學期未功課量

小魔怪3號

剛剛放完聖誕假期，本以為功課量不會比聖誕假期時那麼多，因為開始應付期中考；但今天查看小兒的家課冊，發覺常識科的 "專題研習冊"，一口氣要做7頁紙，這本專題內容並不容易，家長每每都要花上很多時間協助學生去完成；但只得一晚時間去完成，實在有點兒氣力，無論在學生方面，或家長方面，都難以應付！
為何不在聖誕假期內讓學生完成呢?  當然，功課的責任，是由學生本身負責，但這份"專題研習冊"的內容絕不是一名二年級的學能獨力應付！試問身為在職家長的我們，能夠有充份的時間去協助學生去認識及了解有關的內容嗎?
為何不把功課的時間表安排得更周全呢? 再者，這種情況不單止發生於常識科，就連中文科及數學科也如是；每每都是一口氣做數項的抄寫家課，或是甚麼家課都沒有，究竟老師們以甚麼準則去安排家課表呢? 真是百思不得奇解。

[ 本帖最後由 小魔怪3號 於 09-1-8 00:05 編輯 ]

jackjackma

一個全職媽媽對住那份專題研習，真係好頭痛，
我亞仔都係在聖誕假期前1晚內要完成，
結果係"欠完成專題研習"，
講真做了多年專題研習D時間都係咁緊迫。

昨天仲好笑，要做結果匯報，
亞仔話好多同學揸住"家長"準備的告唔識讀。
我識好幾間學校都係在學校內做，
家長主要協助學生做資料搜集，
學生只係將作品帶回家給家長欣賞。
份專題研習仲要計在常識考試分，
有時見其他同學的作品美輪美奐做家長真係好大壓力。

原帖由 小魔怪3號 於 09-1-7 23:59 發表
剛剛放完聖誕假期，本以為功課量不會比聖誕假期時那麼多，因為開始應付期中考；但今天查看小兒的家課冊，發覺常識科的 "專題研習冊"，一口氣要做7頁紙，這本專題內容並不容易，家長每每都要花上很多時間協助學生去完成；但只得一晚時 ...

nancytse

我都好怕最專題研習, 阿仔好似攞正牌等我幫佢做咁, 但佢又永遠係last min先話我知要做, 永遠都係趕頭趕命, 做得唔夠好。

在我這方面, 我都係在職媽咪, 所以成日要偷雞係公司幫阿仔揾資料......我估成份研習75%由家長去做, 咁樣, 小朋友其實又學到嘅野有幾多呢?

小魔怪3號

唉！做功課真正既意義就係要D學生將學到既野去溫習！叫佢地做呢份"研習"都唔知真正理解得幾多！我就好唔明白，點解有咁長既假期又唔做，又唔係星期五比家課，星期六日做！究竟係要學生交功課定係老師們自已要交功課?  要做都唔係壞事，學多D野，但係唔係應該將做 " 研習" 既時間表分配得好D呢?......真係有少許唔多滿意，一口氣做 7頁紙！

麟媽媽

點解得一晚做既？
以往都早早派左工作紙架喎？
我仔呢個xmas 做左常識同埋音樂project，
d 工作紙都係十月左右已經收左。

PS:上左4年班要做音樂會報告，
大多xmas 後要交，
要有票尾同埋場刊，
家長們唔好預到咁mun，
早d 去買飛睇左先，如果唔係，
要交起上黎唔係一定有得比你睇，
到時邊有功課交？

[ 本帖最後由 麟媽媽 於 09-1-10 01:54 編輯 ]

小魔怪3號

我都好想知點解得一晚既時間做囉......
以我估計，應該安排功課的時間表有問題囉.....

麟媽媽

咁你幾時收到嗰七張紙呢？
因為寫手冊叫你聽日交，
唔代表叫你嗰晚做既，
其實之前有時間就要開始少少咁做吓架喇，
我記得派工作紙仲有張流程表，
即是大約咩時候要完成d 咩咁上下。
到三年班已經唔係只填幾張紙咁簡單，
而係要做成一本咁既專題研習，
搵相剪剪貼貼，仲有抄寫內容，
真係要花唔少時間，愈早開始愈好。
今年亞仔做左成二十幾頁，
當中有問卷調查又要做統計，
仲要剪報，但又邊有咁多相關報導吖？
亞仔都係上Yahoo news search，
佢覺得好好玩架，可能佢已經五年班，
又學左用power point，都叫學以致用咁囉。

原帖由 小魔怪3號 於 09-1-10 23:52 發表
我都好想知點解得一晚既時間做囉......
以我估計，應該安排功課的時間表有問題囉.....

[ 本帖最後由 麟媽媽 於 09-1-11 00:12 編輯 ]

jackjackma

麟媽媽 :
我上次都係以為唔會咁快交,
唔知係唔係三少無寫手冊,
我都一直覺得奇怪,
做了幾頁就唔洗做,
點知有日返學前三少要交全份專題研習,
做了幾頁都要上校車,
咪又要寫手冊,
連二少都係今日寫手冊明天交,
但二少個老師係新來的,
我估佢唔知我地要幾日時間準備,
總之連我做了多年專題研習咁有經驗都投降

唔知點解今年四年級已經覺得D功課好多,
亞仔日日做完功課都無時間溫書,
唔好話做專題研習而家連默書都溫唔到,
除非我幫佢做晒份專題研習,
但自己又唔想咁,
出年真係都唔知點追


教改微調出籠唔知有無機去返會一條龍
等我有覺好瞓

麟媽媽

jackjackma,

亞仔今年執到條好籌，你知邊個教啦？
真係好，未寫手冊之前口頭提左d 仔好多次，
個個都知xmas 後要交架喇，
你知我個仔d 野架喇，都好多甩漏架嘛！
不過有時老師長氣d 都好架，
早d 提吓d 仔，等佢地多d 時間安排囉。

今年五年班都幾多功課，默書都一樣係八次，
但今年安排得好d 喎，好多時都中/英隔個禮拜，
以前成日一星期中、英都要默，真係無命！
加埋番下晝呢，無得開電視好耐，
好在有得上網睇番「豬光宝戲」！！

原帖由 jackjackma 於 09-1-11 22:59 發表
麟媽媽 :
我上次都係以為唔會咁快交,
唔知係唔係三少無寫手冊,
我都一直覺得奇怪,
做了幾頁就唔洗做,
點知有日返學前三少要交全份專題研習,
做了幾頁都要上校車,
咪又要寫手冊,
連二少都係今日寫手冊明天交,
但二少 ...

cambo

My child is in P2.  The same problem applies to his class.  The mid-term exam starts on 13/1.  However, he got 4 pages of Religious Education worksheet (just colouring) and 6 pages of difficult Chinese supplementary exercise on 7/1 and 8/1 respectively.  Why do the teachers assign so much work for children before the exam but there was not much homework during the Christmas holiday?

Teachers should have better homework co-ordination so as to give children more time to prepare for the mid-term examination.

I am the one to do the Project Based Learning assignment for my child.  The oral presentation was also written by me.  I feel that this assignment is beyond my child.

麟媽媽

呢個問題我都發覺左好耐，
我覺得係未教得切書囉，
未教到，又點比功課呢？！
好多考試範圍xmas 前都未必教晒既，
假期後先教咪一樣咁多功課囉。
呢d 睇個別老師既速度，真係好慘架，
以前試過下星期考，今個星期都未教呀！
今年好得多，亞仔d 老師上星期都同佢地溫書了。
我又諗，會唔會我地返半日制，所以咁趕呢？

原帖由 cambo 於 09-1-12 19:07 發表
My child is in P2.  The same problem applies to his class.  The mid-term exam starts on 13/1.  However, he got 4 pages of Religious Education worksheet (just colouring) and 6 pages of difficult Chines ...

小魔怪3號

比喻 今天家課冊寫明天交，所以只得一晚做 7頁囉！ 如果係之前提過要做，我都唔好意思在這裡發表意見呢！

[ 本帖最後由 小魔怪3號 於 09-1-12 22:48 編輯 ]

小魔怪3號

麟媽媽當然開心啦，執到 " 華仁之寶",
一群新來的老師的經驗實在是太淺，但任教多年的長輩們又(部份).......唉！
希望下學期可以有所改進啦！如不是都要靠家長們 " 努力" 吧！

麟媽媽

我都等到五年先重遇架，
一年班比佢教過一直到今年先再遇咋，
唔好咁灰，實有機會比你拎支好籌既！
講真，每一個老師都經歷過做「新」既，
我相信個個以往都試過，
基本上間間學校都有咁既情況，
所以，家長要辛苦d 囉！

原帖由 小魔怪3號 於 09-1-12 22:56 發表
麟媽媽當然開心啦，執到 " 華仁之寶",
一群新來的老師的經驗實在是太淺，但任教多年的長輩們又(部份).......唉！
希望下學期可以有所改進啦！如不是都要靠家長們 " 努力" 吧！ ...

jackjackma

教二少常識的老師係第一年來華小,
但他經驗非淺,
我想他只是未適應華小緊迫的學校時間,
今年他令亞仔有大大的進步,
亦看得出他對教學的熱誠,
全班同學都好喜歡這位新老師,
華小今年請到他都係我地的福氣.

三少的老師來了三年,
但她都好有經驗,教開高年級,
以前都無同樣問題,
我想可能今年時間小了,
一月中要考試,
各位老師都好忙.

今日同二少溫書,睇返佢D作文及功課,
就感受到做老師的苦況,
大家唯有係度發洩下算啦.......