普通話教中文

Ling123

請問用普通話教中文的利多還是弊多?有經驗的媽咪請指教.

                                                                     

701003

原文章由 Ling123 於 08-4-30 08:39 發表
請問用普通話教中文的利多還是弊多?有經驗的媽咪請指教.

                                                                     

淨係用普通話教中文，作用唔大！要教漢語拼音先有用！

goat

個人覺得對作文有好處,
但真正提升中文水平就另一回事

[ 本文章最後由 goat 於 08-4-30 17:02 編輯 ]

carmenwan11

唔太得, 我有一學生是用普通話教中文, 他根本不明白, 而且要用廣東話練習默書.

老實講, 我會好懷疑中文老師普通話水平lor.
真係ok可以教??

Charlotte_mom

我女(小2), 學校係普通話教中文, 我覺得好大幫助 (拼音當然係重要element啦)
因為用普通話教中文, 即係日日都有普通話堂, 學語言既野, 幾時都係靠浸, 一星期浸一日好, 定一星期浸5日好, 我相信大家心中有數啦
小朋友要學拼音先識講正式普通話架, 一年前左右, 有次同事拎左6年班個仔本普通話課本返黎, 佢個仔仲係用廣東話+英文去寫音(例如快樂個樂字隔離用"啦"字提示發音), 咁你話點學得好??!!
我女雖然只係2年班, 普通話已經好過我lu, 發音方面一定比我準確, 次次默書我都俾佢串一餐 , 我又無可能用廣東話同佢默, 雖然我都識d普通既普通話, 不過好多字平時用唔到, 鬼識讀咩例如垃圾, 麻雀, 孫悟空等, 全部都係佢教返我轉頭...
而且o係學校日日都講, 唔怕lor! 我同佢去臺灣旅行, 我都鼓勵佢有野自己問既, 佢問完又真係明人地講咩架wor!
我女而家寫中文都仲無亂黎, 句子結構錯晒, 又有廣東話.......不過講方面就好明顯ok lor

原文章由 carmenwan11 於 08-5-1 07:47 AM 發表
唔太得, 我有一學生是用普通話教中文, 他根本不明白, 而且要用廣東話練習默書.

老實講, 我會好懷疑中文老師普通話水平lor.
真係ok可以教??

[ 本文章最後由 Charlotte_mom 於 08-5-4 14:37 編輯 ]

LoveCandy

我絕對讚成普通話教中文對小朋友有正面作用.

普通話教中是不會很直接對中文基礎有很大提升作用, 除非學校也用普通話教其他科目, 而小朋友吸收能力很好.因為中文基礎好是需要理解及應用, 反而書本取材及師資更重要.普通話只是教學的其中一項工具.

但是自小有機會多聽多用另一種語言,始終是利多於弊的. 小朋友的適應能力是很高的.不用太擔心.  基本上現時某些名中學校面試也需用普通話的

SIUBO117

有無人知道"蘇浙"小學好唔好?
這班學生的普通是否真的好好?

LoveCandy

原文章由 SIUBO117 於 08-5-10 17:40 發表
有無人知道"蘇浙"小學好唔好?
這班學生的普通是否真的好好?

個人意見:
相信"蘇浙"小學相比九龍塘或傳統名校小學是有一段距離.  但港島東私立或直資小學不多, 論中學派位可能是港島東比較佳的小學. 去年若十名派往St. Paul, 男女拔, 英華, 瑪利曼, st. Stephen等, 往庇記及張祝珊也有二十多名.
"蘇浙"小學除了英文課用英文教外, 其他科目皆用普通話教, 小朋友在六年的普通話環境下,聽及說相信不錯.  但是這學校在一,二年級卻沒有普通話拼音課(三年級起或現在有沒有改便不知道了).

SIUBO117

LoveCandy,  謝謝你的意見!

我考慮如果小學全用普通話, 中學轉返廣東話, 小朋友適應嗎?
我們是一個不懂普通話家庭, 咁對小朋友來講是否會較不利?
我怕小朋友只識讀,但吾明白個意思.

原文章由 LoveCandy 於 08-5-11 08:44 發表
個人意見:
相信"蘇浙"小學相比九龍塘或傳統名校小學是有一段距離.  但港島東私立或直資小學不多, 論中學派位可能是港島東比較佳的小學. 去年若十名派往St. Paul, 男女拔, 英華, 瑪利曼, st. Stephen等, 往庇記及張 ...

gabrielmum

同意，小朋友d吸收力真係好厲害。

我覺得仲要有家庭支持。
係香港，如果屋企人無mud時間理小朋友，如果用普通話學中文，小朋友就連中文都唔會讀得好，中默都唔識。

另外，用普通話學中文作文係咪會好d呢？
如果係，內地d小朋友d作文就一定好過香港小朋友。
我相信內地小朋友用字會規範化d，但係一篇好ge文章除左用字，內容創意都好緊要。

出年我仔升小二，學校開始用普通話教中文，所以我都的起心肝要去讀下d course。

原文章由 LoveCandy 於 08-5-4 16:02 發表
我絕對讚成普通話教中文對小朋友有正面作用.

普通話教中是不會很直接對中文基礎有很大提升作用, 除非學校也用普通話教其他科目, 而小朋友吸收能力很好.因為中文基礎好是需要理解及應用, 反而書本取材及師資更重要. ...

叮鈴

我仔之前學校用普通話教中文，轉左校用返廣東話。個人認為，用普通話教中文可以提升普通話(作為語言溝通)，但對學習中文反而有負面作用。除非佢係屋企、睇電視、在外面及學校與人溝通時全都用普通話，那就另作別論。

轉校其中一個原因都係因為覺得用普通話教中文影響左佢學中文進度。無論用普通話或廣東話教學，他的中文作文能力都係由閱讀而來。佢閱讀課外書時都係用廣東話，以前用普通話教學，佢作文時，個腦都係用廣東話。如果用普通話，佢將用詞有限。...

worldpeace

我覺得普通話教中文都幾好呀! 上堂全用普通話, 當作文時, 普通話係講個句寫個句, 唔同廣東話要由口語轉做書面語. 連會考都有考生寫'... 咩' '依家...' '佢成日...' 作文程度不達標.

007mama

對於用普通話教中文, 好多家長都認為好事,
我層經同一間有名氣小學校長傾過lee個問題,
校長好清色講左兩句 [學生學得幾好都系作用唔大, 點解 ? e+教科書跟本唔系比你用普通話去教], 所以學生d句式, 文法...完全混亂.

Charlotte_mom

我女果本教科書都係本地製作, 不過已經有晒拼音, 有cd, 仲有其他學習篇章for朗讀既
係咪真係普通話人寫既我唔知, 不過一定係for普通話教學lor....
如果學校本身唔著重普通話, 你話d staff對普通話教材認識又有幾多?

原文章由 007mama 於 08-6-2 07:32 PM 發表
對於用普通話教中文, 好多家長都認為好事,
我層經同一間有名氣小學校長傾過lee個問題,
校長好清色講左兩句 [學生學得幾好都系作用唔大, 點解 ? e+教科書跟本唔系比你用普通話去教], 所以學生d句式, 文法...完全混亂. ...

P-Ma

小兒學校是在每一級其中兩班是普通話教授中文的。由小一開始。
我跟大家期望一樣，用普通話可以令他學多一種語言，我幫他選了普通話班。
學校也會視乎情況，如學生真的跟不上的話，在小一時也會幫他們轉回廣東話班。
小一還好，但到了小二，他明顯表示不愛普通話班，他說默書不知老師說甚麼。這又不是他的選擇。最後他自己跟班主任說他下一年一定要轉回廣東話班，老師也許可他轉回。
我也發覺他作文都是用廣東話思巧的。他在做中文功課都是用廣東話讀題。
所以不可說好與不好，這是因人而異。
我相信女孩會較好，因為她們的語言能力比較高。

Charlotte_mom

我見好多家長分享都話默書聽唔明, 我唸可能我好彩了, 我女由小一第一次默書開始已經係用普通話, 我幫佢準備時當然都係用普通話
我女只有話聽唔明..........我講既普通話 ........有時佢仲會話"我知你想讀咩! 雖然你讀到錯晒!"
我相信師資同學校配合好緊要!

原文章由 P-Ma 於 08-6-6 10:47 AM 發表
小兒學校是在每一級其中兩班是普通話教授中文的。由小一開始。
我跟大家期望一樣，用普通話可以令他學多一種語言，我幫他選了普通話班。
學校也會視乎情況，如學生真的跟不上的話，在小一時也會幫他們轉回廣東話班。
小一還 ...

Joe媽媽

原文章由 007mama 於 08-6-2 19:32 發表
對於用普通話教中文, 好多家長都認為好事,
我層經同一間有名氣小學校長傾過lee個問題,
校長好清色講左兩句 [學生學得幾好都系作用唔大, 點解 ? e+教科書跟本唔系比你用普通話去教], 所以學生d句式, 文法...完全混亂. ...

Agreed.

D老師的普通話水平又如何呢, 我同事個間小學都係普教中, 但他們老師之普通話就真係普普通.

佢個仔之普通話比他們之老師還好, 因他grandma 是北京人, 是退休校長. 他現讀小四, 但作文水準已有初中程度.

香港要普教中, 我好贊成. 但我估要十年/ 八年後, 要現在之小朋友出來教書就可以了.

殖民地年代那有學生學普通話? 少之又少啦, 遲多一脫D老師啦, 普通話就會好一D, 而且, 課本(繁體字, 有注音)現在亦足......

Yanamami

Everything needs a 1st step though.

原文章由 Joe媽媽 於 08-6-12 23:25 發表


Agreed.

D老師的普通話水平又如何呢, 我同事個間小學都係普教中, 但他們老師之普通話就真係普普通.

佢個仔之普通話比他們之老師還好, 因他grandma 是北京人, 是退休校長. 他現讀小四, 但作文 ...

dordefarmon

我第二個小四仔仔(今年升小五).
佢之前小一至小三係讀普通話班(因為宜家轉左校),
佢由小一至宜家, 中文語文 & 作文 成積好好, 比起我大仔(中一)作文差好遠......, 因為, 佢之前個底打得好, 日日上堂都係用普通話教學, 用語會同寫作一樣....

當然, 要睇下你小朋友會唔會識認以普通話上堂啦!