將軍澳比華利幼稚園(康盛)既家長入嚟傾下

bobbbby

原文章由 alalma 於 08-7-6 19:53 發表
孝文真係好搞笑好投入，第時大個咗就唔會有依種情景，係一個好嘅回憶，詩頴係一個好conform嘅小孩子，啲steps佢好努力去記，好serious！

樂基真係好吸引喎，出去學體操&violin都好「襟」計，而旦學校教得，質素一定有保証，學費貴啲都值 ...

孝文細個果陣成日大笑，試過有次響冒險樂園，我抱住佢（未夠一歲）睇人玩拍蟹仔，佢笑到全場人都望佢，攪到個個都笑，宜家大左就無咁"放"，我都幾懷念佢大笑o既情境，宜家間唔中佢都會大笑，不過有時一大班人佢會好怕丑，好彩多數熟左之後就會好多野講，我之前一晚都有叫佢跳舞比我睇，估唔到佢對住咁多人跳都唔怕醜，一出場有個小朋友喊 ，你有冇留意係邊個？

果日樂基家長日其實都有啲混亂，間房唔夠冷氣又多人，因為PLAYGROUP同K1一齊聽，有啲小朋友除左父母，仲有菲傭姐姐，或者再加個婆婆／嫲嫲，所以有啲焗 ，好多小朋友聽到一半就唔耐煩或者喊，校長開始講野就話一陣聽完就可以去玩一陣，所以孝文不停問點解校長仲未講完 ，之後仲玩到唔肯去影學生証相，樂基個書包幾得意，因為"內置"雨褸~~~

樂基九月先開學，所以孝文八月只係星期六返通利音樂班，其他時間都無所事事，詩顈有乜野暑期活動？

alalma

其實我一向都覺得係個斯文怕羞嘅男孩子，所以果日表演見到佢咁搞笑我先知道原來佢咁活潑咁搞鬼！果日表演睇番PLAYBACK我老公都有draw我attention話有個女孩子喊住出嚟，不過後來佢都okay一齊跳，其實咁小年紀可以喺陌生環境眾目睽睽下表演真係好厲害，老師們真係花咗好多心機同佢地去綵排！

暑假詩頴都只係上番平日星期六嘅芭蕾舞堂咋！或者會跟吓哥哥跟東港城嘅普通話老師上堂啦，冇咩特別大計，不過我自己有空就會用VCD(哥哥以前啲教材)教佢phonics!

原文章由 bobbbby 於 08-7-7 19:00 發表


孝文細個果陣成日大笑，試過有次響冒險樂園，我抱住佢（未夠一歲）睇人玩拍蟹仔，佢笑到全場人都望佢，攪到個個都笑，宜家大左就無咁"放"，我都幾懷念佢大笑o既情境，宜家間唔中佢都會大笑，不過有時一大班人佢會好怕丑，好彩多數熟左之 ...

bobbbby

原文章由 alalma 於 08-7-7 23:28 發表
其實我一向都覺得係個斯文怕羞嘅男孩子，所以果日表演見到佢咁搞笑我先知道原來佢咁活潑咁搞鬼！果日表演睇番PLAYBACK我老公都有draw我attention話有個女孩子喊住出嚟，不過後來佢都okay一齊跳，其實咁小年紀可以喺陌生環境 ...

我屋企都有兩套PHONICS VCD，一套自己買，一套朋友送，兩套佢都睇過好多次，其實孝文都好鍾意睇，其他時間都係睇PLAYHOUSE DISNEY CHANNEL，狄士尼美語世界，同其他狄士尼動畫電影，每套都睇過幾十次 ，睇極都唔厭，好彩佢都肯聽英文對白，我地就當比佢學吓英文，仲成日要我地同佢玩角色扮演，有時佢做車王（反斗車王角色），我做閃電王麥坤，媽咪做莎莎，有時佢就做NEMO（海底奇兵），我做MARLIN，媽咪做CAROL．．．佢玩果陣仲好投入，根據唔同角色，唔同特性，做唔同o既野，有時仲會話我地做得唔啱，不過通常只有我同佢癲 ，媽咪多數都唔采佢~~~

[ 本文章最後由 bobbbby 於 08-7-8 16:36 編輯 ]