk

原帖由 WindyChow 於 09-3-6 02:11 發表
我個仔在st catherine讀k2(L5)
真係好想知! 如果方便可否幫幫手!
THANKS!!!!!

1. 關鍵不在學到第幾級, 重點可以考慮放在游水,  搵個勁教練, 地獄式3個月, d 勁教練有方法激勵你個仔.  

2. 要你老公明白整個小一工程集中在 3~9月, 只需要真苦6個月 !   如果他不支持你,  是無機會成功.

如果入到心儀嘅好學校，就不再長期作戰。 朋輩是最好的教材.  英華 d 仔, 這幾年質素好高, 成班個個讀書, 運動都好叻.  林校長d 仔個個係自動波, 母子關係好好多


註: 我係未結婚, 無仔女, 我是從老板娘d朋友那裡偷師

[ 本帖最後由 sec-hk 於 09-3-11 03:53 編輯 ]

sec-hk

原帖由 Lilo 於 09-3-8 01:57 發表


未能認同你的講法,講真入唔入到名校唔係靠k2時特訓6個月就得.我家族中的小朋友全部讀名校,我小朋友今年亦入到名校,但對唔住我地無為小朋友提供特訓,我什至被有些好似你咁諗法的媽咪稱為"唔長進的媽咪",但結果我小 ...

是因為你家族很有錢 和 捐了好多錢

popocat

編寫孩子履歷的技巧 (不求人, 唔駛錢)
http://www.teddykids.com/index.p ... =1127&Itemid=20

Radiomama

小一選校真的好折磨，家長們relax d吧!
興趣班要上，吸收多d經驗，但不要太雜，小朋友無可能個個都是十項全能。
太功利的鍛鍊，也許可以搏入名校，但卻犧牲了孩子的健康成長，為何?

召藥師

原帖由 sec-hk 於 09-3-8 02:57 AM 發表



是因為你家族很有錢 和 捐了好多錢

你係坊間個d所謂教育機構做秘書嗎? 只係幫老闆做過portfolio同聽老闆娘講吓就咩都知道? 可以咁武斷?!

Geni

sec-hk, 睇O黎你真係好祟拜你老闆娘喎~~ 我諗你都打算他日自己有小朋友都會行呢條路O家啦! 咁我俾D tips 你, 你依家最好搵個有錢男朋友, 有錢到大把錢你駛, 因為你要睇落似闊太, 同埋唔介意你為你個仔o既"前途"而"變態地"對待個仔, 希望你搵到啦!

講番你偶像老闆娘o既入名校秘笈, 我想問o下你老闆娘有冇同你講過如果個仔入唔到名校會點呀? 冇前途? 冇將來? 我就覺得只有一個後果, 就係冇面子! 從你所講o既o野去推測, o係佢o既角度, 入名校等如身份o既象徵, db仔o既阿媽, 幾威呀! 又諗住個仔入到去一定可以識到好多d"有利用價值"o既人, 第時一畢業打個電話就有份賺幾十萬一個月o既工等佢做....

我唔敢講咁樣諗o係咪錯, 但我好肯定咁同你講一個真心愛自己小朋友o既父母一定唔會為o左入名校, 為o左自己o既面子, 去做d自己都覺得"變態"o既事. 想佢早d學多d o野都仲可以接受, 但目的只為入名校而做, 仲要做到"變態"的話, 係你呢d冇小朋友又o係度自以為係專家o既人先講得出

再講, 不知有幾多間學校o既校長講過, 佢地唔係用學過幾多o個training course 來選學生, 有d仲會話只學半年以內o既唔計, 仲話5歲人仔就train到十項全能, 會唔會誇張o左d呀, 有時間不如多做親子活動.... sec-hk, 呢d真心幫自己個小朋友選校o既父母都知o既消息, 你又有冇聽過呢?

我覺得你o既意見同見解為呢個forum帶來好多活力, 極端o既反面教材係好好o既借鏡, 而且為我地呢d緊張o既父母帶來好好o既調劑, thanks!!

[ 本帖最後由 Geni 於 09-3-8 22:51 編輯 ]

Lilo

原帖由 sec-hk 於 09-3-8 02:57 發表

是因為你家族很有錢 和 捐了好多錢

都話左你呢個人係想當然,自以為是.我唔係咩有錢人,只係一個打工仔,連一個仙都無捐過比間學校.你咁講是否定了我個小朋友同家族中的小朋友的實力,唔係十項全能先叫做有實力,唔係有個專人做的portfolio先至有名校收,亦唔係無錢就無機會入名校,我前文提過無做portfolio但個小朋友被多間名校取錄的朋友亦只係打工仔,小朋友入左聖保羅男女後仲可以申請到減免!

小朋友就算識7000樣技能但無品無家教都係無用.聖保羅男女個校長講明,佢地重視小朋友的禮貌多於識幾多項技能.好心你有d職業道德,收錢幫人地做portfolio都去聽下簡介會,知道清楚每間名校的要求!

Geni
完全同意你所講!

召藥師

原帖由 Geni 於 09-3-8 10:46 PM 發表
我覺得你o既意見同見解為呢個forum帶來好多活力, 極端o既反面教材係好好o既借鏡, 而且為我地呢d緊張o既父母帶來好好o既調劑, thanks!!

100%同意呀! 令緊張嘅我當堂覺得鬆哂! 佢真係一個幾好嘅反面教材。

睇吓佢仲會唔會入來反駁

Gar

無上 BK 2 日. 呢個 Topic 駛唔駛禁長. 唔知 sec-hk 有無果個教游水既勁教練同果 D 好變態既地獄式訓練既 course可以介紹比我. 如果唔係我都唔知要個份 portfolio 做咩好. sec-hk 記得下次要成個 package 來sell. 可能效果會好 D 架. :;pppp:

502

沒有進來兩天有已經有這麽麽多post!

不是故意阻人做生意， 但實在好不想其他k2家長給人誤導！

全世界不是只有他老闆個仔才入男拔！

看了太多個案， 在k2/3時拼全命取certificate， 游水speech festival 樣樣全做， 最後也是入不了心目中的特級名校， 犧牲了親子關係又何苦？

坦白說， 這兒懂得小一入學技巧的家長多的是， 不要爲了做生意搞到大家笑大個口！

原帖由 Gar 於 09-3-9 01:48 發表
無上 BK 2 日. 呢個 Topic 駛唔駛禁長. 唔知 sec-hk 有無果個教游水既勁教練同果 D 好變態既地獄式訓練既 course可以介紹比我. 如果唔係我都唔知要個份 portfolio 做咩好. sec-hk 記得下次要成個 package 來sell. 可 ...

sec-hk

原帖由 Gar 於 09-3-9 01:48 發表
無上 BK 2 日. 呢個 Topic 駛唔駛禁長. 唔知 sec-hk 有無果個教游水既勁教練同果 D 好變態既地獄式訓練既 course可以介紹比我. 如果唔係我都唔知要個份 portfolio 做咩好. sec-hk 記得下次要成個 package 來sell. 可 ...

>>> 有無果個教游水
我唔識佢地. 我同d 名校家長好friends, 可以問到, 但係 唔話你知, 等你心思思 ...  個5歲小妹妹, 50米游 47 秒 !  真係果d 級數係教游至有計, 玩下玩係做唔到


>>> 好變態既地獄式訓練
都有 !   d 小朋友重玩得好開心, 重去左文化中心表演
男辦女裝, 女辦男裝 ...  變唔變態 ?   又係唔話你知, 等你心思思 !

講真家長為了孩子, 負出很多 ! 好彩未做媽咪,
想起老板娘話幾年前入 CCKG  d辛苦野,  真有點怕 !

sec-hk

原帖由 502 於 09-3-9 11:46 發表
了太多個案， 在k2/3時拼全命取certificate， 游水speech festival 樣樣全做， 最後也 ...

係要盡做架, 但不是求 '數量', 而是求 '質量'

唔拼全命都得, 只不過要用多d錢, 成萬銀個月學費d  耀中, 加拿大國際, 都好堅,  好甘 !

[ 本帖最後由 sec-hk 於 09-3-9 15:25 編輯 ]

sec-hk

原帖由 Geni 於 09-3-8 22:46 發表
sec-hk, 睇O黎你真係好祟拜你老闆娘喎~~ 我諗你都打算他日自己有小朋友都會行呢條路O家啦! 咁我俾D tips 你, 你依家最好搵個有錢男朋友, 有錢到大把錢你駛, 因為你要睇落似闊太, 同埋唔介意你為你個仔o既"前途"而"變 ...

好都想搵個有錢男朋友, 最好有d靓仔 . 我重有幾會架. 老板娘d闊太朋友話帶我去見識下架

至於要培養小朋友, 做媽咪要好大負出, 真係怕怕 , 都係唔生好

[ 本帖最後由 sec-hk 於 09-3-9 15:47 編輯 ]

sec-hk

原帖由 Geni 於 09-3-8 22:46 發表
我想問o下你老闆娘有冇同你講過如果個仔入唔到名校會點呀? 冇前途? 冇將來? 我就覺得只有一個後果, 就係冇面子!

應該唔會冇面子, 因為大把國際學校可以入, 只不過要使多d錢.

sec-hk

原帖由 502 於 09-3-9 11:46 發表
最後也是入不了心目中的特級名校， 犧牲了親子關係又何苦？

最犧牲親子關係的事 係日後 監管d小朋友做功課,
如果成班朋友仔都係自動溫習和做功課, 小朋友很容易受影響. 親子關係好好多.

關於 6個月 特訓, 最好唔好自己出手, 找個教練做衰人, 自己做好人

[ 本帖最後由 sec-hk 於 09-3-9 16:16 編輯 ]

sec-hk

原帖由 召藥師 於 09-3-9 01:29 發表
100%同意呀! 令緊張嘅我當堂覺得鬆哂! 佢真係一個幾好嘅反面教材。睇吓佢仲會唔會入來反駁

我無小朋友照顧, 入來駁下駁下 ... 都幾好玩,
我問過個名校媽咪, 大部份都好似未聽過 bk.
的確是完全兩派教仔方法. 我看過很多 BK topics, 真係兩套完全不同價值觀.  不過 BK 一定要走大眾化路線

Geni

sec-hk, 都唔知話你天真定話你傻好, 人地話你你都好似唔多明咁~~~ 我諗你o係未明白我地呢d真阿媽講o既道理之前你都最好唔好生小朋友住, 又或者可能你要到生o左小朋友先明白我地講乜o野~~

點都好, 為o左唔想d正在為自己小朋友搵學校o既家長因為你而諗埋一面, 都係要評論o下你o既建議.....

>> 我唔識佢地. 我同d 名校家長好friends, 可以問到, 但係 唔話你知, 等你心思思 ...

冇人會因為你唔講而心思思, 因為要知o既唔駛問你, 唔想知o既你講都冇人會在意. 同埋你最好唔好講, 一來你d家長 friend一定唔想你將佢地d秘方唱通街, 係人都知佢地就唔再高人一等! 二來, 如果你幫呢d"勁教練"做o左宣傳, 太多人搵佢地搞到你d friend d friend book 唔到, 你d friend 會冇 face!!


>> 個5歲小妹妹, 50米游 47 秒 !  真係果d 級數係教游至有計, 玩下玩係做唔到
你知唔知個5歲妹妹係咪仲有操水呀? 佢係咪諗住參加olympic? 如果唔係train o黎做乜? 又或者原本間學校因為佢呢個特長而收佢, 但佢入o左去之後就冇再諗住操水, 咁佢o係o個間學校o既價值會唔會等如零呢? 就算佢繼續游, 但要keep到咁o既表現, 佢又邊有時間讀書同玩其他o野呢??

>> 都有 !   d 小朋友重玩得好開心, 重去左文化中心表演, 男辦女裝, 女辦男裝 ...  變唔變態 ?   又係唔話你知, 等你心思思 !

男扮女, 女扮男唔變態呀! 表演可以增加小朋友o既自信心, 幾好呀!

>>應該唔會冇面子, 因為大把國際學校可以入, 只不過要使多d錢.

咪又係講面子.... 仲有, 入國際學校都唔係有錢就得o家! 請你做o下功課先再講啦!!

>>最犧牲親子關係的事係日後迫d小朋友友做功課, 如果成班朋友仔都係自動溫習和做功課, 小朋友很容易受影響. 親子關係好好多.

冇父母想因為功課而影響親子關係, 但呢d唔係名校先做到o既事, 反而有d名校就係迫得d細佬太緊而搞到成家人冇日安寧, 你又知唔知呢!! 仲有, 你成日標榜朋輩壓力,  對好似你老闆娘呢類父母o黎講, "因家長之間o既壓力而引起o既壓力"我諗比朋輩壓力為大!! 你話個細路驚表演失手俾阿媽鬧失禮搞到冇哂face多d定驚朋友仔笑多d呢? 就算係怕人笑都係因為父母灌輸佢face o既概念....

>> 關於 6個月 特訓, 最好唔好自己出手, 找個教練做衰人, 自己做好人

如果個細佬同阿媽講太辛苦唔想學, 阿媽唔俾, 咁仲點扮好人呢??

[ 本帖最後由 Geni 於 09-3-9 16:50 編輯 ]

Geni

>>我問過個名校媽咪, 大部份都好似未聽過 bk. 的確是完全兩派教仔方法. 我看過很多 BK topics, 真係兩套完全不同價值觀.  不過 BK 一定要走大眾化路線

所以唔可以話佢地o既方法唔o岩, 只不過對我地呢d bk mom o黎講真係"好有趣"! 知多d有錢阿太o既私房秘技都幾有趣

話時話, 你唔好叫你d friend o黎bk睇你d post, 如果唔係你小心佢地告你爆佢地d商業秘密喎!!