香港父母必看----海歸派佔盡優勢

csy_ma

原文章由 囝囝爸 於 07-12-24 23:09 發表

反觀香港, 本地薑一樣可在本地經濟領域發揚光大, 佔到優勢.  因香港在語文法制, 經濟, 市場知識, 制度, 規模運作方面,  一樣可訓練出優秀人才, 也能熟知港情, 比外人更能掌握市場趨勢脈搏.

香港是較能學好知識和二文三語的地方, 當然難度不少, 也受到語言學習制肘打壓, 但如學有所成, 內外機遇處處.

"熟知港情"，對加入跨國公司工作，未必很有利．要打開內地市場，人脈關係好重要，而家有能力搞到子女去外國讀top u既，好多係內地有點勢力人士（如陳佐洱千金陳晴，就係典型既海歸派）．大公司睇中既，可能係呢樣野．

另外，香港人雖然普遍公民質素比內地好，但眼光就．．．傳媒水平同使命感，同大陸從業員真係－－冇得比．所以搞到社會風氣奇奇怪怪，明明做咗d近乎違法既事（如偷窺），偏又光明正大講明人知，仲好多人俾錢去睇添 ，

香港係就係有好多機會同渠道學好知識，但太多，年輕人就唔珍惜．無論係年輕人喜歡音樂、所看既文字，甚至著衫品味，都趨向單一．

當語文水平達到可以運用既程度，語文就唔係一切，重要既係思想．年輕人往往靠同輩激發來磨利自己，響呢方面，我係唔到香港有乜優勢－－大部分響香港讀大學既同輩人，幾乎都係聽差不多口味既歌，看相同既電影、電視大，思想，如果將標準降低d，認為仲有既話，都係差唔多，缺乏了文化衝擊．

在內地，重點大學既學生，都係來目全國各地，佢地當中就算唔少係高分低能，但都帶有所屬地方既文化基因同思維特點，當佢地聚埋一齊時，就會有d化學作用．

何況，中國國家幅員遼闊，內地年輕人既地域觀念很廣，加上城市人都較富有，佢地年輕時多半會用腳（因為錢唔多）、用心（結交唔同地域既朋友）去感受不同地區、種族既相異處，投契既話，可能留響某個地方某個新朋友家裡幾個月，都係所費無幾．

在同一個成長期內，香港年輕人就玩團伙，去到世界各地，都係同自己友傾偈，影張相，拍段片就當認識一個地方．關心既，都係自己頭頂上既小片天．

在內地城市，以前因為缺，資訊好珍貴，所以無論響音樂、影像同文字上，都有d收集同交流癖．天津就有個地方出名賣被海關沒収，係唔意整壞咗封面的外國音樂盒帶／CD市場，裡面，無論邊個時期，邊種音樂，只要你勤力去搵，都搵到．且最重要既係價錢超平，唔似得響香港，一講到小眾，價錢就貴族起黎．

至於影像，唔駛講，多北上既人都知道其種類之多和差價之遠．好多香港根本搵唔到既歐洲各國，甚至印度既經典影片，都響內地城市（尤其北京）搵到．

響香港，書類只要稍偏離主流，就冇得做，響大陸，只要面對全國學府學生既某個市場，就可以生存．

所以，表面上香港較內地資訊多元，事實卻未必．而年輕人可以實質接觸、感受同互相激發既眼界－－香港人響呢方面，除60-80年代外，從來非強項，剩係語文好，除咗有利搵份工，仲有乜因素有助fully develop？

囝囝爸

csy_ma:

妳今次講到商情, 民性, 傳媒文化, 語文教育等.  意見層面甚廣.   以我有限能力, 姑且講出我的看法.

我說的內外機遇處處.  "外"不是單指國內, 也包括東亞歐美. 香港人才的出路, 也不限於香港的跨國公司.  香港很多大小工商機構在外也有不少分支或業務聯繫.  近年不少香港人經常到外地公幹或派註外地, 包括國內.  近來澳門賭業發達, 要大量外求人才, 不說低層, 酒店旅遊前線員工, 或管理人才, 美資港資賭業請了不少香港人才, 皆因要中英並重, 知識俱全. 這是否機遇?

國內人脈關係好重要, 我略知一二.  事事以人脈為先, 用人為親, 營商為朋, 不量才而用, 總是大害.  大量需要人才, 黃馬掛也不足夠吧, 都要求諸外.  香港量才而用, 完整法制, 所以金融體系為中央重視借鏡.

我無意比較香港和內地的年青人或大學生, 或他們文化思想品味知識資訊.  社會也有很多批評說香港年青人冇創意. 不過大家成長背景不同, 香港近代人少經憂患, 多在富裕溫室中成長, 多逸少勞, 較重名利. 不能和剛享到發達富裕中國一代相比, 其大有發展餘地, 目標鬥心也高.  但學習高分低能, 低分高能, 以人口計, 我想香港不差.  中華兒女, 本是同根生, 相比何太執.

文化傳媒來說, 我是外行人.  不過自中學起至今也間有看國內出版書和期刊雜誌, 是文筆好, 專業嚴謹.  國內報章少看. 香港報章, 祇愛他的監察角色, 揚惡揚善, 不畏強權.

“語文達到運用程度, 語文就唔係一切”.  這似獨孤求敗招式, 手中無劍, 心中有劍.  對我來說也是.  香港主要為一金融商業城市, 語文為相通工具, 不必行文錦繡, 口語超群, 可正確交往即可.  所以如我前說, 語文教育再不思進取, 未達運用程度, 對比內外, 將優勢不再.