有d失望~

mablechung

biebiewu ,  我封信同你既一樣, 連去分校既機會都無, 不過, 我已經無事啦, 重新提起勁去in其他學校, 你都要振作呀, 唔好比呢兩間學校打沉我地, 況且, 啟思以中文為主, 並非我首選. 大家努力啦!

carol716

由於我上年都遲左搵學校, 好多都已經無得報名, 所以上年我報得2間, 一間係屋企附近, 一間九龍塘劍嗚, 雖然劍嗚waiting list, 但我都無打算入, 因為我唔覺得d老師會好錫小朋友, 我覺得佢地係面試日開灘位賣野...好商業(只顧搵錢), 今年我幫阿囡好早問晒報名日期, 報左10間, 現在有8間回覆, 上星期去左in左2間(York , Stafford)都係諗住等阿囡實習下, 11月的先係我的心水...(St. Cat & 根德園)不過in多幾間都無仿, 咪當比阿囡去玩下滑梯...玩具, 參觀下其他學校都好.....

原帖由 Big-Mouth 於 08-10-25 09:18 發表
我都有同感, 上年啊仔interview 幼兒園時,四間有兩間學校唔收, 而唔收既係我心儀學校, 所以今年我幫他報多幾間幼稚園,另自己多些選擇!

靚媽唔易做

尋日同囡囡in第2間幼稚園, 呢間都唔係我心儀既學校, 但當比囡囡攞多個經驗既心態去in.

記得上次迦南未能被取錄後心情真係down咗1,2日, 會諗返囡囡in既時候到底出咗咩問題, 點解答岩晒都唔得.......直至見到咁多媽咪share, 叫我地唔好比壓力小朋友, 唔開心都會影響小朋友, 仲有大把好既學校等住我地in.

自此之後我就再無執著係呢次interview, 呢排只係好似傾計咁問囡囡不如去見學校好唔好, 佢答我好, 咁跟住我就話咁如果老師叫你唱歌你唱唔唱呀, 佢話唱........再話如果你玩緊玩具老師叫你停你停唔停呀, 佢話停, 老師送本書比你要唔要呀, 佢話要, 我話仲要講多謝喎, 佢話知道.

如是者我幾日就同佢講一次, 結果到咗尋日我臨見之前都再remind佢, 叫佢要同老師笑, 講多謝......結果佢既表現真係無令我失望, 老師講姑事佢好留心聽, 就算有另一個小朋友周圍走佢都無分心, 老師問問題佢都好叻咁答, 老師送小禮物佢真係要, 仲肯講多謝.....我好滿意佢既表現, 但經過上次既失敗同呢間我真係十五十六, 所以都無諗機會有幾大.

最攪笑係, 佢in完離開課室係櫈坐時同我講, 媽咪我好乖呀, 我問你乖乜呀, 佢話我同老師笑, 有講多謝老師.......o個一刻我真係好開心亦好冧, 原來個囡真係有聽我講野而又記得的.

我真係好多謝o個位媽咪提醒話媽媽既心情會直接影響個小朋友的, 令我唔再執著係interview成功與否, 囡囡既懂性同聽話令我更加開心.

tanoshi127

其實每個家長都好擔心，因為覺得學校不取錄我的小朋友的時侯，就好失望和沒有信心再考其他學校，同埋都有好多好多不開心，點解答了所有問題而且又有禮貌都不取錄，常常問為什麼呢？
所以我認為佢地學校不取錄是佢地走寶，而且名校都要有人認先得

大家加油

xanax1mg

06年小朋友既出生率好高, 所以大家都會覺得幼稚園特別難入, 因為比先2年多左好多人爭MA

大家一斉努力啦

yan321

我今日都啱啱in完迦南返嚟，睇咗幾個媽咪都話個小朋友識答哂d問題都唔收，咁我都實無機會喇....
我個係細女，好多嘢都未識答，仲問問吓佢可能驚，攬實我添，死啦，呢間係我首選，好擔心....
雖然我而家返緊佢playgroup，但我相信幫助不大，又唔係n班，況且實在太多人報啦