荃灣區band 3生如何選校?

rclamlam

原文章由 Mrssslui 於 07-7-12 14:53 發表
播道 / 優才 呢d係收哪個band?

優才主要收band 1, 都有少部份係band 2.

播道大部份都係band 2.

chanms

中聖校風okay，不會太壞，始終係直資要交學費，所以家庭背境不會太過複雜，學生操行較一般band3好。
建議：先參加統一派位，不滿意結果時，可以叩門中聖。要keep住操行，太差就唔收。

丸媽媽

多謝大家提供意見,已經抄底晒! 其實間學校牌頭係band2 or 3基本上我唔太介意 (亦冇資格介意) 但作為家長,都要盡責任幫佢搵一間校風好學校,嚴d仲好! 正如我成日對個仔講,讀書成績唔好可以努力追,但人品差左就好難改!

[ 本文章最後由 丸媽媽 於 07-7-14 02:52 編輯 ]

a961115

原文章由 丸媽媽 於 07-7-14 02:50 發表
多謝大家提供意見,已經抄底晒! 其實間學校牌頭係band2 or 3基本上我唔太介意 (亦冇資格介意) 但作為家長,都要盡責任幫佢搵一間校風好學校,嚴d仲好! 正如我成日對個仔講,讀書成績唔好可以努力追,但人品差左 ...

丸媽媽, 妳完全講出我的心聲

chanms

其實也可以留意band2的直資學校。
當填電腦派位時，不妨擺前些少。
因為在部份直資學校也參予中央派位，一般家長都不會擺它們在前頭，一來要交學費，而來人望高處。

要交學費的學校，大部份家長會較關注學生，所以校風會比免費band3好。

NancyFelix

我住林百欣同胡漢輝附近, 如果band 3生, 林百欣真係揀得過. 佢係band 2尾.  不過聽林百欣的家長講, 佢地今年換左校長, 有意提升學校成績, 所以今年學校嚴左好多.  小兒鄰班一個band 2同學, 派位去左胡漢輝, 想叩林百欣門, 連表都唔派比佢(佢要求全部c或以上), 因為佢有一科唔合格.  校風方面, 係真係改善左.

不過校風方面,胡漢輝的改變比較大d, 因為佢以前係職業學校(早幾年換左校長兼轉為文法中學), 校風差到要有警車駐守門外(當年我還未開始奏仔放學, 無經過嗰到, 無親眼見到, 但是幾個仔同學的家長都係咁話).  而呢幾年親眼見的, 係由打交到食煙講粗口到宜家見唔到有.  上學時間有老師在周圍的快餐店及M記巡視, 提醒同學夠鐘返學.  眼見師生關係都算唔錯.  不過學生質數有限, 學校的成績當然無林記好, 而且高中開的科目唔係好齊.

另外可試下姚連生. 呢間成績方面比林記好, 不過位置近公共屋村, 環境比較雜.  而林記及胡記呢邊全部都係學校區及私人屋村, 環境比較清靜簡單.

希望幫到你.

[ 本文章最後由 NancyFelix 於 07-7-14 13:08 編輯 ]

丸媽媽

a961115,

大家繼續努力啦!

係呢~可否分享關於你囡囡情況? 因為覺得你同我好同聲同氣,相信一定可以互相打氣

a961115

原文章由 丸媽媽 於 07-7-15 01:00 發表
a961115,

大家繼續努力啦!

係呢~可否分享關於你囡囡情況? 因為覺得你同我好同聲同氣,相信一定可以互相打氣

丸媽媽, 囡囡情況和妳囝囝一樣,
成績屬下下, 亦沒有專長, 操行B至B+
平時, 我已經用很多方法幫佢, 但依然沒有起色,
第一次呈分試衰咗啦, 我已經打定輸數讀BAND3學校,
只希望入到校風好, 唔好學壞便謝天謝地.
現在, 我有鼓勵做她做義工, 讓她見識多些, 培養良好品格.
我常和她講: 讀書唔好唔緊要, 但一定要做有良知的人.
我們互勉之!!

motherlau

Hi,  me too.
我囝囝D成績勁差,補習冇用,自己教好D,都努力緊留意Band 3 school, 不過我 KLN City Net, 但見個 topic 好有共鳴,所以來打氣.

[ 本文章最後由 motherlau 於 07-7-15 11:12 編輯 ]

丸媽媽

a961115,
果然同我囝囝一模樣 補習完全冇用,有人迫仲pair多幾錢重,佢唔願補時人地更加唔願收佢呢d學生,曾經畀一間補習中心老師話,跟佢一個慘過跟十個:-x 所以讀書點都係要靠佢自己明白讀書重要,所以近呢兩年,我除左繼續不斷鼓勵佢,大方向係想佢首先改好唔係成績而係態度,始終佢成績差左咁多年,再加上本身有學習困難(ADHD),好早已經有少少半棄權狀態,反而呢年幾我放手多左,佢自己會著緊番少少,但同標準態度/表現仍然好大距離,不過我一定要佢明白,無論成績點差都唔可以放棄 :)

義工我都有同囝囝一齊做,佢仲好落力添! 其實佢除左學校既課業興趣不大,對周圍環境,社會時事樣樣都好留意,結果佢成日對我講,考常識時事題佢識晒,不過唔識寫

丸媽媽

各位,
又想起多一樣請教...

我上中學概覽了解每間學校時,都會睇埋F1-F3班數同F4-F5同唔同,有d學校一樣,有d就少左一班,所以我會同時擔心埋讀完頭三年升唔到中四果陣又係頭痕 你地對我呢個想法有冇咩指引?:-|

rclamlam

原文章由 丸媽媽 於 07-7-16 02:26 發表
各位,
又想起多一樣請教...

我上中學概覽了解每間學校時,都會睇埋F1-F3班數同F4-F5同唔同,有d學校一樣,有d就少左一班,所以我會同時擔心埋讀完頭三年升唔到中四果陣又係頭痕 你地對我呢個想法有冇咩指引?:-|

丸媽媽,

去年開始係334學制, 所以你宜家看每間中學中四既學科係同將來唔同架, 到中四時每間學校選有既科目都好唔同, 暫時都未有學校可以確定將來開辦咩科目, 到時你都要留意.

RT

原文章由 丸媽媽 於 07-7-16 02:26 發表
各位,
又想起多一樣請教...

我上中學概覽了解每間學校時,都會睇埋F1-F3班數同F4-F5同唔同,有d學校一樣,有d就少左一班,所以我會同時擔心埋讀完頭三年升唔到中四果陣又係頭痕 你地對我呢個想法有冇咩指引?:-|

係, 雖然依家轉左334學制, 但亦唔代表學生可以直升, 有部份學校為要公開試成績理想, 都有可能係初中升高中時踢走一的成績冇咁好既學生....

波子

原文章由 丸媽媽 於 07-7-14 02:50 發表 但作為家長,都要盡責任幫佢搵一間校風好學校,嚴d仲好! 正如我成日對個仔講,讀書成績唔好可以努力追,但人品差左 ...

講得十分對!
荃灣聖方濟幾好, 係 BAND 2, 我家姐兩個仔讀緊.

[ 本文章最後由 波子 於 07-7-16 12:23 編輯 ]

丸媽媽

唔該晒2R (rclamlam & RT) 你地那份熱心,實在令我覺得好溫暖

波子,
聖芳濟我都好鐘意,因為呢區住咁耐,見佢地d學生款都算幾乖仔,暫時我亦打算為阿仔首選呢間,不過自行果part就真係好閔,佢張咁既成績表,畀邊個見到都唔多開胃,唯有希望佢有運仔大抽獎時抽中:(

[ 本文章最後由 丸媽媽 於 07-7-16 12:59 編輯 ]

timmysum

丸媽媽

原文章由 timmysum 於 07-7-16 12:57 發表

好面善喎

timmysum

原文章由 丸媽媽 於 07-7-16 13:01 發表

好面善喎

大抽獎靠彩數，GOOD LUCK 喇:loveliness:

a961115

原文章由 丸媽媽 於 07-7-16 12:55 發表
唔該晒2R (rclamlam & RT) 你地那份熱心,實在令我覺得好溫暖

波子,
聖芳濟我都好鐘意,因為呢區住咁耐,見佢地d學生款都算幾乖仔,暫時我亦打算為阿仔首選呢間,不過自行果part就真係好閔,佢張咁既成績表 ...

丸媽媽, 大抽獎唔係都要睇banding咩?如果band3去排band2
學校, 會唔會太過進取?

a961115

原文章由 NancyFelix 於 07-7-14 13:06 發表
我住林百欣同胡漢輝附近, 如果band 3生, 林百欣真係揀得過. 佢係band 2尾.  不過聽林百欣的家長講, 佢地今年換左校長, 有意提升學校成績, 所以今年學校嚴左好多.  小兒鄰班一個band 2同學, 派位去左胡漢輝, 想叩 ...

NancyFelix, thank you for your information:)