有冇mami係2008年書展/BB展買咗智高FUN?

pandacat_bb

我自己就係2008年書展 (7月份) 買咗智高FUN，我係全套咁買，另加一個答題架

係我查詢有關智高FUN到我碌卡比錢前，個staff都冇同我講過其中一冊練習係未出版

直至我碌咗卡，個staff拎盒智高FUN比我check嗰陣先同我講，中文練習第四級"快樂作文"係未出版，要10尾or11月左右先寄比我，所以要我填一份資料 (佢地既訂購表格黎既)，mark低電話同地址

其實都冇所謂，因為嗰本練習我兩個小朋友都未用得著 (我對小朋友依家先3歲 & 4歲幾)，不過如果個staff一早講明，我就會選擇唔買住，因為橫掂都未用得著

直至2008年12月份，都未收到有關練習，所以我老公就打電話去問"南亞圖書出版" (智高FUN既出版社)，佢地既答覆係：本練習係印刷嗰陣發現有錯，要全部重印，所以出版日期要拖遲至12月底or2009年1月，到時一定有 (係我地查詢之前，一個電話通知都冇)

直至今日，我仲未收到有關練習，而且"南亞圖書出版"又係冇電話通知情況係點，所以我老公今日再打電話去問，今次既答覆竟然又唔同咗，佢地話：因為智高FUN全部練習都有修正/修改，現正係較對中，所以未印刷好，要到3月份先出到版

我老公就同佢地講，上次話最遲1月一定有，今次又拖延到3月，都唔知係咪真

我想問下有冇其它mami好似我咁，比咗錢但未收到貨，雖然本書只係$85，但係我覺得"南亞圖書出版"有心拖延，有啲比佢呃咗咁既感覺

我想去消委會投訴，但得我一個case好似唔夠力咁，希望有同樣情況既mami支持下，一齊投訴