阿囡一放學就喊, 點算 ?

薳然媽媽

阿囡2歲8個月, 剛剛返左一個月n班, 返學入校門喊左幾日就已適應無喊, 但係日日放學聽到老師用mic叫搭校車既同學仔先離開 & 派書包, 換鞋仔時就開始喊, 仲一邊喊, 一邊同自己講: 唔好喊啦, 未到您呀 (安慰自己), 阿囡好似控制唔到自已d情緒.  點算 ?

老師話阿囡上課三小時完全ok無問題, 但係一放學就焦慮起來.  我覺得阿囡係喜歡返學既, 因為每日都會係屋企講返學校d野出黎, 例如每日食左d咩, 唱學校d歌, 學老師講同學名點名說到, 又祈禱謝謝主等等.

同老師講過會唔會係因為個mic太大聲, 嚇親阿囡, 但老師話上唱遊堂時都係用呢個mic講野, 阿囡無問題喎, 只係知道放學時就焦慮起來.

有無人有類似經驗, 可以指點吓我點做呀 ?

reginefhk

其實會唔會係佢驚其他同學仔走晒剩低佢, 所以焦慮呀?
佢係搭校車定有人接放學? 如有人接, 可否早些到校, 等佢知道一定有人接佢唔會留低佢呀?
又或可否要求老師俾佢排第一, 咁等佢覺得好似可以早 d 返屋企呀?

原文章由 薳然媽媽 於 07-9-11 15:53 硐表
阿囡2歲8個月, 剛剛返左一個月n班, 返學入校門喊左幾日就已適應無喊, 但係日日放學聽到老師用mic叫搭校車既同學仔先離開 & 派書包, 換鞋仔時就開始喊, 仲一邊喊, 一邊同自己講: 唔好喊啦, 未到您呀 (安慰自己), 阿囡 ...