好擔心2歲8個月仲未講到詞語

kinheimom

22/1/09去完協康做評估, 用了差不多一小時, 個言語治療師好後生,他起初用
Thomas車引他玩,待他對環境熟悉點才引導他玩一些主要是假想遊戲, 例如玩煮飯仔,用面包超人微波爐丁野, 幫公仔梳頭、放公仔落床, 蓋被等等，吹波波等, 言語治療師話我個仔言語能力較慢, 但理解/eye contact都可以的, 如果上幾堂training, 應該會有進步, 如果我排weekday上午, 1-2個月會有位,

JANETHIM

你好! kinheimom,  

我想問去協康做言治療語使唔使排隊? 係咪一定要轉介先可以? 收費如何?
我囝囝, 返了兩個月N1, 講野有少少進步咗, 但都唔係好
太主動去講,仲係好多BB話!生覺得佢好多時專注力唔夠, 言語慢!好多時唔明上堂做咩!而家佢27個月, 好想快D 同佢做TRAINING, 希望可以追番!

我想問一個問題??  而家係咪有好多小朋友都有呢D問題, 點解我地細個果時冇呢??? (我都係3 歲都未講野)

原帖由 kinheimom 於 09-2-2 14:01 發表
22/1/09去完協康做評估, 用了差不多一小時, 個言語治療師好後生,他起初用
Thomas車引他玩,待他對環境熟悉點才引導他玩一些主要是假想遊戲, 例如玩煮飯仔,用面包超人微波爐丁野, 幫公仔梳頭、放公仔落床, 蓋被等等，吹 ...

ricatong

我個仔都有同樣問題，排左10月做評估。

foggyao

你哋d係仔仔都好d, 但我個係女, 而家都係兩歲8個月, 都係唔專心同講嘢唔得, 好多bb話.  個個人都話女仔仲應該比男仔快, 但係...

佢其他嘢都正常, 佢有嘢做時都可以好專心, 但如人哋叫佢做d佢唔鍾意做嘅嘢, 佢就會唔理, 要埋去拖佢先肯走.

老c話佢而家似1歲8個月行為同說話能力, 話佢d嘢係明晒嘅, 佢講嘢如'去街', 會講成 '去die', 老c話呢d都應該已講得清楚, 但我真係教極都唔得.

唉, 都唔知點搞, 我都排左協康, 之前都排左政府言語治療, 都話佢認知ok, 但說話差1年.

佢又係有食手指習慣, 好難戒, 佢流口水都係差唔多兩歲半先唔再用口水肩, 而家間唔中都會流少少, 之前評估都係話佢口肌唔得, 所以流口水, 私家train左一輪, 就無再流.

kinheimom

你個b 而家點嗎?  我地昨天約了部份BK 媽咪出來傾計, 好有用

foggyao

原帖由 kinheimom 於 09-8-3 14:35 發表
你個b 而家點嗎?  我地昨天約了部份BK 媽咪出來傾計, 好有用

你哋傾D咩呀? 過兩招比我丫!

我個女, 而家都唔b喇, 但講嘢就真係b, 同埋好多時都聽唔到佢講咩, 要係我哋d聽慣聽熟先 '估' 到. 但好就好在, 叫做戒左口水肩, 如唔係, 真係仲惡搞!

上week去埋政府度見醫生, 因上次評佢言語delay後, 個st 話佢小肌肉都唔得, 所以再refer埋見dr.  今次見完dr. 話佢小肌肉真係弱, 就再refer去醫院排期做職業治療囉, 但去到醫院都係叫我等電話, 話比唔到個期我住.

不過今次個dr 比返張check list 我睇返, 我見上次女女兩歲半去評, 原來係評佢說話能力係約2歲至2歲3個月, 我一直以為係得歲半.  

但佢而家summer sch個老c, 都係好有經驗人士, 就話我個女講嘢似人哋差唔多到兩歲嗰d, 但我女而家係2歲9個月大喇! 咁即係無進步過?! 但佢呢幾個月來, 講多左好多嘢喇(當然好多音都好唔正, 無人聽得明), 所以都唔知點.

但最閉就仲有一問題, 就係我個女唔專心, dr. 話如人哋可以5mins, 我女就得1min, 但我問佢咁佢係咪ADHD (有無串錯?), 佢就話咁細評唔到, 但如硬要佢講, 好在佢又話唔似係會有自閉/ 過度活躍情況囉.  

但話佢唔專心問題, 就係佢好細個都已發現呢個問題, 因去邊上堂, 所有老C都話佢有呢個問題, 連我D普通非專業朋友, 所有同學仔mami都睇得出!

同DR. 傾開個女有濕疹, 細個時一直無晚瞓得好, 係直至差唔多兩歲半後, 一個WK7日, 先至有4-5日可以瞓足成晚, 佢話呢樣一定係對佢成長發展上有影響囉, 尢其係佢專心唔到呢樣問題!

所以, 講到污染, 真係對下一代好有影晌!