怎樣為將入小一子女作功課準備?

e-mame

朋友女兒將入讀名牌小學, 佢一知道自己個女得左就開始搵人幫個女補習中, 英, 數, 普通話; 話驚個女追唔上.  佢個女本身讀緊名牌幼稚園, 功課不算多, 個女本來開開心心, 而家攪到成日complain話冇時間玩, 又唔肯做補習班d 功課.
我認為小朋友讀幼稚園應該好開心, 唔應該比功課壓力佢, 比佢玩多幾個月, 到上小學真係追唔上至算!  
你地又點睇?

e-mame

rr

E-MAME,

我囡囡今年小一, 起初除了小朋友辛苦適應, 我亦是一樣,我同意小朋友讀幼稚園應該好開心, 唔應該比功課壓力佢. 當上了小一時, 我亦不知道壓力是在那裡出來了.

我很不贊成初小便補習, 小朋友上了一天課, 放學又要再上課, 實在太辛苦了.  我反而覺得自學精神培養教重要, 補習會令小朋友依賴, 成績追唔追得上? 是時間適應吧了.

在k3下學期, 我已經開始要囡囡自己負責每天完成功課或習慣自己溫習, 讓她面對自己的事.  當然已向老師說明,  把成績放出去完全不計教, 這樣做使她提早知道小學生活是大個囡的開始. 作為適應的預習.

RR

ballpen

其實小朋友要不要補習,真係因人而異,有啲真係吸收得慢啲嘅,或理解能力差少少嘅,就真係需要有人幫手,咁補習就係其中方法之一.據我所知,有小朋友讀幼稚園時,好不幸地已要補習了.

我係反對太過強迫小朋友的,如果只因為怕個小朋友將來入小學後追唔上,而要勉強個小朋友去接受一些比較刻板嘅補習,我覺得真係可免則免,但都不可不未雨綢繆,我覺得適當嘅輔助係需要的,例如拼音班,珠心算等,這些都是比較有趣嘅課程,我諗幼稚園嘅小朋友會比較易接受.

timtim-mame

其實而家讀小一既壓力不單止名牌小學專利, 大部份小學都係咁, 再加埋父母既緊張程度, 從而衍生出不同壓力, 我既小朋友我會盡量安排休息同適當活動俾佢減壓, 但到返學或測驗考試就要打仗了, 若真係唔想讀得咁辛苦唯有讀國際學校

e-mame

Hi ballpen,

我覺得小朋友學拼音、書法等興趣班都ok，但如果上完堂仲要做exercise，小朋友就未必鍾意。朋友個女找盡藉口不去practice piano和做公文數的homework；公文數和彈琴要靠多練習，朋友唯有用不同方法叫佢practice la。
你有冇朋友d仔女上小一真係追唔上，成績差呢?

e-mame

ballpen

e-mame,

講真課外活動係好睇個小朋友嘅興趣,例如鋼琴,如果小朋友興趣不大,點迫都無用,不如就停左佢,至於公文數,我覺得太死板,所以小朋友會抗拒,不如叫你朋友轉珠心算啦,我覺得珠心算好玩啲,起碼有算盤打吓,小朋友會比較喜歡.

講真呀,做功課有邊個小朋友真係鍾意架,個個都會鍾意玩的,所以我哋就要搵一啲比較有趣,但又學到嘢嘅課程畀小朋友學,而且只要我哋將啲課外活動嘅功課分開咁畀個小朋友做,即每日做啲,每日做啲,小朋友應該唔會太辛苦.

我有親戚嘅小朋友讀小一時,讀了半個學期就去轉私校啦,我諗係個父母跟本無時間去教個小朋友,因為佢哋都係身居要職,喺屋企嘅時間唔多,所以我覺得小朋友上小學適唔適應,同追唔追得上,都要睇吓父母自己夠境付出幾多.

e-mame

[quote]
ballpen 寫道:
我覺得小朋友上小學適唔適應,同追唔追得上,都要睇

ballpen

e-mame,

你所講嗰種父母,我唔覺得佢哋係付出好多精神同時間喎,剛好相反,我覺得佢哋跟本係不負責任,同埋唔想花心機,草草了事就真,講真丫,平時讀書,已經搵人幫手做功課,又唔使小朋友讀書,只幫佢哋猜貼士,我就一啲都唔覺得呢啲父母係花好多精神時間同錫仔女喇.

e-mame

ballpen,

我想呢d父母係用錯教導方法，唔係唔負責任。佢地用盡方法為仔女

ballpen

e-mame,

照你咁講,我諗係個小朋友嘅性格問題,我諗個小朋友真係好懶,咁你個朋友有無鬧佢個小朋友呀?做功課點可以搵人代勞,功課一定要自己做的,唔識就可以問.

如果你朋友已做到放工後同小朋友睇功課,溫書,我諗都差唔多,只差佢有無真係嚴加管教佢個小朋友啫,我覺得個小朋友橫睇掂睇都係懶,仲加埋平日父母唔喺屋企,只有補習老師,所以佢就變成小皇帝,你不如勸吓你朋友好好教佢個小朋友啦,如果教極唔聽,可以取消假期出外玩,唔買玩具畀佢,罰吓佢,同埋要經常打電話畀補習老師,問吓當日嘅情況,睇吓個小朋友有無懶同搏咀,如果發現有補習老師幫個小朋友做功課,就要即炒.

其實我好有興趣想知個小朋友嘅成績如何,係唔係真係好差呢?

e-mame

ballpen,

我所講的係綜合幾個朋友

ballpen

e-mame,

你所講嗰幾個例子,我完全見過晒,所以我時常都警剔自己,千其唔好學佢哋咁,小朋友唔可以做小霸王.

其實我覺得小朋友喺上小一前,都應該畀佢哋知道吓小學嘅學校生活將會係點,等佢有心理準備,唔會再係玩玩吓.

依家嘅香港教育大部分都仲係填鴨式,有陣時真係唔谷啲小朋友嘅成績都唔得,但就不可太過份,如果唔係就好容易谷爆的.我係信奉活動教學的,但奈何免費教育大多是填鴨式,無計.

我讚成喺小朋友上小一前,畀啲課程佢上下,等佢讀小學時易啲上手,但就不可勉強,如果小朋友唔鍾意,覺得係苦事嘅,就要識得幫佢停,轉過第二樣,好似我咁,我知道我個女係活躍嘅,我就覺得公文式唔啱佢,我就搵左珠心算,拼音,劍橋英語畀我個女讀,so far我個女都學得幾開心,因為有得玩,有嘢學,所以我唔係幾讚成單對單咁補習架,氣紛太嚴肅,小朋友會覺得好悶的,一悶就會無心機.

其實我哋嗰個年代,父母都係一樣好呵護我哋,一樣幫我哋鋪好條路,但佢哋唔會揸埋架車載我哋行,而係叫我哋要自己用腳行,佢哋只會從旁協助,有需要時伸出援手,所以我都希望我可以做得到好似佢哋咁.

e-mame

ballpen,

你真幸福，父母幫你鋪埋路！現今父母都會比最好

ballpen

stccmc,

對待小朋友一定要賞罰分明,佢做錯嘢唔聽話或無禮貌,就一定要嚴加訓示,千其唔好係咁依話吓,同埋唔好畀佢慣左推卸責任,但如果佢做得好做得叻,咁就一定要讚同鼓勵,等佢有成功感.總之要經常同個小朋友傾吓偈,同講吓道理,依家啲小朋友好聰明,好細個已識聽道理了.