好唔開心。。。。

judywan

乖女升中變反叛 生前戲語竟成真 「要玩，就在死前玩盡」
(星島) 01月 15日 星期二 05:30AM
(綜合報道)



(星島日報 報道)「要玩，就在死前玩盡……。」昨在新娘潭 車禍中喪命的黃曉妍，生前曾跟友人揚言死前要玩盡世界，不負一生，豈料一語成讖。貪玩的曉妍，小學時是品學兼優好學生，升中後，判若兩人，反叛曠課，常與損友為伍，最終賠上性命。臨終前，湊大她的姑媽在醫院病脇前哭喚，黃女眼角淒然流淚告別。

　　十三歲少女曉妍枉死，揭露其由「乖學生」變「反叛女」的心路歷程。昨早上，沙田 威爾斯醫院 急症室門外，愁雲慘霧，聚集大批親友，曉妍父母一臉焦急，多次憂心拭淚，當得知搶救無效，多名親友哭成淚人，其姑媽向醫護人員哀求：「我要入去見她最後一面，她由我湊大。」

　　未幾，姑媽紅覑眼步出病房，她表示，見到病榻上的曉妍奄奄一息，心痛難過，多次在脇邊哭喚：「曉妍、曉妍……，我係姑媽。」不知是否有反應，曉妍眼角流下一滴眼淚。

　　姑媽哭喚「曉妍，好孝順」

　　姑媽稱，曉妍父母北上經商，交由她湊大，兩人感情最好，今年姑媽生日，曉妍更陪她吃飯慶祝，故她頻頻說：「曉妍，真係好乖，好孝順。」接覑又說：「這次教訓很大……，為何要坐他人的車？因何會弄成如此？」昨午一時許，在眾親友陪同下，曉妍遺體要送至醫院殮房，姑媽站在病房前看覑，待曉妍遺體推入電梯，才不捨地離開。

　　小學曾記大功

　　大埔 孫芳中小學女校長盧秀枝表示，曉妍小學時是品學兼優的模範生，屢獲殊榮，包括大埔區朗誦比賽冠軍、大埔區好學生獎及儀仗隊金獎，校方為表揚她為母校爭光，曾記大功及優點，盧校長形容：「我教過曉妍普通話，全年都冇欠交功課。」

　　大埔孔教何郭佩珍中學女校長梁秋雲稱，升上中學的曉妍，讀精英班，因成績不好，勉強試升中二，幾乎要留班，她形容：「曉妍成績一般，沒參加課外活動。」

　　老友指誤交損友

　　認識死者多年的「四仔」，對好友慘死，感到難過。他稱，曉妍小學讀書優異，後來升上中學，誤交損友，性格大變，不時曠課及欠交功課，成績一落千丈。無心學業的她，最愛流連區內公園，有時走出旺角 消遣。他說，近期多見有人駕車來接曉妍外出，玩到通宵達旦，甚至不回家睡覺。

　　「四仔」又說，曉妍身型高大，外貌較年紀成熟，有一次，有人語重心長地勸她好好讀書，遠離損友，曉妍卻說：「要玩，就在臨死前玩晒！」奈何貪玩的她，連寶貴生命也賠上了。

　　記者：曾海帆

sorlo

2bzmummy

小朋友如果唔識諗，真係莫奈何 ..... :cry: :cry: :cry:

原文章由 sorlo 於 08-1-15 15:33 發表

布甸仔媽媽

dv

原文章由 2bzmummy 於 08-1-15 15:36 發表
小朋友如果唔識諗，真係莫奈何 ..... :cry: :cry: :cry:

各位父母真係要放多時間俾自己的小朋友, 學壞只係一瞬間:cry: :cry:

CHUCHU

原文章由 2bzmummy 於 08-1-15 15:36 發表
小朋友如果唔識諗，真係莫奈何 ..... :cry: :cry: :cry:

升上中學後,反而令父母最担心
時時聽到人講,小學時言聽計從又乖巧,上到中學就~~~~~
要變起上嚟,都好難攪,唉!

judywan

可能因為我小朋友都係差唔多年紀，感受很大。。。

2bzmummy

Judy

我看一看家中的小朋友，同樣是 13 歲，真是小朋友一個，點解會那麼的不一樣呢 .....

原文章由 judywan 於 08-1-15 15:48 發表
可能因為我小朋友都係差唔多年紀，感受很大。。。

Goody

我會叫呀女睇這段新聞，仲會叫佢反思下。

judywan

原文章由 2bzmummy 於 08-1-15 16:05 發表
Judy

我看一看家中的小朋友，同樣是 13 歲，真是小朋友一個，點解會那麼的不一樣呢 .....

2b

有陣時真係希望小朋友冇咁快長大，永遠可以保護佢。但有時又望佢快D長大，可以自立，真茅盾。。。。:( :( :(

sorlo

原文章由 judywan 於 08-1-15 16:13 發表


2b

有陣時真係希望小朋友冇咁快長大，永遠可以保護佢。但有時又望佢快D長大，可以自立，真茅盾。。。。:( :( :(

我hb從來唔主張保護兒童既

Crystalmylove

乖女升中變反叛, 十三歲十升中是人生一大turning point, 做父母要好留心子女,talk to them and treat them as a frient, listen to them & 做子女要小心交朋友.

sukiwong95

原文章由 judywan 於 08-1-15 15:48 發表
可能因為我小朋友都係差唔多年紀，感受很大。。。

係呀!因為我哋都係人哋呀媽,
我個囡同車禍喪生嘅女仔年紀都差不多,
所以睇完好感觸
就咁冇咗個囡,
我一定會顛

worldpeace

好感動呀! 我個女都係13歲.

constance-bobo

真係令人擔心，我女兒今年小六，正為她選校，見到這篇新聞報導後，我也考慮她升中後的情況，我也叫她看看這事件，希望她引以為介。

janeleung

真係好心up.
佢地覺得青春無價

emilyfmmak

我個女都係今年上f.1... 小學同中學真係好唔同...d野真係深好多...要俾時間讀......同學間競爭又大...在加上又係反叛期...我眼見呀女小學有d舊同學派去d唔好校風的中學後學壞哂...父母真係千奇唔好放手...要幫佢地適應睇緊d

mybee0103

希望天下父母引以為誡，不再發生這樣的悲劇．

tommymum

小學同中學好吾同，同學又吾同曬，小朋友都面對緊好大的轉變，又正值發育同反叛期，真係吾放得手住。

judywan

放手唔放手。。。。

pinkiesalbe

所以無論幾忙都好，
都要抽時間同佢地傾計,,,
了解佢地內心世界
唔好只眼於成績。