☆屯門聖公會青山聖彼得堂(兆麟苑)家長請進~

加加媽咪

Hi Shirley, 好耐冇見你喇, 你好嗎??

囡囡開學的用品都差不多預備好哂, 不過個心好似仲有好多野未預備好........好彩Sat唔洗返工可以休息吓, 下星期已請定3日假期, 1日開家長會, 1日新生參觀學校, 1日就倍囡囡返學. 數數吓仲有5日囡囡就開始返學的生涯, 其實都幾擔心唔知佢適唔適應........

係呀Shirley, openday係31號呀, 時間係10:00am-12:00pm 唔好搞錯呀!! 唔知果日會唔會見到你同駿駿呢??

仲有siu lun st.peter 冇N1 o架, 要係9月份滿2歲8個月先入K1, K1只係有上/下午班, 冇全日班架.

YYMom

hi, 你地好! 我仔仔今年9月都係讀兆麟聖彼得堂k2, 係插班生.之前佢係青山村聖彼得讀,今年因為搬家所以轉過來兆麟. 以後大家可多多交流

加加媽咪

Alice / YYMom 歡迎你哋,

YYMom,
原來你囝囝係由青山村果邊轉去siu lun 既K2插班生, 難唔難入呀?? 轉校要做d咩手續??
唔知你囝囝會唔會同agenline 同 zoemum既囝囝同班呢??

Alice,
8月31日學校open day你會唔會去學校參觀呀?

angeline

加加媽咪,

老師教的班別每年都會有可能不同的, 網頁上剛剛刊登了新的架構圖, 裡面列明老師所教的級別, 你可以上去睇下。
我估係由 A - D 排列!

angeline

mandylo

HI
有無mama知道31/8/2004新生參觀日到底真正目的
係o羊呢?係唔係等家長和學生去認識自己老師及知道
自己就讀的班別???現在非常煩惱因難請假,當日不出席
唔知有無問題呢?另一煩惱唔知比小孩搭校車or交傭工
接送好呢???唔知碼頭區至學校收費幾多呢???
    
mandylo

加加媽咪

angeline,

星期五晚囡囡的班主任黃老師打電話俾我, 叫我/爸爸是但一位出席星期一的家長會, 星期二就同埋囡囡一齊返學校參觀, 睇吓班房的位置, 坐邊個位, 書包櫃的位置等...

你有冇去到家長會呀??  情況如何???  

加加媽咪

mandylo,

我諗新生參觀日都係想家長同小朋友一齊認識吓學校同老師, 盡可能我都會出席, 至於校車的問題, 學校通告有03-04年的收費表參考, 大約HK$320, 你可以打電話俾校車負責人問吓詳細情形. (陳先生, 電話 64468118)

angeline

加加媽咪,

我都估係黃老師, 是幼班級長, 等我再估下邊個係輔助老師先..hehe    劉, 陳, 何, 譚老師邊位係呢?  
低班家長會我有去, 無乜特別, 最主要係聽下邊幾個老師負責教囝囝o者。

angeline

加加媽咪

angeline,

我都睇過學校架構圖, 不過有2位黃老師都係級長喎???? 邊個先係呢??......
咁你囝囝讀邊班呀? 有冇同上年的同學仔同班呀??
你小朋友今年會唔會搭學車??

angeline

加加媽咪,

我囝囝讀上2A, 一定會有同學仔同班的, 因為每年編班會大兜亂, 即是每班分配幾個是舊同學, 其餘就是新同學,  等小朋友可以認識多些新朋友, 都唔錯的。 我唔會搭校車, 因為我住在附近!  我估係黃笑玲老師, 我覺得會係 A - D 班咁排列, 因為低班同高班都係咁, 至於輔助老師就好似唔係順序, 當日曾經介紹過, 但是, 因為太多老師所以唔係好記得。

angeline

angeline

加加媽咪,

明天家長會你會唔會帶囡囡一齊去, 會有老師幫你照顧囡囡的!

angeline

加加媽咪

angeline,
今日去咗家長會, 班主任係黃笑珍老師, 輔助老師係何麗萍老師.

angeline

加加媽咪,

你有無帶囡囡一齊去家長會呀, 咁其他科目呢, 英文科同普通話係邊個教呀?  好似八卦左d添 ..... :


angeline

加加媽咪

我無帶囡囡去呀, 費時佢去到係都要跟住我哋, 嘈住其他人..
至於其他科目的老師, 我都唔係好清楚, 因為我坐得比較後, 又介紹晒幼/低/高班的老師, 多到都唔係好記得.....  

黃笑珍老師同何麗萍老師有冇做過你囝囝既班主任呀??

dlh525

Hi 各位媽媽

我想問下聖彼得堂(兆麟苑)是否要一年前就報名?  請問考試是怎樣的? 會考什麼?  上堂又是用什麼形式?  唔好意思因真是想了解多些將來或會幫囡囡報讀.

謝謝!!   

YYMom

轉校只是填一張簡單的form, 等有位的話就有個會面, 老師同小朋友傾吓計. 我仔係上2b.

加加媽咪 寫道:
...
YYMom,
原來你囝囝係由青山村果邊轉去siu lun 既K2插班生, 難唔難入呀?? 轉校要做d咩手續??
唔知你囝囝會唔會同agenline 同 zoemum既囝囝同班呢??
...

YYMom

係呢, 想問吓兆麟苑呢面多唔多蚊, 要同小朋友做防蚊措施嗎? 正校嗰面因近山所以較多蚊, 每天都要搽蚊膏或貼蚊貼先返學. 兆麟苑呢面唔近山, 但有花園, 唔知情況如何?

加加媽咪

hello 各位媽咪

囡囡今日幼班開學, 我特登請假同老公送佢返學, 啱啱先回家坐定定上吓網留言, 終於都可舒一口氣.........因為囡囡今日好乖冇喊, 都唔知幾心急要返學, 去到班房前同我 say byebye 後都冇返轉頭望我哋就入咗班房, 反而我就有d擔心同唔捨得.......

囡囡真係大個女喇...... 心裡都好安慰    

YYMom

加加媽咪 , 係個好開始呀 雖然我仔明天才開學, 但昨日開放日佢返去玩得好學心, 仲玩足兩個鐘 !希望佢都適應得好啦, 因為教學模式轉左, 而且仲要開始寫字

加加媽咪

YYMom,

我囡囡昨日開放日都玩足兩個鐘, 雖然露天活動場冇開放俾小朋友玩, 但都玩得好開心, 好彩走的時候冇扭計, 不過返到屋企就訓係sofa 到話好倦.

至於蚊的問題, 昨日我有幫囡囡貼蚊貼, 但今日忘記了, 不過都冇俾蚊咬到, 真好彩....

另外轉教學模式方面, 早d開始寫字俾小朋友適應吓, 應該係好事, 希望你囝囝都能適應新的學習環境.