優才08小一家長會

中天英

原文章由 AFSL2007 於 07-8-11 20:08 發表
Hi YINYINMUM,

我現居所在41校網，老公曾非常心儀其中一間著名男小學，覺得較有保証，但我却心儀優才，曾為此吵了一場從沒如此的大架！最後，因優才在我們大抽獎前已收了囝囝，加上他也在朋友的口中確 ...

Hi, AFSL,
妳妳好
原來妳同老公炒咁大鑊先爭取到妳既小朋友入優才, 佩服。

我唸呢Ｄ又係傳統名校同新興直資之爭, 相信全港有唔少家庭处境同妳一樣、

我以前一直以為D男仕比較鍾意新興直資既活動教學, 而D女仕會傾向傳統名校既循規蹈矩﹔但係BK呢度見到, 又似乎唔係喎。

中天英

原文章由 hui1206 於 07-8-11 20:15 發表

1.論一個小朋友嘅前景,基本上最終都係入大學,然後出社會做事,我同我老公認為,就算優才無會考成積support,改三三四後,係優才讀同係名中讀,入大學的機會肯定唔會差得過名中,呢様係我囝囝讀左優才一 ...

絕對同意，

風水佬呃你十年八年, 優才就唔洗咁奈, 3、4年後就有頭一批中學畢業生啦。

AFSL2007

Hi 中天英，

其實我對傳統名校並沒有反感，我自己也算是在這類學校畢業，知道其優點與不足之處。只是小兒已在活動教學的環境成長了三年，加上小兒的好動性格，實在不想冒險。當然如果當初沒有心儀的直資取錄，也可會嘗試投向傳統名校，因也有直資只有理念，却沒有成功實踐。

AFSL

原文章由 中天英 於 07-8-11 22:14 發表

Hi, AFSL,
妳妳好
原來妳同老公炒咁大鑊先爭取到妳既小朋友入優才, 佩服。

我唸呢Ｄ又係傳統名校同新興直資之爭, 相信全港有唔少家庭处境同妳一樣、

我以前一直以為D男仕比較鍾意新興直資既活動 ...

AFSL2007

我絕對相信，所以收到優才取錄信，我已沒有再申請其他學校了，之前寄出的申請，收到面試通知，也打電話通知學校放棄面見。

AFSL

原文章由 hui1206 於 07-8-11 23:22 發表

你囝囝個性好動的話,優才就真係幾合適啦

中天英

原文章由 YINYINMUM 於 07-8-11 11:13 發表
好多謝各位回應. 我同老公fight係因為佢無時間去了解'優才',只要我的理據係比選德信好,亦應較適合阿仔, 他也不會偏心的.
但現在我要衡破的問題是, 是否真的直得(論前景時,我的意志都會變得柔弱起來):
1. 取遠 ...

Hi, YINYINMUM,

1)  我覺得就近返學係好既, 最好行路就到, 坐車既話, 就唔好超過半个鍾頭啦，
2)  直資學校係政府欏到既資助同津貼學校係一樣既， 但直資再收學費, 等如可以用既資源($$$)會比津校多。你比錢而直接令到你既小朋友得到多Ｄ資源, 好似係優才既小班教學咁, 值唔值得就見仁見智喎。 假如經濟上負担得起既話, 我唸多數父母都會咁做，
3) 讀唔讀名校呢个問題, 爭議就好大囉, 我唸唔係三言兩話可以講清楚既，而且每个人都有唔同睇法, 直係好睇家長既个人取向同理你既小朋交既性格喎。
4) 我唸你話傳統學生勝過活動教學係指公開考試成積, 係唔係？呢點係有可能既, 傳統名校傾向單向教育, 以背書為主, 的確係可以係短時間內令D學生識好多野既, 咁去考會考啊, 高考啊咁, 係可以考到好好成積既。
但係咁唔代表佢到勝過話動教學出離既學生既， 因為呢D公開試只係一个超級記憶遊戲, 係唔代表學生既思考能力有幾高既。
你唸吓當年果班九優、十優"狀元", 而家邊果仲有人知道佢做緊乜野。
我唸而家係香港學術界最有成就既有兩个人, 一个係港大校長徐立之, 佢係國際遺傳學權威, 另一个係丘成桐, 佢係數學界語貝爾獎"Fields Medal"既得主。佢地兩个會考都冇九優、十優既, 但成就好大。
5 ) 優才收生係唔理小朋友係咪資優既， 亦唔要求做IQ Test。
學校認為每个小朋友都有獨特既野, 可能係語言強, 亦可能運動勁, 音樂醒,  數學強, 美術好、等等。
當然如果學校發現小朋友係某一方面有特長, 學校係會加以哉培既。

beesbees

中天英,
很同意你的講法.

我比較重視培養小朋友的自發學習態度. 我期望他們能在廣博的知識領域裡自由的翱翔, 自信地探索, 瘋狂地想像...... 而不要淹沒在沒完沒了的功課測驗考試的深淵中. 世界的發展和變化遠比我們的計劃快, 真的不能陝隘地過度重視會考成績, 它不是成功的唯一籌碼, 一直以來也不是. (不過我公司個老闆覺得我理論多多不切實際, 叫我正路些, 唔好冒險!)

YINYINMUM

真係好多謝你地都比到我相當寶貴的分析同經驗. 好欣賞你地都都對優才/活動教學的一份堅持, 估唔到我係呢度會上咗一堂課. 原來唔單只優才吸引, 就連優才家長都好熱心,互勵互勉,
其實我身邊都好多好似beesbees老板咁,潑我冷水, 係呢度我有翻d溫暖啦......

中天英

原文章由 hui1206 於 07-8-12 00:32 發表

我絕對同意你的講法,我比較傾向小朋友均衡發展,唔想側重某方面

Hui1206,

" 均衡發展 "  係好緊 耍既！！

呢个唔係理論呢既, 我想分享一个成功既例子。

我唸你地都會聽過 " 楊振寧 " 既, 佢係第一个囉到諾貝爾獎既華人， 成就相當大。

佢細个果時, 已經係數學方面, 出現早慧現象。 佢既父親係美国芝加哥大學數學博士, 當時係清華大學做數學教授。咁既情況 , 順理成章, 數學教授既父親應該會催谷佢數學啦，

但係佢父親冇咁做, 反而搵人教佢 " 孟子 "呢。

楊教授曾經講過, 佢父親冇催谷佢數學, 反而要佢學 " 孟子 ", 係令佢终身受用既事情，

以上出自 江才建所著 - " 楊振寧傳 "

中天英

原文章由 hui1206 於 07-8-11 23:22 發表

你囝囝個性好動的話,優才就真係幾合適啦

我個細仔就眞係十分好動, 成日跳跳扎, 好少會停落離既, 我唸優才眞係好適合佢。

唔知上天會唔會照顧佢呢？

仲有2個禮拜, 等到頸都長囉。

中天英

原文章由 YINYINMUM 於 07-8-12 12:09 發表
真係好多謝你地都比到我相當寶貴的分析同經驗. 好欣賞你地都都對優才/活動教學的一份堅持, 估唔到我係呢度會上咗一堂課. 原來唔單只優才吸引, 就連優才家長都好熱心,互勵互勉,
其實我身邊都好多好似bee ...

YINYINMUM,

希望妳多D上離, 一齊傾吓偈ｏ

維尼媽

原文章由 beesbees 於 07-8-12 01:55 發表
中天英,
很同意你的講法.

我比較重視培養小朋友的自發學習態度. 我期望他們能在廣博的知識領域裡自由的翱翔, 自信地探索, 瘋狂地想像...... 而不要淹沒在沒完沒了的功課測驗考試的深淵中. 世界的發展和變化 ...

你講中我心事，我都係咁諗！
不過，我就曾經自己潑自己冷水，為何十優狀元總來自名校，老公話，因為成個考試機制唔係考你識幾多嘢，係考你識唔識考試技巧，識唔識玩考試遊戲；名校訓練到學生係呢方面好叻囉。
我為此撫心自問，是否想囝囝在知識世界裏自由的翱翔，自信地探索，瘋狂地想像.....(唔好意思，抄咗你金句！)咁我就好決絕地將他隔離傳統學校！
另外，我囝囝好動，坐唔定啦！又倒蛋啦！又鍾意吹水啦！又唔識字啦！睇嚟優才係適合佢，我怕傳統學校會要我每三日見班主任，每五日就見主任，半年唔夠就要見三次校長囉！