教我這些不高不低的學生如何選擇

qqpatty888

小女就讀民生小六, 雖然很努力, 但成績只是一般, 我估計band2 尾, 一個失手, 就再跌banding. 她當然想入民生中學, 但實在太危. 我只想找間校風好的中學 (成績不能太差), 不知那間中學校風好.  民生的校長叫我們忠心, 任何時候都要選民生在首位, 但又不保証有學位. 唉! 教我這些不高不低的學生如何選擇.

judywan

我自己就最唔信呢套，何謂"忠心"?，係唔係百份百收回本校生?如果講到明係唔保証。到時派到D唔知係乜既學校，邊個可憐你呀。

elbar

原文章由 qqpatty888 於 07-12-28 00:33 發表
小女就讀民生小六, 雖然很努力, 但成績只是一般, 我估計band2 尾, 一個失手, 就再跌banding. 她當然想入民生中學, 但實在太危. 我只想找間校風好的中學 (成績不能太差), 不知那間中學校風好.  民生的校長叫我們忠心, ...

band2 尾有兩校推介：:

• 培道
• 蔡功譜

I_sister

坦白說,
個人認為報培道和蔡功譜也太搏了,
不如試試這些:
賽馬會官立、禮賢會彭學高、九龍塘中學

櫺囹桼

不高不低？
...樂觀左少少啵...希望填表時唔好咁進取啦！

ChowOY

只要你的女兒不要趺到band 3, Feeding school 係有責任收回直屬小學band 2 以內的學生,你不如鼓勵他吧!

qqpatty888

多謝大家的回覆! :idea:  我希望女兒能升上band 2中, 但要看她啦.  請問何文田官中, 五筍節, 聖母書院等學校又如何?

櫺囹桼

原文章由 qqpatty888 於 07-12-29 19:44 發表
多謝大家的回覆! :idea:  我希望女兒能升上band 2中, 但要看她啦.  請問何文田官中, 五筍節, 聖母書院等學校又如何?

1)何官雖然係中中，但於區內非常吃香...幾乎全收band1生！
2)五筍節屬band2中游中中，校風OK！
3)聖母書院 (OUR LADY'S COLLEGE)在黃大仙區，屬band1英中；而九龍城宋皇台消防局後面、5號A巴士總站斜對面、聖三一堂小學隔離街...丁屎咁細間好易魚目混珠嘅中學叫聖母院書院 (NOTRE DAME COLLEGE)...應該屬band3，校風也嘛嘛！

Billy2393

以你的情況 (band 2)，你要『忠心』民生了。

^曾小姐^

我的情況跟樓主亦一樣
小兒的小學有直屬中學(band 1頭英中)
但小兒屬band 2生,無論頭或尾的band 2生都要抽先可以上到直屬,我又怕萬一抽唔到,就要去一間完全唔知的中學讀,自己又唔係住係果區,所以又諗住轉校網,但如果轉佢一定唔會被band 1英中收錄
好矛盾,高不成低不就,請教教我可以點做
唔轉校網又驚抽唔到上直屬中學,轉咗又好似累咗佢咁,因為佢d程度比起自己果區d小學生勝一籌,尤其係英文表現,佢劍僑flyers有15個盾,但校內成績真係麻麻
我可以點做,佢又唔鍾意間直屬中學

Beautyangel

我有親身睇過何文田D中學, 五筍節嘅校風真係唔得, 中午食飯時有人在學校門口等, 老師走出嚟趕人ｏ我唸各位家長選校前最好親身去睇吓間學校, 最好係佢哋午飯時間或者放學時間最多嘢睇到！

19621962

我的大仔就是忠心,所以就被派出三十間之外,但係考尾幾個D都派返入去，寫求情信都唔收，個副校長話無時間收喎,你話忠心有乜用。係後來先搵到間直資收,所以今次個細女我唔會忠心,因為我唔想俾佢呃多一次,反正好多直資都唔錯,靠自己好過靠運氣,唔使煩,民生都係一間二等中學,就算畢到業都要睇下你個女做人處事的態度。最緊要係家教，你睇而家好多名校生都一樣無禮貌。

[ 本文章最後由 19621962 於 07-12-31 17:00 編輯 ]

judywan

原文章由 19621962 於 07-12-31 16:59 發表
我的大仔就是忠心,所以就被派出三十間之外,但係考尾幾個D都派返入去，寫求情信都唔收，個副校長話無時間收喎,你話忠心有乜用。係後來先搵到間直資收,所以今次個細女我唔會忠心,因為我唔想俾佢呃多一次,反正好多直資都 ...

所以我開宗明義第一句就問乜係"忠心"...............