K2P

waiwing

好耐無上黎啦, 呢排實在太忙, 大家最近有咩新消息呀? 黎緊星期六家長日啦, 你地幾多點呀? 我地係10:30am呀, 係呢, 你地小朋友默書ok唔ok呀??  

原帖由 Tenno 於 08-10-1 12:01 發表
我都無收到通告,不過我問過仔仔舅母(表妹讀K2S),佢話帶一張細細個相片,好似K1時做SHOW & TALK咁,佢話囡囡Class Number 係3號,所以近一至二星期內要做,至於我仔仔Class Number 係30號,我諗所以無咁快收到通告.



...

LIZTZE

18/Oct 那天已見了Miss Chan, 見完後好唔開心。因為K1時, 老師說心悅好多野講,好開心。但Miss Chan 話佢上堂不主動擧手, 仲好少講野, 真係好大對比........
我問佢點解上堂唔講野, 佢話Miss Chan話唔準講野, 我話講少少唔緊要,佢話Miss Chan 会鬧, 仲話佢成日好惡咁閙人, 唔知係唔係真呢?
我發覺囡囡都有壓力, K1時自已做功課, 現在每次做功課時都問我点解要做功課, 成日同我講" mami 你信我啦! 做功課好難架 ! " 有時会喊添, 真係好惨咁! 佢又成日擦, 我叫佢唔好擦, 佢会話"唔得架, 呢度太短, 呢度要貼住,呢度又点, 呢度又要点", 平均要做40分鐘。佢做緊我會用糖獎勵佢,完成後我即刻勁讚又同佢去公園玩。問佢鐘唔鐘意返學, 佢又話鐘意,上星期五問我点解星期六唔駛返學, 佢話好想返學,我都唔知佢想点!
囡囡最近成日話要去小便, 去等褓母車前去一次, 上褓母車前又話要去, 成日話驚賴尿。我問Miss Chan係唔係有同學仔在學校賴尿後比人笑又或者比人閙過呢? Miss Chan 話冇。囡囡瞓前至少会去3次小便 (45 分鐘內),佢又冇飲好多水........:(
最近默書3張釘埋一份果份就錯咗L,其他OK。你們的小朋友做功課時情況如何呢?

Tenno

大家好,我都好耐無上黎傾下計,上星期六見完Mrs Chan,佢都有讚仔仔好受教,我都有點安慰.可能仔仔係大仔,容易教導.
至於默書仔仔話星期三默中文,而我每晚都用15分鐘同仔仔溫習,並不會默之前勁溫,我見仔仔默書都ok

原帖由 waiwing 於 08-10-22 08:54 發表
好耐無上黎啦, 呢排實在太忙, 大家最近有咩新消息呀? 黎緊星期六家長日啦, 你地幾多點呀? 我地係10:30am呀, 係呢, 你地小朋友默書ok唔ok呀??  

C.W.

作為家長，我很明白你的心情。

我的囡囡早一個月前仍是睡覺前一定要再去一、兩次小便，都是去得很少，有時冇。我問佢点解，她說怕弄濕張牀。現在好多了，只曾去一次。我記得大概一個月前，她告訴我有個男同學在課室"lai"屎，所有同學都見到。我當然立刻教佢下次發生這事，不要笑同學。

C.W.

原帖由 LIZTZE 於 08-10-27 13:36 發表
18/Oct 那天已見了Miss Chan, 見完後好唔開心。因為K1時, 老師說心悅好多野講,好開心。但Miss Chan 話佢上堂不主動擧手, 仲好少講野, 真係好大對比........
我問佢點解上堂唔講野, 佢話Miss Chan話唔準講野, 我 ...

waiwing

我個仔都有話有同學仔瀨屎呀, 我問佢點解佢會瀨既, 佢話個同學急呀嘛, 趕唔切去廁所就瀨囉.....

原帖由 C.W. 於 08-11-6 17:21 發表
作為家長，我很明白你的心情。

我的囡囡早一個月前仍是睡覺前一定要再去一、兩次小便，都是去得很少，有時冇。我問佢点解，她說怕弄濕張牀。現在好多了，只曾去一次。我記得大概一個月前，她告訴我有個男同學在課室"lai"屎，所有 ...

waiwing

我都好耐無上黎啦, 請問你地小朋友既默書& assessment既成積如何呀? 我仔仔默書好少拿滿分, 做assessment中英數常, 只有常識拿100分, 其中一科仲80幾添, 真係好擔心佢, 因為佢上課唔係留心, 所以好多時有careless mistake....... (-_-"")

Tenno

我小朋友默書 同assessment 都ok.係assessment仔仔只
係一科拎唔到100分,其實佢做完assessment當日, 佢有話我知有一題做錯左.起碼佢自己知做錯....
我其實每星期都用二至三日同仔仔溫習,或者waiwing媽媽你都試下,因為我係同仔仔溫習時,我知佢有乜比較差d,可以再自己出d paper比佢做.所以當佢做assessment時,我唔洗特別用太多時間再溫習.....
大家得閒多多交換心得.
提早同大家講 : MERRY CHRISTMAS!

原帖由 waiwing 於 08-12-12 17:03 發表
我都好耐無上黎啦, 請問你地小朋友既默書& assessment既成積如何呀? 我仔仔默書好少拿滿分, 做assessment中英數常, 只有常識拿100分, 其中一科仲80幾添, 真係好擔心佢, 因為佢上課唔係留心, 所以好多時有careless mi ...

waiwing

其實我知我個仔係細B, 所以差不多每天我都有同佢溫習, 另外再印d paper比佢做, 但係成積都係

而家d功課我見有比grade, 初初成日都攞B-, 而家好少少, 都會有B, 你地d功課又點呀?

原帖由 Tenno 於 08-12-21 10:36 發表
我小朋友默書 同assessment 都ok.係assessment仔仔只
係一科拎唔到100分,其實佢做完assessment當日, 佢有話我知有一題做錯左.起碼佢自己知做錯....
我其實每星期都用二至三日同仔仔溫習,或者waiwing媽媽你都試下,因 ...

LIZTZE

B- or B

原帖由 waiwing 於 09-1-15 21:11 發表
其實我知我個仔係細B, 所以差不多每天我都有同佢溫習, 另外再印d paper比佢做, 但係成積都係mouth:" />

而家d功課我見有比grade, 初初成日都攞B-, 而家好少少, 都會有B, 你地d功課又點呀?


...

waiwing

同我地一樣呀, 不過阿仔話有同學仔攞A, 仲有星添呀~
我同阿仔講話要比心機做好功課, 寫字要靚靚, 咁先可以攞A架, 佢真係走去同miss講話要A唔要B....

原帖由 LIZTZE 於 09-1-16 13:19 發表
B- or B

waiwing

尋日運動堂, 阿仔話玩醒獅, 王子俊做醒獅, 佢打鼓喎, 返到屋企好開心咁要我地同佢玩醒獅....
仲有下個星期五PARTY, 阿仔話要穿中國衫, 我會買一件比佢著返學......

收到點書張成績, 我好唔開心囉, 因為今次真係好差, 唔識得串英文three, four, five, 中文好多都忘記左, 數學就不嬲都係差少少, 但其實佢係識寫既, 因為我每次同佢溫習佢都識得回答我, 可能返到學校佢又心省, 見到張成積咁我好嬲, 佢知道我嬲, 自己都唔敢點出聲, 我話罰佢唔準食腸仔飽(腸仔飽係佢放學至愛既食物), 要掉一個櫃既玩具, 佢話知道, 完全無say no, 尋晚同佢溫習溫夜左少少, 見到佢咁我好心痛, 唔想佢有咁大壓力, 但係因為佢係細B, 所以我地要更加努力呀!!!

[ 本帖最後由 waiwing 於 09-1-16 16:35 編輯 ]

Tenno

我小朋友都係B+ OR B, 未攞過A, 英文先係攞B+, 佢D中文字寫得太難睇.有時擦得太多佢有唔鍾意,依家做媽媽真係唔簡單.想小朋友成績好,又想佢開開心心咁成長.  

原帖由 waiwing 於 09-1-16 16:22 發表
同我地一樣呀, 不過阿仔話有同學仔攞A, 仲有星添呀~
我同阿仔講話要比心機做好功課, 寫字要靚靚, 咁先可以攞A架, 佢真係走去同miss講話要A唔要B....



...

waiwing

係呀, 擦得多我個仔都會唔鐘意架, 不過無辨法, 如果唔係C-都有份呀....

原帖由 Tenno 於 09-2-9 14:18 發表
我小朋友都係B+ OR B, 未攞過A, 英文先係攞B+, 佢D中文字寫得太難睇.有時擦得太多佢有唔鍾意,依家做媽媽真係唔簡單.想小朋友成績好,又想佢開開心心咁成長.  


...