信報月刋一篇使人反省及不安的文章

mother904

原帖由 catcatmom 於 09-2-3 13:34 發表
我覺得好奇怪, 老公成日話有料既人,唔會去教書.但係外國老師既人工唔高, 但相對學識好,受到社會尊重,如日本既老師人工唔高,但受到家長,社會人士既尊重,日本人話有d人係好鐘意教書架. ...

個人覺得呢個問題可以分兩方面黎睇：

1.現實角度，係香港，真正有料而又真心真心想教書既人唔多，因為香港係一個注重商業，人人都想一朝發達既社會。造成有料既人，大部分都想做生意似李嘉誠咁有錢，或者做專業人士有社會地位。於是讀書成績比上不足，比下有餘既人先會想做教師。

2.就因為人人都知道／認為／覺得真正有料既人唔會教書，造成好多人係心入面其實係睇唔起教師，特別係中、小學教師，文章入面既王應秋，同樣係因為認為小學教師的水平不及他這個生化學家，所以先會引起成件事既出現。

外國尊重知識，所以教師就算人工唔高，都有社會地位，香港就仲未做到呢個地步。

其實個人覺得教師唔一定要係最有料果個，最緊要係佢地掌握到教書的技巧同方法，同可以引導學生既求知慾、自學方法。可惜係香港，呢類教師真係好難先搵得到。

ICYGREY

事件中幾位老師操守好有問題, 小事化大的是學校,那位家長係執著, 但堂堂一間學校無理由用那麼拙劣的手法應付,  好可惜。

當中做得最差最有攻擊性係給孩子一個無理的操行丙, 有經驗的家長一定知小五六的操行係幾咁重要, 此招一出, 家長又怎會算數!

judy

成件事之起因不是常識比賽，最主要在那篇作文。

老實講，老師冇理由判斷唔到篇文之真假，用之前的作文比較一下就行了。揾國際些database比較，低鬼能！通常出猫係偷睇隔離啦。

不過，利益歸於被告，王同學話係佢寫嘅，先生都要讚吓佢。