小朋友接放學......

kennymew

琴日上個小五學生屋企補習, 見個細路唔開心都知有D野發生.
原來佢同媽媽講唔想工人接佢放學但媽咪唔比..
佢都開始大個囉....
佢話有大半班人都係自己返屋企,所以都想自己返屋企..
跟住我同個家長講返, 我覺得小朋友可能驚比人笑咁大個仲要人接放學 又或者佢想放學同D同學仔玩多陣.

我問下各位家長有乜睇法??

其實我自己有2個建議,都係過渡性質, 遲早點都要放手比小朋友自己返屋企:
首先家長點都要同個小朋友解釋點解要接佢放學, e.g. 唔比佢接觸D壞人/去網吧玩
跟住可以同佢定D協議
1) 1,3,5要工人接, 2,4就自己返屋企, 當然要係一個鐘數前返到啦(e.g. 3:30pm)
2) 工人照接放學, 但唔係學校門口等, 係第2度等, e.g M記

家長們記得唔好淨係唔比呢樣唔比果樣,
最好要同個小朋友解釋清楚,
聽多D小朋友既意見,
咁先會有溝通^^

scso

原帖由 kennymew 於 09-2-12 17:27 發表
琴日上個小五學生屋企補習, 見個細路唔開心都知有D野發生.
原來佢同媽媽講唔想工人接佢放學但媽咪唔比..
佢都開始大個囉....
佢話有大半班人都係自己返屋企,所以都想自己返屋企..
跟住我同個家長講返, 我覺得小朋友 ...

IrisMok

自從個仔今年讀三年級開始, 我就無再叫奶奶送佢返學同佢放學. 可能會話: 為什麼會咁放心, 因為屋企同學校近, 一條直路, 而且我仲知道佢有同校的小朋友一起上學, 每日早上, 我都同佢地一齊行. 返學後叫佢用屋企電話打比我, 就算我聽唔到, 都知道佢已經係屋企. 而且奶奶係屋企等佢.

生兒100, 長憂99. 但係佢地都有成長的一日, 太過依賴我們, 唔係一件好事. 當然, 我係非常緊張, 又諗過, 佢會唔會逃學呢? 會唔會出意外呢? 但係到目前為止, 都未見有遲到返學或遲返屋企. 但係細路..真係唔知出年會點樣. 唯有見步行步啦

BOSKERMA

講得好啱呀, 而且個小朋友都大啦, 都可以放手啦, 用你嘅方法慢慢放手, 雙方都容易適應, 我見有d小一、小二生都自己放學, 我又覺得太早喎, 因我都有個小朋友讀緊小一, 始終未放心俾佢自己o係個街度, 我諗3、4年班差唔多啦。

我都好想稱讚吓你, 只係補習老師都有顧及小朋友感受, 遇到咁好老師真係好窩心呀。

原帖由 kennymew 於 09-2-12 17:27 發表
琴日上個小五學生屋企補習, 見個細路唔開心都知有D野發生.
原來佢同媽媽講唔想工人接佢放學但媽咪唔比..
佢都開始大個囉....
佢話有大半班人都係自己返屋企,所以都想自己返屋企..
跟住我同個家長講返, 我覺得小朋友 ...

kitbebe

其實有咁大個可以比佢自己放學啦, 如果擔心咪叫小朋友帶手機囉, 始終人要學獨立的

grace_xian

我諗住小二, 小三就試下俾囝自己放學~

kennymew

我覺得如果一下小就放手唔係咁好,
小朋友可能唔夠自律,
所以有個過渡期就最好...
不過今日同返個小朋友傾計,
佢又話遲D先自己返屋企啦... =.=""""
宜家D小朋友真係善變~~