- 在線時間
- 749 小時
- 最後登錄
- 19-3-1
- 國民生產力
- 400
- 附加生產力
- 968
- 貢獻生產力
- 0
- 註冊時間
- 07-2-19
- 閱讀權限
- 10
- 帖子
- 638
- 主題
- 30
- 精華
- 0
- 積分
- 2006
- UID
- 125201
|
我個小朋友而家讀緊國際全日班.
不要以為「國際班」真是很國際, 其實只有上午三小時全英文(外籍導師), 到午飯和午睡時間, 係姑娘+姨姨幫手睇小朋友, 午睡後就係同p.m.中英文班小朋友一齊活動時間.
孩子入讀前, 我哋响屋企主要用英語同小朋友交談, 甚少廣東話, 入讀後短短1-2個月(細仔, 12月插班)廣東話詞彙大大提升, 仲學埋d我哋唔想佢學到嘢...
我先生好想同個仔退學, 但想深一層, 佢返學後真係一日比一日長大, 每個星期都有嘢學. 雖然佢入學前已識晒A-Z, 1-20, 同埋見佢d功課, 唱nursery rhyme都係耳熟能詳歌, 但又唔覺佢話悶, 仲好鍾意三位老師(1位外籍+2位本地), 姑娘和校工姨姨. 聽返d姨姨講佢食飯瞓覺, 發現仲乖過响屋企.
廣東話講多咗...原意係唔想, 因為K1會入讀另一間國際幼稚園, plan咗佢一直讀上去都係國際學校. 但諗諗下, 2歲小朋友學習能力咁高, 當係學多一種語言, 而且廣東話响香港幾乎係必須要識語言, 學咗又有咩問題? 亦可和家中長輩溝通.
而家小朋友冇話「語言混淆」, 廣東話/英語, 甚至只係學咗幾堂西班牙語都分得好清楚. 所以返學後學咗廣東話, 反而係bonus, 因為佢掌握多咗一種語言.
可能有家長會問: 個個月比五千蚊就係學廣東話? 唔係, 英文都學咗好多. 我唔敢講入學前甚少接觸英語小朋友, 入讀後是否一定學到好多, 因為呢間學校個個星期都有新嘢, 小朋友吸收幾多、記到幾多、識唔識應用又係另一回事. so far我個小朋友有底, 對佢嚟講係溫故知新, 但同時又學到新嘢, 咁就學得非常快.
平心而論, 我唔會十分推介呢間學校, 始終係權宜之計才報讀. 但亦唔會話佢很差, 至少有嘢學+有愛心+開心. 作為父母, 孩子是否讀名校係其次, 最緊要細路仔童年回憶係開心和鍾意返學. |
|