3. york 係有個cambridge course讀, 好老實講讀唔讀由你, 今年佢地仲報深咗一個level, 讀starters, 即等如小三程度, 其實讀唔讀好睇你考唔考私校, 因為有d mami會讀張cert, 其實你唔一定讀, 因為坊間都有好多英文試讀, 但以cambridge嚟講, 你係york讀學費差不多要成$7000, 我初初都覺得好貴, 如是乎出去其它中心睇, 發覺出面仲貴, 所以我都係比個小朋友係york讀, 咁佢地又真係有辦法教到小朋友考到好成績, 我咪當比個小朋友學英文, 無咩所謂, 但我亦見有家長無報, 所以唔需要擔心, 同埋佢地唔係個個老師都有教cambridge, 佢地係一d trained過既老師去教, 所以基本上同個班主任都無咩關係.
4. york 會提供一d星期六興趣班, 如畫畫, 體操班, 音樂班, 小提琴班, 非洲鼓等等, 都係一般學費, 三, 四佰蚊一個月咁, 學唔學都係任你, 我自己二年都無學, 因為我小朋友本身出面學緊費時煩轉班, 有人話老師會打嚟叫你學, 又話會針對個小朋友咁, 好老實講, 我自己就無遇過, 我識既mami都無遇過.
5. 仲有, 有家長成日提個 '精英班' , 我真係覺得好搞笑, 基本上佢地係k2只會開一班全日班, 方便一d想讀全日家長, 佢地會比小朋友瞓一小時, 跟住就係一d興趣班, 英文班等等... 而因為佢地唔係好似d pre-nursery咁湊bb, 所以佢地都會簡一d有自理能力先讀, 我其實都聽到好多家長因為咁, 就成日話讀精英班, 呢樣根本就搞笑, 我重申佢地只係全日班, 唔通你地以為要一個4歲人仔由9點返學不停學, 唔淮食唔淮瞓不停學, 學到四點半放學? 抵唔抵讀見人見智, 我自己無報, 因為我個仔下午本身有野學, 但作為家長, 自己有責任了解清楚, 唔好聽d唔聽d, 咁對老師好唔公平.
6.我有幸身邊都有人讀唔同幼稚園, 有d亦係所講的傳統出名幼稚園, 所以可以睇到佢地學咩考d咩, 或者咁講, 我覺得咁多年, 私校幼稚園已經好與時並進, 所以基本上大家學既野真係差唔多, 不過york 就每日有外藉老師教英文, 小朋友見慣西人, 出去考咩英文試都唔怕, 有d幼稚園係無外籍老師教, 純粹老師本身自己教, 有d有外藉老師, 但唔係日 日都有教, 可能一星期幾堂, 所以好視乎你想要咩. k2上學期寫爸爸, 媽媽, 哥哥, 風, 星星呢d咁, 同配詞, 下學期我未知, 唔好意思. 數學我反而覺得佢淺咗d, 上學期, 佢地會教小朋友分咗個位數, 同十位數, 等小朋友下學期計加數時, 就會易上手, 咁但係我, 就覺得佢地可以快少少計加數.
7. 佢地學科會分, 英文, 英文oral, 中文, 中文寫字, 數學counting, 同數學邏輯思維, IQ, 常識, 咁其它如音樂, 美勞等等... 佢地會有成績表, 頭十名先有名次, 唔好諗住科科一百分就考第一, 因為我個仔K1時科科一百分都無頭三名, :;pppp:
8. 佢地K1開始會教LETTERLAND 拼音, 呢樣真係會好好多, 因為佢地每日教英文時會以拼音教佢地, 玩遊戲時又係用英文連拼音咁提佢地,每日不停講不停講, 小朋友真係好快入腦, 我個小朋友係超細仔, 十二月, 但佢真係可以將拼音全部入腦, 我K2時同佢串字, 都試下用拼音同佢串, 佢都得, 咁當然唔係咁叻, 但已經係一個好既開始, K2就會教二個位拼音, 其實好多幼稚園都有教拼音, 但點教法, 幾時教, 都係關建, 因為我見有D幼稚園係有教, A, B, C個拼音係咩, 但就真係好似教書咁, 小朋友係咪應用到就唔知, 而且YORK有隻遊戲教學光碟比小朋友玩, 學拼音, 學英文,我覺得好好, 好老實講, 唔係間間幼稚園都有...
再續 |
發表於 09-1-13 10:51
不過, 你想知學校情況, 考到d咩小學, 佢就會講到比你知, 同埋我個仔k1時, 我見學校有貼過佢地考小校情況, 考到d咩學校咁, 但我無咩點理, 因為呢d真係好睇家長有無為小朋友準備充足而去, 考成點, 根本唔可以賴間學校, 亦唔可以全歸功予學校, 既然係咁, 所以我根本無理佢地小學結果. 
