幼 稚 園 涉 歧 視 自 閉 童

Anpanmama

幼 稚 園 涉 歧 視 自 閉 童
被 指 攝 錄 上 課 圖 逼 轉 校 　 母 向 平 機 會 投 訴

【 本 報 訊 】 以 為 有 無 類 ， 有 幼 稚 園 卻 被 指 企 圖 逼 走 患 有 自 閉 症 傾 向 的 學 生 ， 多 次 要 求 家 長 何 女 士 的 兒子 轉 校 ， 且 在 未 經 她 同 意 下 偷 錄 其 子 上 課 情 況 ； 何 女 士 質 疑 校 方 涉 嫌 殘 疾 歧 視 ， 已向 平 等 機 會 委 員 會 及  育 局 投 訴 。 幼 稚 園 所 屬 的 仁 愛 堂 正 調 查 事 件 ， 聲 言 不 會 歧 視 任 何 小 孩 。

何 女 士 的 兒 子 「 橋 橋 」 4 歲 ， 去 年 入 讀 深 水 的 仁 愛 堂 龐 盧 淑 燕 幼 稚 園 K1 ， 她 指 兒 子 入 學 不 久 校 方 便 建 議 其 子 進 行 健 康 檢 查 ，結 果 證 實 兒 子 有 輕 度 自 閉 症 傾 向 ， 但 醫 生 指 橋 橋 情 況 不 嚴 重 ， 毋 須 轉 校 。 何 女 士 表示 ， 校 長 知 悉 其 子 有 自 閉 症 傾 向 後 ， 多 次 建 議 她 替 兒 子 轉 校 ， 「 佢 當 時 仲 話 我  （ 幼 稚 園 ） 唔 可 以 為  你 一 個 學 生 ， 放 棄 其 餘 29 人 。 」

自 費 參 加 訓 練 課 程
何 女 士 拒 絕 校 方 要 求 後 ， 多 個 月 來 校 長 以 不 同 招 數 對 待 其 子 ， 包 括 未 經 許 可 下 拍 攝其 子 上 課 情 況 、 不 許 老 師 抱 其 兒 子 以 及 罰 他 不 准 上 體 育 課 等 。 談 及 兒 子 遭 歧 視 ， 何女 士 淚 如 雨 下 ， 指 自 己 也 希 望 兒 子 像 一 般 小 孩 般 融 入 社 會 、 健 康 成 長 。
她 現正 為 兒 子 輪 候 政 府 提 供 的 適 應 課 程 ， 惟 需 等 待 一 至 兩 年 ； 因 經 濟 能 力 有 限 ， 她 於 是參 加 慈 善 團 體 為 自 閉 童 及 其 家 長 提 供 的 訓 練 課 程 ， 每 月 約 需 1,000 元 ， 希 望 為 兒 子提 供 最 佳 育 。 兒 子 遭 受 不 公 平 對 待 ， 她 認 為 校 方 涉 嫌 殘 疾 歧 視 ， 已 向 育 局 及 平 機 會 投 訴 ， 誓 要 為 兒 子 討 回 公 道 。


違 平 機 條 例 可 索 償

育 局 表 示 ， 已 就 事 件 要 求 校 監 提 供 調 查 報 告 。 本 報 曾 多 次 致 電 該 幼 稚 園 校 長 ， 但 未 獲 回 覆 。 仁 愛 堂 育 部 經 理 趙 文 堅 則 回 應 ， 指 事 件 已 由 平 機 會 及 育 局 處 理 中 ， 暫 不 便 透 露 詳 情 ， 並 說 仁 愛 堂 屬 非 牟 利 機 構 ， 願 意 給 予 不 同 孩 子 學 習機 會 ， 不 會 歧 視 任 何 小 孩 ； 就 個 案 中 的 小 孩 ， 該 校 去 年 已 增 加 對 他 的 照 顧 並 配 合 育 心 理 服 務 。 至 於 錄 影 該 小 孩 上 課 個 案 ， 他 解 釋 校 方 是 為 了 解 上 課 時 的 學 習 情 況 ， 才 作 出 錄 影 ， 並 非 只 錄 影 個 別 小 孩 的 活 動 。
平 機 會 發 言 人 指 ， 不 便 評 論 個 別 例 子 。 一 般 情 況 ， 調 查 後 會 以 調 解 方 式 調 停 ， 若 發 現 個 案 涉 違 反 平 等 機 會 條 例 ， 將 協 助 有 關 人 士 作 出 民 事 訴 訟 。

特 稿
萬 名 自 閉 童 　 政 府 支 援 不 足

自閉 症 屬 一 種 先 天 性 腦 部 功 能 受 損 引 起 的 發 展 障 礙 ， 有 組 織 粗 略 估 計 ， 本 港 每 10,000 人 中 便 有 10 名 不 同 程 度 的 自 閉 症 患 者 ， 他 們 通 常 在 3 歲 前 出 現 症 狀 。

推 行 融 合 育

由 於 政 府 資 源 有 限 及 現 正 推 行 融 合 育 ， 故 許 多 有 特 殊 需 要 的 自 閉 症 學 童 ， 家 長 需 自 費 為 子 女 提 供 適 切 的 育 及 訓 練 。
根 據 育 局 去 年 的 統 計 ， 現 約 有 2,384 名 患 自 閉 症 的 學 童 在 特 殊 學 校 及 普 通 學 校 就 讀 ， 其中 大 部 份 兼 有 智 障 的 學 童 已 入 讀 智 障 兒 童 特 殊 學 校 ， 以 便 獲 得 綜 合 支 援 。 其 餘 具 正常 智 力 的 自 閉 症 學 童 ， 則 在 融 合 育 下 ， 入 讀 一 般 主 流 學 校 。
局方 指 出 ， 政 府 現 有 為 初 生 至 6 歲 的 殘 疾 兒 童 提 供 學 前 訓 練 服 務 ， 協 助 有 關 學 童 入 讀普 通 學 校 和 參 與 日 常 活 動 ， 但 有 團 體 及 家 長 一 直 批 評 ， 服 務 供 不 應 求 ， 輪 候 的 時 間往 往 長 達 一 、 兩 年 ， 令 家 長 求 助 無 門 。

Anpanmama

Be honest, I don't think the kinder will do that, may be Mama too 敏感.

(個人感覺)

annaanna

哎呀... 但係之前bk 都有mami 話學校用唔同o既方法企圖迫個小朋友自己退學喎~  

我又覺得有可能....

原帖由 Anpanmama 於 08-10-8 05:14 發表
Be honest, I don't think the kinder will do that, may be Mama too 敏感.

(個人感覺)

Anpanmama

Sorry, I did read this post in BK before , let's study....

pamam

That kinder is not a famous school, could not understand why they would try so hard to get rid of a just
輕 度 自 閉 症 傾 向 kid, maybe there are some misunderdstandings.

原帖由 Anpanmama 於 08-10-8 05:14 發表
Be honest, I don't think the kinder will do that, may be Mama too 敏感.

(個人感覺)

hinhinmummy

個人感覺

如果學校出到聲叫我仔轉校, 我會即時轉校, 而吾會有比機會佢留難我個仔(如果事件是真的話)

一間無愛心的學校, 夾硬讀落去, 都無幸福, 還要係幼稚園, 間間學校都要收$, 又吾係得佢一間幼稚園, why 要我仔去受苦?

小新丁

其實做得教師的，都愛錫小朋友。至於學校是否迫小朋友退學呢，我覺得睇下從咩角度。其實如果學校提供唔到支援，轉校都唔係一件壞事。

至於攝錄，而家既幼稚園都要做學習歷程記錄，每個小朋友都要做的。而罰小朋友，有時d小朋友唔明或唔識守規，又或情緒控制唔到，都會請佢休息一下、冷靜一下，我地通常叫time out,而唔係罰。就算其他小朋友都有機會咁做的。

winchoy16888

其實學校是否應與家長傾吓有否共適處理‧真的教不到才轉校、或揾幫手、不應拍攝小孩‧有些(奇試)

小新丁

原帖由 winchoy16888 於 08-10-12 23:12 發表
其實學校是否應與家長傾吓有否共適處理‧真的教不到才轉校、或揾幫手、不應拍攝小孩‧有些(奇試)

我都覺得大家要傾下!!
不過呢個媽咪都幾唔理智，搵自己個仔來「教非」。

korg

我亦為緊呀仔班主任的說話好好好唔開心.

• 8月時返咗幾日學, 老師察覺到佢同其他小朋友唔同, 於是我將個情況講清講楚. (真係好清楚!!)
• 9月份, 老師問咗我3次, 希希在家會唔會倒玩具. 我都係答好少會咁. 我以為佢都好留意希希, 我只希望佢唔會discriminate 希希就ok了.
• 前幾日, 放學時佢問我覺得希希點, 我話佢有d地方進步, 有d地方退步. 佢即刻問我咩嘢退步. 我話佢多咗d脾氣, 有時又表達唔到想點. (其實我覺得都唔係好勁, 好多小朋友都係咁.) 我以為佢想幫我啦, 原來踏多2腳.
• 老師話: 我覺得佢嚴重咗, (表情好誇咁) ... 已經開咗2個月學(8月返每日1個鍾咋, 9月出水痘呀), 話佢咩都學唔到. 完全唔望人的, 點叫佢都唔彩人, 又唔會同d小朋友玩. 融入唔到d同學... 有冇諗吓去d有識得train佢地嘅學校呀?
• 我解釋, 佢地呢d小朋友係唔望人的, 望就唔係自閉啦, 唔好話2個月啦, 我識有d返咗3年特殊學校都唔肯望人, 因為佢地好驚望人的眼. 唔回應都係佢地嘅特徵. 佢話: 你要教佢的, 我話有教佢... 佢有時會應我的. 可能學校會唔同. 不過佢真係好鐘意返學, 佢好開心.
• 老師話佢都好乖, 唔會distrub其他人, 成日自己玩, 好enjoy. 不過咁唔得ga, 學唔到嘢. (我心諗, 佢識幾多你唔知姐!) 老師話, 要佢識聽指令, 回應老師先得, 我唔知你係屋企有冇做d咩去幫, 不過你要加倍幼力lor!
• "如果我係你, 我會搵d真係幫到佢, 專業嘅學校. 你有冇諗過轉去讀i位呀?" 唉, 我第3次解釋比是佢聽, 我等緊e位, 唔可以又i位又e位.

當時我已經想喊了... 我喊咗2日!! 我感覺到條路唔易行.
之後家長會. 主任同我傾, 問我希希做緊d咩training. 我又再講... 明顯主任真係主任, 我講d名稱佢都知. 令我覺得佢比較了解. 我一再解釋我唔係放個仔係度由得佢, 而係等緊其他學位, 同想佢係度有d小朋友比佢接觸吓. 我冇其他要求! 佢都係要我讀i位, 叫我搵i位學校... 我話我排緊私人的centre, 有位我會走. 佢就叫我讀住先.  

雖然佢地口口聲聲話我地唔係嫌棄佢, 亦唔會放棄佢, 佢係度讀3年都得, 不過我為你著急...

我的確覺得老師係叫我走, 不過佢唔可以直接講! 我有問做老師的朋友, 佢覺得佢好冇愛心, 而家呢個年代, 一定要認識"特別"d嘅小朋友, 唔識教咪學lor, 自己進收自己都要la.

我真係好想即刻唔讀, 不過又唔想一時衝動, 搵到第二間先走.

HELLOPET

好明白你的心情, 政府比我地小朋友資源實在太小, 而私人的服務也很貴, 條路雖然唔易行, 你唔需要唔開心, 唔係間間學校的老師都係咁, 又或者你找D 有I 位的學校讀住普通學位先, 我相信佢地會有包容心個其他學校的老師, 再一路排E位, 唔好氣餒, 加油.

HELLOPET

annaanna

你同老師講等緊e 位，即係會繼續讀呢間學校？or 又讀私人又讀e位呢？
我阿仔delay，去過一間有i 位o既幼稚園interview，諗住有i位都有愛心d ，多d 包容啦，不過我都打算要e位，因為聽講訓練會全面d 而唔係只得st...
個主任都prefer我揀佢o既i 位，因為有專人負責照顧佢喎~

foreverangel

好似i位多d支援喎, 我之前都去左有i位既學校in, 嗰時都未發覺呀仔有事, 結果佢見過呀仔之後即刻唔收, 連出世紙都比返我, 幾絶呀, 而家諗返覺得佢一年前己睇出佢有d問題, 即刻唔收咁.

原帖由 annaanna 於 08-10-16 10:22 發表
你同老師講等緊e 位，即係會繼續讀呢間學校？or 又讀私人又讀e位呢？
我阿仔delay，去過一間有i 位o既幼稚園interview，諗住有i位都有愛心d ，多d 包容啦，不過我都打算要e位，因為聽講訓練會全面d 而唔係只得st...
個主任都prefer我 ...

korg

呢幾日同其他同學仔媽咪傾過, 覺得個班主任真係好有問題, 極之冇愛心同耐性!! 唔好話自閉症, 佢連2歲嘅小朋友係點都唔了解.

尋日去接呀仔放學, 個老師好cool, 連byebye都唔同d學生講. 咁佢有咩理由要求學生懂得禮貌呢? 佢只係想d家長教好晒d仔女比佢咁. 我一定會同學校投訴.

January

千其吾好吾開心呀, 我覺得係呢個老師吾夠愛心同吾識handle. 因為囝囝既原故, 我最近識左幾個小朋友既媽咪, 佢地囝囝都係自閉症傾向仲係d名牌幼稚園到返學, 果d老都一樣咁包容同錫佢地d小朋友.

原帖由 korg 於 08-10-17 13:08 發表
呢幾日同其他同學仔媽咪傾過, 覺得個班主任真係好有問題, 極之冇愛心同耐性!! 唔好話自閉症, 佢連2歲嘅小朋友係點都唔了解.

尋日去接呀仔放學, 個老師好cool, 連byebye都唔同d學生講. 咁佢有咩理由要求學生懂得禮 ...

korg

January:

你可唔可以pm我知邊間幼稚園呢, 我唔係要名牌, 係覺得好失望, 冇信心!! 我都希望搵到有2歲班的學校插班, 因為我覺得呀仔enjoy返學. thanks!!

原帖由 January 於 08-10-17 20:00 發表
千其吾好吾開心呀, 我覺得係呢個老師吾夠愛心同吾識handle. 因為囝囝既原故, 我最近識左幾個小朋友既媽咪, 佢地囝囝都係自閉症傾向仲係d名牌幼稚園到返學, 果d老都一樣咁包容同錫佢地d小朋友.
...

junglebelle

老師無禮貌，如何做個好榜樣比小朋友學習。其實好多幼稚園/幼兒園都可以插班，最緊要小朋友返學返得開心！

原帖由 korg 於 08-10-18 00:46 發表
January:

你可唔可以pm我知邊間幼稚園呢, 我唔係要名牌, 係覺得好失望, 冇信心!! 我都希望搵到有2歲班的學校插班, 因為我覺得呀仔enjoy返學. thanks!!

penny_li

睇完妳d野, 老實講真係唔好諗得太多同多左, 其實就算去e位, 都可選有i位的學校讀普通位, 那裡的普通老師都是有經驗照顧這些小朋友, 只有好處, 而無一害, 主任可能只是覺得不想妳浪費時間, 黃金6年很快過, 普通的老師亦不是很容易明白這種小朋友, 這是很難怪! 我倒覺得他們這樣做更好, 誠認自己的能力, 不要擔誤妳小朋友時間, 另外真的好多學校都會拍下小朋友上學的情況, 這是我可以接受, 不要再想甚麼對與不對, 甚麼傷心事啦, 盡快想辦法幫小朋友更好, 更有用.

超級火車頭

咩野叫做i位同e位?

korg

penny_li

我真係唔覺得我諗多咗同太多!!!
係咪所有自閉症小朋友都要去S位orI位返學呢? 如果係一定, 我絕對唔會去其他學校. 我都係第一次做自閉症小朋友的媽媽, 上年報N1時我都唔知呀仔係. 一知道, 我都冇停過為佢打算!! 呢間學校我都有問過協康, 當時有位家話OK, 我先比呀仔試吓. 那時我都唔知應該點, 問咗2間屋企附近的學校都話full, 有d只有K1-3. 所以先比呀仔去讀!

我有同班主任講, 想比呀仔試吓. 睇吓佢得唔得. 希望試一個學期. 未返足2個月, 佢已經對我講: 佢完全唔肯望人, 唔回應自己個名, 唔聽指令, 咩都學唔識!!

佢唔識教自閉小朋友唔緊要. 佢教唔到我個仔都唔緊要. 但佢的說話同態度, 絕對唔係一個幼兒園老師應有的. 講真, 自閉症的確普遍咗, 辦教育的, 係咪都要面對新一代的問題呢? 唔理唔學係咪就最醒? 如果個個"正常人"都唔肯接受, 唔肯了解自閉症, 係咪就啱呢？　

我亦講清楚我排緊其他密集式training, 亦有其他training做緊... 點解身為幼兒老師咁冇耐性同愛心? 佢對咗我個仔,個幾月, 我個仔一眼都唔望佢, 佢係咪都要檢討吓自己呢? 如果唔想浪費時間, 係咪一出世就sent佢去特殊學校最唔浪費呢? 我有交代而家係試吓... 我見到我個仔每日都好開心行入學校, 有d都仲喊住入去. 我先照原定計劃試一個學期. 呀仔2歲半, 我只係想佢有d小朋友係身邊相處吓, 唔駛留係屋企咁悶. 咁都係浪費時間?

而家知佢係點, 我真係唔想再浪費時間比d冇愛心嘅人身上, 以免呀仔學佢冇禮貌, 態度差...

加上, 班上唔係得我一個不滿班主任, 佢教小朋友有秘密唔好講比媽咪知; 投訴一個得2歲的女仔刁蠻,任性, 冇禮貌, 唔守規矩... 等多宗罪. 咁嘅老師, 你認為我諗得到咩??

我將呢件事, 向很多人詢問(社工, 治療師, 家長, 老師等), 係咪我有咩唔啱而自己唔知. 一致認為係班主任的問題. 我唔係要win. 而係真係好傷心!!   

我知有好多人都建議去i位學校讀普通位. 但我都聽到有媽咪說i位學校都未必鍾意再多收呢類學生. 所以我都要問多d, 見咪校長先比呀仔讀.

呢d都係有咗經驗先知道! 雖然我仲係好嬲遇人不淑, 不過都努力為呀仔打算!!

原帖由 penny_li 於 08-10-19 00:05 發表
睇完妳d野, 老實講真係唔好諗得太多同多左, 其實就算去e位, 都可選有i位的學校讀普通位, 那裡的普通老師都是有經驗照顧這些小朋友, 只有好處, 而無一害, 主任可能只是覺得不想妳浪費時間, 黃金6年很快過, 普通的老師 ...