請教小朋友斜視問題

maybaby

irenepang

e生話亞仔斜視度都幾大，做訓練功效不大，而且訓練手勢錯誤，有機會仲衰過之前，所以我冇做架！
之前有個媽咪喺度分享佢個仔，話佢個仔4years時發現有間歇性外斜視，只係累或on居居時出現，至今十幾歲了，都冇做手術，佢個仔平時專注時同普通人冇分別。如果係咁，我都可接受唔做手術嘅！

irenepang803

原文章由 maybaby 於 07-11-12 15:40 硐表
irenepang

e生話亞仔斜視度都幾大，做訓練功效不大，而且訓練手勢錯誤，有機會仲衰過之前，所以我冇做架！
之前有個媽咪喺度分享佢個仔，話佢個仔4years時發現有間歇性外斜視，只係累或on居居時出現，至今十幾歲了，都冇做手術，佢個仔 ...

maybaby:
我囡同你所講一樣,只係累或on居居時出現斜視,但佢而家同我講之前無試過睇野有兩個影,上到高班先有呢個情況出現,我女星期四就覆診,我會同醫生講,睇吓會唔會係嚴重左.

maybaby

irenepang

其實都係最重要睇吓有冇弱視，如冇嘅，擔心少一樣！
我仔都係咁架，喺屋企無聊佢會特登望窗斜視 所以我成日堤佢唔好望窗外，當佢專注時會冇嘢，尤其出街就更少斜視，因好多嘢望！
希望你囡囡有好消息啦！

tingtungMa

IRENEPANG:
你女女覆完診醫生點講呀?

irenepang803

原文章由 tingtungMa 於 07-11-17 12:03 硐表
IRENEPANG:
你女女覆完診醫生點講呀?

tingtungma:
囡囡覆左診醫生話佢斜視度無大,同之前一樣,不過今次睇呢個唔係上次果個,上次個醫生咁啱去左美國開會,所以問唔倒佢囡囡幾時可以做手術,要等2月14日再覆診先知.

silvia_ng

各位好....

我女女都有間歇性外斜視, 上個月同佢係上葵涌睇果陣終於比視光師見到。
不過, 其實早於佢一歲時我已經發現有D唔妥。但係睇好多次醫生+視光師都睇唔到佢既問題。
所以, 呢次我都帶定佢張相比視光師睇, 佢呢次做埋TEST就睇到佢既問題係邊樹。

女女望遠野又或者向上望, 都會有外斜視。視光師話要同佢做下練習, 如果唔得..大D就要做手術(不過冇話我知要幾多歲先可以做)。

但係女女而家太細(只得兩歲幾), 佢唔係好肯同我練習, 佢當我係玩.......所以一直都冇辦法TRAIN到佢。而家只係排緊等睇政府.....NOTHING CAN DO

maybaby

原文章由 silvia_ng 於 07-12-28 17:41 發表
各位好....

我女女都有間歇性外斜視, 上個月同佢係上葵涌睇果陣終於比視光師見到。
不過, 其實早於佢一歲時我已經發現有D唔妥。但係睇好多次醫生+視光師都睇唔到佢既問題。
所以, 呢次我都帶定佢張相比視光師睇, 佢 ...

做唔倒訓練唔好做，亂做只會更嚴重，適合做手術係4歲以上，因為可坐定量度斜度，以便做手術！

silvia_ng

原文章由 maybaby 於 08-1-2 15:33 發表


做唔倒訓練唔好做，亂做只會更嚴重，適合做手術係4歲以上，因為可坐定量度斜度，以便做手術！

佢要做"豆雞"訓練呀, 不過佢唔係好肯...所以我都友得佢囉....
今個星期四又要睇醫生呢......

ooooohk

各位媽媽,
我囡囡依家15個月,2個月時已發現佢有斜脛,一直有keep做物理治療, 情況已經好好.但今日再見物理治療司,話亞女重有則頭,原因可能係1/脛力唔夠 or 2/斜視影響則頭  請問有斜視既寶寶早期都有則頭既現象??
我囡囡平時唔覺眼睛有問題,但好累/有時佢會玩反白眼0甘....(晚上見到都幾驚.... )
物理治療司話1.5yr再番去最後一次followup,如再有則頭,就要見眼科醫生......有d擔心....:-|

jpkp313

各位媽媽:
我個女今年３歲半,約20個月時發現佢右眼外斜視,主係攰時or食完藥or喊時出現,抖足精神就唔多覺,E生睇完話佢左右眼各有20度左右,而家每3個月喺理ヱCHECK眼,主要check住有無弱視,另每半年喺眼科e生度檢查.我係去私家嘅,政府會好d嗎?除此之外仲可以做セ,一諗起個女隻眼有事就好唔開心去check眼時好大壓力好似抖唔到氣咁.

pakkyho

各位媽媽:
我個女今年３歲4個月,約3個月時發現佢左眼外斜視,但健康院當時話我知好多bb都會有呢d問題,大大下就會無事.點知到1歲半再check先知原來係先天性白內障,政府眼科醫生話如果2-3個月時發現,視力可能可以追到9成幾,但1歲半先開始治療就會差好多.當時我女女主要係攰時先出現外斜視,抖足精神就唔多覺,政府眼科幫我女女安排盡快做手術,都係等左一個月左右,手術後弱視,每天keep住遮眼4-6個鐘.另每3個月檢查1次.以我所知,香港最好眼科醫生都政府醫院,政府醫院同私家醫院嘅分別,應該就係政府醫院覆診時要等耐d,如果要做手術,小朋友排期約1-3個月,每次覆診都未必係同一個醫生,仲有政府平d囉.各位媽媽唔好咁擔心啦,有時d野係天意,無法改變,為有用心d去照顧同接受吧!

[ 本文章最後由 pakkyho 於 08-2-2 18:57 編輯 ]

tingtungMa

PAKKYHO:

同意你的講法，我的朋友仲話有時政府都會因唔夠人手而外判給出面的私家醫生做．等一至三個月都唔算耐，比我想像中心快．各位媽咪，我和你們一樣，雖然擔心但一定要堅強面對 　

jpkp313

我曾帶個女去健康院同姑琅講呀女眼仔嘅情况跟住佢比我地見e生,我咪再同e生講law,跟住我又話佢知都喺私家睇緊,点知個死肥鬼e生反問返我:太太你都睇左私家la,你嚟做セ?咁你而家想點?
於是我就話:我想你立即e好佢.(當時好嬲)
e生:你都知呢樣嘢唔可以即刻e好架
me:我梗知la,我徙咁多時間等,唔係想同你抝,我只想揾個辮法e個我個女,我一直無濫用政府服務,即使產前bb打針都無麻煩過你地尊貴嘅政府e生,今次嚟喺做評估順便想聽多個意見.
e生:(態度好轉)唔係我意思係一分錢–分貨,你比得錢嘅就梗好d,政府e唍次次唔同e生嘛.
跟住佢又講埋d無謂嘅嘢,最後就梗係セ都無做la

maybaby

原文章由 jpkp313 於 08-2-1 00:19 發表
各位媽媽:
我個女今年３歲半,約20個月時發現佢右眼外斜視,主係攰時or食完藥or喊時出現,抖足精神就唔多覺,E生睇完話佢左右眼各有20度左右,而家每3個月喺理ヱCHECK眼,主要check住有無弱視,另每半年喺眼科e生度檢查.我係 ...

您好呀！
我個仔嘅情况同你囡囡一樣呀！又係政府私家兩邊睇，又係check住有無弱視！我都好擔心架，e生話要等到8歲先冇患弱視嘅危機，還要等5年...............有時半夜瞓醒諗吓亞仔隻眼就好唔開心:cry: 好擔心！

irenepang803

囡囡今日見左麻醉科醫生喇,4月11日做手術,今日返去檢查,囡囡嚴重左,而家仲有輕微弱視,真係好唔開心呀

maybaby

原文章由 irenepang803 於 08-3-29 00:42 發表
囡囡今日見左麻醉科醫生喇,4月11日做手術,今日返去檢查,囡囡嚴重左,而家仲有輕微弱視,真係好唔開心呀

唔好唔開心啦！早日做手術都好，唔使有斜視性弱視嘅風險！加油吓！
你囡囡点嚴重呀？斜視多左？手術後請報告情况，等我有心理準備，我仔4月1日都要覆診！

irenepang803

囡囡之前係無弱視,2月14日覆診時,右眼20左眼40度,星期五返去見麻醉師醫生再check,點知而家係右眼20左眼50度,仲有輕微弱視.醫生話因兩隻眼度數相差太大,而家兩隻眼都要做.

maybaby

原文章由 irenepang803 於 08-3-31 00:49 發表
囡囡之前係無弱視,2月14日覆診時,右眼20左眼40度,星期五返去見麻醉師醫生再check,點知而家係右眼20左眼50度,仲有輕微弱視.醫生話因兩隻眼度數相差太大,而家兩隻眼都要做. ...

咁你喺邊間眼科e院做呀！你去覆診時，有冇見到多唔多因為斜視做手術的小朋友，而幫小朋友做手術嘅係註冊e生or實習e生！

irenepang803

原文章由 maybaby 於 08-3-31 15:07 發表



咁你喺邊間眼科e院做呀！你去覆診時，有冇見到多唔多因為斜視做手術的小朋友，而幫小朋友做手術嘅係註冊e生or實習e生！

maybaby:
我囡囡係响亞皆老街眼科醫院做,同一日做手術嘅人大約有10個,有4個係小朋友,我囡囡見麻醉科醫生時見倒一個幾個月大嘅bb剛做完手術,正在休息,做手術嘅應該係註冊醫生.

pakkyho

To irenepang803:

唔使咁擔心啦,以我所知亞皆老街眼科醫院係香港最好嘅眼科醫院,小朋友做手術係一定由註冊醫生做,仲有,香港嘅眼科技術係全球數一數二架.其實香港人嘅眼疾都係全球數一數二架