08/09迦南k1會下午班(九龍塘金巴倫道)

midcochow

hi, 各位媽咪好呀, 我小朋友會係o黎緊九月開學讀k1(下午班), 所以想提早係度同各位家長打個招呼先. 我小朋友係囡囡, 之前因為哥哥都係讀迦南(剛升小一), 知道入面教學,老師係點, 所以決定幫囡囡報哥哥o個間. 你哋呢? 點解選迦南呀? 你哋小朋友係囝囝定囡囡呀?

熊媽媽

原文章由 midcochow 於 08-1-3 11:27 發表
hi, 各位媽咪好呀, 我小朋友會係o黎緊九月開學讀k1(下午班), 所以想提早係度同各位家長打個招呼先. 我小朋友係囡囡, 之前因為哥哥都係讀迦南(剛升小一), 知道入面教學,老師係點, 所以決定幫囡囡報哥哥o個間. ...

你好~ 我想請問你仔仔升到邊間小學呀？係自己敲門定係大抽獎呢？同埋佢d同學仔又升到邊d學校呢？我想做個參考...因為我有在想給我女兒讀這間學校...我地將會響11號interview嚕~希望你可以分享一下你對這學校的感覺~ 唔該你~!

3lamma

可否分享interview考甚麼. 謝謝

3lamma

原文章由 midcochow 於 08-1-3 11:27 發表
hi, 各位媽咪好呀, 我小朋友會係o黎緊九月開學讀k1(下午班), 所以想提早係度同各位家長打個招呼先. 我小朋友係囡囡, 之前因為哥哥都係讀迦南(剛升小一), 知道入面教學,老師係點, 所以決定幫囡囡報哥哥o個間. ...

richwong

Hello midcochow,

我也幫仔仔留了位, 仍考慮是否九月入讀.
可否介紹多D迦南的情況(教學方式,  小朋友是否鍾意返學及老師, 學校雜費, 課外活動, 升小一等....

Thanks a lot!!

原文章由 midcochow 於 08-1-3 11:27 發表
hi, 各位媽咪好呀, 我小朋友會係o黎緊九月開學讀k1(下午班), 所以想提早係度同各位家長打個招呼先. 我小朋友係囡囡, 之前因為哥哥都係讀迦南(剛升小一), 知道入面教學,老師係點, 所以決定幫囡囡報哥哥o個間. ...

midcochow

熊媽媽,

我仔仔而家入左播道書院讀p.1, 係自己考入去的(因為係直資), 仲要係第一round 已經收左, :loveliness: 至於其他幼稚園同學派去邊間學校, 因為佢哋都會大抽獎同考私校, 而且讀得迦南嘅, 真係來之四方八面. 不過以我所知我仔仔以前最好o個幾個同學都會考私校(大部份考九龍塘小學), 之後就再大抽獎, 不過佢哋因為都係住o向九龍塘區(多名校), 所以大抽獎時, 佢哋大多都可以抽到自己鐘意嘅學校(la salle & maryknoll), 不過其實我覺得唔好用此去比較, 因為好似我o甘唔係住係九龍塘區, 大抽獎要抽其他區, 真係會好難中. 不過當然睇番父母想子女o向乜嘢環境學習啦.

p.s : 另外想問你囡囡點解o甘遲先interview 嘅, 我小朋友上年10月已interview

midcochow

考試?... ..... ... 真係唔係太記得, 只係記得佢哋會分年齡同月份去interview(好似每3個月一group), 其實o甘樣都幾好, 因為我囡囡係細女(11月出生), 所以如果interview 時係有大仔大女嘅話, 我小朋友一定fail.

另外,  家長係同小朋友一齊interview 的, 你大可放心, 老師會首先問小朋友叫咩名, 幾多歲, 另外又會比d 動物字o吉佢哋認吓, 問吓小朋友知唔知係乜動物, 又會比d 玩具佢哋玩吓砌吓, 睇吓佢d 專注力同砌唔砌到等等.  希望幫到你啦.

原文章由 3lamma 於 08-1-3 20:45 發表
可否分享interview考甚麼. 謝謝

3lamma

midcochow

richwong,

你小朋友都留左位, 點解仲要諗讀唔讀呀?
其實我囝囝因為已經剛升小一, 所以今年迦南會唔會有什麼大轉變就真係唔係太清楚, 不過之前我囝囝讀嘅時候就真係好開心, 又好鐘意入面d 老師, 成日都會係度提住d 老師點好點好, 唯一唔係太理想嘅係太少親子活動, 不過依樣嘢以我所知, 今年已有大改善, 因為以前無親子christmas party, 反而今年有, 所以我覺得其實係一件好事.

至於教學方式, 其實你要嘅教學方式係點呀? 因為好似好抽象o甘 , 不過迦南教學有佢嘅一套, 佢哋會有字o吉比小朋友拿回家同家長一齊溫習(3年都會有), 另外k1 已有功課, 當然係好easy o個d 啦, 如劃吓線等等, 但上到k2下學期就開始有默書,有作句, k3 就更加要默句子, 寫週記, (因為迦南比起出面幼稚園係教高半年的)其實可能聽落會覺得好似好辛苦o甘, 但唔知點解d 小朋友無依種壓力同辛苦(全校大部份小朋友都係o甘), 仲會好開心返學,  依個亦係我欣賞迦南教學嘅其中一種. 因為可能係活動教學關係, 所以而家囡囡我都會比佢考迦南就係依個原因, 而且學校係會將小朋友同k2, k3 d 小朋友一齊玩遊戲, 學習點樣同d 大姐姐同小弟弟相處, 所以o個時我囝囝係學校大部份小朋友都可以認識晒.

另外課外活動就通常都要比錢的, 不過時間我哋唔係好夾, 所以都無留係學校學, 只有小童軍我有比我小朋友參加. 其餘活動就有畫畫, 跳舞, 唱歌呀都有.

其實學校亦有很多機會比小朋友出外學習, 有去海洋公園參觀, supermarket, 交通城, 圖書館, 牙齒保健中心等等.

原文章由 richwong 於 08-1-4 13:13 發表
Hello midcochow,

我也幫仔仔留了位, 仍考慮是否九月入讀.
可否介紹多D迦南的情況(教學方式,  小朋友是否鍾意返學及老師, 學校雜費, 課外活動, 升小一等....

Thanks a lot!!


...

熊媽媽

hi midcochow

thanks呀! 你仔仔好叻仔呀~自己考入家長心儀的學校~真係開心到不得了~恭喜你呀~! 我希望我女女幾年後都可以咁樣考到啦^^

係因為我好遲先交表~so先至咁遲interview囉~希望成功啦!

原文章由 midcochow 於 08-1-5 11:27 發表
熊媽媽,

我仔仔而家入左播道書院讀p.1, 係自己考入去的(因為係直資), 仲要係第一round 已經收左, :loveliness: 至於其他幼稚園同學派去邊間學校, 因為佢哋都會大抽獎同考私校, 而且讀得迦南嘅, 真係來之四方八面.  ...

midcochow

熊媽媽

原來係o甘, 唔怪之得你現在才interview, 我都希望你囡囡考到迦南, o甘幾時咪可能有機會同我囡囡一班囉...... 係度預祝你成功先.

原文章由 熊媽媽 於 08-1-5 17:59 發表
hi midcochow

thanks呀! 你仔仔好叻仔呀~自己考入家長心儀的學校~真係開心到不得了~恭喜你呀~! 我希望我女女幾年後都可以咁樣考到啦^^

係因為我好遲先交表~so先至咁遲interview囉~希望成功啦!

...

poohbb_hk

Hello! 我囡囡今年9月都係讀迦南k1(九龍塘金巴倫道)..不過係上午班 :loveliness:

midcochow

poohbb

你囡囡張相好靚女呀,  原來你囡囡讀上午校, 不過cannon去到k3 都要轉為下午校, 都時可能我哋兩個囡囡都會有機會同一班wor.

原文章由 poohbb_hk 於 08-1-8 21:03 發表
Hello! 我囡囡今年9月都係讀迦南k1(九龍塘金巴倫道)..不過係上午班 :loveliness:

fanny豬豬

大家好, 我囡囡同佢個朋友仔都係今年讀k1 下午班。 點解選迦南?  係我囡囡返緊個間 playgroup 同我講這間學校比較好(有學卷制), 而且學校環境都幾好, 所以我地選了迦南讀。原先都想比囡囡讀上午班, 但我地問過徐主任, 佢話讀下午好d, 因為上午班同下午班的老師都係咁多, 但下午班比較少人, 所以我地選下午班返。

midcochow

fanny

好開心呀, 又多2個小朋友讀cannon 下午班,   大家真係要多d 聯絡入o黎傾吓計先得呀, 係呢? 你小朋友係邊度返playgroup 呀, 係咪要日日返o個種呀? 我都有比我囡囡返playgroup, 不過由於我要返工, 所以平日冇時間帶佢返, 所以都係幫囡囡選一些一個星期先返一日嘅playgroup. 其實我冇諗過返playgroup 可以學到d 乜, 反而係希望佢習慣同其他小朋友相處.

原文章由 fanny豬豬 於 08-1-11 10:35 發表
大家好, 我囡囡同佢個朋友仔都係今年讀k1 下午班。 點解選迦南?  係我囡囡返緊個間 playgroup 同我講這間學校比較好(有學卷制), 而且學校環境都幾好, 所以我地選了迦南讀。原先都想比囡囡讀上午班, 但我地問過徐主任 ...

midcochow

我表姐個囝囝都係o向cannon讀k1, 不過係讀上午班, 佢哋下個星期二會有觀課堂, 所以我托左我表姐幫我問一下cannon 個主任, 因為我想知道cannon 轉左學卷制之後, 係教學上面會否有改變. 到時如果收到風, 我再向大家報告呀.

midcochow

今朝我表姐已報料給我啦, 佢話主任同佢講, 學校唔會因為有學卷而改變學校教學方針, 以前有嘅默書, 週記等等通通都冇變, 不過個名唔係叫默書, 叫"考考記憶力"等等, 而且學校仲會再比多d 訓練給小朋友, 如show & talk 等,主任仲話以前冇o甘多嘅親子活動, 而家反而會多d, 而且以前一年先有一次嘅觀課, 而家都會一年有幾次tim, 實行比家長真正了解小朋友係學校上堂嘅情況, 照o甘睇, 學校好似似乎真係有進步多過退步, 所以我而家放心晒.

fanny豬豬

Hi, midcochow

我囡囡同佢朋友仔都有返playgroup, 我地返平日(我都要返工, 所以由姐姐(工人)帶她返), 我地返果間都半年, 係迦南附近。

我比佢返 playgroup 時都無諗過佢可以學到d 乜, 都係希望佢習慣同其他小朋友相處(因為佢比較慢熱同怕陌生人)。 你係邊度返playgroup? ok 嗎?

midcochow

fanny 豬豬

我而家返o個個playgroup 係o向mongkok o個邊, 叫one world ctr, 其實都冇話好唔好, 因為一星期先返一日, 真係想佢學到嘢都難, 不過志在佢係英文playgroup, 而且小班教學, 所以想比囡囡試吓玩, 等佢適應吓冇我哋陪佢係點lor.  
我囡囡都係好慢熱, (唔知係咪依家d 女仔係慢熱d 呢?)  係呢, 你囡囡係大囡定細囡呀? 多唔多嘢講呀? 死啦, 我囡囡而家仲未識講句子, 我都好擔心佢上到幼稚園唔知會點   

原文章由 fanny豬豬 於 08-1-16 13:11 發表
Hi, midcochow

我囡囡同佢朋友仔都有返playgroup, 我地返平日(我都要返工, 所以由姐姐(工人)帶她返), 我地返果間都半年, 係迦南附近。

我比佢返 playgroup 時都無諗過佢可以學到d 乜, 都係希望佢習慣同其他小朋友 ...

Edvychan

因為遲報,我個囝嚟近都會in 迦南k1 pm,唔知收唔收呢,會唔會有機會同你地小朋友做同學仔呢?

midcochow

edvychan

hi, 歡迎你加入我哋大家庭, 希望你囝囝interview 成功啦.

原文章由 Edvychan 於 08-1-16 15:09 發表
因為遲報,我個囝嚟近都會in 迦南k1 pm,唔知收唔收呢,會唔會有機會同你地小朋友做同學仔呢?

Edvychan

hi midcochow,

我囝囝而家都差唔多2歲4個月,你知唔知interview問d問題會唔會深d呢?係咪睇月份嚟問唔同問題o架,唔該?

原文章由 midcochow 於 08-1-16 16:47 發表
edvychan

hi, 歡迎你加入我哋大家庭, 希望你囝囝interview 成功啦.