請教小朋友斜視問題

jpkp313

請問點先會被轉介去亞皆老街眼科醫院?

原文章由 pakkyho 於 08-4-2 19:27 發表
To irenepang803:

唔使咁擔心啦,以我所知亞皆老街眼科醫院係香港最好嘅眼科醫院,小朋友做手術係一定由註冊醫生做,仲有,香港嘅眼科技術係全球數一數二架.其實香港人嘅眼疾都係全球數一數二架 ...

tingtungMa

一般是你帶小朋友去健康院或私家醫生到CHECK完後, 醫生覺得你小朋友眼睛真的有問題然後會寫紙給你去排期.

fionbaby2002

原文章由 irenepang803 於 08-3-29 00:42 發表
囡囡今日見左麻醉科醫生喇,4月11日做手術,今日返去檢查,囡囡嚴重左,而家仲有輕微弱視,真係好唔開心呀

你們好，讀過你們的經驗我實在感同身受，完全明白大家的擔憂及心理上的壓力。 我囡囡剛6歲自她小於1歲時我已發現她有外斜視，又是跟大家一樣到處看醫生(私家及政府)，經檢驗後是間歇性交替性外斜視，跟你們的小朋友一樣，當她疲倦及戇居居時最明顯，亦是每日都看得出。 同大家一樣好害怕要做手術，怕風險承擔、怕有後遺症、怕做得唔好要再做….. 好多好多野怕，希望眼操幫助到就無需做手術，但剛於星期一我帶她回威院斜視科覆診時，醫生話我知佢嚴重左，我當時極怕，個心同個人好似唔係自己咁，一路跌落深淵  ，好怕她說要做手術，醫生話如果她再繼續嚴重下去就要做手術，現再等8月覆診時再定論。其實當時我個心真係好hurt 唔想再繼續係咁定期受心理折磨，想決心不如做手術一了百了唔好再俾個小朋友受苦。  但又怕………，真矛盾。  其實o的醫生話我地o的家長一聽到要做手術就怕，大佬實係啦，佢地只話要做手術，又唔係好詳細解釋俾我地知，咁我地點敢呀。

我下星期一又要帶個囡回威院覆診睇眼科醫生，到時我會詳細問清楚關於手術的問題。

希望大家能繼續保持聯絡。

IrenePang803 祝你囡囡手術成功，早日康復。

maybaby

原文章由 fionbaby2002 於 08-4-9 12:27 發表






你們好，讀過你們的經驗我實在感同身受，完全明白大家的擔憂及心理上的壓力。 我囡囡剛6歲自她小於1歲時我已發現她有外斜視，又是跟大家一樣到處看醫生(私家及政府)，經檢驗後是間歇性交替性外斜視，跟你們的小朋友一 ...

fionbaby

我嘅心理困擾直情同你一樣响啊！
我想問你囡囡交替牲外斜視係唔係左右輪住斜呢？有冇近視\弱視呢？我地一齊分享吧！

fionbaby2002

我個囡做蓋眼檢查時隻眼輪流走出去的。  另她沒有近/弱視。 之前醫生都係話只是外觀問題而已，不過我睇完IrenePang資料後，又怕唔知會唔會突然改變。你個囝1號覆診如何呀?

pakkyho

HI, jpkp313:

你去健康院寫轉介紙時同姑娘要求要去亞皆老街眼科醫院檢查.多數都得架.

tingtungMa

fionbaby:
你囡囡由一歲拖到而家都好耐喎！咁醫生有無同你講何時是做手術的好時機呢？你看完私家醫生和政府醫生有什麼分別嗎？（是否同樣說最終都要做手術？）我囡囡都是六歲，我看緊那打素的眼科，醫生須說要做手術，　但又無講何時．現在又是ｋｅｅｐ住覆診，好困擾．我最擔心的就是不知政府的眼科醫生可靠否．請問你知不知開刀是用刀或用激光呢？我囡囡下次覆診要六月．希望大家在這裡可互相交流消息及意見．

Ｐ．Ｓ．　IRENEPANG803 祝你囡囡早日康復，得閒記得上來報下情況．待我們這群媽媽有心理準備．

fionbaby2002

tingtungMa

其實係一路keep住每半年覆診，因為醫生認為她不算太嚴重，除了近一年開始做眼操，其餘都無特別野可做。  不過就係最衰我個囡成日都唔願做眼操，所以今次覆診時就話佢嚴重左。個矯視師話做眼操，可keep住雙眼唔惡化，唔做就會...no囉，但係我個囡聽完都唔覺係一回事，因為佢都唔明做手術係什麼，唉!!!只有我地的大人係度為佢擔驚受怕。

係啦，我地多的保持聯絡呀。

fionbaby2002

我而家無睇私家，睇開的威院的眼科醫生都覺得佢地幾Ok。  但如果政府話要做手術時，我想會搵埋私家醫生的意見，係啦你地有冇好的眼科醫生可以俾我參考吓。

tingtungMa

我都還沒有看私家醫生, 所以都沒有介紹. 但朋友介紹嘉賓大廈的眼科醫生說很出名, 不過很貴(看一次好像要幾千元呢?)我覺得沒此必要.如有好介紹請告知我參考.我都好懶同女女做眼操,因她有時很沒耐性,眼仔不集中(亂咁望),驚做得唔好有反效果(因聽其他媽咪說如做得不正確而拉傷眼肌會有反效果). 現在很心急想知irenepang803女女的手術情況及過程. 待她得閒希望她上來share下及解開我們的疑問. 保持聯絡.

fionbaby2002

原文章由 tingtungMa 於 08-4-11 17:03 發表
我都還沒有看私家醫生, 所以都沒有介紹. 但朋友介紹嘉賓大廈的眼科醫生說很出名, 不過很貴(看一次好像要幾千元呢?)我覺得沒此必要.如有好介紹請告知我參考.我都好懶同女女做眼操,因她有時很沒耐性,眼仔不集中(亂咁望 ...

tingtungMa

我個囡又係超懶同無耐性唔願做眼操，我放工後回到家吃完飯就已經無時間同佢做，加上佢活動完成日咁晚做, 佢對眼都已tired做來根本更tired啦，影響效果。

maybaby

原文章由 fionbaby2002 於 08-4-10 16:17 發表
我個囡做蓋眼檢查時隻眼輪流走出去的。  另她沒有近/弱視。 之前醫生都係話只是外觀問題而已，不過我睇完IrenePang資料後，又怕唔知會唔會突然改變。你個囝1號覆診如何呀? ...

fionbaby

我仔1号睇完(政府)，佢只check望遠嘢睇唔睇倒字(check近視)，係冇近視，我問佢有冇弱視，佢話冇，我話唔使用其它儀器check咩......佢話望遠嘢睇倒即冇弱視wo~~~~~
現在7月尾再覆診，睇吓需唔需要配鏡！
我仔又係隻眼輪流走出去，有時見佢睇电視左眼有少少持續牲外斜出去tim 我都好想做手術一了百了，最敝我c6驚做手術，怕肓，而我怕將來做完手術又係咁，要唔只做一次...............

maybaby

irenepang803

等緊你好消息啊！
祝你囡囡早日復完！

irenepang803

多謝各位祝福 我囡囡响星期五已經做左手術,手術無我想像咁好,因醫生要將囡囡d眼肌肉拉緊,而家望落去同豆雞無分別,好唔開心, 我心想唔做好過做,而家我囡囡睇野有重影,(未做之前視力正常)我問醫生幾時先無呢個情況,佢竟然答我唔倒,醫生也承認係拉多左,佢話100個小朋友會有7~8個有咁嘅情況,但做手術前醫生無同我地講清楚會有咁嘅後遺症,所以你地諗住比小朋友做手術之前一定要問清楚,同睇私家醫生問問意見.好眼訓,聽日再講.

fionbaby2002

Irene,

我想你不用太擔心，我昨日跟囡囡回醫院覆診，向醫生問了有關手術的問題，他說手術角度係會取多些的，遲些佢地會慢慢調節番，初期亦係會有重影的。再俾多些時間觀察。

你邊間醫院做的?
手術時間幾耐?
你囡囡感覺如何?

祝你囡囡早日康復。

irenepang803

你邊間醫院做的?
手術時間幾耐?
你囡囡感覺如何?
... [/quote]

囡囡响眼科醫院做,手術時間大約75分鐘,但你要有心理準備,小朋友做完手術出黎會不停掙扎同喊(但她仍在麻醉中)因之前醫生無同我地講會有咁嘅情況,我地無心理準備當時好驚,但只要你安撫佢訓覺,訓醒後就會無事.我囡囡而家失去信心,出街話要帶太陽眼鏡,唔想比人見倒佢隻眼,唉!見倒佢咁我自己乜野都做唔倒,真係好down.

fionbaby2002

完全理解你的無助，但千萬唔好係個囡面前傷心，佢會意識到的咁佢就更加唔開心啦，要堅強呀。

不是全身麻醉嗎?? 點解出來時會不停掙扎。

irenepang803

原文章由 fionbaby2002 於 08-4-15 13:26 發表
完全理解你的無助，但千萬唔好係個囡面前傷心，佢會意識到的咁佢就更加唔開心啦，要堅強呀。

不是全身麻醉嗎?? 點解出來時會不停掙扎。

我知喇,囡囡係全身麻醉,不過出黎時佢半醒,未完全清醒,所以有咁反應.

maybaby

IrenePang

我找網頁內容都有堤到，斜視角度係會拉多小小，係會有些豆雞，會有重影，遲些係會好返的，不用擔心，你要堅强呀！

tingtungMa

irenepang803:

你要積極面對呀，唔開心可上來同我們傾計．我亦都將會行你的路，很明白你的心情．你女女是否即日可出院？眼睛是否即時可看東西（用不用遮蓋住）．開刀是否用激光呢？醫生有無說需要做第二之來糾正返呢？因聽聞有時未必一次就ｏｋ，可能要做兩／三次．唔好咁灰心．
fionbaby: 醫生有無說你女女何時做手術？我遲些會同女女看一次私家醫生聽取多一個意見（叔仔介紹了一個給我，看後我話你知情況．）