有讀寫障礙小朋友媽媽請入

aln

仔仔媽咪
唔好唔開心啦
我都想像到你地真係好辛苦好吃力好心痛
不過其實小朋友自己都唔想架
佢都係身不由己....

你地就好一對partner咁
一齊面對呢d問題
問題出現真係冇人想架
係咪 ??

如果真係頂唔住
就行開一陣
唔好迫到自己死死下...

i will pray for you !!

aln  ;)

heyli

仔仔媽咪我好明白你的壓力，但係你要加油，我個女都中三樣，讀寫，專注，活躍！我都試過教佢教到崩潰，係個女面前爆喊！所以，當我一發脾氣我會話兩句，然後唔教住，你要努力

~仔仔媽咪~

原文章由 heyli 於 08-3-19 16:21 發表
仔仔媽咪我好明白你的壓力，但係你要加油，我個女都中三樣，讀寫，專注，活躍！我都試過教佢教到崩潰，係個女面前爆喊！所以，當我一發脾氣我會話兩句，然後唔教住，你要努力 ...

我呢年幾兩年我都因為個仔試過好幾次响我仔面前崩潰發癲咁喊俾我仔睇,新年前接完學校主任話要我仔早走,我嗰日直頭忍住眼淚唔俾自己喊,忍住度氣同情緒咁接我仔放學,我嗰日真係發癲,明明見到我仔已經响學校伏响枱上面流淚(無喊聲嗰隻),但我都再頂唔住喇,當住咁多同學校工老師面前撕爛佢幾本課本(因為主任要佢早走皆因嗰期佢成日無啦啦撕爛高年班姐姐d功課),然後又審問佢然後問佢有無整親人,佢話有,我仲好大力咁車巴佢!我平時唔打仔架!番到屋企我仲邊喊邊當住佢面前撕爛哂我仔儲咗年幾嗰d漫畫書~!以前番工都好掛住個仔好想快d放工去攬住個仔,依家直頭諗起個仔都好大壓力,對住佢我係笑唔出!尤其接佢放學湊佢番學嗰下!上星期我都有打佢,又响學校度除褲俾同學睇!我番到屋企fit佢幾下,要佢記住以後唔可以再响學校度再做傻野/奇怪行為,我都唔贊成體罰,但無奈,我呢幾籐真係幾有效...打完咁多日都好正常...有時自己都好矛盾....不過,我把口已經教仔教到好攰又無效果,真係好想快d教好佢...依家查實佢都好乖,知食朱古力佢會high會失控,佢咁鐘意朱古力都自動自覺戒左唔食,老師奬佢食朱古力佢都忍到唔食仲俾番老師,屋企發現有漫畫書未俾我丟落垃圾桶,佢都主動自己丟落垃圾桶,佢話因為媽咪話過漫畫書會教壞佢,佢至愛嗰兩樣(朱古力+漫畫書)佢都願意捨棄,實情佢已經算係咁.

~仔仔媽咪~

原文章由 aln 於 08-3-19 16:16 發表
仔仔媽咪
唔好唔開心啦
我都想像到你地真係好辛苦好吃力好心痛
不過其實小朋友自己都唔想架
佢都係身不由己....

你地就好一對partner咁
一齊面對呢d問題
問題出現真係冇人想架
係咪 ??

如果真係頂唔住
就行開一陣
...

我一直都好覺得我同個仔就係一對partner黎!我成日都係咁同個仔講,叫佢要同媽咪一齊努力加油!有時個仔仲會緊握拳頭同我一齊响學校門口喊加油!我係明白佢都好努力去改善自己,佢有時自己都話自己好想改變到自己,我亦睇得到佢一路有努力過,不過現實呢個世界無人接受到佢,亦無人等到佢進步得咁慢,咁耐以黎一路俾人話,我又極度擔心佢大個左仲係咁實生存唔到,呢d種種原因(有好多未講亦好難講得哂)都搞到我同個仔好大壓力好緊張,甚至乎有少少神經質,有時响街我仔唔覺意撞到人,人地都未俾樣未投訴,我已經好大聲鬧到佢一頸血~!再唔係我未鬧或者無諗住孖叉佢,我仔唔小心整到人都會好驚好緊張咁望實我好似等我鬧或者怕我鬧...所以有時我係知我仔大壓力,但同時又要教好佢,所以點教佢又唔會令佢崩潰,呢樣我都好有顧慮.

(放工先....今晚番到屋企再傾~~谷咗咁耐係時候散喇...^^:)

aln

原文章由 ~仔仔媽咪~ 於 08-3-19 17:00 發表

我一直都好覺得我同個仔就係一對partner黎!我成日都係咁同個仔講,叫佢要同媽咪一齊努力加油!有時個仔仲會緊握拳頭同我一齊响學校門口喊加油!我係明白佢都好努力去改善自己,佢有時自己都話自己好想改變到自己,我亦睇 ...

你返屋企先啦
再傾

聽到你係學校既情況
我都好心痛
心痛你同仔仔

你係咪返tower架..
幾時有時間
一齊飲杯野啦...

支持你

aln ;)

~仔仔媽咪~

我唔係番tower架!我仲响港威度做~~~不過啱啱俾人炒魷,做到四月中就番新工~~~ 都係响番同一個寫字樓度做,跟我嗰區個top agent no.1做佢秘書囉...不過人地請左我至知原來人地好惡,希望我醒醒定定啦!你响tower度做架?

查實呢幾日我都無時間玩唔開心玩灰架喇...遇啱新舊工轉接期,不過一諗起個仔自己就會好擔心又會唔開心,淨係諗點教好個仔或者個仔有無機會正常番,已經諗到我好頭痛!!!你都知啦,我地呢d唔番工會餓死嗰d,番工已經夠忙,放左工都成五六點,又想個仔十點十一點前好早d訓,計計落落,每晚真係無咩時間教佢太多野,咁佢都需要休息既...我已經唔俾佢開電視睇,玩具又因為之前佢太反斗結果我依家禁止佢買,去行山..講真,佢個態度真係就我囉,都唔係佢想去行山既...再者,咁多年我都好怕帶佢出街,佢實整親人既,有時帶佢出街真係搞到大家都好大壓力,係行山佢點跑點fing都唔會騷擾到人咋...

至於讀書,相比佢d情緒行為問題黎講,讀書我又唔太緊張,,,都緊張既,不過輕過緊張佢情緒行為一百倍啦!讀書基本上佢係背到書,係寫字有問題,同埋數學障礙囉!數學呢家野真係我既弱項,所以都靠佢老師教同佢自己執生,我淨係教佢中英文咋...不過呢期佢數學有進步,平時十以內既加減數佢都唔識計唔掂,8+1等於幾多都答唔到我,但呢期連三位數既加數直式佢都可以自己計啱囉!開心c我!!!呢樣真係多得佢個數學老師既悉心教導!

可能依家好心情,所以都無咩想呻,不過頭先响公司睇到你同heili媽咪既留言,真係感動到差d又响公司開水喉~~~好彩我仲忍得住唔喊啫!我太易喊喇!基本上我依家只會為個仔先至會喊~~~相反,响公司俾老細激親,我都無野架!不過呢次炒魷都好慶幸同老細再見亦是朋友~~~都幾開心.

原文章由 aln 於 08-3-19 17:47 發表


你返屋企先啦
再傾

聽到你係學校既情況
我都好心痛
心痛你同仔仔

你係咪返tower架..
幾時有時間
一齊飲杯野啦...

支持你

aln ;)

揚莉煒媽咪

原文章由 ~仔仔媽咪~ 於 08-3-19 15:48 發表


入學習障礙協會駛唔駛經社工介紹架?裡面有無咩訓練去幫小朋友?收費貴唔貴架?同埋佢地搞唔搞掂我仔呢類咁失控咁無專注力既小朋友?

果度情況更差都有
主要係d媽媽幫下手
講解以前經驗
教下各家長點拎到學校調適等
幾好架
年費50蚊
詳情可以入去睇下
http://www.asld.org.hk/
仲有d興趣班比小朋友參加
收費都好平下架
你可以打去同d義工媽媽傾下先
佢地好樂意解答問題

[ 本文章最後由 揚莉煒媽咪 於 08-3-19 22:30 編輯 ]

揚莉煒媽咪

丫
差d唔記得
之前果一班有學障小朋友已經大個仔大個女
有d會番協會幫手
佢地好明白呢d小朋友
識得用有效方法令小朋友乖d
而且好有耐性

gongonma

仔仔媽,

你好!
我大少已經五年班啦! 之前他是字盲, 教他小點耐性及方法也不行!
幾年前我也常在這兒一起分享淚與汗。
要知男仔情況一定比女仔壞, 因男仔Gen是XY, 當其中一個色體有問題就無得幫忙, 不像女仔兩條一樣有得補救。
首先你要放下自已的眼光, 明白孩子的能力及情況, 你跟他相處已有9年多, 相信他的行為你必清楚, 人家的看法人家看, 不要理會!
奇怪行為, 不當行為只是跟其他人比較, 請記著 ~ 他就是他無所謂奇怪與否, 但必需要體諒! 用你的愛去感動孩子吧, 用打,哭只能有用一時不能長久。而且心會有刺！
我想說包容基於理解, 故你必需明白他為何這為何那! 才能幫他解決問題。
好幾年無在這,看見你實在很辛苦! 但請記著 ~ 你不是唯一的一個媽媽, 還有很多媽媽每天都努力著! 當你想殺人時候, 請深呼吸, 喝凍水, 離開你仔仔一會, 可心平靜一點!
有adha的食物是要非常注意, 朱古力, 糖, 汽水, 公仔麵, 添加劑,防腐劑都不能吃!早餐最好不喝甜的清水最好!
再加吃些專為這些孩子的Omega 3 (eye q)可幫一把!

今天看了一篇文章, 其實應說又我看到這篇文章才是, 因不知閱了多少次,但每次眼淚也會流下....

一篇很鼓勵的文章

有朋友給我這篇很鼓勵的文章, 希望在此也鼓勵家有讀障寶寶的家庭, 我相信只要家長能好像以下媽媽一樣, 每個孩子將來的成就一定不一樣. **世界上只有你能欣賞我** 第一次參加家長會，幼兒園的老師說：你的兒子有多動症，在板凳上連三分鐘都座不了，你最好帶他去醫院看一看。回家的路上 ，兒子問她老師都說了些什麼，她鼻子一酸，差點流下淚來。 因為全班30位小朋友，惟有他表現最差；惟有對他，老師表現 出不屑。然而她還是告訴她的兒子：老師表揚你了，說寶寶原來在板凳上坐不了一分鐘，現在能坐三分鐘了。其他的媽媽都非常 羨慕媽媽，因為全班只有寶寶進步了。那天晚上，她兒子破天荒吃了兩碗米飯，並且沒讓她餵。 兒子上小學了。家長會上，老師說：全班50名同學，這次數學考試，你兒子排第40名，我們懷疑他智力上有些障礙，您最好 能帶他去醫院查一查。回去的路上，她流下了淚。然而，當她回到家裡，卻對坐在桌前的兒子說：老師對你充滿信心。他說了， 你並不是個笨孩子，只要能細心些，會超過你的同桌，這次你的同桌排在21名。說這話時，她發現，兒子黯淡的眼神一下子充 滿了光彩 ，沮喪的臉也一下子舒展開來。她甚至發現，兒子溫順得讓她吃驚，好像長大了許多。第二天上學時，去得比平時都 要早。 孩子上了初中，又一次家長會。她坐在兒子的座位上，等著老師點她兒子的名字，因為每次家長會，她兒子的名字在差生的行列 中總是被點到。然而，這次卻出乎她的預料，直到結束，都沒有被點到。她有些不習慣。臨別，去問老師，老師告訴她：你兒子 現在的成績，考重點高中有點危險。她懷著驚喜的心情走出校門，此時她發現兒子在等她。路上她扶著兒子的肩，心裡有一種說 不出的甜蜜，她告訴兒子：主任對你非常滿意，他說了，只要你努力，很有希望考上重點高中。 高中畢業了。第一批大學錄取通知書下達時，學校打電話讓她兒子到學校去一趟。她有一種預感，她兒子被清華錄取了，因為在 報考時，她給兒子說過，她相信他能考取這所學校。他兒子從學校回來，把一封印有清華大學招生辦公室的特快專遞交到她的手 ，突然轉身跑到自己的房間裡大哭起來。邊哭邊說：「媽，我知道我不是個聰明的孩子，可是，這個世界上只有你能欣賞我。」 她悲喜交加，再也按捺不住十幾年來凝聚在心中的淚水，任它打在手中的信封上。

請記著你愛孩子他是深明的, 做媽媽的只要用你的愛緊緊的包著他, 他必會進步的!

讓淚水化為力量共勉之!

~仔仔媽咪~

原文章由 揚莉煒媽咪 於 08-3-19 22:29 發表

果度情況更差都有
主要係d媽媽幫下手
講解以前經驗
教下各家長點拎到學校調適等
幾好架
年費50蚊
詳情可以入去睇下
http://www.asld.org.hk/
仲有d興趣班比小朋友參加
收費都好平下架
你可以打去同d義工媽媽傾下先
...

謝謝!等我入去睇下先...

~仔仔媽咪~

原文章由 gongonma 於 08-3-19 23:21 發表
仔仔媽,

你好!
我大少已經五年班啦! 之前他是字盲, 教他小點耐性及方法也不行!
幾年前我也常在這兒一起分享淚與汗。
要知男仔情況一定比女仔壞, 因男仔Gen是XY, 當其中一個色體有問題就無得幫忙, 不像女仔兩條一樣 ...

gongonma,

我係明白你既諗法架!一直以黎我都係理解我仔既問題同難處,所以我一直以黎都唔打佢亦好少好惡咁鬧佢,都係同佢講道理咁教佢,但係佢一路長大,又發生咁多事(成日整親人),學野又學唔到,成日見佢個心態都係一味諗玩,都唔想去學野,連學玩都話唔學...好自然就好擔心佢成世都係咁又浪費咗佢自己既時間,做父母莫過於最擔心自己仔女大個左養唔掂自己同融入唔到呢個社會,講真,我地到時都賣咸鴨蛋,得番佢自己一個人去面對去承受呢個社會俾佢既壓力甚至嫌棄,一諗到呢度我就會好驚,我係好介意人地唔體諒我仔甚至乎係我,但係最主要都係好感覺到我同個仔係孤軍作戰,無人支持...之前係好以為我地同學校都係同盟黎,大家一齊合作一齊互相幫忙去幫我仔打勝障,但係今年真係無呢個感覺不但只,我係覺得俾學校離棄咗!個仔讀書唔掂,學校今年已經係咁投訴,你話個仔有學障都無用,跟住又一大堆投訴我仔情緒行為失控,你話佢adhd或者係多數d同學當佢係傻仔咁玩激到我仔發癲都無用,學校要求我仔要忍,我惟有迫個仔去忍...叫個仔同老師講(俾同學蝦),我仔講時d情緒已經好唔掂,一講就尖叫甚至失控又表達唔到俾人知同學蝦佢d乜...你話如果我淨係搞是但一樣都還好,我仔樣樣都有齊..集中火力搞佢情緒行為時,老師又會質問我地究竟有無睇個仔d功課,集中火力處理佢功課時,佢情緒行為又黎出事...所以都好頭痛...唔知搞得邊樣好...樣樣都好urgent...

wong2008yuyu

原文章由 heyli 於 08-3-19 13:53 發表

我都贊成唔食藥，食藥只令佢痴痴呆呆咁坐定，治標唔治本

現在有好多新藥,每天只吃一次,副作用比己前少好多,去找醫生傾傾.

wong2008yuyu

原文章由 heyli 於 08-3-18 20:58 發表
唉﹒... 大囡七歲剛評估到有讀寫障礙，仲有專注力不足同過度活躍！我每天要花上很多時間機械式，去叫佢坐好d，專心d上補習，也要花上數陪時間，去叫佢唔好咁多小動作， 還有個準備讀k1妹要教，我不知可以怎幫助女 ...

我也有這經驗,七歲還很細比些信心自己,不好理他的成績先,跟他了解多些,找出他的困難再作出配合,多作鼓勵和贊賞.使他信任你,當他遇到問題時先跟你說,你便可教他解決問題,他們好多時都想讀好書,但又怕失敗好無自信.他們不知道為何要讀書,只知每天返學不停要遇到失敗,他們的心真不好過,所以他們回家後多作鼓勵,使他們回復自信,成績也會有慢慢的改善.

annalaumw

SORRY, 我剛在唔上見到, 唔知對你們有無用

其他機構活動

西貢區家長教師會聯會　　基督教靈實協會　　合辦 東華三院呂潤財紀念中學　協辦 書寫及認讀困難講座暨分享會 日期：2008年5月17日（星期六） 時間：下午2:30 - 4:30 地點：東華三院呂潤財紀念中學(將軍澳毓雅里8號，寶林地鐵站右轉) 對象：家長，老師及有興趣人士 內容：講解書寫及認讀困難的成因，特徵，處理方法及嘉賓分享 講者：李碧琦女士(資深註冊社工，負責親職家長教育工作) 分享嘉賓：林張惠貞女士(香港特殊學習障礙協會顧問) 　　　　　丁錫全醫生(精神科醫生) 費用全免，名額有限，報名請電2246 3400

latour18

朋友個仔參加此"杜耳計劃"已近六個月, 發現專注力方面大有改善, 效果唔錯. 此中心係幫d"學障人仕", 可以一試! 本月將有講座舉辦, 可以聽咗了解多d先考慮參加. 好似參加前都要做評估先. (好希望可以幫到d學障人仕的家人)

香港杜耳學習發展中心
Dore Achievement Centre (Hong Kong)
http://www.dorecentre.com.hk

(5/24 - 如何提升專注力和學習能力講座)
  每6個人當中就有1人受「學習障礙」的影響及出現以下的徵狀：

1. 無記性、昨日學今日忘
2. 學業成績欠佳
3. 溝通技巧較弱、不善於表達自己
4. 做事欠條理、組織、理解能力較弱
5. 不喜歡看學術性的書籍
6. 字體欠公整、執筆忘字

「學習障礙」與一個人的智商無關，而此問題卻不會自然而癒。及早正視，可助學童及成人更全面發展潛能。

日期 ：2008年5月24日〈星期六〉
時間 ：下午14時30分至16時30分
地點 ：旺角弼街基督教服務大樓8樓會議室
主講 ：註冊臨床心理學家
費用 ：HK$50 (名額有限，額滿即止)
備註 ：本中心恒生銀行戶口：286-533690-001。請將銀行入數紙傳真至
2739 7797 並寫上個人姓名及聯絡電話傳真至 2739 7797，以確實預留座位。

成功登記及出席之家長均可免費獲贈「學習困難新突破」乙本(價值$85)！

siukwonglai

你好!

小朋友已經做了讀障評估, 是嗎?

兒科醫生有跟你講解過讀障問題的成因嗎? 與杜耳那邊說的讀障問題的成因是否一樣呢?

到杜耳那裡聽聽講座, 作個參考, 還是個不錯的選擇, 但宜選合適的支援服務給小朋友,免浪費時光啊!

chariho

仔仔媽咪:

其實學障會只是一個學障孩子家長的協會, 每年只收$20年費. 定期有刊物寄出, 也有一些  course 可以參加,各區都不同.有: 中文記憶拆字法之教具DIY, 體操班等.

這裡有它的website: http://www.asld.org.hk
Tel: 82005882 (留言)

希望幫到妳

~仔仔媽咪~

原文章由 chariho 於 08-5-23 11:43 發表
仔仔媽咪:

其實學障會只是一個學障孩子家長的協會, 每年只收$20年費. 定期有刊物寄出, 也有一些  course 可以參加,各區都不同.有: 中文記憶拆字法之教具DIY, 體操班等.

這裡有它的website: http://www.asld.org.hk ...

THX~~~!!!我睇下有咩COURSE可以幫到我仔先...依家學校開始令我有番信心,開始有番溝通喇!勁開心!!!不過我想要求佢地幫我仔調班,但可惜佢地係以英文程度編班...唔知傾唔傾得成呢...始終我仔編去最差嗰班,嗰度壞學生雲集,我仔淨係花時間精神耐性應付佢地(壞學生),都已經無任何精神同力量去應付其他障礙...希望傾得成啦!

dickielam

或者你都可以試下小童群益會有一些course係專為有學障小朋友既, 唔錯架, 我見我仔上了一半, 認字方面有進步, 所以你不妨試下.

原文章由 ~仔仔媽咪~ 於 08-6-25 00:21 發表

THX~~~!!!我睇下有咩COURSE可以幫到我仔先...依家學校開始令我有番信心,開始有番溝通喇!勁開心!!!不過我想要求佢地幫我仔調班,但可惜佢地係以英文程度編班...唔知傾唔傾得成呢...始終我仔編去最差嗰班,嗰度壞學生 ...

gongonma

聽多的講座會了解多的，就會識幫孩子!

我們都知道「望子成龍」、「望女成鳳」是每個家長的畢生願望，可惜若家有學習困難孩子的家長只希望能〔跟得上〕、〔學得到〕已是他們的願望了！因此為協助家長培育及發揮有學習困難的孩子，「成長之道」學習障礙培訓中心將舉辦「如何協助有學習困難的孩子去學習」家長講座，歡迎家長、老師報名參加，詳情如下：
講座內容 :

1)如何識別有學習障礙的孩子
2)孩子為何會出現學習困難
3)常見的特殊學習障礙 : 讀寫障礙、數學障礙、專注力失調、多動症等
4)學習障礙如何影響孩子日常學習
5)如何為孩子設計學習策略
6)深入淺出及講解腦神經系統，如何增加神經元數目達至腦神經網絡系統擴大，令腦部功能增強，從而令學習能力、思考及記憶力等隨之而增強。
7)介紹香港現有的服務機構
8)家有學習困難孩子的家長分享
9)介紹專為學習障礙孩子而設的「讀寫訓練、社交協作、協調機能重建及開發潛能」結集一起的夏日跳躍成長訓練課程

日期：2008年6月22日(星期日) ，2008年6月29日(星期日)
時間：2:00pm - 4:00pm
地點：香港理工大學鍾士元樓地下蔣震劇院
題目：如何協助有學習困難的孩子去學習
對象：5 - 16歲的家長
講者：吳志光博士 (Dr Ng) PhD(London),BEng,MIEEE

名額：只限240位 (先到先得，額滿即止。)
網上預留座位: http://waytogrow.com.hk/form/reservation_jun08.htm
費用 : 全免
查詢 : 電話 :2332 7993, 3627 3816
電郵 : [email protected] 這個email住址已經被防垃圾郵件程式保護，您需要啟動Javascript才能觀看

原文章由 dickielam 於 08-6-25 13:23 發表
或者你都可以試下小童群益會有一些course係專為有學障小朋友既, 唔錯架, 我見我仔上了一半, 認字方面有進步, 所以你不妨試下.