比華利幼兒園.

littleeva

hktt

TKS 啦
我要COOK 2隻. 因為有姪女,  我叫工人COOK 得啦.

另外學校來電問留位收條. 我未交. 您交左未呀.
何主任話已 X止. 要我星期一交回.

IRON

hi littleeva & hktt,

請兩位回覆, tks.

1) 明日約幾點到我家?? 人數?? 到前5分鐘請來電我家主人會親到樓下接待;

2) 請記~~~~~~得帶相!!!

3) 上次3人會議我俾幾錢?? 俾邊個?? (我家主人話我食野唔俾錢好離譜呀~~~)

hktt

HI IRON,

睇完你呢段野覺得好好好笑，搞到我同事話我傻!

我就交比 LITTLEEVA，佢幾點我就幾點啦。人數你預我2大1小。

相.....可唔可以 TEL 我提我呢?

上次係 LITTLEEVA 比錢，佢死都唔收我錢呀!所以我無比到。

littleeva

iron

I  will call  you around 5:15


see u

^O^

hktt

hi iron & littleeva,

iron, 你屋企好大呀，成日話屋企細，等我信以為真tim。好多謝你和你老公，你地安排得好周到，食物又豐富 (我好為食的)。

littleeva,

囡囡返度屋企問我，子軒呢?子軒呢?子軒呢?我為有話很夜了，等太陽伯伯出來先同子軒玩啦!

總之識到你地真係好開心。

littleeva

hktt & iron

iron 好多謝您的熱誠招待. 要您在樓下"食風" 等我們真係唔好意思.  

我和老公期待下次的約會.  有您老公陪我老公飲啤酒, 真係好啦.

傲楊好叻仔.肯和小朋友分享.  我仔就唔得啦. 人家來到.佢只識和小朋友爭玩具.  唔似您仔仔咁大方.
我要多d教仔仔與他人分享. 他仍然很自我.

hktt

其實我地都想上 您家玩. 不過怕太夜. 阻住您.
您地走左.仔仔都有問 您囡囡. 我話又係您話唔上去啦.....
希望再有機會來您家玩. 仔仔好like 您地個玩具 kitchen

我剛在康泰買了airticket 來回菲律賓. 坐菲航.  $1200
11/3 去 15/3 返. 晚機去晚機返.

我地昨天和工人discuss. 問她想唔想返 菲. (因我地去japan) 她話得4天唔去 no money.  我地話唔扣您大假. & 將來的機票. 今次是額外的. 不過一人一半.  即是她比$600

她好開心話去.  我見她咁開心. 自己都好開心. 我只是花 $600 + hk airport tax  就可以另到她這樣開心.
而且我還給她分期 每一個月扣人工 $100. 扣6個月.
她話她的朋友都話我地係一個好僱主.

希望她會對我仔仔好d啦.  其實隻身來到異地工作, 真係好慘. 佢都好掛住她仔仔(大子軒 16個月)& 老公.

總之我就好開心啦. 幫到她, 而不用花費太多.

IRON

hi hktt & littleeva,

好多謝妳地到訪, 主人話樓下水準麻麻, 希望妳地唔好介意, "窮鄉僻壤"係咁上下, 呵呵呵.

比起hktt間屋, 我地一半都無唔係好細咩, 如果我有妳咁大間, 一定會買屋仔同滑梯俾仔仔, 佢次次係玩具反斗城都玩到唔捨得走.

littleeva妳對工人真係好, 我都係度愁緊如果新工人5月到, 我地6月又去成個月都唔知放佢係邊好, 又唔放心佢一個人係屋企, 但又無理由咁快俾d"福利"佢, 都唔知佢做成點.

仔仔真係怕羞仔都唔識同朋友仔玩, 而妳地仔仔女女就玩到咁癲; 主人講左幾次話子軒識唱歌真係好叻仔, 好彩傲楊無去考培正民生, 唔係真係瘀到九彩......主人好耐無人陪飲酒啦佢果晚好開心, 我見佢咁開心我都好開心. ^_*

月尾澳門之旅要改期因主人個假唔批, 而每月一次放5日又話要返去拜山, 如果哥哥架車得閒就會帶埋仔仔去, 因佢架車有中港牌, 我好驚要同人迫過關, 無車就無謂去啦.

祝妳地日本之旅玩得開心, 影多d櫻花相俾我恨下......返黎再約聚會啦. ^_^

hktt

hi littleeva,

你對工人真係好啦。

希望下次有機會來我家囝囝囡囡可以一齊玩啦!

hktt

hi iron,

你又黎啦!我只係租咋!!!

我亦都好想...好想買，囡囡每次去玩具反斗城都玩到唔捨得走，但好無內。同埋我又就快搬，而且會搬上樓，我諗會搬d比e+細一半的屋企住 (便d)!!!!

Tina

各位,

有個唐突請求. 我個女今年6月時便2歲, 會在8月時入讀比華利幼兒園, 唔知有無人可以送出女仔校服俾我地呢?

我住將軍澳新都城. 如果能送出的話, 可以在將軍澳沿線各地鐵站交收.

Tina

我的想法是, 如果有小朋友在讀一年N1後準備轉到其他幼稚園讀K1, 那樣就會有校服可以給我了. 各位可以幫我留意一下嗎?

littleeva

Tina

係呢 您囡囡 會 8 月入讀 N1 ? 希望她返學開開心心.

至於校服,我諗而家D媽咪好難答您. 轉唔轉校E個問題都煩死人嫁. 相信明年這個時候您會明白. 未到最後一分鐘 (開學) 都唔知轉唔轉校. (女人是善變的. 我也還在 15. 16 階段.話嫁又唔嫁, 唔嫁又嫁...)

校服我諗真係要等到開學後, 先至知道會否有人送出 /不要,
其實可能媽咪都想留番做記念. 話晒都係第一間學校.
OR 暫時唔會比人. 事關真係有D CASE 是轉了校. 小朋友唔適應/發覺都係原先的好. 再返回原校讀, 都有人是這樣.

不如您POST 去 二手市場 睇下有冇人幫到您.

希望遲D也見到您留言談談囡囡的學校生活. 大家一齊交流下.
^O^

IRON

hi hktt,

嘻, 我又咪係租既........

家下個廳都無晒位, 遲下都唔知仔仔架電腦擺去邊.....我諗返學就要用啦卦??!!

hi littleeva,

咁夜仲未訓既??

hi tina,

學littleeva話齋, 第一間學校既野梗要留黎記念啦, 妨且我個係仔仔, 不過我買多左件冷衫, 如果妳想要既就pm我啦. ^_&

hktt

hi tina,

本來可以送給你，但囡囡太頑皮，而工人又洗到有d染左色，毛衫都起哂一粒粒，所以著埋呢季都要掉了。

IRON

sorry la.....岩岩有媽咪pm我要左件冷衫啦; 白色返學皮鞋25號有一對, 學校買既, 因仔仔腳厚只著過2次, 之後要去DR. KONG買先岩, 如有人想要可pm我.

littleeva

HKTT

我諗住中午打電話比miss lau  請假 2天.

昨天miss lau 打電話比我. 話忘記還書.  

我順便和她談談.  她話仔仔開始熟識同學仔, 上堂時都會主動liu 同學仔傾計 (激死) 好彩當老師叫他 stop 他都能安靜. 真怕他大了. 會不受控制/

miss lau 話仔仔學習上 ok. 我問miss lau 仔仔有冇在學校發脾氣. (在家有) 她話冇 .  我話而家仔仔開始識發脾氣. 一唔鐘意就拍抬. miss lau 話會同他傾下計.

  

hktt

littleeva,

你打左比 Miss Lau 未呀?佢點講呀?

IRON

hi littleeva & hktt,

今朝同仔仔去九龍公園玩, 岩岩有批學生仔係度跑黎跑去, 我以為仔仔實要走, 因以前佢見多人就即走, 今日竟然敢行上去玩滑梯; 有個外籍(黑色人種)小朋友係佢旁邊爬高爬低, 後黎有個小朋友(混血兒6歲)同仔仔講野, 又話俾仔仔聽佢叫"米高", 我叫仔仔講自己叫hugo, 仔仔講完後指住頭先個黑人小朋友話佢叫monkey, 嚇得我快d同仔仔行開, 好彩人地個媽咪唔係度聽唔到, 哎......

下星期去海洋公園希望好似今日咁好天.

hktt

littleeva,

你話要唔要請埋 16/3 呢?因我地夜機返，到屋企可能要成十一、二點。

不過好在你老公揸車，如果唔係重內返到屋企呀!

BabyHazel

各位媽媽,
我囡囡依家19mons,想同佢報05年入學,請問你地可否
以過來人身份話我知/介紹下你地學校全日時間表、程度
深淺、老師質素、多唔多雜費交...選此學校利幣!
因我又想揀德寶 & 英皇!

請多多指教,實在太多問題了!
[size=medium]Thanks all mama