比華利幼兒園.

IRON

hi littleeva & hktt,

6號妳地黎我度, 老公話妳地無意見就佢發辦啦, 佢會買條班, 蝦同海鮮等, 佢話經過尋日佢知道個仔無樣野岩食係幾慘, 嘿, 佢要買d岩妳地仔仔女女食既野喎(魚實岩啦). ^_&

littleeva

iron

不用咁客氣. 我兩公婆什麼也食. 至於仔仔. 都會帶飯給他. 因為工人當天都會COOK 比佢.

IRON

hi littleeva,

唔駛帶啦, 有魚有菜仲唔岩?? 等佢食下第二d唔駛成日食工人果d嘛, 妳又話妳工人cooking又唔得......呵呵呵, 老公仲話樓下d飯硬, 到時會叫工人煮俾子軒同紫晴羅落去食, 又話買d鮑魚仔or帶子清蒸都岩小朋友.......真係細心, 仲好過對我, 呵呵呵. ^_*

hktt

hi littleeva,

你真係要諗清楚轉全日是否一個解決的方法!好似我老公有時話 "呢個世界無話無左邊個唔得的"!

hi iron,

傲楊真係得喎，比多d時間比佢試多d啦，下星期比相我地睇，囡囡見倒一定都話要去姐。

琴晚問囡囡傲楊是否無返學啦，我地下星期六去佢屋企好唔好，佢聽後不知幾開心呀。

hktt

hi iron,

你咁客氣做乜，咁煮法好貴喎?

我乜都食嫁，囡囡更加唔洗點理，叫碟炒飯/面已ok啦。

littleeva

HI hktt & iron

您地都講得對的.  我會星期六問下返全日的媽咪先. 再諗下先. (我地班有 5 個)


有一件開心事. 我仔仔而家自己去小便啦. 佢自己去toilet. 咁工人幫佢除褲, 佢話唔使. 我大個啦.自己識. 佢又真係剛剛夠高去toliet. 去完還識 "tum 際" 沖, 不過洗手還未得. 因太高了.

唔知是否同何主任, miss lau 傾完. 佢地有幫我話仔仔.
而家佢自己玩玩下. 話要vv 就自己去左toilet........

我真的好開心.  我真的唔多識教仔仔. 特別是自理方便.
好多時我都心軟, 會覺得煩, 貪快........ 就唔堅持.

仔仔真的大了很多. 還有3個月就 3 yrs 啦. 我都報左名參加生日會.

littleeva

hi iron

您真係好客啦. 睇都我都流口水.......

希望唔會增添您的痳煩.

cook 什麼也好. 總之我地是什麼也食.
至於仔仔,因為是星期六.其實下午佢都要食. 所以工人姐姐會cook 一天 的份量. 唔緊要啦. 我仔大食. 食完自己果d. 再食過.

我想帶埋工人, 可以嗎 ? 因為有工人, 自己可以和您們talk talk talk

^o^

IRON

hi hktt & littleeva,

真係唔客氣, 難得仔仔有朋友仔得閒一齊玩, 妳地要帶埋工人, 因佢地食飽可帶仔仔女女去遊樂場玩(好近), 不過佢地要著長襪因驚有小昆蟲咬, 我有支香矛噴霧會幫佢地噴左先, 傲楊平時落去玩前都會噴定先.

老公諗親d野都係為左小朋友先喳, 呵呵呵, 佢好鍾意細路, 我成日話佢就算唔係好老公都會係好爹地, 有時我叫佢做咩佢都會話一陣先啦, 但仔仔叫佢就會即時做, 真係仔大過天, 嘿.  

子軒真係叻識自己去all all, 傲楊都會自己除褲all, 但著褲就真係求其, 都要我地再幫手整.

hktt

hi iron,

唔記得話你知，唔洗預我老公呀，因佢要返工 (你都係一早咁諗呢?)。

IRON

hi littleeva & hktt,

今日工人病左, 老公又要返工, 我自己同仔仔搭地鐵搵婆婆去太古城飲茶, 仔仔差不多全程都自己行唔駛抱, 真係大個仔左好多, 我都無咁辛苦只係咩住個背囊, 見佢唔駛抱又覺得有d失落(好似個仔大左唔要我), 唉, 做阿媽真矛盾!

妳地今日旅行如何?? 6號記得帶晒以前d相俾我睇呀!!

IRON

頭先睇完第二個topic講婚前婚後, 唔知點解我理解唔到人地既心情, 一直以黎我感受係做得夫妻就要體諒, 做得父母就要付出, 家下又無人迫個個都係自由選擇, 如果想婚後如婚前又何必行出第一步......今晚老公返工好似有些少時間講下廢話tim, 嘻嘻.

睇返情人節老公俾我封信, 當時好有驚喜, 因為同我寫俾佢果封大意上都相同, 大家都係話因為有左仔仔, 大家都好倦好辛苦少左著意對方, 希望呢幾年努力"捱"大仔仔後大家又可再享二人世界既樂趣......另一驚喜係錯字不足十個, 有進步, 哈哈哈.

講返仔仔呢期好鍾意講反話, 佢想食糖(一日限額2粒肝油丸2粒普通小糖)我話NO佢就扮喊, 我話鍚返佢就話"唔鍚, 喊", 到我話好啦, 喊啦, 佢又話鍚, 如是者四五個來回, 都唔知佢咩心態; 到訓教要拖我手訓, 好耐之前我話過一次唔拖佢拖表妹, 而家我話拖佢就專登講"唔拖, 拖表妹", 到我話好啦, 唔拖啦, 佢又話拖拖拖, 嘿嘿嘿.

littleeva

IRON & HKTT

我仔仔病了. 而家訓了覺. 可以上來chat chat

小朋友病爸爸媽媽真係好擔心.  希望快快好返.

是星期5晚冇胃口. 嘔了.  星期6有去旅行.  都係食自己的"面"包晚上有燒. 去看醫生. 醫生話可能食錯野. 這兩天會有all 嘔 微燒. 晚上食了藥. 今天好了很多. 沒有嘔,也沒有 all, 7時就起身玩玩具. (help 我 好唔夠訓)  

明天都係唔返學. 因為他病了.成日要抱,比較dad d.
都係在家等佢訓下.休息下.


至於旅行 都ok啦. 可能仔仔不舒服. 成日要抱抱. 我地比較辛苦d. 不過大至安排得幾好. 仔仔有玩沙樽.和 整面包.
回程時都訓了. 可能飲水太多. 上車不久嘔了一次.  
晚上睇醫生時. 醫生話他腸胃不舒服. 是唔應該一次飲太多水. 我唔知道. 而他又話要飲. (可能玩得熱想飲水) 咁佢未飲左 成個水壺d水, 還再加多半壺, 終於一上車就嘔.....

好彩晚上睇完醫生至今都沒有什麼,冇嘔也冇all, 只是有d 微燒. 100度.  


您地之前話他小病. 我都唔想插嘴. 因為次次d朋友/同事.話我仔小病痛. 之後就會病.

其實我諗咁細個小朋友係容易病.唔病又點會有抗體. 只是他們病了.做父母會好辛苦.(身心)  唔知點解. 仔仔次次病.我都會沒有什麼心機. 老公話"咁您點生多個" . 唉..........小孩子有病痛.真係會好擔心. 可能我唔夠堅強. 面對時比較 憂心d.
男人此終都係堅強d.  

IRON

hi littleeva,

哎呀, 真係唔好意思, 唔知妳有呢個避忌, 以後我唔會再講子軒既健康, sorry la...... 希望子軒早日康復.

littleeva

hi iron

唔使sorry 啦. 謝謝您關心.

而家子軒冇事. 一早又要我陪他玩 玩具.  不過今日唔返學. 希望在家休息下.

都冇話避唔避忌 小病是福. 小孩子成長個程係咁嫁啦. (我係咁安慰自己) 昨天仔仔訓了. 有時間睇了陳敏儀的見証 (她3yrs old 兒子患癌 的經過.) 我滿面流淚. 真的感覺自己很幸福. 如今別無他求. 願一切有癌病的小朋友都能戰勝.

IRON

hi littleeva & hktt,

hktt 唔見左??

子軒好返未呀??今日有無返學??

尋日去電旅行社問價, 佢話妳地個回程機位仲未ok, 而家搞成點呀?? 我地預今月24號去澳門住兩晚, 妳地有無興趣??(不過閒日黎架妳地多數都唔得) 下星期先有價出, 直昇機去+文華東方一晚+船返約1400一個人, 小朋友約減500.

天氣又熱又凍, 尋晚仔仔要開冷氣訓, 今朝起身又凍返, 真係好易會病, 大家都要小心身體, 保重保重!!

littleeva

HI IRON

我地搵了另一間出票了. 　剛和ｈｋｔｔ　做完ｖｉｓａ．

子軒好返了．今早８時起身話要返學．　我冇比佢番．　明天才番．佢一好番就不停講野．都幾煩．　但是都好過病成隻樹熊咁．今次係佢第一次腸胃病．都幾辛苦．　睇住佢肚痛但是無野幫到佢．　始終都係靠他自己打仗．
好彩好得快．ａｌｌ　了幾次．　ｄ　ｄｉｒｔｙ　野　出晒而家無痛了．　昨晚也開始食飯＆飲奶．　都一切正常．


ｍａｃａｕ　唔去啦．　我地剛去完．　下次有機會先啦．真羨慕您們，時常可以一家出去玩．
跟住坐下吊車．　我諗傲楊都會鐘意坐吊車．

玩得開心ｄ．．．　
　
　　

IRON

hi littleeva,

下, 呢間出唔到咩??(靠唔靠得住??)我仲諗住5月工人張飛搵佢出tim.......

妳地都有得成日出去玩啦, 岩岩先去完澳門又去日本咯, 呵呵呵. 係喎話時話澳門吊車去邊度坐??幾$$$?? 另外個塔係咪真係好高?? 望落去驚唔驚架??我驚傲楊會驚.

子軒無事就好啦, 星期六可以一齊玩.

littleeva

IRON

係我冇再re-confirm. 張票保留一星期. 要confirm 才可以hold 位. 我又留左睇. 個agent 又留左call 我. 佢話唔知我要唔要,見我冇再打電話比佢.  她唔好意思再call 我. 我又以為在電腦上見到有我地d 名就ok. 原來唔再re-confirm 個名會自動out 左. 等其他旅行社再book過．　


個ａｇｅｎｔ　好努力幫我找票．　佢話ｐｃ　已經唔接受ｗａｉｔｉｎｇ　好ｆｕｌｌ，　好彩　ｈｋｔｔ　個
ａｇｅｎｔ　ｈｏｌｄ　了　ｄ　位．

　

hktt

hi iron & littleeva,

唔好意思呢排較忙，所以暫時會小左上bk，如有特別事情，請call我啦。

IRON

hi hktt & littleeva,

hktt, 又話同我地去海洋公園, 自己又一家親去左啦, 嘿嘿嘿......(講笑)

littleeva, 我可能明日去買飛, 妳要唔要呀?? 要就call我.