優才(楊殷有娣)書院 - 學校資料

lillymarie

請問優才在品德教育方面怎樣呢? 有無咩奬罰制度? 係咪同其他學校差不多?
我地覺得優才好吸引呢, 但唔知道學校是否重視品德教育, 和用咩方法去教學生?

dabbycheung

你好！

優才係以品格行先，學業成績為次。

有關品德教育方面，之前已有優才家長回答過，內容如下：

ecore:
教導孩子各種正確價值觀，生命教育是其中一項名稱。
GT 採用 MI = multiple intelligences approach，其中包括 intrapersonal & interpersonal intelligences, 人際及內省智能包括教育正確價值觀及對生命的珍惜, 做人方向.......其他智能亦包含這些原素。

GT小學部 教學模式及資料包括很多校本設計的用材、而才華班亦有導師教導內省、人際、心靈智能、EQ..........。

GT中學部 每星期都有 Adolescent growth program, 包括 Adolescent development, sex & love, emotional development, peer choice, self-image & identity, spiritual intelligence, interpersonal relations......；而學生分小組上 mentorship，由老師作 mentor。

中天英：
優才小學每週有一堂德育堂, 我大仔果班由副校長教; 副校長响University of Toronto畢業, 並擁有學生輔導碩士資歷。

平時講D乜唔太清楚, 因為係冇書既, 又唔洗做功課; 不過今日大仔就話, 奧運聖火到佐香港啦, 我問佢點知, 佢話今日德育堂睇電視直播聖火到港。培養吓小朋友既愛國精神都幾好ｏ

dabbycheung:
我自己就覺得優才注重學生既品格，更甚於學生既學業成績。以我所知，優中過往曾經收過一個學業成績一般，但品行欠佳既學生，最後校方要求該位學生自動退學。

另外，優中學生如屢次欠交功課，品行太差等等，校方便會向學生發出Warning Letter. 如學生接獲3封Warning Letter, 該學生便要退學。

dabbycheung

優才有別於其他學校，佢地唔會記學生優點，缺點或大過等。

優才中小學部經常會舉辦一D班際秩序等比賽，小學部勝出果班，會有零食或文具等小禮物以作獎勵。而中學部勝出果班，就可以外出午膳一日。

學生若有品行方面既問題，個別老師既程罰方法亦有唔同，但多數會罰學生做一d班務上既工作。

中天英

優才既教育目標有三個:

    愛心    勤奮     創意

原文章由 dabbycheung 於 08-5-3 09:44 發表
你好！

優才係以品格行先，學業成績為次。

有關品德教育方面，之前已有優才家長回答過，內容如下：

ecore:
教導孩子各種正確價值觀，生命教育是其中一項名稱。
GT 採用 MI = multiple intelligences approach，其中包括 intrape ...

lillymarie

很多謝你們的回應. 你們的回應很重要, 因為我們在考慮是否替小兒報插班.
我們很想知道上課時的秩序如何, 老師授課能否吸引學生的興趣.
不想孩子上課時要像木頭人，一動不動，一句話也不能說， 才令老師相信他是專心, 但又怕秩序太混亂, 反而無法專心. 未知優才的老師在這方面表現如何呢?

另外, 小兒最近說上中文堂好悶, 因為老師說了一大堆話都是那些重點、老師解釋詞語他已學明白等等，稱中文堂是＂發夢堂＂。英文科也是這樣。更不願做功課，說＂超悶＂。連試卷也不想做。這些話令我們頗担心。　
所以，很想問問優才上課時的情況是怎樣的呢？
優才有才華班讓學生發掘潛能，那麼老師在課堂中會否用多元智能方法，　讓學生從不同的方法學習呢？

dabbycheung

我個仔小學時都係讀傳統學校，所以我完全明白你個仔形容上堂時既苦悶情況。

由於我個仔係優中學生，所以我只清楚中學部既上堂情況。至於優小既上堂情況，我只知道優才學生上堂時係有別於傳統學校，而老師既教法亦會比較生動。但至於實際情況，麻煩中天英或者其他優才家長幫忙解答。

Baby媽媽

很多謝您們的回應和支持！感覺實在是好！

忙了好幾天，終於回來了。不知怎的，來到這裏總覺有些親切感。之前一直都是心大心細，不知道哪一間學校才適合女兒，可是，到了現在，幅圖畫清晰多了，待這幾天盡快完成手頭上的工作，便會全情投入，為女兒準備申請轉校的資料。

各位有意為孩子插班的家長們也一起努力吧！

中天英

Hi, lillymarie,

大仔返左優才九個月, 基本上好鐘意返學, 冇聽過話上堂悶, 每日開開心心放學, 返到屋企, 即刻做完功課(半小時左右), 就同弟弟捉棋、打波, 彈吓琴、游吓水; 最近仲每日花好多時間去制作一本漫畫  -  佢想學劃 < 老夫子 >。

據我所知, 優才老師係唔會要求學生好似木頭咁坐响位度聽書既, 師生互動都幾多既。

今個月尾, 學校有<開放課室>計劃, 家長可以入倒課室, 坐响後面, 睇實際上課情況; 到時再同你分享多D我地家長親眼睇倒既上堂情況。

原文章由 lillymarie 於 08-5-4 20:47 發表
很多謝你們的回應. 你們的回應很重要, 因為我們在考慮是否替小兒報插班.
我們很想知道上課時的秩序如何, 老師授課能否吸引學生的興趣.
不想孩子上課時要像木頭人，一動不動，一句話也不能說， 才令老師相信他是專心, 但又 ...

[ 本文章最後由 中天英 於 08-5-6 02:26 編輯 ]

中天英

Hi, Baby媽媽,

令千金而家讀邊間學校？  幾年级？

預祝一切順利, 插班成功。

原文章由 Baby媽媽 於 08-5-6 01:26 發表
很多謝您們的回應和支持！感覺實在是好！

忙了好幾天，終於回來了。不知怎的，來到這裏總覺有些親切感。之前一直都是心大心細，不知道哪一間學校才適合女兒，可是，到了現在，幅圖畫清晰多了，待這幾天盡快完成手頭上的工作， ...

Baby媽媽

女兒今年讀小三，在大埔一間津貼學校(試驗學校)讀書，我欣賞她的教育理念，主張愉快學習，著重思考等，與優才有很多地方相似，甚至校服也有點相像，但是課程及程度與主流平衡，不像優才讀快一點，所以我思前想後，怕女兒現在的程度與優才接不上軌。在另一方面，由於女兒讀實在太輕鬆，恐怕她會不知天高地厚，以為學習不需用功，「唔緊唔緊」就可拿到好成績。不勞而獲的心理要不得呢！

dabbycheung

我地以前都係住大埔，我個仔以前都係讀區內既傳統小學，所以我估到你小朋友依家讀緊邊間小學。但你要有心理準備，大埔區小學同九龍D小學程度真係差少少。不過都衷心祝福你女兒能夠插班成功。

lillymarie

中天英, dabby,
很多謝你們的回應.

Baby媽媽

原文章由 dabbycheung 於 08-5-6 09:03 發表
我地以前都係住大埔，我個仔以前都係讀區內既傳統小學，所以我估到你小朋友依家讀緊邊間小學。但你要有心理準備，大埔區小學同九龍D小學程度真係差少少。不過都衷心祝福你女兒能夠插班成功。 ...

我的確有同感，希望在這個時候能為個女做多一點點以補不足。我對個女都幾有信心佢可以追上，不過能否取得入場券就是未知之數呢！

無論如何，多謝您們的祝福！

edea

原文章由 中天英 於 08-5-6 02:12 發表
Hi, lillymarie,

大仔返左優才九個月, 基本上好鐘意返學, 冇聽過話上堂悶, 每日開開心心放學, 返到屋企, 即刻做完功課(半小時左右), 就同弟弟捉棋、打波, 彈吓琴、游吓水; 最近仲每日花好多時間去制作一本漫畫  -   ...

我個女就晚晚沖涼要同我講故事, 佢自己作左一d老夫子故事, 講完主題就講故事...老夫子點點點, 趙先生又點點點...我諗你個仔同我個女會好岩傾

中天英

edea,

應該會好岩傾, G4開始就有机會同班啦–

原文章由 edea 於 08-5-7 12:58 發表

我個女就晚晚沖涼要同我講故事, 佢自己作左一d老夫子故事, 講完主題就講故事...老夫子點點點, 趙先生又點點點...我諗你個仔同我個女會好岩傾

may999

真的對不起Dabby, 我未有即時回應你的回覆, 是因我近日公司比較忙, 還有我是第一次用BabyKingdom這個網站, 我發了提問後, 又不知在那裡可找回你給我的回覆, 幸好! 我同事已經教我那裡可找到我近期發出的提問及別人給我的回覆.  

我都跟Baby媽咪一樣很欣賞你們這班GT的家長對我們有關於GT的查詢的解答, 我於這裡看了你們的意見, 更令我想我仔仔讀優才-插班08/09 年的小四, 但是又擔心我仔仔的英文水平能否跟上於優才本校的學生, 需然他的英文程度不太差, 在現讀的學校(將軍澳新的津校) 是名列前位, 但肯定不能用流利英語對話.

此外,我內心爭扎了一陣子, 因為我仔仔小一時讀培正小學, 但我本人覺得它的校學方法實在很傳統, 所以左思右想把他轉過來跟表哥讀同一所小學, 希望他能輕鬆愉快地渡過他的小學生涯, 但經過兩年的時間, 我只感受到這裡的校學方法也是很傳統, 而且教法比較死板, 多背誦及抄寫功課, 而且我仔仔時常都說上堂很悶, 他又會故意攪小動作, 所以有時會給老師罰, 所以, 我想他是比較適合在一所活動教學的學校讀書, 而且優才又有直升中學, 但我就是怕這麼短時間又轉校, 怕他不適應, 我仔仔是那種坐不定的小孩, 他是一個聰明仔, 我覺得他轉數很怏, 尢其在數學上, 但他真的很懶惰, 每次叫他溫習, 做功課的時候, 真是很惱氣, 都不知道可如何提高他讀書興趣!
請問你有何高見!

原文章由 dabbycheung 於 08-4-30 11:21 發表
優才學生唔係個個都係資優生，就睇我地呢度班優才仔女，大部份都唔係資優生。

至於資優生有情緒上既問題，我相信唔只響優才至會發生，其他學校一樣會有。而優才資優生既情緒問題，相信情況並不嚴重。

優才既英文同數學比一般 ...

may999

你好, 看到你給lillymarie的回應題給 <開放課室>計劃, 不是優才學生的家長能夠觀課??

原文章由 中天英 於 08-5-6 02:12 發表
Hi, lillymarie,

大仔返左優才九個月, 基本上好鐘意返學, 冇聽過話上堂悶, 每日開開心心放學, 返到屋企, 即刻做完功課(半小時左右), 就同弟弟捉棋、打波, 彈吓琴、游吓水; 最近仲每日花好多時間去制作一本漫畫  -   ...

中天英

應該只開放比優才家長; 如果你好想參加既話, 我唸你最好問吓陳校長得唔得啦。

今年只得G1同G4有觀課。

原文章由 may999 於 08-5-13 18:40 發表
你好, 看到你給lillymarie的回應題給 計劃, 不是優才學生的家長能夠觀課??

dabbycheung

我睇你個仔既情況，佢真係比較適合讀活動教學既學校，所以不妨考慮比佢考插班。

我知道舊年亦有TKO傳統小學既學生，成功插班入左嚟。所以程度果方面，你唔需要太擔心。但萬一英文真係跟唔上，可以出去揾英文補習班幫一幫。

may999

真的!  但你估學校會否對我不好印象, 因為我仔仔之前已經轉個一次校. 這即是我心中的一條刺, 自從離開培正後, 我很少主動告訴別人, 除了我的很好朋友,  因為他們都覺得我很傻, 轉校2年後, 我和我老公都覺得對仔仔沒有什麼改善, 現在, 我仍是為分數做人, 想他考得好成績, 仍是每天放學後到補習社2 小時, 逄星期六, 星期日要迫他溫習1.5-2小時, 這1.5-2小時真是很難過. 我真希望仔仔能像家姐, 我大女於培正畢業, 不能直升培中, 因成績是尾尾的, 最後幸好她能 升讀播道, 她讀播道後, 好像整個人都變了, 變得乖了, 變得主動又有自信, 現在成績名列前位, 所以我覺得直資活動教學的
學校較好.

原文章由 dabbycheung 於 08-5-14 09:43 發表
我睇你個仔既情況，佢真係比較適合讀活動教學既學校，所以不妨考慮比佢考插班。

我知道舊年亦有TKO傳統小學既學生，成功插班入左嚟。所以程度果方面，你唔需要太擔心。但萬一英文真係跟唔上，可以出去揾英文補習班幫一幫。 ...