南區

aigoma

各有各好。

兩間來講田始比較易入，5班大班，派不到還可叩門，叩門位多。第一階段只靠首名子女和宗教分都有人入到。
3測3考話唔計分，但見到部份家長都幾緊張，都幾多功課，有人話辛苦，有人話輕鬆。
聽幾位住田灣的人講話校風冇以前咁好。
A、B班派位多分散入band1中學，間間都有一至幾個入，其他的多入華富和田灣中學。

南官比較難入，今年還行小班，學位更少，過去甚少人放棄學位，叩門機會微，如果第一階段沒有其他分，只能靠派位入。
程度唔淺，尤其英文書。小二開始分班，A、B班會較快些、深入些和多些功課，C、D班就補底，功課都少些，其他就冇分別。
中文係用廣東話教(冇改的話)，另不是班班有外藉老師教。
可能係官校，上堂就比較有系統，係一字一頁不漏依書直教。
A、B班派位多入聯繫中學，其他多數分散南區中學。

原帖由 MrsTing 於 08-9-13 11:42 發表
我想問~田始定係南官好?
我個仔今年要入表申請讀小一喇, 宜家仲煩緊讀邊間. 聽人地講田始係多功課, 而且平時測驗個D都會計落考試分度? D間學校係咪3考3測? 會唔會太辛苦? D人話南官好難入, 課程好似話係淺D. 不過話 ...