想問關於九龍灣德福幼稚園的資料, 知道請過d料啦!

LeeLing

onon328，
下？我由一返學已經系201上堂架啦！無錯，系K1D班，系下午班喔！有問題嗎？
多謝你嘅祝福啊！

WaiWai媽媽，
吾該晒！我或者會去荔枝角睇下先，因之前見有人話果度有間開倉系專賣萬聖節造型衫，無再去花園街或深水埗。

onon328

LeeLing,

Oh...我攪錯咗tim.. K1D係下午班, 我成日以為K1D係上午班....因為之前田田媽咪話已經夠9:00只見到我哋個班得一半學生上堂, 我以為太小同學返學而同(格)離班合併一齊上堂??

fostermak

onon328:
因為囡囡平時好硬淨,好少喊,跌親撞頭都唔係點喊.
至於上兩個禮拜開始返學都冇乜喊,食完奶自動自覺搵襪著,又話:思晴返學咯/思晴冇喊,點知今個禮拜大逆轉,一到課室就攬實我唔落地,主任抱佢入去,佢就大喊大叫,尋日大喊大叫左四十五分鐘,
所以有d擔心,好在尋日同許老師傾電話,知道許老師都好細心,同有愛心,觀察都好細微,佢話囡囡只不過係發洩不滿,可能佢仲未適應返三個鐘,而且返學要守規矩,唔似屋企咁自由,返學兩個禮拜開始冇新鮮感,先至會咁,聽左許老師咁講,都好慶幸囡囡讀左呢班,俾許老師教...

田田媽咪:
咁多小朋友出水痘缺課?咁打左水痘針會唔會好d?

LeeLing:
我都祝你生日肥肥白白o既小寶寶,多個小朋友,屋企真係熱鬧好多...

LeeLing

fostermak，
多謝你嘅祝福啊！你個小朋友都系出世無耐者波，甘我哋小朋友第時咪又有機會做同學仔了？

Dear All，
但其實打水痘針有無用架呢？因我聽人講過好似話打著都系會出水痘架喔？

WaiWai媽媽

LeeLing

係呀,打左真係都會出水痘嫁,不過情況會比無打水痘個d禁嚴重,小朋友舒服d,媽媽又舒d 所以我個女大概1.5Year就打左啦

係呢你生仔仔or女女呀,希望你生個健健康康,精靈活潑BB

WaiWai媽媽

田田媽咪

你收唔收到d相呀?

LeeLing

WaiWai媽媽，
我未知生仔仔定女女啊！不過無所謂啦！仔女都一樣，想阿女有個伴者！

田田媽咪

fostermak:
我都未同仔仔打水痘針,但尋日家長日廖老師話話打左係好D,我都諗住同仔仔打,吾知幾多錢度,不過我仔仔睇開嗰間医生,我覺得真係貴左D,睇一次留鼻水收我$350,但又好快好, :cry:

田田媽咪

LeeLing,
你女女讀1D班?咩組架?係咪下午班小人D架!
WaiWai媽媽,
我收到張相!吾該哂! 我老公讃惠惠好可愛!

田田媽咪

onon328:
我尋日同仔仔去西貢燒野食,掛住係咁跑吾肯食野,成日靜係食左兩啖雞翼,係咁飲水,尋晚仔仔係街度賴左2次尿,對鞋同條褲濕哂,睡覺開始發覺佢係咁咳同流鼻水,成晚吾知点解好驚要我攬實佢,係咁喊 !
all 德福媽咪:
有好消息!我尋日家長日問廖老師,德福會吾會轉非牟利,佢話以經申請緊!   

維尼熊pooh

請問各位家長,
由於本人想了解多些該幼稚園的教學, 請問你D囝囝囡囡係學校會學D什麼? eg. 啟發性, 三文兩語, 數學等, 佢地讀得開心嗎? 你地係讀國際並係普通, 如果國際, 會唔會母語唔掂, 普通班,就英文,普通話唔掂, 唔好意思, 咁多問題, 希望你地能分享吓, thanks

onon328

fostermak,
我諗就算平時妳囡囡幾硬淨都好, 始終要自己面對咁多新事物, 都會有d不安, 妳講囡囡表現, 我囝囝以前讀n1都係咁, 不過我囝囝就冇喊四十五分鐘咁耐, 我走咗唔夠十分鍾就唔喊啦! 都係個句"慢慢比d時間囡囡習慣"

田田媽咪,
wor wor!!!   轉非牟利是真嗎???   如果真的話, 咁就真係good news!!!
妳不如試下比d保嬰丹俾軒軒食, 好似有d定經作用. 我有時都俾安安食, 佢食咗都好似訓得幾好...不防試吓..
Sceneway Plaza 有個叫劉小炘兒科醫生幾好又幾平.

維尼熊pooh,
welcome  我囝囝讀普通班, 問過老師一星期有兩堂英文&普通話. 至於妳問如果讀國際班怕唔怕連母語都未攪掂就讀英文&普通話, 我都有諗過, 所以咪讀普通班.

fostermak

onon328 :
好似你咁話,等囡囡慢慢習慣下.
星期六見許老師,話囡囡所謂喊,都係冇眼淚,有可能係因為仲未習慣返三個鐘,另外,同

ILoveYou520

各位家長
我想報K1國際班,想請教大家！   
1.你們對這校評價如何?程度深or淺?老師質數如何?
2.小兒在家只是說廣東話,能應付國際班的英語和普通話?你們的小朋友能流利對答嗎?

多謝各位！

ILoveYou520

各位
今日我拎左報名表報 Ik1啦！考慮緊讀半日or全日好！
請問全日班下晝會做d咩！學校有課外活動嗎?
平時老師會否主動打電給家長？
      

LeeLing

田田媽咪，
系啊！我囡囡讀1D班啊！菠蘿組了。我吾知你哋一班有幾多人，我囡囡果班得8個人者，我舅母都問我系咪順序排落去，我哋系至尾果班，所以收生不足先甘少人？我無問廖老師，我覺得無所謂，反正人多，老師都未必可以睇得晒。

fostermak

小力&mama :
我知有兩位主任,但唔知邊個係吳主任,邊個係蘇主任.
你係咪講左我所見o既俾吳主任知同埋叫校方上BK睇?
如果係,我諗緊係咪仲出投訴信定直情同吳主任聯絡...

其實投訴信我已經打左大半,不過仲未寄出,亦未聯絡校方,係因為
1.我冇睇晒成個過程,只見到一部分,唔知前因後果
2.我唔想亂咁投訴果位老師,因為怕影響個老師冇左份工,我都想俾呢個老師一個機會
3.囡囡o岩o岩返學,我唔知投訴左,校方會以乜野態度對待整件事,會唔會認真處理,定係包庇果位老師...

我見bk唔少媽咪基於不同原因曾經向子女所讀學校投訴或俾意見,結果佢地個子女o既最無辜,不受校方歡迎,搞到要中途轉校,我唔想影響到囡囡,而且我仲諗緊係咪俾囡囡繼續響度讀k1

onon328

fostermak,
正如妳話, 思晴係想引人注意..同埋有D俾人影響, 見人喊自己又想喊..
唉.....其實做幼稚園教師真係需要有很大耐性&愛心, 希望做老師真係用個心去做呢份工作, 不單係學術上有成績更希望教出一些品行都優良小朋友咁就好啦!   不過妳話怕向學校投訴或俾意見後唔知會唔會影響囡囡, 我諗唔會, 因為妳係講事實, 我會支持妳做法!

小力&mama,
唔好咁擔心住, 睇吓主任稍後有咩安排. 我都明白妳的擔憂.

ILoveYou520,
學校係有課外活動, 如英文, 普通話班.. 我囝囝個班老師會成日主動打電給家長, 等家長了解多D小朋友係學校情況, 我個人十分喜歡這種做法.

fostermak

小力&mama  & onon328:
多謝你的支持!
我諗左一日,決定打好成封投訴信,今日已以電郵形式發出,明早會把hard copy親自交到校務處,要求校長書面回覆,希望校方會秉公處理及釋除大家疑慮.因為我都本身都有擔心...