日日喊

wttcly

見到呢個TOPIC, 我都好想喊.

囝囝2歲半, 之前返PLAYGROUP好開心, 我見佢都O.K.就幫佢轉咗無得陪的PLAYGROUP, 上個星期返咗第一堂, 由上堂喊到下堂, 真係心都實埋. 整整呢個星期, 睇住佢好無安全感, 成日叫住工人個名, 無工人就喊, 真係好煩呀. 我都不知佢遲啲點樣返學, 實有排喊.

foggyao

原帖由 wttcly 於 08-9-16 10:59 發表
見到呢個TOPIC, 我都好想喊.

囝囝2歲半, 之前返PLAYGROUP好開心, 我見佢都O.K.就幫佢轉咗無得陪的PLAYGROUP, 上個星期返咗第一堂, 由上堂喊到下堂, 真係心都實埋. 整整呢個星期, 睇住佢好無安全感, 成日叫住工人個 ...

唔洗擔心同比d時間佢! 呢個答案係我之前有好多人咁同我講嘅! 而時間亦証明到呢句說話無錯!

呢d就係返playgroup同真正返學嘅分別!

我女女由10個幾月到而家都有keep住玩playgroup, 佢8月頭開始返n班, 初頭個禮拜係可以有大人陪, 但佢當時無左我哋都ok, 人哋响度喊, 佢响度玩.

點知過左頭個禮拜, 佢先唔再鍾意返學, 去到學校附近就已想走, 見到學校門口就喊住要走, 見到其他同學喊, 就會驚, 喊得大聲d.  學校老師都話好正常, 因佢已過左對返學嘅好奇心!  講真, 我當時見到佢返學咁淒涼, 真係連我都眼濕濕.  而因佢一直亦有每星期返一堂playgroup, 佢會同我表示唔鍾意返學, 但鍾意去playgroup.  

直至上個禮拜一, 佢返學都忽然唔再怕, 問佢想唔想返學亦表示 '想', 佢個反應係突然間變, 我都估佢唔到.

咁計計埋, 佢返學都差唔多要一個月先適應到.

wttcly

一個月, 真係唸起人都"din", 我個囝一喊就好大聲, 仲要係不停咁喊, 好難"探"到佢. 見到佢依家咁無安全感, 真係好心痛.

佢依家都係返playgroup, 我係度十五十六不知給不給佢依家返幼兒園好呢?

060905

今朝叫女女起身話返學, 佢好開心, 但係一講到話媽咪一跟帶你去返學, 媽咪跟住去返工, 婆婆晏D會黎接你, 佢走開始扁晒咀講話好, 跟住坐車就好似隻樹熊咁, 返到學校一入課室, 就開始喊, 我將佢交俾老師, 老師抱佢都反晒身, 我係樓梯口到聽到佢好大聲叫「媽咪」, 不過老師話佢過左一陣無喊, 上堂仲幫老師手執野, 但一到放學揹起個書包, 又喊過….

但問佢返學開唔開心, 佢話開心, 仲識得講係學校做過乜野, 問佢第二日返唔返學, 佢都話返, 但一講BYE BYE就喊, 唔知大家有無相同經歷呢??

foggyao

原帖由 wttcly 於 08-9-16 14:32 發表
一個月, 真係唸起人都"din", 我個囝一喊就好大聲, 仲要係不停咁喊, 好難"探"到佢. 見到佢依家咁無安全感, 真係好心痛.

佢依家都係返playgroup, 我係度十五十六不知給不給佢依家返幼兒園好呢? ...

係呀，我個女差唔多一個月適應，但就唔係喊足一個月，佢係知我會走就喊，老師話我走一段時間，佢已可以唔喊同上堂，完全無問題!

你心情我都好明白，因平時我要返工，間中抽到時間就會帶佢返學，之前姐姐都有話我知佢喊，但我都想像唔到佢喊得咁慘，直至有一日，我送佢返學，見到佢喊個情況，又係咁叫媽媽，媽媽，我真係唔想走，見到都心痛，好想即刻衝埋去抱佢走。到我裝佢一陣都係咁，我當時真係eye濕濕同唔想再比佢返nursery。之後，老公見到我咁，都安慰我，話遲早有呢一日，佢而家n班係咁，第時k班就會知咩事，唔會再係咁。唔通到時又唔比佢返學？

我聽後都覺得係，終於而家守得雲開啦! 今日送女女返學，佢知係扭我一陣，就入班房洛，我覺得ok 囉，只不過係比佢早感受!

wttcly

我依家都十五十六唸緊給不給佢返幼兒班, 如果係10月就要開始返, 仲唸住考九龍塘幼稚園, 但係咁喊法我都打定輸數.

carol716

我個囡咪又係咁，都唔知有咩好驚，都係返學頑玩具，畫圖畫，做美勞，聽故事，唱下歌，學下紀律．．．
日日返學都哭，已經帶左朱古力，餅乾返學，都係哭，老師話佢太無安全感，無家人係度佢一諗起就會好傷心．．．又話掛住媽媽，叫人打電話比我．．．都唔知好嬲定好笑．．．不過哭都要返架啦！

原帖由 wttcly 於 08-9-18 10:26 發表
我依家都十五十六唸緊給不給佢返幼兒班, 如果係10月就要開始返, 仲唸住考九龍塘幼稚園, 但係咁喊法我都打定輸數.

060905

係呀, 喊都要返, 我情願佢而家n1辛苦, 好過返k1黎辛苦, 點都有呢一日架啦, 你同我個女一樣, 今朝又係痴住我唔放, 不過老師話佢喊少左, 個心都好d, 希望佢快d習慣啦！


你個女返黎有無講佢係學校到發生過d乜野架, 我個女有講架, 有時仲講到好開心tim！

25660859

我個囡囡唔鍾意返學, 去到學校附近就已想走, 見到學校門口就喊住要走,見到老師校長就叫佢地去做野啦,唔好過來啊,真系搞笑

wheellun

My girl is same, she started to study nursery almost 2 months, evey time she steps into classroom, then she will cry and stick to teacher. Sometimes she just cries little bit, sometimes, she cries on and on.   The school teacher called me , it seems that she blames my girl like this.. really sad.

060905

咁我就好彩d我個女其實鐘意返學, 但係可能佢好痴身所以唔捨得我走, 同埋唔知係咪初初個幾日陪佢上堂, 俾左個錯誤訊息佢, 以為媽咪可以陪返學, 所以我一唔陪佢就想喊！

但佢返到屋企, 佢會扮老師教書, 又會唱學校d歌, 仲叫我陪佢一齊跳舞, 所以我估佢真係鐘意返學, 但怕同我分開！

返左學十五日啦, 日日都喊, 全班同學得佢一個喊咋而家！