培正家長 Chatroom

saiyeest

其實想入培幼讀書都不是件容易的事, 都好大競爭。當初我都覺自己好幸運阿仔可以考入培幼，開心到不得了。

原文章由 KathyKwong 於 08-5-22 15:44 發表


學費貴了, 都可考慮其他學校. 不過在培正成長的小朋友都對這所學校有特別的歸屬感, 我的甥女說將來有兒女, 定要送回培正讀書.

Lulu0820

KathyKwong,

多謝你既回覆!我同小蕎媽既諗法一樣....都係希望小朋友唔洗咁辛苦,自己亦賴,唔想咁大壓力,因為自己個囡唔突出,培小既課程亦深左好多....照睇比盡我囡都係band2生,又無物特異功能,咁如果轉直資可以收返晒培小d學生,真係情願辛苦d都照供!

我地一年級既人數已經減至30人一班,當時校長話就係為左轉直資做準備,所以真係希望唔洗捱呈分試個關!

不過,我亦識一個今年小三既家長,就係因為覺得自己個小朋友會升唔返培中,所以同個小朋友轉左校....

Lulu

原文章由 KathyKwong 於 08-5-22 11:33 發表


lulu,

我的兒子都是今年的小六生.  之前曾有報導於2008年會有決定培中是否轉做直資學校, 但學費將會很貴.

彥彥媽咪

我想我可以將我知同想既又拎出黎傾下:

1) 今年開始係 extend 到 12 年免費教育, 但呢個係指阿公津貼的學校而定, 依家培中 F4 既學生係可以享受, 但咁係因為培中仲係津貼中學

2) 若一旦培中轉為直資, 就唔會有 6 年 (依家係 3, 3, 4, 即係六年中學) 免費呢回事, 因為直資既其中一個"特色"係, 你要有收生自由度, 學生就要俾學費, 要唔俾錢, 就要由阿公分派學位.

3) 我睇到既係, 培中若要轉直資只有一個原因, 就係要同小學結龍, 因為要結龍, 中小學既辦學模式一定要一樣, 即係小學都要由"私立" 變成"直資"先得, 不過由於依家小學私立都係要俾錢, 第日 even 轉直資都係要俾錢的了, 分別只係在於會俾幾多而已, 我個人估就唔會差好遠, 分分鐘仲會平d, 因為依家私立學校係 fully self-subsidized, 阿公冇 subsidy 先收 $2500, 有阿公幫補 I guess 可以平d , or even 唔平d , 亦可以用多左既錢改善教學質素

4) 但要符合結龍條件, 在於中學一定要全數收回所有小學生, 並另有不少於 10% 既學額比外來生, in this case, 雖然培中同培小結龍既呼聲好高, 但我仍有既 worry 係:

a) 培中是否滿意依家培小生既質素? 若小學既質素係參差既, 咁佢地唔會願意結, 以避開拖低中學本身既 banding (早前有聖馬可中學, band 1 英中, 同佢小學結左龍唔夠兩年就脫龍就知), 但當然, 以培正一向兼承 "16 年全人教育" 既精神, 我有理由相信佢唔會因為小學生唔得就唔結龍, 反而只會諗點樣提升小學生既質素以達到中學部既要求

b) 但亦因為咁, 我睇到既係, 若結龍, 又要維持水平, 壓力只係由 P6 升 F1, spread out去左小學個 6 年而已, 依家因為有 P5, P6 呈分試, 所謂"唔得"既學校自會因為呢個試而"西"走, 咁佢地培中可以確保只收最多既 Band 1 + top band 2 生.  但一旦結龍, 即係好與壞都要收, 又唔可以有個呈分試去係 P6 樹西走d 人既話, 就會變成每年都要西走一d "唔合要求"既學生, 先可以確保到上 F1 個班學生既質素.  因此, 我個人唔認為結左龍之後既壓力會少得過未結龍, 只係唔係集中一兩年咁壓落黎 (依家係 start from P4+), 而係 throughout 6 years 都唔可以鬆懈.

5) 我一直既睇法係: 學校為求保持一定既水準而保其名聲係無可厚非既事, 但問題係在於, 要保傳統 (直升 16 年的教育) 同保質素某程度上係有一定既 conflict of interest, 因此, 我相信學校內部既 debate 亦會考慮呢點, 除非轉做直資而不結龍就可以確保到中學收生既質素, 但我又睇唔到點解轉得直資都唔行埋結龍個步, 因為轉直資又要收學費, 唔係個個家長願意付, 願意付既亦會相對對學校要求會多左, 此乃人之常情, 因此, 另一個可行既方法係, 何不就保住依家津中呢個名號, 既可利用 P5/P6 呢個呈分試同band 1 自行收生制度先收哂培小既 band 1 生及外來既尖子, 剩番既先響 2nd round 去收d 都唔係差既 band 2 頭學生唔係更有效咩..??

6) 我有理由相信培中一直遲遲未公佈是否結龍 (I remember 2009 係要 confirm 既死線) 係依家仲有 concern 未 solve 到, 再者, 轉直資之後, 學費多少亦係一個好大既因素去留學生, 先撇開培小學生對學校有感情唔願走呢個因素 (家長當然都會考慮小朋友既意願), 但若真係講緊要收成 $4xxx (I guess) 一個月既話, 咁又係唔係人人都會願意留低呢…? 在我, 我一向唔係著眼在 $$ 呢個問題, 而係若培中真係要收得太高學費的話, 就難免會令人將佢同 other similar ranking 既學校比較, 若人地講緊又係 $4xxx, 但成績各樣都出眾, 又或大家差不多質素, 但人家係津貼 or 收較低學費的話, 咁係唔係又係會令人有另一d 考慮呢…? 培中無疑係一所辦得極出色既中中, 但其實佢要令喜愛佢既人繼續支持佢, 佢都有相當多既野要做, 又或者咁講, 見有家長提及學校唔會幫學生寫 reference letter 去考出面既中學 (if 派唔番), 咁又難免令我會諗 : 我讀得到既就有人”睇”, 讀唔到既就要自生自滅了, 若我知我阿仔會係 band 2 既話, 即係第日考唔番培中學校都唔會點幫我的話, 我係唔係依家就要謀定後路呢..?

我諗野可能太多太長遠, 大家莫見笑,   , 我都希望我係過慮而已, :    但好多野依家先部署左, 將來唔發生我唔會唔開心, 反而慶幸, 相反, 依家我太 ”大安旨意”, 只怕將來一日陰溝裡翻船, 我會恨錯難返了.

因此, 我依家都係個句："走著瞧" , 要睇下學校開乜牌先可以諗到下一步點行.

:




[ 本文章最後由 彥彥媽咪 於 08-5-22 16:46 編輯 ]

dorame

彥彥媽,
唔該哂呀!想再問吓有無參加過培幼四天的[閱讀創,玩,做]班呀和升小一的英文班(都係培幼的,不是教育中心辦的)？好唔好呀？？？

明天deadline報名,有無媽咪可快d答到我呢? please....

彥彥媽咪

dorame:

彥彥媽,
唔該哂呀!想再問吓有無參加過培幼四天的[閱讀創,玩,做]班呀和升小一的英文班(都係培幼的,不是教育中心辦的)？好唔好呀？？？
==> 首先, 培幼, 培小自己係冇搞活動的, (得一個暑期聖經班就好似係), 所有依家你見呢d活動都係 outsource 合作的, 依家你講呢個 [閱讀創,玩,做] 係 "家庭基建" 搞架嘛...我中彥 (K2) 上年都有參加, 今年我都有報, 原因同我之前講話培教個ｄ一樣, 見近近地, 又唔係貴, 時間又夾到就去下囉...好唔好就真係好一般, 一般小朋友唱遊下咁啦, 我唔覺有乜特別, 就是如此.

升小一的英文班
==> 呢個我地無上過, 唔敢亂講, 不過我一向上英文都唔旨意培小搞個d 的, 小一個時上過一個放學後搞既, 麻麻, 所以今年都外出了. 你可以試下, 番黎比番 feedback 我地丫...:

小蕎媽媽

補充小小在學費方面我的睇法，而家都$2500 一個月，每年加d咁，唔駛中一可能已經成$4,000了。

原文章由 彥彥媽咪 於 08-5-22 16:29 發表
我想我可以將我知同想既又拎出黎傾下:

1) 今年開始係 extend 到 12 年免費教育, 但呢個係指阿公津貼的學校而定, 依家培中 F4 既學生係可以享受, 但咁係因為培中仲係津貼中學

2) 若一旦培中轉為直資, 就唔會有 6 年 ...

KathyKwong

原文章由 小蕎媽媽 於 08-5-22 16:49 發表
補充小小在學費方面我的睇法，而家都$2500 一個月，每年加d咁，唔駛中一可能已經成$4,000了。

有個問題一直都未能清楚, 現在培中仍未宣佈轉做直資學校, 那麼如果在2009年轉成的話, 現在的培中學生要交學費或是政府繼續津貼直到畢業.

saiyeest

不用, 據我知係按年度計。若2009年後的先是直資。2008年前是津貼。但插班生可能要交學費。好像英華書院一樣。

原文章由 KathyKwong 於 08-5-22 20:01 發表


有個問題一直都未能清楚, 現在培中仍未宣佈轉做直資學校, 那麼如果在2009年轉成的話, 現在的培中學生要交學費或是政府繼續津貼直到畢業.

彥彥媽咪

小 q ma:

補充小小在學費方面我的睇法，而家都$2500 一個月，每年加d咁，唔駛中一可能已經成$4,000了。
==> 呢d 我又會有另一個可能性, 就係若轉成直資既話, 學校會有阿公既資助, 反而依家佢係私立, 冇任何阿公補貼先係 $2500, 若將來因為直資, 按收生人數收取政府津貼既話, 反而應會對學費加價有一定舒緩作用.  依家只係估緊培中會收幾錢而已.   so far 以英華小學依家行直資可以只收 $17xx 黎計, 培小學費應唔會太高.

[ 本文章最後由 彥彥媽咪 於 08-5-22 21:55 編輯 ]

小蕎媽媽

yin ma:

if it's true, it will be very good wor.

原文章由 彥彥媽咪 於 08-5-22 21:52 發表
小 q ma:

補充小小在學費方面我的睇法，而家都$2500 一個月，每年加d咁，唔駛中一可能已經成$4,000了。
==> 呢d 我又會有另一個可能性, 就係若轉成直資既話, 學校會有阿公既資助, 反而依家佢係私立, 冇任何阿公補貼先係 $ ...

KathyKwong

原文章由 saiyeest 於 08-5-22 20:38 發表
不用, 據我知係按年度計。若2009年後的先是直資。2008年前是津貼。但插班生可能要交學費。好像英華書院一樣。

Saiyeest,

明白了. 謝謝你的資料.

dorame

yin ma,

you are very nice.  thanks such much for your information provided. ENDS.

原文章由 彥彥媽咪 於 08-5-22 16:44 發表
dorame:

彥彥媽,
唔該哂呀!想再問吓有無參加過培幼四天的[閱讀創,玩,做]班呀和升小一的英文班(都係培幼的,不是教育中心辦的)？好唔好呀？？？
==> 首先, 培幼, 培小自己係冇搞活動的, (得一個暑期聖經班就好似係), 所有依家 ...

奀奀豬0702

各位好,
請問小學d學費有冇得申請津貼?謝謝!

彥彥媽咪

奀奀豬0702

請問小學d學費有冇得申請津貼?謝謝!
==> 學校本身係冇任何津貼的, 除非你係公務員, 佢地會有子女教育津貼 (所以多數會選私立小學), 但你可以同政府申請學生書簿及車船津貼 (視家庭收入而定)

奀奀豬0702

原文章由 彥彥媽咪 於 08-6-2 09:29 發表
奀奀豬0702

請問小學d學費有冇得申請津貼?謝謝!
==> 學校本身係冇任何津貼的, 除非你係公務員, 佢地會有子女教育津貼 (所以多數會選私立小學), 但你可以同政府申請學生書簿及車船津貼 (視家庭收入而定)

...

謝謝你~本來想搵一間直升小學的幼稚園, 見培正幾好, 幼稚園就有學卷都叫做負擔倒, 但上到小學就冇能力la~

彥彥媽咪

奀奀豬0702

謝謝你~本來想搵一間直升小學的幼稚園, 見培正幾好, 幼稚園就有學卷都叫做負擔倒, 但上到小學就冇能力la~

==> 明白, 每個家庭的 budget 都唔同, 但我想補充埋, 若你想揾一間"可以直升小學的幼稚園" , 咁呢間小學一定會係私立小學, 即係要付學費, 因為只有私立小學先可以有權收佢自己幼稚園既學生, 否則, 就係要跟政府派位 (官津小學) , 呢d 就可以有 12 年免費教育.

奀奀豬0702

原文章由 彥彥媽咪 於 08-6-3 11:20 發表
奀奀豬0702

謝謝你~本來想搵一間直升小學的幼稚園, 見培正幾好, 幼稚園就有學卷都叫做負擔倒, 但上到小學就冇能力la~

==> 明白, 每個家庭的 budget 都唔同, 但我想補充埋, 若你想揾一間"可以直升小學的幼稚園" ,  ...

原來係甘~真係唔該晒~我都會比亞仔去試吓考培正幼稚園先, 如果甘好彩收的話, 上到小學我都可以去做吓part-time搵返亞仔d學費