小朋友唔鐘意個老師, 可以點 ?

Daisy媽咪

小朋友唔鐘意學校個老師, 話老師成日話佢, 佢又冇心機上堂, 成績就差不在話下, 老師亦打電話投訴, 我可以點做呢 ?

以我所感覺到老師已經有d label 左佢, 我可以點做呢 ?

mj

我都試過, 我的做法是先打聽一下個班主任係點樣既人, 確定都可以談一下(因有些老師比較不好傾), 就打電話和她談一下, 說好像有些老師做法會令囡囡有這樣反應, 是否可以改過方式, 不過緊記不要說明是誰人, 只說好似有老師這樣那樣囉, 最後需然不是真的喜歡了, 但也沒有那麼討厭囉 ::" /> ::" />

[ 本文章最後由 mj 於 07-10-16 13:52 編輯 ]

halloween128

Daisy媽咪,

如果學校有社工的話, 試吓叫社工轉介你小朋友去做評估, 做完評估再將結果俾老師睇(要有實質證明去支持自己, 學校才會信你講嘅野), 證明自己的小朋友係要多些鼓勵(我知有些小朋友做完評估後, 有需要會再轉介見醫生或有專業人士教導小朋友怎樣去宣洩情緒)! 坊間都有呢類評估, 但價錢昂貴! 以下衹是我個人意見, 希望幫到你!

原文章由 Daisy媽咪 於 07-10-16 13:33 硐表
小朋友唔鐘意學校個老師, 話老師成日話佢, 佢又冇心機上堂, 成績就差不在話下, 老師亦打電話投訴, 我可以點做呢 ?

以我所感覺到老師已經有d label 左佢, 我可以點做呢 ? ...

lulupopo

我都最怕這樣,嚴重影響學習情緒,可唔可以叫小朋友畫D心意咭,或多點接送時問候一下(表現一下友善),希望令他改觀.努力!加油!

Teresa

原文章由 Daisy媽咪 於 07-10-16 13:33 硐表
小朋友唔鐘意學校個老師, 話老師成日話佢, 佢又冇心機上堂, 成績就差不在話下, 老師亦打電話投訴, 我可以點做呢 ?

以我所感覺到老師已經有d label 左佢, 我可以點做呢 ? ...

從小朋友著手啦...

(1) 你小朋友點解比老師complain? 係佢上堂唔守規定係點? (佢冇心機上堂還冇心機, 堂始終係要上, 起碼小朋友唔可以影響人地).
(2) 如果小朋友都有唔岩, 首先都要小朋友改變下自己.
(3) 同該位老師了解下, 配合下點樣可以改善情況.  或者同班主任傾下, 睇下有冇咩原因小朋友係咁, 商討下一辦法 --- eg. 調位.
(4) 要改變唔係一朝一夕, 同老師多d接觸, 了解下有冇改善.  老師同你小朋友玩針對其實冇必要, 只要家長令老師明白自己都有o係家中配合去改善小朋友, 老師就會對小朋友"改觀".

個人意見: 下下就搵社工未必解決到問題.  社工真係好忙, 而且係個outsider, 可以同老師方面了解會比搵社工直接!

Daisy媽咪

原文章由 Teresa 於 07-10-16 14:35 硐表


從小朋友著手啦...

(1) 你小朋友點解比老師complain? 係佢上堂唔守規定係點? (佢冇心機上堂還冇心機, 堂始終係要上, 起碼小朋友唔可以影響人地).
(2) 如果小朋友都有唔岩, 首先都要小朋友改變下自己.
(3) 同該位 ...

各位,
多謝意見, 其實我知亞女係專注力有問題, 但並非十分嚴重, 但 so far 佢已經比以前好左, 有進步, 但好難一步登天 ! 我同佢係私人做過test 啦, 都話佢專注力比較差, 如要再確定, 要再比錢做另一個test, 太貴, 冇錢比啦 ! 最煩就係佢係marginal case, 如果真係好差, 同老師講寫信入政府睇都好d 呀 !
至於社工, 就更加唔冇提, 次次都話冇事, 冇問題, 有問題會call 我, 但等極都冇回覆 ! 咁我打電話去我個區果d地區社工啦, 仲離譜, 叫我搵學校社工, 佢話佢地唔係日日見住亞女, 做唔到喎, 如果我一定要開case, 佢就會叫我地兩母女同佢一齊坐係度傾, 冇其他辦法 !但試問一個八歲小朋友點會同一個陌生人同亞媽講心底話呀 ! 依家d社工咁handle case, 唔怪之得有咁多慘劇啦 !

其實我諗過去約見果位老師, 但又驚自己講錯野, 影響個女 !  其實我又諗, 老師肯打電話同我講, 其實係咪都係好事, 好過佢連話比你聽都費事呢 ?

Teresa

原文章由 Daisy媽咪 於 07-10-17 14:04 硐表


各位,
多謝意見, 其實我知亞女係專注力有問題, 但並非十分嚴重, 但 so far 佢已經比以前好左, 有進步, 但好難一步登天 ! 我同佢係私人做過test 啦, 都話佢專注力比較差, 如要再確定, 要再比錢做另一個test, 太貴,  ...

係law! 原來你女女既專注力比較差, 咁唔怪之得啦.  如果係咁, 老師"complain"佢亦不無道理.  如果班上有幾個都係咁, 老師o係上堂時又真係好難做既.

老師肯同你講, 其實係好事.  而且而家都有好多小朋友都係專注力比較差.  老師應該冇惡意既.  小朋友本身仲細, 佢話唔鐘意某某老師都係一個直覺 (我細個時都有啦), 根本唔會深究係自己有問題.

咁你作為媽咪, 不如就做個和事老, 多d同小朋友傾下, 教佢上堂守規, 分析比佢知佢一個人唔守規, 會影響其他人, 所以老師至會"complain", 又教佢要同老師"道歉" (無論你認為老師係做得岩唔岩都好, 一定要保住老師既"權威", 如果你下下都o係個女面前話係老師唔岩, 佢就唔會再聽老師講, o個時仲麻煩!).

另一方面, 好好同班主任商量下(同d關心+擔心個女既口吻講, 唔好駁老師), 坦白d講你已經同個女去評估過, 斷定左佢有一d問題.  跟住同老師傾傾, 順便夾下計, 試下調一調位, 等老師比多少少attention佢, 如果佢做得好/有改善, 要寫低o係手冊等大家讚下佢.  慢慢佢都會有改善.  我個仔都係咁 (佢唔係專注力問題, 係其他野), 而家同老師夾好左, run得唔錯, 我仔都有明顯改善喇.

Png

唔好濫用社工啦,你既case對佢地來說真係好小事，你睇下人地天水圍悲情城市，你比機會D社工去關心真正有需要之家庭啦．老實說，你太自我中心．

原文章由 Daisy媽咪 於 07-10-17 14:04 硐表


各位,
多謝意見, 其實我知亞女係專注力有問題, 但並非十分嚴重, 但 so far 佢已經比以前好左, 有進步, 但好難一步登天 ! 我同佢係私人做過test 啦, 都話佢專注力比較差, 如要再確定, 要再比錢做另一個test, 太貴,  ...

Daisy媽咪

原文章由 Png 於 07-10-17 16:31 硐表
唔好濫用社工啦,你既case對佢地來說真係好小事，你睇下人地天水圍悲情城市，你比機會D社工去關心真正有需要之家庭啦．老實說，你太自我中心．



...

那只怪我太緊張吧 ! 有事我會自己諗辦法, 不會再浪費納稅人既錢 ! 留番d資源比d持雙程證來港產子同領綜援既人啦 !

Share

有少少見解，是希望你們好的。

首先，小朋友有問題一定要告訢老師,不明你為什麼不說，甚至老師問都不說,好似你要努力些和老師溝通。老師只是不明就裹而已。

和社工談事情是這樣的,三個人說清楚,就算我給錢看什麼師什麼專家都是要將家事內心好的壞的說給他們知，有什麼問題.？

其實你打開心懷會發現很多人都想幫你的。

老師亦是,才會和你談。

不過方法正確與否就另當別 lun.

Daisy媽咪

原文章由 Share 於 07-10-17 21:29 硐表
有少少見解，是希望你們好的。

首先，小朋友有問題一定要告訢老師,不明你為什麼不說，甚至老師問都不說,好似你要努力些和老師溝通。老師只是不明就裹而已。

和社工談事情是這樣的,三個人說清楚,就算我給錢看什麼師什麼專 ...

share
多謝你意見, 其實在多年的小學生活中, 我已和老師及社工面對面, 電郵及電話跟進小女情況, 奈何每次都不能獲得一些實在的改善方案而無疾而終, 亦怕現今老師工作煩重, 會多加他們壓力 !所以不想再打擾他們!

至於社工, (可能我唔好彩), 當日接我電話的人, 態度真有點不專業, 而我之前亦有在坊間的兒童心理學中心談及如何處理, 她解釋: 要真正dig out 小朋友個問題所在, 一定要先和她建立了關係和信任, 她才會把真心說話講出來!

可能我無知,又自我 我個人比較接受這個處理手法, 但私人做, 真的價錢不非 !

因此我才post 個message 出來問下大家意見吧 !

chuiiris

我小朋友也是不喜欢他的班主任, 而經過一年時間觀察下, 我也很討厭這位老師,
因為她多次在班上嘲笑成績較弱的學生, 更說他們是白痴, 也容許成績好的學生看吾起或戲弄成績低的, 試過同校長投訴, 但無用, 而且令小兒在班裹更難受.

幸好其他的老師都很好. 我只好告訴小兒, 將來他也會遇到其他難相處的人, 就當小小考驗.

(最可恨小兒今年是小六, 呢位班主任的評語很重要, 現在只好買佢怕 , )

小兒說尊重她是老師的身份, 但看不起她的人格.

Share

Daisy媽咪,

你誤會了，
和老師談當然不會有什麼解決方法,

只是希望老師明白自己孩子的問題,多加包容,明白,就算給老師責罵子女的某些行為時,也只針對孩子的行為,而不是孩子的本身。

至於專家的見解,以我自己眼見的,孩子都很喜歡表達自己的,只是家長沒注意到這些信息,我相信很多社工都會注意到的,那到時自然會有跟進,

其實西方的play theropy都是給孩子在玩樂時說出心中的意見,
很多孩子都會在relax 的環境說出意見。

不用擔心,社工一定做也做過了很多大同小異的case.很有經驗的。

Daisy媽咪

原文章由 chuiiris 於 07-10-17 23:03 硐表
我小朋友也是不喜欢他的班主任, 而經過一年時間觀察下, 我也很討厭這位老師,
因為她多次在班上嘲笑成績較弱的學生, 更說他們是白痴, 也容許成績好的學生看吾起或戲弄成績低的, 試過同校長投訴, 但無用, 而且令小兒 ...

那我比你的情形好一點了, 我都有同個女講, 如果覺得老師 pin point 你, 你更加要做好d, 證明自己係乖既, 我亦每早提佢, 同老師作個秘密比賽, 如果個日冇比老師罰/scold, 佢就win, 我會獎佢sticker, 依家都未知work 唔 work, 因為佢好三分熱度 !

Daisy媽咪

原文章由 Share 於 07-10-17 23:23 硐表
Daisy媽咪,

你誤會了，
和老師談當然不會有什麼解決方法,

只是希望老師明白自己孩子的問題,多加包容,明白,就算給老師責罵子女的某些行為時,也只針對孩子的行為,而不是孩子的本身。

至於專家的見解,以我自己眼見的, ...

share,
我對社工已沒有信心了, 再說, 學校社工已經忙, 依家佢仲讀書同係學校實習做教師, 時間既分配, 我真係有點疑惑 !

我共非小題大做, 因為亞女情緒亦有問題, 起伏很大, 差的時候會哭至失控, 打人, 反鎖自己係房或者toilet, 仲有好多好多....不過我沒有詳細在前文講出來吧 ! 而上學期我亦有同訓導主任傾過, 我問她我個女的情形是好common 定係個別例子, 佢答, 我個女既問題很多小朋友都有, 不過很少會有個女般嚴重, 我問佢有冇suggestion, 佢話會比幾個志願機構個名比我去做d評估, 但等到暑假都冇影 ! 所以至自己搵私人去做評估吧 !

anyway, 好多謝你既意見, 我文筆唔好, 讀書少, 詞不達意, 如有冒犯, 請多見諒 !

qqwong

Daisy媽咪，
我個女又係咁, 開頭返學的數個星期, 日日係度喊, 又唔願返學...後來, 才知原來係其中一科的老師經常責罵學生, 只不過責罵阿女一次, 咁佢就驚到而家, 有見及此, 我經常找她的班主任幫手, 大家合力幫阿女放下陰影, 雖然這幾天好像平伏下來, 不過, 不知何時何日又再情緒不穩囉! 阿女天生膽小, 受不起別人的責罵, 我每天要不停安撫她, 初時連我也影響埋, 搞到我經常發髀氣, 我自責自己為何幫她選了呢間學校, 差點搞到母女關係差左....其實, 我相信時間可以改變一切, 與老師溝通多些, 我也在努力調整阿女的情緒，你也要加油喔！

cwaisum

看來你的小朋友患上情緒病, 又或者受到精神困擾. 冒昧問一句, 你的孩子一直如此, 還是最近才發生? 你的家庭最近有沒有突發事故, 又或你與丈夫的昇關係如何? 你和孩子的關係又如何?

這一切都會影響孩子的情緒, 他們不懂用言語表達, 故此用行為來渲發心中的鬱結. 我建議你可以讓孩子參加團體活動, 教會是一個很好的學習同輩相處的地方, 有些教會甚至有輔導員協助處理家庭問題. 你可以就你居所附近找找.

原文章由 Daisy媽咪 於 07-10-18 08:54 硐表

share,
我對社工已沒有信心了, 再說, 學校社工已經忙, 依家佢仲讀書同係學校實習做教師, 時間既分配, 我真係有點疑惑 !

我共非小題大做, 因為亞女情緒亦有問題, 起伏很大, 差的時候會哭至失控, 打人, 反鎖自己係房 ...

fishmum

Daisy媽咪

其實亞女舊年一年班，班主任都有打電話比我，話有家長投訴我亞女對同學做Ｄ唔應該做嘅嘢.  結果我同亞女傾完, 覺得好似有悟會(當然亞女都有錯,但小朋友邊個無錯呢,錯咗咪教返好囉!) 跟住我拿拿林去學校同佢班主任老師傾... 理論至啱, 因為驚可能班主任有偏見, 我都有打電話比學校嘅社工請佢同亞女傾吓(其實係想有多個人知), 佢都有立即跟進, 大概一星期內搵咗亞女傾計

後來無野啦, 到今日亞女都話仲意呢個老師!

希望你嘅問題快D解決!

原文章由 Daisy媽咪 於 07-10-18 08:54 硐表

share,
我對社工已沒有信心了, 再說, 學校社工已經忙, 依家佢仲讀書同係學校實習做教師, 時間既分配, 我真係有點疑惑 !

我共非小題大做, 因為亞女情緒亦有問題, 起伏很大, 差的時候會哭至失控, 打人, 反鎖自己係房 ...

Share

Daisy mom,
Sorry,遲了回應, 剛看到你的回覆,

其實,你無冒犯我,只是我的孩子也是一個頑童,問題兒童,整天要老師操心,要媽媽擔心,所以我這個媽媽每星期都會和老師談談,溝通,一邊解釋孩子的行為問題給老師聽, 一邊安撫老師,

慶幸幾年來,幾個老師都很明事理,肯接納小兒的缺點,責備他的行為,接納他天真的個性。所以我希望你能多些和老師溝通,真的有幫助的。

另外,不要選擇傳統學校給這些孩子,對孩子而言,他根本無法做到,無法控制自己某些行為。因此,我選了活動教學的學校給我兒子。你也應考慮這種學校給你女兒。

如果你孩子的情緒真的有你形容的那麼嚴重，她已經清楚表達她的痛苦,請立刻帶她看心理醫生（無論多少錢）,找出她的問題,幫幫她,因為這些問題已很嚴重,已不是她能力可應付的。

我兒子的問題是天生的，可見了很多的專家,用了不少＄,可見到他的進步,令我相信＄是用的值得的。

Daisy媽咪

原文章由 Share 於 07-10-19 09:24 硐表
Daisy mom,
Sorry,遲了回應, 剛看到你的回覆,

其實,你無冒犯我,只是我的孩子也是一個頑童,問題兒童,整天要老師操心,要媽媽擔心,所以我這個媽媽每星期都會和老師談談,溝通,一邊解釋孩子的行為問題給老師聽, 一邊安撫 ...

各位,
多謝你們你意見, 亞女既情緒, 我覺得有d係天生, 我倆公婆關係都和諧, 不過只是聚少離多, 因為老公不在香港 ! 再家上有個細佬, 奈何佢又有少許語障, 對我來說每晚放工再照顧他們真係有d壓力同心力絞碎, 不過我會嘗試約老師傾下亞女既問題, 看看有沒有進展吧 !

share,
多謝你既sharing, 有些少問題再想指教, 請check pm !