煩~~升唔升班好呢...

anniewaibb

我個仔讀緊K2, 不過佢係十二月出生的細仔, 我怕佢上到小一會追得辛苦, 但又煩緊唔知比佢repeat k2 定 k3好........

[ 本帖最後由 anniewaibb 於 09-3-3 14:19 編輯 ]

anniewaibb

良民

不如讀完K2，再報間好的學校(e.g. St.J)重讀K2。

ericby

repeat k2 same school

Lilo

你有無問過老師佢係咪真係追唔到，我小朋友都係年尾出世，你個問題我都有過，但係老師分析比我聽，唔係細仔一定唔得，當然唔得就梗係留班好，但係要考慮小朋友的心情，眼見同班同學個個升班佢就無份，佢會好HURT。如果留班，咁就K2好過K3，一來學其他媽咪提議可以去報間好D的幼稚園(如CCKG, ST JOSEPH'S等)，二來又唔使見到其他同班同學升晒班咁傷，三來K3下學期好多學校已經要綵排畢業典禮又有小一適應課程，如果玩完一輪要留班，小朋友會唔知點算，究竟自己係畢左定係未畢業。老師仲提醒我要注意當年的出生率，如果下一年好多人，無論政府派位定考直資/私校，競爭都會大左。加上如果小一係讀官津校，讀唔上要留班都唔使錢，而幼稚園學卷只包三年，留一年就要自己比錢！

newboy

我個仔十二月，佢能力可照升，但我會選擇留，因上到小學可能會睇到D幼稚園睇唔到嘅野，始終幼稚園同小學係兩個世界，讀多一年好過將來後悔就來唔切，小學重讀自卑心重了！K3同學仔也升小學，大家也一齊離開原來幼稚園，並同佢解釋讀多一年K3原因是想佢升到小學的年齡大D合適D，等佢知係因咩事。

ericby

我會選擇留

Radiomama

anniewaibb,

首先要問:
1) 您想仔仔讀哪間小一? 普通津校/催谷型私小/超級直資名校?
2) 您期望仔仔怎樣? 樣樣皆精/快樂健康/聽話有自信?

我的理論是如已開始了k1，就讀上去吧! 好端端留級，實在好hurt小朋友。我仔仔也唸k2，也是細仔(11月生)，同班同學好多都好叻，但我沒有考慮要他留級，因畢竟他也在他自己的正常步伐上發展啊!

但若未開始入學的細仔們，實在值得延遲一年做大仔入學!

另一些只收k2-3的名幼稚園(eg cckg)是有入學年紀的限制的，如08/09學年，只歡迎2004年1月1日至12月31日出生的小朋友，早一年生的孩子就無份了!

您怕仔仔上小一辛苦的話，不如現在開始訓練他，如天天做功課、執書包、多閱讀、多參觀，還可以玩遊戲串生字，自己為他補補底，好過假手學校老師!  

努力!

原帖由 anniewaibb 於 09-3-3 08:10 發表
我個仔讀緊K2, 不過佢係十二月出生的細仔, 我怕佢上到小一會追得辛苦, 但又煩緊唔知比佢repeat k2 定 k3好........

gigiic

既然怕佢到時力有不逮, 不如早啲比佢repeat...

原帖由 anniewaibb 於 09-3-3 08:10 發表
我個仔讀緊K2, 不過佢係十二月出生的細仔, 我怕佢上到小一會追得辛苦, 但又煩緊唔知比佢repeat k2 定 k3好........

winchoy16888

好端端留級，實在好hurt小朋友‧以及係米老師叫先‧吾係我吾會‧小朋友吸收好快‥睇定Ｄ及與小朋支傾吓

anniewaibb

好多謝各位的寶貴意見, 其實我個仔係十二月出世, 我都同老師傾過, 因為佢k2上學期都係好bb, 而家好少少, 但因為佢學校一向主張repeat k3, 話其他同學走哂, 佢一個留低會無咁覺眼, 但我真係好唔贊成, 我好認同lilo的講法, 玩完一年升小一預備, 但又自己一個留低, 真係好hurt...但佢學校都企得好硬吓, 話要觀察到k3才決定留唔留...到時真係要留班就 而點解我想個仔留呢? 因為我仲有個大女, 亞女一月出世, 我見佢真係pick up得好些, 而且上到小一個分別仲大, 真係會辛苦好多~~雖然話個個小朋友都唔同, 但我唔想仔仔上到去追唔上才留班...而且佢十二月出世, 即使做大仔跟同班的年齡差距都與家姐相若...

但佢學校企得咁硬, 我諗都要幫佢轉校repeat

[ 本帖最後由 anniewaibb 於 09-3-6 13:55 編輯 ]