請教007陳瑞琪(喇沙)書院

bigmoon

007你好!我想請問你陳瑞琪(喇沙)書院是band幾學校?請問對這校有何評價?謝謝!

櫺囹桼

bigmoon ：
有關陳瑞祺之個人意見…
1)
首先是校名有(喇沙)二字，畀人有東施效顰之感！
2)
聯繫小學是一間幾好之男女校，但中學變了齋校，無形中最少少了一半好學生直升；再加上位於名校區，成績好一點之學生往往想更上一層樓另覓中學，所以中學一直都只能回收三兩成聯繫小學學生(往往是他投失敗者…)、加上外面好多傳言說它就快要下車(證據呢？)、屬band2中學(邊個band2生“考”過入去又唔係憑優秀體藝？)、校風不佳(其實齋校少少百厭好平常，個個讀到一碌木你先驚！)…故某段時間收生素質是有些少下降，而整體成績有點下滑不難想像，校方亦積極改善中！
3)
而家升中人數連年減少，希望陳瑞祺亦會考慮學香港真光及嘉諾撒聖家書院後塵~寧缺無濫(中一只開四班以保收生素質)！
4)
所以陳瑞祺不失為band1生比較容易考入/派入去之英中(而成績又不是區內最差之英中…007心目中起碼有兩間或以上之英中整體成績差過佢~唔好問我啵！)…所以用兩個字形容陳瑞祺~抵買！
5)
陳瑞祺雖然屬傳統中學，但都唔係齋讀書，學生壓力相對較小、而且體育發展不俗….可以放心！
007

intelligent

7哥高見，佩服佩服。
因下週準備入表九龍城，還想請教閣下心目中是哪两間呢？ (比少少"軒使"便可)，感謝！

bigmoon

十分感激007之回覆,小兒讀福祥街馬小,屬band2成績,田徑校隊,在東九比賽攞過兩個獎,跆拳道黑帶,想再請教007如在自行收生有沒有機會呢?謝謝!

manmanll

請問本人之小朋友屬band2 頭學生， 在中一自行分配學位中 可否搏 陳瑞琪 喇沙 定 丘左榮 好些？ (因我想報一間進取些，一間保守些.)                                                     Thanks !

櫺囹桼

intelligent：
有intelligent何需hints？
007

bigmoon、manmanll：
如果band2生想考英中(不論頭中尾)...一定需要有一些代表性獎項(至於何謂代表性獎項，如奧數公開賽獎牌、地區\全港田徑獎牌...等等....)...否則並不樂觀！
007