聖公會曾肇添中學的家長

cell

原帖由 summer01 於 09-3-23 10:25 發表


多謝呢位舊同學的意見, 既然你咁喜歡呢間學校, 相信老師應該都很照顧學生. 因為我都希望我小朋友能入到.

唔知而家的面試係點呢, 你仲會唔會有呢方面的消息? 又或者其他現在讀緊的同學家長, 你地仲記唔記得呢 ? : ...

1.首先自我介紹一輪後再問佢鍾意咩卡通人物。

2.跟著到2人一組, 由老師出題目,2人全程對話,老師沒有參與只在評分。(不要搶著講,一定要有禮貌和風度)

3.讀一遍英文文章(限時三分鐘)見有很多人都未能完成。

4.誦讀一遍中文文章

所有1.2.3.都是英語對答

以我女去年面試見到有些同學有人問借筆也不借,稍有阻礙就怒目而視,我同亞女都覺得有D感慨!面試個度個個口口聲聲話自己全級第幾第幾,但品格就........

[ 本帖最後由 cell 於 09-3-26 00:14 編輯 ]

summer01

原帖由 cell 於 09-3-23 22:21 發表



1.首先自我介紹一輪後再問佢鍾意咩卡通人物。

2.跟著到2人一組, 由老師出題目,2人全程對話,老師沒有參與只在評分。

3.讀一遍英文文章(限時)

4.誦讀一遍中文文章

所有1.2.3.都是英語對答 ...

多謝你的詳細資料 :loveliness: 全程要用英文, 果然要求好高, 真係要好好準備. 謝謝..

為食熊

原帖由 summer01 於 09-3-23 10:25 發表


多謝呢位舊同學的意見, 既然你咁喜歡呢間學校, 相信老師應該都很照顧學生. 因為我都希望我小朋友能入到.

唔知而家的面試係點呢, 你仲會唔會有呢方面的消息? 又或者其他現在讀緊的同學家長, 你地仲記唔記得呢 ? : ...

無錯，我唔可以講全部老師，但大部份都係好錫學生的，成日都會有舊生返去探老師，師生關係好好架！

唔好意思，我唔知宜家面試係點喇，全英文既話應該好難，不過佢始終係英中，英文唔好既話，入左都無用，我有個中一同學，小學成績好好，數學全校第一，校長推薦入黎，但黎到英文第尾，終於所有科都跟唔上，除左數學，最後中三俾學校飛左出黎！佢下場係在出面讀到中五就出黎打工，我成日覺得如果當初佢係讀中中，佢一定唔會有甘既下場！

summer01

原帖由 為食熊 於 09-3-25 16:49 發表


無錯，我唔可以講全部老師，但大部份都係好錫學生的，成日都會有舊生返去探老師，師生關係好好架！

唔好意思，我唔知宜家面試係點喇，全英文既話應該好難，不過佢始終係英中，英文唔好既話，入左都無用，我有個中一同學，小學成績好好，數學 ...

聽完你個例子，可見選校真係好重要，不單要學校好，最緊要係夾小朋友，如果唔係真係害左佢，好擔心呀!

為食熊

原帖由 summer01 於 09-3-26 12:19 發表


聽完你個例子，可見選校真係好重要，不單要學校好，最緊要係夾小朋友，如果唔係真係害左佢，好擔心呀!

係呀，我呢個同學以前係我好朋友，睇住佢愈來愈放棄自己學業，個人又自卑，我覺得好浪費左佢！
讀band 1 都要量力而為，否則會抱憾終生！

kenny325i

想請問各位家長：

1. 是否不設精英班？
2. F.1新生的lunch time是如何安排的？

thx

yanyan-mummy

原帖由 kenny325i 於 09-7-8 13:28 發表
想請問各位家長：

1. 是否不設精英班？
2. F.1新生的lunch time是如何安排的？

thx

1.不設精英班
2.F.1 lunch可以選擇留校小食部或自行到附近商場解決!

kenny325i

原帖由 yanyan-mummy 於 09-7-8 14:04 發表


1.不設精英班
2.F.1 lunch可以選擇留校小食部或自行到附近商場解決!

由於小兒來自半日制小學，而且自理能力較差，驚佢到時食唔飽，才會有此一問。多謝回覆！

kenny325i

今朝去註冊，先知道原來要填報小學校內外的穫獎紀錄，結果只好拿表回家填妥再去註冊。
請家長們註冊前準備好相關資料。

bentam1010

今年中一開始有一班用普通話教中文班別，對將來中學文憑考試是否有幫助。

kenny325i

原帖由 bentam1010 於 09-7-9 17:25 發表
今年中一開始有一班用普通話教中文班別，對將來中學文憑考試是否有幫助。

用普通話教中文科的，將會是F.1C班，可能即係變相精英班！

kenny325i

想請問各位家長：平時的小測/默書，是否會計入成績成？佔幾多比重呢？

redredchan

請問曾記的自行收生要求是怎樣的?觀塘區十名內有機會嗎?請問有曾記的面試題目嗎?

kenny325i

TST 只會面試次第表內頭200名的報名學生，所以全級10名內能否面試，真係好難講！

所以一定要清楚自已的位置，否則會浪費左個面試機會。如果真係好想讀，可以通過大抽獎。

小兒面試時，是以兩人為一組(小兒正好與小學同班同學一組，兩人都能順利入讀)。並分兩個環節進行：

1) 以中文對答：
-閱讀一篇中文文章，回答老師相關問題；
-老師問：你覺得甚麼是最偉大的發明？ (同 學仔答互聯網。小兒答發電方法，因為無電，工業同科研都會停頓。)

2) 以英文對答：
-限時讀出一篇英文文章；
-老師問：點解想讀TST？
(同學仔答因為TST近屋企。小兒答因為TST較注重學業成績，自已體育方面較弱，所以TST比較適合佢。)
-老師再問：如是有外國朋友來香港，你會送甚麽禮物給他？
(同學仔答鹹魚。小兒答筷子，因為筷子代表中國傳统，而且係工藝品。)

雖然面試無得溫習，都希望幫到你！

[ 本帖最後由 kenny325i 於 09-10-17 10:24 編輯 ]

yanyan-mummy

原帖由 kenny325i 於 09-10-16 11:29 發表
想請問各位家長：平時的小測/默書，是否會計入成績成？佔幾多比重呢？

據亞仔所講(吾知係咪):平時小測吾計,common test佔 40%成績表,平時中默佔約成績表16/200,平時英默佔約成績表24/200,因亞仔講得好複雜,而我理解約係咁,吾知有冇其他mummy補充?

zicat

For F1-F2, Chinese dictation is not counted either in term mark or exam. mark. For English dictation, there is only term mark of 20/300 shown in the student report, full mark for English is 300. For the 40% term mark of all subjects, common test is important but other quiz/dictation and even project such as Chinese History and History will constitute some of the term mark, of course, teachers will tell beforehand and one more point is: not all subjects have common tests in F1-F2, such as Mathermatics or Science and so the quiz will be equal to the term mark. Be careful!

kenny325i

Thank you!

redredchan

Dear Kenny
多謝你的資料和分享,真是很有用.不過想請問怎樣才可以知道自己的全港次第呢?是問老師嗎?

kenny325i

聽講學校校長有個password可以進入有關網頁，所以老師都應該唔知。不知是否屬實。