應否放棄學琴

tetelee

各媽媽,

想統計下你地仔或囡有無學學下鋼琴基於種種原因...例如吾种意練琴, 無天份而最終放棄了。
而係咪學到琴的小朋友成績係比較好?
比D意見
謝

kt8001

tetelee, HI
我個女好鐘意琴．老師都話佢有天份．但此終都放棄,我女話校太多功課．而女同我講要用d 時間去溫習同做功課．都正確因一早用精神去聽書，返到來又好多功課．都幾辛苦．越高年級越多功課同測驗．你要考慮呢一點．

此外鋼琴好多學校不認的樂器．冇分計，（１）除非細細個已學到識飛．（２）又或者到時一定要考到８級或演奏級之後教琴，（３）水喉要夠，再高級d都成千蚊半個鐘，如要學樂器都係要校氶認果D.

***以上是本人的意見．如有講錯，敬請原諒***　　　　　

原帖由 tetelee 於 09-1-9 11:32 發表
各媽媽,

想統計下你地仔或囡有無學學下鋼琴基於種種原因...例如吾种意練琴, 無天份而最終放棄了。
而係咪學到琴的小朋友成績係比較好?
比D意見
謝 ...

[ 本帖最後由 kt8001 於 09-1-9 14:15 編輯 ]

hinhinmummy

首先, 要問自己/個女, 學琴係為左d 乜

為左升中好看d? 定係為興趣?

佢自己想吾想學?

如果佢自己有興趣又想學既話, 佢根本吾會提出放棄

我個仔同個女都有學, 個仔就係我迫佢學既, 因為我想佢d 專注力強d, 但我就日日要push 佢去練琴, 還要講數每首歌彈幾多次, 但成績出黎都係麻麻

相反, 個女就係自己要求學既, 佢同細佬相反, 吾駛叫都自己會自動自覺去練琴, 完全吾駛我理, 甚至有時考試期間, 我要出聲叫佢吾好練琴

我記得我女學校輔導老師講過, 你個仔/女學琴時, 需吾需要一支滕條放係琴隔離, 甘你就知道, 你係吾係還應該比個仔/女keep住去學琴

如果抱著升中多分d 既話去學, 我就會覺得好無意思

所以我一直都無要求過老師比個女去考試, 雖然老師有提過阿女話可以去考試, 但我同佢講暫時無乜必要, grade 1 or grade 2 果d certificate 要吾要都無用...........大把小朋友6年級就拿到8級...............

littlecat

我囡囡學咗兩年都有乜進步, 佢又唔肯練, 有冇興趣, 老師都叫佢唔好學, 我覺得冇所謂, 唔想再浪費時間和金錢, 終於停咗冇學.

tetelee

其實個小朋友係我niece, 我又係同佢地一齊住, 而sister in law係nurse, 所以平時都有份提佢練琴，但見佢吾叫又吾自己練 , 我brother 日日都好勞力。 比佢學琴目的係希望可提升專注力, 但眼見好多小朋友到2,3級就放棄。所以都好hesistate 應否continue.

另外, littlecat, 好少老師叫學生吾好學琴喎。

[ 本帖最後由 tetelee 於 09-1-9 17:25 編輯 ]

胡桃媽

我個女6歲,學左8個月,冇進步,唔肯練,放棄左

IRON

我仔仔小一開始學, 柏斯一對一, 無買琴平時落去練, 一年落黎見佢都鍾意, 不過車出車入都幾浪費時間; 岩岩上月X'MAS收到姨媽既聖誕禮物K3, 加埋請左上門老師, 家下就好輕鬆(講緊我).

而家仔仔習慣放學返黎先洗手彈琴半粒鐘以上, 搞掂功課再彈一陣; 我同老師講唔打算考試, 一切隨意, 我希望仔仔係用黎怡情養性, 開心時彈下, 失意時彈下.

另學校都係話最好要學弦/管樂, 不過我無理, 又無諗升中; 講真學好一樣野已好難, 第時真係多功課就要搞好功課先, 希望佢學識用彈琴黎減壓啦.

lillymarie

我覺得學琴都係睇興趣啦
我兩個仔本來學緊琴, 兩個都要我叫先肯練琴, 仲要同我講數練幾多次. 最近老師加學費, 一加就加成30%, 我就索性叫佢地唔好學了.

細仔自己話OK, 所以停咗無學.

但大仔就話唔想停, 我見佢真的有興趣, 唯有再努力, 繼續"逼"佢練琴. 因為仔細研究過, 大仔唔肯練琴, 主要係佢練歌仔有困難, 覺得辛苦, 見佢咁有興趣, 就試下幫佢想辦法解決問題.

學樂器真的好貴, 無咩閒錢, 又無咩興趣的話, 都係唔好學

Joe媽媽

原帖由 tetelee 於 09-1-9 11:32 發表
各媽媽,

想統計下你地仔或囡有無學學下鋼琴基於種種原因...例如吾种意練琴, 無天份而最終放棄了。
而係咪學到琴的小朋友成績係比較好?
比D意見
謝 ...

我會考慮以下因素:
1) 小朋友有興趣嗎?
2) 經濟能力可以嗎? 8級學費會好貴...
3) 有足夠時間練琴嗎?

我個仔剛passed四級(五年班), 練琴有時都要提下. 不過, 有時佢唔開心又會彈下, 開心又會彈下, 做功課壓力大佢又會打開個琴彈下. 聽完首歌又會行埋個琴度試下彈唔彈到D音.

興趣是有的, 但人會懶惰嘛, 升上高年級後真的沒有時間練琴, 因功課太多了, 又要補習, 又要呈分, 當然是學校成績緊要一點啦. 每天半小時練習已好好了.

如果: 小朋友本身沒有興趣, 只是朋友仔學, 自已又想學, 或為了張 cert 去學就沒意思了.

Taimum

我個仔只喜歡學唔喜歡練，所以我已在11月取消學琴，他經常問我幾時可再學，但我只說看看他練琴表現。
Taimum

bibian

好多時如果小朋友課外活動太多，而小朋友冇時間練琴，我會主動要求家長比小朋友停學。
若發現小朋友學琴度停滯，我會同小朋友安排每天練琴的時間，每日練哪本書，沒有改善，才會要求停學。
停學前會同小朋友傾下，想知道小朋友最喜歡哪樣課外活動，請她排出喜歡的次序，除非小朋友真的很喜歡學琴，而又能夠有時間練琴才會繼續學，否則我都唔想家長浪費金錢。

bnene

我兒子五年級，在剛過去的四級考試中拿了個distinction，他很有滿足感，現在開始可以彈一點好聽的歌，也會自動自覺練，無論是較沉悶的scale，又或是好聽的pieces，都會反覆練的。我在旁邊，只是教他要懂得manage時間便可以，不要只顧練琴而忽視學業。

他自小學琴時，也是那種不願練琴的人，還記得考Grade 2時，成績是謹謹合格，歌是完全彈不好，還有一首是fail的。那時其實我有佷惡的罵他，因為既是他說要考試的，至少三首pieces都要彈熟，但他卻是不肯練，音準及拍子錯得很厲害。

後來弟弟在Grade 2中考了127，他有點不服氣，自己說要考Grade 4，老師覺得可以了，便給他報名，然後也開始練那三首pieces，開始時，他都有一點半放棄，旋律的線條完全做得不好，我就在家做了他的「女高音」，教他不同彈法出來的線條應該怎樣，結果他為了要取得好一點的成績，都用心聽我的意見，也做得不錯了。還記得老師取得分紙後告訴我他拿了一個distinction，他開心得想哭呢，因為真的經過很多努力及心機去練，才有這成績。事後他有多謝我，不過我告訴他，他應該多謝自己那麼用心才對，我幫他練，就當是練唱歌吧了。老師也讚他乖，自此，他很用心練琴，也覺得自己也不是沒有天份，只要努力及用心做就行了。

其實很難叫孩子每天坐下來，死板地彈同樣的東西幾百遍，他們既不知道為了甚麼，也找不到樂趣。問題是我們怎樣去motivate他們找到一點樂趣，由彈不到至彈得好，那種滿足感，可能是最大的動力。我自少都沒有學過琴，但也會坐下跟他比賽看看誰學得較快。有時會哄他說我很累，可以彈一首美妙的樂章讓我輕鬆一下嗎？

happypigpig

原帖由 littlecat 於 09-1-9 15:58 發表
我囡囡學咗兩年都有乜進步, 佢又唔肯練, 有冇興趣, 老師都叫佢唔好學, 我覺得冇所謂, 唔想再浪費時間和金錢, 終於停咗冇學.

我囡囡亦係學左兩年, 亦考左2級, 老師準備要佢考4~5級, 點知出事啦, 個囡同我講我日日都咁多功課做,又要練琴, 連的多玩架時間都沒,好唔開心.我聽到個囡咁講, 同個囡講你唔使咁決定唔學, 你考慮2星期再同媽咪講啦, 結果我囡都係選擇放棄唔要學琴, 無所謂啦, 等佢大的想學再學番囉.