為孩子升中抓爆頭的媽咪們~請多指教!!

bunnycatcat99

各位媽咪大家好啊!  我係新來的, 請多多指教啊!!

睇左大家好多篇有關升中討論, 真係獲益良多!  小兒都係出年9月升中一啦, 但我呢幾日睇資料睇到抓爆頭囉

囝囝嚮北區讀小學, 嚮網上係咁搵資料, 見佢學校呢幾年都被 [納入] band 1, 升中成績唔錯.  

呢兩日, 係咁睇 [教搜社] 出果套 CD 書, 真係越睇越心煩...

因為呢, 北區唔係冇好中學, 但大部份都係中中, 而我地心儀中學都係嚮大埔 (band 1 頭同中), 咁只好嚮 [自行分配] 同 [統一派位 - 甲部] 時選啦.  

但見大家講過自行分配階段, 除非本身成績好標青, 否則多數都唔得.  我囝囝唔係標青果隻 (五年級下學期平均係B+級, 但佢學校係唔會公佈名次).  到而家又未有家長會, 都未知囝囝自己成績是否入 band 1 喎, 所以我而家做呢份 [升中功課] 都幾惆悵!!!  都唔知係唔係應該 [放棄] 自行分配學位!!!  

不過佢操行都幾好, 連續三年做風紀, 亦有參與校方一d活動例如戲劇之類, 亦有參加義工活動.

如果[甲部] 同佢選晒外區band 1 中學, 係唔係太冒險呢?

我而家對住 [乙部], 真係唔知點選呀!!   因為要我排到30間真唔易, 就算連埋 [他區借調學位], 我好夾硬至排到20間.  點算???  

仲有呀, 都仲未知今年d他區學位有冇變, 同埋唔知同上一屆仲有咩分別!

註: 其實我同囝囝一直傾開, 佢都想入band 1, 但我地亦唔係想入一d一定成績超好嘅學校, 目標係校風好, 而且唔係太傳統嚴格嘅學校 (例如迦密柏雨, check過呢間係非常好但亦相當嚴, 精英制, 我都唔想呢種氣氛會逼到 [弄巧反拙]), 而且我地都係基督徒, 都想盡量入番基督教學校, 但而家睇晒d資料, 就要作出一些犧牲!!

始終唔想囝囝將來果六年讀得唔開心啊!!

請各位媽咪多多分享啊!!  多謝晒!!

[ 本文章最後由 bunnycatcat99 於 07-10-1 17:22 編輯 ]

dabbycheung

原文章由 bunnycatcat99 於 07-10-1 16:34 硐表
各位媽咪大家好啊!  新來的, 請多多指教啊!!

睇左大家好多篇有關升中討論, 真係獲益良多!  小兒都係出年9月升中一啦, 但我呢幾日睇資料睇到抓爆頭囉

囝囝嚮北區讀小學, 嚮網 ...

bunnycatcat99,

你係唔係心儀大埔區既莫壽增呀？莫記好難入，我知曾經有學生全級考頭幾名，但第一輛都唔收(可能面試表現唔好)。所以如果學生成績唔係非常好(全級頭5名)，我覺得你可以考慮大埔區其他無咁受歡迎既英中，例如沐恩。

[ 本文章最後由 dabbycheung 於 07-10-1 17:16 編輯 ]

bunnycatcat99

原文章由 dabbycheung 於 07-10-1 17:10 硐表

bunnycatcat99,

你係唔係心儀大埔區既莫壽增呀？莫記好難入，我知曾經有學生全級考頭幾名，但第一輛都唔收(可能面試表現唔好)。所以如果學生成績唔係非常好(全級頭5名)，我覺得你可以考慮大埔區其他無咁受歡迎既英中，例如沐 ...

謝謝dabbycheung!!  

其實我地目標就係沐恩 , 而暫時甲乙部會咁排 (本區係北區):-

甲:
沐恩
恩主教
莫壽增/王肇枝

乙:
恩主教 (上年度係他區...唔知今年有冇變...)
甲寅年
粉嶺救恩
田家炳
陳融
(註: 仲有王肇枝同羅定邦, 上年都係他區, 但借得來學位當然少, 所以我都唔知排唔排嚮首五志願之中)

我原本想 [自行分配] 時考一次沐恩 (到時都係唸住考一間), 但話時係外區, 都唔知咁樣打算好唔好.

另外, 各位, 以上排位, 係咪太過冒險呢?  

dabbycheung

原文章由 bunnycatcat99 於 07-10-1 17:43 硐表


謝謝dabbycheung!!  

其實我地目標就係沐恩 , 而暫時甲乙部會咁排 (本區係北區):-

甲:
沐恩
恩主教
莫壽增/王肇枝

乙:
恩主教 (上年度係他區...唔知今年有冇變...)
甲寅年
粉嶺救恩
田家炳
...

羅定邦出年？會轉直資，所以我諗應該會無得派位？

甲：莫壽增一定要排第一，排第二已經無乜機會。(三甲排位都O.K.)

乙: 甲寅年同陳融最好排第一同二，因為好難入。(粉嶺救恩同
田家炳唔多清楚？)


你會唔會考慮大埔救恩？呢間雖然係中中，但因為佢屬Band 1成績而且校風好，所以呢間自行時都可以考慮下。

bunnycatcat99

原文章由 dabbycheung 於 07-10-1 18:09 硐表


羅定邦出年？會轉直資，所以我諗應該會無得派位？

甲：莫壽增一定要排第一，排第二已經無乜機會。(三甲排位都O.K.)

乙: 甲寅年同陳融最好排第一同二，因為好難入。(粉嶺救恩同
田家炳唔多清楚？)


你會唔會考慮大埔救恩？呢間雖 ...

羅定邦轉直資 – 好彩你講咋 , 竟然我手頭上套cd冇講!!
多謝你啊!!!

甲: 如果放莫壽增嚮第一位, 沐恩放第二, 咁會唔會減低左入沐恩機會呢?   因為我同囝囝最喜歡都係沐恩啊!

乙: 咁我轉下排位如下:-
陳融/甲寅年 (一/二位)
粉嶺救恩 (有朋友的囡囡讀緊, 都係讚校風好, 唔係死讀書類)
恩主教
田家炳 (睇資料佢地近年成績唔錯, 學生都乖)

至於大埔救恩, 原本都係心儀之一 (最初冇唸過入莫壽增, 因為非心頭好:-| ), 但見佢係中中, 所以有少少考慮 – 不過, 睇番成個北區都冇乜英中, 我都轉左心態, 好的中中都值得選啊, 所以 [自行] 時除左會試沐恩, 你提議都好好 (我原本唸住試沐恩算架啦), 我都會放埋入list.
或者, 嚮甲部亦放佢嚮第三位.

bunnycatcat99

其實我仲有個疑問 - 聽你地講如果派位時個 no. 唔靚就大件事...

其實呢個 no. 會點樣影響到抽獎呢?

個 no. 唔係 random 出嗎?  會同學生 banding 掛鉤?
請指教!!  唔該晒!!:D :D

Goody

有朋友同我講(幾可信)今年唔係random no. 係 ID no. 的某部分 (詳程不知,唔好問我)。

原文章由 bunnycatcat99 於 07-10-1 19:43 硐表
其實我仲有個疑問 - 聽你地講如果派位時個 no. 唔靚就大件事...

其實呢個 no. 會點樣影響到抽獎呢?

個 no. 唔係 random 出嗎?  會同學生 banding 掛鉤?
請指教!!  唔該晒!!:D :D ...

bunnycatcat99

原文章由 Goody 於 07-10-1 19:58 硐表
有朋友同我講(幾可信)今年唔係random no. 係 ID no. 的某部分 (詳程不知,唔好問我)。

喔~咁特別?  

唉...總係覺得而家d細路仔升小學升中學嘅制度, 係抽緊六合彩

我真係怕選得不宜的話, 一陣唔知抽到去第十幾志願就慘...累左囝囝入左間校風唔好嘅學校咁就唔好啦...

bunnycatcat99

囝囝係嚮粉嶺神召會讀架

睇番上兩年學校派位成績, 都有部份學生派到本區, 大埔, 沙田什至九龍區英中.

囝囝自己都好想讀番英中, 佢仲話最好係番基督教學校.  不過, 我都知言之尚早, 因為仲有上下學期兩次呈分試.

希望有多d朋友黎分享下, 教下我呢個傻媽媽啦~.~

el1008

原文章由 bunnycatcat99 於 07-10-1 19:43 硐表
其實我仲有個疑問 - 聽你地講如果派位時個 no. 唔靚就大件事...

其實呢個 no. 會點樣影響到抽獎呢?

個 no. 唔係 random 出嗎?  會同學生 banding 掛鉤?
請指教!!  唔該晒!!:D :D ...

係大抽獎階段,先因應學生成績分3個banding, 跟住以band 1,
band 2, band 3 三個次序來抽籤, 先從band 1 學生中以隨機號碼抽出學生派學校, 等到所有band 1 學生抽哂30個志願後, 先到 band 2, 再到band 3, 如此類推.
所以係填表時有幾點要留意 :
1) 要填哂30個志願, 因為如果你唔填哂嘅話,就等如棄權, 教統局會派哂其他banding 嘅學生先再處理你張form, 到時都唔知剩低d咩學校比你.
2) 唔好張你個區最top嘅學校放哂頭3個志願, 因為最勁嘅學校一定係第1 志願都唔夠位派,點可能係第2志願有位派, 如果你放係頭3個志願就等如放棄2次機會,所頭3間學校嘅水評一定要有距離

ONETHIRD

原文章由 el1008 於 07-10-2 08:54 硐表



係大抽獎階段,先因應學生成績分3個banding, 跟住以band 1,
band 2, band 3 三個次序來抽籤, 先從band 1 學生中以隨機號碼抽出學生派學校, 等到所有band 1 學生抽哂30個志願後, 先到 band 2, 再到band 3, 如此類 ...

去年新機制下白老鼠的媽咪與妳分享一下選校心得：
1) 妳必須要清楚了解「遊戲規則」，就是要親自研究清楚新派位機制。
2) 妳必須要向老師查詢妳的子女是屬哪一個banding？記住是有分「全港」及「本區」兩類。因為有可能是全港屬band 1，本區屬band 2。又或且是全港屬band 2，本區屬band 1。要看該區的學生質素而定。
3)如全港屬band 1，在甲部絕不能選band 2中學，因為派位原則是先派完band 1生的學額才派給band 2生的，故在此部份應全選band 1 中學。如妳在甲部選了band 2中學「買保險」，這樣就一定會分派給妳了。
4)如屬band 2生，在乙部就不要硬選band 1 中學，因為基於以上派位原則，先派完所有本區的band 1 生才派band 2 生，這樣便會派到很後的志願。

bunnycatcat99

原文章由 el1008 於 07-10-2 08:54 硐表



係大抽獎階段,先因應學生成績分3個banding, 跟住以band 1,
band 2, band 3 三個次序來抽籤, 先從band 1 學生中以隨機號碼抽出學生派學校, 等到所有band 1 學生抽哂30個志願後, 先到 band 2, 再到band 3, 如此類 ...

謝謝你的分享!!    又係喎, 假如大吉利是唔選晒30個又抽唔到, 咁就好危險, 會俾機制隨便抽到有位為止....

bunnycatcat99

原文章由 ONETHIRD 於 07-10-2 12:36 硐表


去年新機制下白老鼠的媽咪與妳分享一下選校心得：
1) 妳必須要清楚了解「遊戲規則」，就是要親自研究清楚新派位機制。
2) 妳必須要向老師查詢妳的子女是屬哪一個banding？記住是有分「全港」及「本區」兩類。因為有可能 ...

多謝你分享心得同指導!!  

學校到而家仲未通知囝囝係 band 幾, 同埋一路睇到要11月至有家長會.  唉, 好心急呀...

假如囝囝係 band 1 尾 band 2 頭的話, 咁乙部我可放頭三位係接近/同級的中學.

但他區中學有d都幾好, 但學位自然少好多.  咁我想請教一下, 如果首三志願放一至兩間他區中學, 是否又會減少左佢抽到頭三志願機會呢?  

ONETHIRD

原文章由 bunnycatcat99 於 07-10-2 13:27 硐表


多謝你分享心得同指導!!  

學校到而家仲未通知囝囝係 band 幾, 同埋一路睇到要11月至有家長會.  唉, 好心急呀...

假如囝囝係 band 1 尾 band 2 頭的話, 咁乙部我可放頭三位係接近/同級的中學.

但他 ...

總之，如屬全港BAND 1生，甲部絶不能選BAND 2中學。如果選錯了，給BAND 2中學吸納了，就沒有機會參加乙部的大抽獎了。(因為我仔仔同學的媽咪是在此階段選錯了，結果她的仔仔派了BAND 2中學。)

其實一定要好清晰知道是BAND 1生或是BAND 2生，才可作決定，因為BAND 1生是有優先派位的機會，不讑是BAND 1頭或尾。因為只要是同等組別，機會均等，只是取決於隨機NO.
另，

bunnycatcat99

原文章由 ONETHIRD 於 07-10-2 14:07 硐表


總之，如屬全港BAND 1生，甲部絶不能選BAND 2中學。如果選錯了，給BAND 2中學吸納了，就沒有機會參加乙部的大抽獎了。(因為我仔仔同學的媽咪是在此階段選錯了，結果她的仔仔派了BAND 2中學。)

其實一定要好清晰知道是BAND 1 ...

明白了!

我也聯絡了班主任, 睇下佢可唔可以講到囝囝暫時算係 band 幾.  因為原本話學期初會講架...

唔該晒你啊!!

daisykkqq

唉..........我都好擔心，點解已家讀書會咁 不論幼稚園、小學、中學、課外活動、音樂等等...................還有服務......

原文章由 bunnycatcat99 於 07-10-1 20:32 硐表


喔~咁特別?  

唉...總係覺得而家d細路仔升小學升中學嘅制度, 係抽緊六合彩

我真係怕選得不宜的話, 一陣唔知抽到去第十幾志願就慘...累左囝囝入左間校風唔好嘅學校咁就唔好啦... ...

bunnycatcat99

原文章由 daisykkqq 於 07-10-2 16:25 硐表
唉..........我都好擔心，點解已家讀書會咁 不論幼稚園、小學、中學、課外活動、音樂等等...................還有服務......

係啦!!!    都係教育制度唔好, 又成日轉, 無所適從, 年年總有d新野玩!!!  係玩死d學生同家長呀陰公!!!

louis011410

大家好~
我雖然唔係家長~
我自己係個學生黎~但仍然經理過升中~升高中經歷
講真,,,我依加都讀左十幾年書~
幼稚園,,小學,,中學都係由我媽媽揀
但我一d都唔鐘意~
成日都問點解要揀依間學校??
牙媽答黎答去,,個個都話某某學校好...近屋企...方便丫
講真...牙媽,,即係家長們你地,,,真係好用心良苦
可惜,,,最大要睇既唔係...個d咩band1學校~名校丫
係學校師資...仲有小朋友想揀咩學校
你一心為佢地好,..入左間唔錯學校~
但小朋友唔鐘意~咪又係讀得唔開心
學校揀錯可以去第2間讀~
但會認向小朋友成長過程架~

見到有家長想小朋友係某中學可以完成到中7學位
講真,,,1間就可以令佢成長咩??
轉左學校...又會係差咩??
轉變可以令小朋友學得更加多野~
自問大大話話都轉左4間學校喇~
第1間學校,係我勁唔想入學校~
但偏偏被揀入...冇得同家長講..
之後既野..怕太長...

忠心一句~
如果真係為左小朋友好,,想佢開心
就問下佢意見...
始終係佢讀書..唔係你讀書~
到時佢可能會怪你架..

bunnycatcat99

原文章由 louis011410 於 07-10-2 17:02 硐表
大家好~
我雖然唔係家長~
我自己係個學生黎~但仍然經理過升中~升高中經歷
講真,,,我依加都讀左十幾年書~
幼稚園,,小學,,中學都係由我媽媽揀
但我一d都唔鐘意~
成日都問點解要揀依間學校??
牙媽答黎答去,,個個都話某 ...

謝謝你分享!!  

我都好明白, 因為我都係經歷左呢幾個階段, 升中時係老豆話晒事, 選唔啱合適我嘅中學, 所以我中學果5年都唔開心.

所以, 由舊年開始, 我係同阿仔一齊搵資料, 一齊研究, 亦會帶佢地睇下某幾間比較合適佢嘅中學睇下人地d學生生活同環境.

我而家主力會搵資料, 跟住同仔仔一齊睇, 而佢聽到同學仔或其他人講左某d學校時, 我地都會一齊搵一齊睇d資料.

所以, 我都唔係以我自己為中心去幫佢選, 而係佢都會睇埋資料等等, 聽佢意見, 作初步構思.  因為, 我都想佢第日間學校係佢喜歡嘅, 讀得開心嘅.  

而我知仔仔係唔可以 [死讀書] 果隻, 所以傾向都會搵一d靈活性大d, 多元化d嘅學校, 太傳統果隻就唔多啱佢囉.

我從來都冇一定要佢入 band 1, 係佢自己定立左個目標, 想入間好學校.  我亦同佢講, 只要佢盡左力, 咁就無悔啦!

我亦好同意你所講 , 亦係常同仔仔分析嘅道理之一 - 讀書果個係佢, 佢自己有冇努力, 讀得好唔好, 都係好直接影響到佢入唔入到想入果間中學.  不過做媽咪嘅, 就當然會輔助佢嚮升學上嘅疑難.  而且亦好支持佢咁有目標呢!


我就係擔心我排位排得唔啱會害左佢入一間佢可能會讀得唔開心或唔啱佢嘅中學.  

[ 本文章最後由 bunnycatcat99 於 07-10-2 17:30 編輯 ]

JSCfamily

原文章由 bunnycatcat99 於 07-10-2 17:26 硐表



謝謝你分享!!  

我都好明白, 因為我都係經歷左呢幾個階段, 升中時係老豆話晒事, 選唔啱合適我嘅中學, 所以我中學果5年都唔開心.

所以, 由舊年開始, 我係同阿仔一齊搵資料, 一齊研究, 亦會帶佢 ...

bunnycatcat99,

你好....我係白兔媽! 我已登記成為國民.....有時間大家傾吓!