到底阿仔係姿優定係有過度活躍証?

silvia_ng

看到此處有很多家長都一起數算著自己小朋友的"百厭，頑皮，反叛，倒蛋和聰敏，優點"，實在有感而發。因此亦想分享一下我的感覺及經歷。

我亦是"等待救援中"的其中一位家長。我被兒子的行為舉止所影響，產生了多種懷疑︰過度活躍? 亞氏保加? 資優? 專注力缺乏? 又或是其他?

先說過度活躍︰我個人覺得這個terms近年確實是被濫用了。小朋友天真活潑是必然的! 特別是男孩子，他們大部分都得了"先天性pat pat發育不健全症" 及 "pat pat 抗衡地心吸力特異功能"。我係小朋友3歲前教就用鬧 + 打為主，而我係朋友圈中所認為既惡死師奶，家中兩件化骨龍往往都會係我既淫威之下屈服(其實我老公都好鬼惡，係我地呢個家庭既小朋友真慘)。家下小兒快5歲，已經好多時唔洗打，不過係要不停提點做嫦娥。真係佢唔煩時我都厭。我惡還惡，但係個衰仔(仔，sorry媽咪要咁叫你，你有時真係激到我死死下)唔夠一陣又再做同一件錯事.....跳上跳落，咬野，郁身郁勢，學校坐唔定，做埋哂d危險做作......多不勝數。不過，每一次佢比人投訴，我做呀媽既都會自責一番︰係咪我冇教佢? 講漏左? 用錯方法? 之後先話佢。而我亦同左仔仔約法三章，佢係學校比老師罰完，要話比媽咪知。不過媽咪唔會鬧佢，因為老師已經鬧左。除非之前老師鬧過而佢又再犯，先會再鬧。好可惜，佢每次返黎講既 / 比老師投訴既，都係獲獲新鮮獲獲甘......唉....

亞氏保加︰一個偶然既機會，同仔仔學校既一位家長傾開計，講開仔仔d衰野。點知原來佢係一個職業治療師，專教呢種同埋自閉既小朋友。佢話我知，我仔仔講野唔望人，平時冇留意場合或規則(如成班同學玩緊集體遊戲, 但佢仍沈迷於佢認為比較好玩既野)，對有規律既事物有特別興趣(如火車，數字等。我仔仔平時玩玩具都係3分鐘熱度，就只有對火車或打機情有獨種。記埋d唔同地鐵站既資料。成日問數字方面既問題，仲咬實唔放)，成日好多問題問.....以上都係呢個症既其中一D特徵，所以建議我帶佢搵專業人士睇睇。

資優︰又一個近年被濫用左既名詞。小兒上堂係白日夢大王，但考試成績非常不錯。3歲幾時已經幫麻麻做翻譯，同賓賓姐姐溝通(註:當時工人姐姐只來了個多兩個月，之前接觸英文既機會就只有睇"TWINS"既英文歌CD)。說話用詞有時老積。記性好(一年前於海洋公園聽過首歌，有一次比佢再聽到，佢竟然仲記得係邊度聽過)。其實，以上種種，作為呀媽既我就已經覺得佢好勁( WELL....個個呀媽都覺得自己個仔勁架啦，百厭都會勁過人添)，不過相比起做左資優 TEST 既小朋友黎講，簡直九牛一毛，不值一哂。而我都係聽人講下"嘩你個仔呢樣好叻，果樣好勁，會唔會係資優呀?"而閃過一絲唸頭.....但我對資優都幾驚。因為資優 = 倒蛋鬼之說，深深相信。仔仔學校有好多資優教育比家長同埋小朋友，有一次聽左一個講座教識別資優兒之後，當堂驚左，打死都唔再去聽其他有關講座。心血少......而我亦覺得個仔冇乜機會係。

寫咁多野，都係想大家互勉。做呀媽真係養兒一百歲，長憂九十九。細個驚佢唔大(大家有冇係佢BB仔訓覺時，放隻手指睇下佢有冇呼吸? 我有!!!)，大少少又驚佢蠢 / 呆 / 比人蝦，再大少少又唔知佢入到咩學校，又大D又驚佢學壞，再大個又驚佢要老婆唔要老母........唉........

我仔仔已經排左期睇政府，係一個私家睇傷風咳既醫生幫我寫轉介信。因為我一問佢過度活躍既特徵時，佢已經即時反問我係唔係覺得個仔有? 而佢亦都覺佢有! 因為冇乜幾何睇既醫生，每次去到就攪攪震周圍走。政府果度都見過一次姑娘，收集左D資料，見過佢，叫左老師填問卷。但見醫生就未知排到幾時。而同個姑娘言談間，佢話我如果可以負擔到，可以同仔仔安排係出面睇心理醫生做左TSET先，會對仔仔好D。因為有咩事起上黎，佢差唔多5歲先黎治療，就算遲。聽完攪到我魂飛魄散，即刻BOOK個醫生，等佢5歲零1日做TEST。3月尾就係佢5歲既日子.....大家祝我咩都唔係啦!

而大家覺得有懷疑，就唔好拖。去問下專業人士，唔好自己疑心生暗鬼。不過，問左又或者睇左，又唔好唔信人喎(如唔食藥等...)。你唔信佢一個，咪睇多一二三個囉。睇之前，問下BK呢度大把媽咪有經驗可以介紹。聽完介紹又自我分析下先去睇。祝大家小朋友聽聽話話，健健康康。

[ 本文章最後由 silvia_ng 於 08-3-1 00:43 編輯 ]

kitty0303

呀仔係3.5做過智力測驗。
係Hearing & Speech 有 140，
Eye-Hand Cooridination 有130
Practical & Reasoning 有128。
當時，呀仔有非常好既語言能力，講說話有要點，同非常愛問問題。解釋比佢聽，佢好易明白。老師話佢係叻仔，但係唔專心，淨係上Project 課就醒晒。
雖然幼稚園老師都建議讀非傳統小學，但由於學費關係，於是，幫佢選灣仔名小學，希望佢可以發揮佢既能力，好好彩得。但係，結果係上堂繼續唔專心，手冊抄唔完，英文卷做唔晒。上學期平均分80。
剛去政府體能智力測驗中心，已診斷為專注力失調/過度活躍既，智力有優異至特優。
睇私家精神科，話如果唔係有專注力失調，佢IQ或能力可能重好，建議食藥幫幫佢。
而家考慮專校。
希望以上可以比到d經驗大家啦。
其實都好頭痛。

sweetsue

我儿子也是这样，刚上小学，回家就说：不上这个无聊的学校了，问他老师说了什么，他什么也不记得，老师也说他上课自己发梦，小动作不停，根本不听老师讲。

不过我不认为他有什么问题，我感觉他思维非常活跃，所以总是忙个不停，有兴趣的东西可以很投入，没兴趣的东西绝对不愿意跟从。

其实我很理解他，学校教育是很无奈的，根本做不到因材施教，也难怪小孩不能专心。

所以我的想法是只要他在学校开心就好，如果老师对这类学生宽容些，不要打击他的自信心就OK了，在学校能学多少算多少，我绝对不拿每天的课业来为难他。大家都是读过书的人，学校学的东西有多大用呢？凡是人才多数是自学能力超强的人。

所以我觉得更重要的还是家庭教育，除了培养孩子多方面的知识和思维能力，更重要的是灌输正确的价值观和精神力量，我每天晚上睡觉前一个钟给他私塾式教育，学很多学校没有的，但我认为很经典很重要的东西，他接受得很好。所以我认为他在学习上一点问题都没有，有问题的是学校和老师。

所以做妈妈的千万不能仅仅把孩子交给学校和补习老师，不要放弃做孩子人生的第一个导师的责任。

小淵媽咪

小兒也有類似問題，已在政府評估過，結果是資優、過度活躍+焦慮。唉！7歲，二年班，時常全校頭十名，可是老師已label他是壞學生，時常被罰被罵。現在的班主任可包容他，可是其他老師也非常嚴格。小兒更說想被學校開除，轉校好像是逃避現實，但我們也肋疲力竭了！

各位家長，有無提議呢？

jojoplanet

原帖由 小淵媽咪 於 09-3-1 02:11 發表
小兒也有類似問題，已在政府評估過，結果是資優、過度活躍+焦慮。唉！7歲，二年班，時常全校頭十名，可是老師已label他是壞學生，時常被罰被罵。現在的班主任可包容他，可是其他老師也非常嚴格。小兒更說想被學校開除，轉校好像是逃避 ...

你個仔bb階段有咩行為或者特別呢?

小淵媽咪

原帖由 jojoplanet 於 09-3-4 13:46 發表


你個仔bb階段有咩行為或者特別呢?

bb階段未有咩行為特別呀！

小淵媽咪

原帖由 lks050526 於 09-3-4 14:42 發表
其實點可以係政府做評估...因小兒現在 3.5歲..佢同我講唔鐘意返學..因為d野識哂, 又唔同同佢一班的同學玩...所以我想同佢做評估...出面做好貴...政府係點可以申請



...

其實我先去小兒的相熟西醫，說出小兒情緒及行為問題，醫生便寫信給我去政府的評估中心。

jojoplanet

原帖由 小淵媽咪 於 09-3-10 00:28 發表


bb階段未有咩行為特別呀！

我見之前有d媽咪係度話個bb未夠2歲就識晒A-Z, 1歲幾講野好叻..3歲又識唐詩...我以為d資優都係 係bb階段己經表現到出黎添.

oscar0602

HI 各位,
我個仔已經係3yrs經私人心理學家評定為資優兒+輕微過度活躍証, 心理學家說佢的過度活躍係因為資優, 因為佢覺得在佢學習範圍內的人和事, 佢已經無興趣, 所以佢便會想一些搗蛋事, 因佢覺得無聊. 各位家長如果小朋友有以上情怳可考慮為佢報讀一些佢有濃厚興趣之課外活動, 一來可令佢使用多餘的精力, 二來日子久了可利用這點令小朋友對其他都有學習興趣.

waiman222

我也想分享下, 我阿囝的情況.
我阿囝剛剛2.5歲, 現在讀緊Nursery, 阿囝係一個好
活潑的小朋友, 時常都會走來走去(係課室)
老師話 阿囝星期一至星期三會乖d, 因為教新野, 所以佢會好留心, 但星期三之後就....佢又會行來行去, 老師要成日叫佢坐底, 但不足一分鐘 佢又會自自然然企身行來行去, 老師話 佢可能覺得悶. 而且老師話佢好多野講, 成日講野. (咁樣唔知算不算係投訴)
作為媽媽, 我真的唔知點做, 應該點樣去管教佢.
而且, 阿囝成日都話唔返學, 我問佢, 佢話要留係屋企
玩 玩具渦. 真係比佢激C.
我都唔知, 究竟有乜可以幫到佢. 唉....

mattsmum

仔仔, 仔仔, 仔仔

it is interesting to hear that most cases are talking about sons.

maybe boys that like that, we just can't use standard for girls to treat the boys.

boys run around, boys are careless, boys are naughty. let them be boys.

小淵媽咪

小兒就已經被標籤，現在才小二，我也擔心。曾想轉校，但好像很負面。最近看完港台"退學篇"，使我有點感觸。不過，我已決定會更加關注小兒，挺起胸膛，不退縮，及準備所有中英對照過動兒的資料，隨時與老師、主任、校長"合作"。

你還好，社工會轉介，小兒的社工甚麼也不做.....唉！難為她聲稱自己有兒子，不知她是否常視甚麼也不見.....

一起加油啦！我已煩痛了年多！

原帖由 heichunmum 於 09-3-19 11:57 發表
可唔可以有多d媽咪分享下,今日我仔仔學校的社工話都會轉介我個仔去評估,話佢有學習困難,但我個仔係中文差d,其他都唔係差,次次英文默書都有100/99分,但個社工話佢好衝動,唔守規,好多時自己核做的就要即刻做,佢好似自 ...

[ 本帖最後由 小淵媽咪 於 09-3-20 12:45 編輯 ]