有冇將軍澳小朋友?

yyqueen

hello!!

我仔仔都入左培正, 我地都係住係將軍澳嫁... 係囉, 我之前都係網上面睇過, 好多培正的家長都話e間校車公司唔係幾好... 請問你係上午班定下午班呀?? 我個仔收左上午班... 同埋你住係將軍澳邊一區?? 我就正正住係將軍澳地鐵站個區... 唔知校車條route點呢??? 好擔心添...

原帖由 Barbie_jj 於 09-1-12 23:26 發表
好開心, 囝囝入左我心裡面最想佢入既學校!! 到而家都仲係好開心呀!
我地住將軍澳坑口, 想問呢度有冇將軍澳小朋友返培正既? 你地返學係咪都係搭校車? 車程多久? 好耐之前睇過有家長話將軍澳校車路線有問題, 要搭好耐 ...

yyqueen

係囉, 如果坐校車要坐成兩粒鐘就死啦, 好嘥時間, 同埋你都會好擔心, 始終咁細個人仔, 要自己坐咁耐車...

由於幼稚園個時間太短, 得個三個鐘, 雖然我係全職媽咪, 亦都想自己帶佢返學放學, 但如果真係自己帶, d時間又好像浪費晒咁, 因為, 你搭得車出去, 再搭車返黎, 我諗都用左好多時間, 跟住可能你返得黎一陣間, 轉個頭又要出去... 咁又好似好無謂... 一日半日都還可以, 如果日日都係咁就唔多掂... 所以, 除非架校車真係好嚇人而又搵唔到人一齊坐保姆車, 咁就唯有自己帶出帶入, 如果唔係, 都應該會俾佢坐校車...

好好好, 我地keep in touch, 睇吓到時要唔要join埋一齊搵車...

不過, 我有個問題, 咁註冊個日, 洗唔洗俾埋校車的留位費嫁?? 如果要, 又俾唔俾左先呢?? 因為冇人知佢今年條route點行, 係咪? 佢係咪都要睇吓今年有幾多人係邊d位置上車, 然後先定到條route?? 會唔會今年好d呢?? 如果係, 咁始終係搭校車好d, 因為校車可以駛埋入學校, 但保姆車就唔得, 只可停門口, 有d危險... 你知啦, 佢個度門口就係大馬路, 好多車來車往家嘛...

原帖由 Barbie_jj 於 09-1-14 00:04 發表


你好! 我囝囝都係上午班呀, 即是下年會做車友啦! 我地係坑口站呀, 聽聞唔搭校車可以自己搵保母車, 唔知道而家有冇讀緊培正既將軍澳小朋友已經搭緊保母車呢? 如果有的話, 我地都仲可以join埋一齊, 唔洗每日要搭兩個 ...