有無讀緊天水圍金巴崙長老會耀道小學的家長～有問題請教

yan801022

小兒會在９月轉到這小學讀三年級，請問各位家長教中文科係用咩語言？普通話定廣東話？老師有愛心嗎？小朋友又讀得開心嗎？唔該晒

kwokwong

原文章由 yan801022 於 08-7-12 15:05 發表
小兒會在９月轉到這小學讀三年級，請問各位家長教中文科係用咩語言？普通話定廣東話？老師有愛心嗎？小朋友又讀得開心嗎？唔該晒

中文用廣東話教.我個仔讀緊哩間小學黎緊9月升小4.老c都幾好,ok架,學校有好多活動.

yan801022

ｈｅｌｌｏ　kwokwong：
多謝你的回答．．我重想問吓學校有無分精英班？？同埋課程算深嗎？？我怕小兒追不上 ．．

kwokwong

原文章由 yan801022 於 08-7-12 23:18 發表
ｈｅｌｌｏ　kwokwong：
多謝你的回答．．我重想問吓學校有無分精英班？？同埋課程算深嗎？？我怕小兒追不上 ．．

這個..我也不知道,我無研究過這個問題,小孩子適應力強,你又有乜好擔心呢!你住附近嗎?

yan801022

我住悅貴．．．你呢？？學校功課多嗎？？

kwokwong

原文章由 yan801022 於 08-7-13 22:58 發表
我住悅貴．．．你呢？？學校功課多嗎？？

我住天恆.係呀我地間學校仲有一個特色,有生日會開架,我諗你兒子會好歡喜.希望佢讀得開心,你買晒書未.下學期d書(如你唔怕舊)你要唔要.相中的小b都是你兒子嗎?幾大?我都有一對小b今年返k1.
3年級的功課實會多過2年級架喎,你之前讀邊間小學?

yan801022

我未買書，學校比左書單叫我去元朗買，多謝你．．．又點會怕舊 ，係呢～你仔仔咩社．．我個仔紅色社，我有２個仔仔．．．細仔我報左今年９月返Ｎ１．．你重有一對小b．．咁你咪照顧３個小朋友 ？？我個仔之前讀香港青年協會李兆基小學．．．:;pppp: 我叫阿恩．．你點稱呼？？

[ 本文章最後由 yan801022 於 08-7-14 22:27 編輯 ]

kwokwong

原文章由 yan801022 於 08-7-14 22:17 發表
我未買書，學校比左書單叫我去元朗買，多謝你．．．又點會怕舊 ，係呢～你仔仔咩社．．我個仔紅色社，我有２個仔仔．．．細仔我報左今年９月返Ｎ１．．你重有一對小b．．咁你咪照顧３個小朋友 ？？我個仔之前讀香港青年協會李兆基小學．．．:;pppp: 我叫阿恩 ...

我d書仲未掉,上學期都有,你唔介意帶埋書單黎我家揀可以.咁可以慳d又還保.
我個仔咩社,我唔記得問返佢至知,因為我仲著緊舊校服.
你個小b返n1你去功作嗎?
無啦啦做乜轉校,李兆基轉私營嗎?
我有4小孩    大女12歲
                 二仔9歲
                  孖妹3歲
孖妹9月都讀k1.大女在翁祐升中二.我叫國王(kwok)(wong)係我個姓.

yan801022

我老公話唔好咁煩一次過出去買，你的好意多謝先＾＾我個大仔有ｄ特殊教育問題（情緒方面，專注）＋上細仔又好動我覺得壓力好大咪想早ｄ比阿ｂ返學，我照顧２個都已經好累．．．你真叻可以照顧４個小朋友 李ｘ基學校好混亂．．老師又唔知做咩，校長又唔見．．英文不是用ｂｏｏｋ．．．係ｓｔｏｒｙ　ｂｏｏｋ所以好難同個仔溫習．．打張家長証家長個姓名可以錯３次先改好．．我個仔學習上更加無人理．． 佢地學校只注重普通話果２班:;pppp: 希望係新學校ｄ老師有多ｄ耐心教我仔仔．．

[ 本文章最後由 yan801022 於 08-7-15 23:37 編輯 ]

kwokwong

原文章由 yan801022 於 08-7-15 23:36 發表
我老公話唔好咁煩一次過出去買，你的好意多謝先＾＾我個大仔有ｄ特殊教育問題（情緒方面，專注）＋上細仔又好動我覺得壓力好大咪想早ｄ比阿ｂ返學，我照顧２個都已經好累．．．你真叻可以照顧４個小朋友 李ｘ基學校好混亂．．老師又唔知做咩，校長又 ...

哦..原來係咁,我個仔有讀寫困難.之前我地由朗屏搬黎經教育局派到耀道小學,返左2年開始見到d成績,我都好滿意.聽我個仔講佢中英文堂係會上小組.即係去第2個課室上堂,佢果班有6個,隔離斑有5個,係由一個專教這類小朋友付責.我個仔d試卷都係經過調式,哩方便學校都做得好好.其實未試過其他學校,但係都覺得滿意.
學校仲發現佢與同學相處有問題,安排左佢上一些社交小組.目的想提升佢與人相處的技巧.
我自己有時同小孩溝通有問題我都會打返學校搵社工傾下聽下佢d專業意見.你2個小孩,就有能力可以比佢提早返學,我就唔得喇,雖然一早計劃生第3胎,但無諗過會係打孖,所以原先還可以的生活變左而家剛剛好,打孖養時打孖揍攪到我邊度都唔想去,因為去邊都唔方便,我連學校派成績表我都唔去攞.你會話佢地而家識行識走應該無問題架,問題係佢地好奇心好大樣樣都想知所以樣樣都攪一餐.你揍住個小b應該好明白,一個就話睇得實姐,我顧得一個時另一個又走左去,你應該想像到.我都唔係成日都對住佢地嘅.我老公個表哥成日都幫我揍佢地架(不過要在晚上6時後),因為表哥d仔女都大過晒又住隔離果座.上年因為我老爺入左院我日日都去探佢,去之前會將孖妹放在表哥家.孖妹去慣左所以而家都會經常過去玩.一去就去幾個鍾,我會在這幾個鍾裡而去買日用品,有時會同大果2個仔女去元朗食飯,行下街咁.所以我都痴唔晒架.總要比d時間自己抖下嘅.我好長氣咩?..無喇唔講喇.得閒上黎同我吹下水啦.好高興又識多一個朋友.

[ 本文章最後由 kwokwong 於 08-7-16 00:53 編輯 ]

yan801022

你形容孖妹描寫得好細緻．．．我好明白因為我個細仔都唔好得好多．．我屋企人都住好遠，老爺９９更加唔會可以幫我ｓｅｅ到一陣（他們要上班）老公係一個大男人佢咩都幫不上，管教小朋友更不用說，我一有左就結婚１０年啦．．一次都未抖過就算自己出去剪髮個ｃ老都會打電話嘈得未～返黎未 係呢～我想問吓你仔仔的問題係學校發現ｏｒ你同學校講？？你知我們係自己搵上門不敢大坦白．．我都好開心識到你

kwokwong

原文章由 yan801022 於 08-7-16 10:37 發表
你形容孖妹描寫得好細緻．．．我好明白因為我個細仔都唔好得好多．．我屋企人都住好遠，老爺９９更加唔會可以幫我ｓｅｅ到一陣（他們要上班）老公係一個大男人佢咩都幫不上，管教小朋友更不用說，我一有左就結婚１０年啦．．一次都未抖過就算自己出去剪髮個 ...

我個仔係經教育局安排,教署一早有低.我喺個仔3歲果時覺得佢唔對路跟住去健康院檢查好多都唔合格,醫院就安排左睇專科,果時只係叫學習遲緩,要到6歲再去平估先肯定到佢有讀障,所以我都無得呃.註冊完就去搵社工,叫佢留意下我個仔,驚佢難適應新環境(係病徵之一)過佢一年級果時學校都無做過什麼因為果一年喺校方觀察期.到小二我黎到哩間學校先得到真正的幫助,唔洗好似之前咁教得好辛苦.之前我個仔同大女讀朗屏邨東莞小學.因為搬屋所以同個仔轉校,個女讀埋一年就畢業無同個女轉校.對我個仔黎講要搬屋又要轉校,家姐又唔一齊佢會唔開心.覺得好困擾架,都無辦法啦.唯有同社工講叫佢留意下.
我老公都唔會埋我地架,淨係攞錢返黎囉,除左由佢呀媽屋企返自己屋企會一齊之外,我地都好小會一齊去街.有時佢放假叫我出去元朗飲茶,係會同我一齊出去不過要我自己帶大細B返屋企.比著係你你仲會唔會去吖.一開口就係鬧我懶.(見我地食飯盒就話我唔煮飯,見我煮飯又話我唔煲湯)總知做左唔會話我醒,唔做佢就扮老頂.一係我問佢野就十問9唔應.所以呢唔好因為D男人而唔開心,慘過我地嘅仲有大把,我成日都同自己講我老公已經係最好架喇,大把人唔揍不特只仲唔養添呀.我同你只要比心機教好同揍大佢地,第日仔女大左養唔到我都會關心我愛護我已經心滿意足喇.因為我老公小同D仔女玩,我個大女都覺得他是可有可無的.人大左諗野都唔同以前,以前細個會問點解爸爸仲未放工,自6歲後我大女都無再問過.我個仔呢佢同我講過好想爸爸同我地一齊去玩.次次都係得媽咪同姨媽.咁又係自己屋企都已經成屋女人放假仲要對多幾個,好彩有2個姨丈同一個表哥陪佢玩下.攪到D細路好似無老頭咁,我老公唔覺得有問題架.

yan801022

我個仔都係經健康院轉介到智能測驗中心．．再到醫院言語治療又早期訓練．．到上左小一情緒一路都好壞．．我再到致電測驗中心他們才安排見心理學家話佢有ｄ自閉症徵狀，佢現在重要出去社交觀察．．先可下定論．．今日先出左沙田上第一堂重有３堂．．好彩我阿媽有時間陪到我唔係實比阿ｂ玩死 ，可能你有女女啦！我個仔咩都老豆好，之前比爸爸打得好勁驚動學校社工，警察，佢到現在都無嬲個老豆．．好像不僅分是非咁．．
我老公咪又係比＄７０００家用（我交租，水，電，煤，個仔功課班其他雜費）咪得２０００－３０００過一個月，佢話我坐係屋企就有７０００重唔夠:;pppp: ．．所以我好想細仔返學我可以搵到ｐａｒｔ　ｔｉｍｅ唔洗聽晒佢講～～哈哈～係呢？？你幾大？？我８０年１０月

[ 本文章最後由 yan801022 於 08-7-16 21:34 編輯 ]

kwokwong

原文章由 yan801022 於 08-7-16 21:32 發表
我個仔都係經健康院轉介到智能測驗中心．．再到醫院言語治療又早期訓練．．到上左小一情緒一路都好壞．．我再到致電測驗中心他們才安排見心理學家話佢有ｄ自閉症徵狀，佢現在重要出去社交觀察．．先可下定論．．今日先出左沙田上第一堂重有３堂 ...

我個仔而家都開始有D問題,成日都好燥.有一次同佢嘈佢嘈嘈下又話死左佢好過,講完無多久就見佢手腳抽筋.已經係上個月嘅事.我一斗正佢的錯誤佢就唔高興,話我成日鬧佢打佢.我都已經無後生果時咁火爆架啦,佢係都要黎挑戰我最終未比我打一身.攪到而家越黎越曾我,一放假就走去佢呀嫲屋企.我頭先打比佢諗住同佢傾下計關心下.我問佢做緊咩佢話餵緊兔仔,果時已晚上8點幾.咁我話咁夜仲餵兔仔(平時這段時間應該係同嫲嫲在家中睇電視)因為嫲嫲住鄉村夜晚在屋外有好多蚊.問左佢一句佢就塞左個電話比呀嫲聽.唔聽我電話,又話無野講喎.
無論點都好佢係我兒子我都會搵辦法去幫助佢幾辛苦幾困難都要幫佢.
我老公又唔會同我講錢嘅,佢知自己比得小我有時唔夠佢會叫我自己去拑機.所以我無出過去做野,結左婚今年第13年,個大女年尾13歲,好似過得好快咁.我1977年1月生今年31歲.

[ 本文章最後由 kwokwong 於 08-7-16 22:52 編輯 ]